|
رد : خساره يازوجي ,, بيطلقني عشان ماضي؟
اهلللين خواتي واهليين كلي دلع الله يوفقك بامتحاناتك ان شاء الله ،، لا ما ارسلت له شي بعد الشعر ولارديت عليه هو بس صار يدخل الواتس كل شوي وبكل وقت بس مايطول فيه يعني خمس دقايق ويطلع ويرجع يدخل بعد نص ساعه خمس دقايق ويطلع وكذا وانا ما اكلمه بالواتس ولا برسايل ولا اتصلت فيه وهو بعد ماصار يكلمني من بعد الشعر طبعا الشعر اللي ارسله لي مو كتابه لا مقطع صوت واحد يقول قول امين وانا بدعي الله ان يصونك وان ماتنزل دمعه من عيونك والله يكتب ويحقق امنياتك وان الله يغفر ذنبك ويجمل صفاتك ويحفظك من كل حاسد ويصونك،، مقطع صوتي ،، بس مدري هو وحده من الثنتين يا انه يبي يطلق ومرسلها وداعيه وينتظر ابوي يتصل فيه ويقول هات الورقه مع اوراق ولدي الصغير لانه يسوي جوازه ولدي او انه مثل ماقلتو من خباثته يبي يذلني ويشوفني اترجاه واقوله ليه سويت فينس كذا ليه حطيت كذا قال خليني ارسل لها وهي بترد علي ع طول مثل اول لكنه انصدم اني مارديت عليه لانه خلاص ماعاد احمل له بقلبي مثل اول ،، وابشركم صرت افكر بين امرين يا اكمل دراستي ع حساب ابوي يا اتوظف يعني صار تفكيري مو هو وافكر ادخل ولدي حضانه بفترة دوامي الصبح والصغر اخليه مع شغالته تحت عين امي تراقبه وافكر اروح للعمره وابدى صفحه جديده بس منتظره ابوي واخوي يرجعون من السفر ادعو يرجعون بالسلامه سافرو امس للاردن وامممم بعد مفكره باشياء كثيره بغير ستايلي وبحضر زواجات يعني مخططه الطلاق مايكسرني ابد،، واتفقت مع ابوي لاجا بيرجعني ابوي يقوله مو انا مابك ترجعها بنتي طابت نفسها منك وقالت لي انا كانت ترسلك لانها بعز الصدمه لكنها وعت وهي ماغلطت بشي عشان تسوي فيها كذا والنفس طابت منك ،، انا مخططه ما ارجع له ابد لو حتى هو يبيني لاني اتوقع مرجعني مو عشاني او عشان الحب اللي بينا لا عشان امه وسمعتها بين الناس وخصوصا انتشرت سوالف قالو فلانه طلقت بنت اخوها وثاني شي عشان عياله مو عشاني وانا ماعندي استعداد ابني تعاستي علشان عيالي عيالي بكره يكبرون ويروحون مع زوجاتهم ما اقول ينسوني لا بينشغلون علي وهذا زوجي بكره اي شي يصير بيني وبينه اي خلاص بيحذفني مثل ماحذفني المره الاولى وخصوصا ماعنده ثقه فيني بكره لاطلعت معه مشوار والتفت بدون قصد وجت عيني بعين احد بيتهمن اني اغازله او اني طالعته وغير كذا يمكن يجي بيوم من الالم عشان يحرني وينتقم مني وخصوصا ابوي اهانهم وطردهم من البيت وشتتهم عشاني بيرجعني وبينتقم مني سنتين ثلاث ويصير عنده فلوس او حتى مو لازم يصير عنده فلوس يتسلق يتزوج علي ويخليني انقهر وانا بعز شبابي وغر معاملته معي اهمال باهمال وتخيلو بكون بغربه اهلي بالرياض وهو بالشرقيه وغير كذا بعد تعامل عمتي اخت ابوي معي يوم جدتي تنومت ابوي ماسلم عليها وجا من بكره لقا كل عماتي ماسلم عليهم ولا سلمو عليه كيف اجل انا لارجعت ماراح يسلمون ولاراح يعبروني بكون منبوذه وغربه وقرف لاهو ولا اهله فيهم خير لي لان النفوس خلاص ماهي مثل اول ،، ومرات يحي ببالي انه بيصير لغيري واتضايق بعدها ارجع اقول بيني وبين نفسي حتى انا بكون لغيره ما على الله عسير اللي جابه لي ماعليه عسير بيجيبلي اللي احسن منه ولاعلي من كلام جدتي يوم تقولي لاتطلقتي من بياخذك وانتي ام لطفلين اقول جدتي ماتعلم الغيب الله يعوضني خيير ،، الحمدالله الحمدالله راضيه باللي كتبه الله لي راضيه ومقتنعه اللهم لا اعتراض يكفي الله اذا حب عبد ابتلاه هذا ان دل دل الله يبيني يوم الاخره عندي حسنات غيري يتمناها ويتمنى انه ابتلى عشان يزيده الله حسنات ورب الخير مايجي منه الا كل خير يمكن الله اخذ زوجي مني لانه خاف بيوم انه بيكون سبب لتعاستي وماحب اني اكون تعيسه معه مشفلي نواياهم واخذه عني لانه بيعوضني والحمدالله انه رزقني طفلين غيري يتمنون اطفال وخلاهم لي واذا كبرو يصيرون لي سند الحمدالله ع كل حال ،، والف شكر لكل من دعتلي ودعالي والف شكر لكل من اهتم فيني وبنفسيتي والف شكر لكل من خافت وخاف علي ونصحتوني من قلب اقولكم انا الحين وابشركم نفسيتي ولله الحمدالله احسن من اول بكثير صحيح اضيق شوي بس احسن من الله بكثير وهذا بفضل تقربي من الله ثم بفضل نصايحكم الحمدالله حمدا كثير طيبا مبارك فيه والله العظيم رب الخير مايجي منه الا كل خير،، وانا اقتنعت الله ياخذ شي تحبه وماكنت تتوقعه ضياعه من يدك ويعوضك بشي انت ماكنت تحلم فيه،، لكم خالص شكري وامتناني والله يكتب اللي فيه الخير
|
رد : خساره يازوجي ,, بيطلقني عشان ماضي؟
فايض ابغى أطلبك طلب ابغى اي تطور بحياتك تكتبينه ماتتخيلين كيف شغلتي بالي والله اني ادعيلك دايماً وبشرينا ولاتنسين تكتبين ردة فعله اذا رفضتي ترجعين له
|
رد : خساره يازوجي ,, بيطلقني عشان ماضي؟
انا طلبت منك تكتبين لنا التطورات لأني متأكده ان الله راح ينصرك عليهم عشان كذا ابي اقرأ ندمهم على اللي سوه فيك ولوبعدحين
|
رد : خساره يازوجي ,, بيطلقني عشان ماضي؟
الحمدلله على كل حال اهتمي بصحتك وبأولادك وعوضيهم كوني لهم الأب والأم لاتتركيهم كثيرا مع الشغالات.انت الام والأم مدرسة.وجهيهم التوجيه الصحيح واستفيدي من تجربتك في تربيتهم ولاتكرهيهم بأبيهم ليس لأجله بل لأجلهم وعوضي أباك وأمك اللذان تعبا معك.واستمري بالدعاء ولاتلتفتي الى مايفعله زوجك ولا الى القيل والقال.وتفائلي بالغد وتوكلي على الله.
|
رد : خساره يازوجي ,, بيطلقني عشان ماضي؟
الحمدالله طمنتيني عليج الحين اقدر اقول البنت عقلت وبدت تمسك طريق التفكير الصحيح فايض حبيتي حلو انك قاعده تهيئين نفسك للطلاق عشان لاسمح الله لو صار ماتنصدمين وتكون ردة فعلك طبيعيه بس اذا ماطلق لا تطلبون الطلاق انتو خلوه ماتدرين يمكن هو بها الفتره قاعد يراجع نفسه اذا جاء زوجك لكم ندمان وشترطتو عليه وحفظ حقج جدام الناس لامانع انج تردين عشان عيالج
يعني الي ابي اوصله لج جهزي نفسج لكل الاحتمالات للطلاق وللرجعه ولانج تضلين معلقه فتره من الزمن لاتحطين في بالج نتيجه وحده الي هي الطلاق وبس جهزي نفسج وازني بين الامور ترى جدتج يوم تنصح وتقول محد ياخذج اهي تتكلم من خوفها عليج وترى هي صادقه بجزء كبير انا مطلقه ولا ودي انج تجربين الطلاق انا ماعندي عيال والي يجون يا معددين ولا يبون بالسر اومسيار واوضاعهم للاسف مره دمار بس صديقتي تطلقت وتزوجت بسرعه من واحد مطلق فهي ارزاق مقسمه الواحد مايدري وين رزقه واغلبهم يتشرطون يبون الموظفه عشان تساعدهم بالمصاريف فا اذا جاء زوجك وتندم لا تنعادين وتصرين ع الطلاق انا لازم انصج بالذمه وضمير انتي لازم تلاقين حل تادبين به زوجج اذا ركزي وش اقول اذا رجع ندمان وقال ابي ارجع زوجتي وعيالي اما اذا مارجع من نفسه خلاص الخيره فيما اختاره الله وربي يوفقج وتكملين الدراسه وتشتغلين وترفعين راس ابوج انا صراحه انا الي طلبت الطلاق والحمد بصراحه عايشه مبسوطه مكمله دراستي انا الحين سنه ثاني جامعه والحكومه مو مقصره معنا والحمد الله على كل حال بس اذا رجع لج ندمان لا تردونه بس تشرطو عليه شروط قويه تحفظ لج كرامتج مثل شقه لحالج وكذا وترضاوه واذا زي ماتقولين اهو مديون اتوقع انه ماراح يغامر ويطلقج ويروح يتدين من جد وجديد عشان يتزوج مره ثانيه وكذا بس انتي تفكيرج كذا عجبني عيشي حياتج وصبغي وميشي واذا طلعتي من الاربعين فليها ولا تبيني لحد ضعفج واي تطورات تصير لج سدحيها هوني طيب وبالتوفيق اتمنى ادخلموضوعج بعد الاختبارات والقي تطورات حلوووووووووووووووه وربي يوفقج الغاليه مع السلامه |
رد : خساره يازوجي ,, بيطلقني عشان ماضي؟
ياحبيبتي ادعي ربي يدبرك بتدبيره وقولي الله يكتبلك اللي فيه الخير لاتدعي بطلاق او بعودة
ادعي انه ربي يكتبلك الافضل لك ولاولادك ويعوضك خير |
رد : خساره يازوجي ,, بيطلقني عشان ماضي؟
ماشاء الله عليك الله يثبتك
ويقويك ويصلح مابينكم |
رد : خساره يازوجي ,, بيطلقني عشان ماضي؟
انا من رائي انك تتوضفين قبل واضمني الوضيفه لا ن
الواسطة ماتتوفر باي وقت وتقدرين بعدين تكملين دراستك لوانتساب لان زي مانتي شايفه اللي معاهم جامعات ماحصلو شي اهم شي اضمني لك حياة كريمه لان الواحدمايدري وش مكتوب له بها الزمن وانا متأكده اذا زوجك عرف انك توضفتي راح ينقهر اكثر من لما يعرف انك كملتي دراستك لانه راح يعرف انك اسقليتي عنه مادياً وعاطفياً وهذا اكثر شي يقهر الرجل |
رد : خساره يازوجي ,, بيطلقني عشان ماضي؟
خواتي اليوم امس كلمني عمي وقالي انتي كذابه زوجك ما اتهمك تكلمين انتي متهمته انه يكلم بنات وهو مايكلم وان زوجك حرم وطلق ان ماله علاقاته وان يحلف ع القران وقال الغلط منك انتي اللي فرقتي العايله مو زوجك وزوجك يقول اتمنى اطيح عندها ما اطيح عند غيرها لو اني اكلم قمت بدافع عن نفسي قلت لعمي والله ماكذبت هو اتهمني هو وخواته ماتبليت ع نفسي هو قال روحي اسالي امك وعماتك وان لي ماضي قال عمي خلي ينفعك ابوك تطلقي لاقي اللي تلاقينه وقالي وانتي بعقلك تتوقعين عماتك متكلمات فيك عماتك مايتكلمون فيك قلت انا هم معترفات بلسانهم انهم قال اني اعرف شباب قام عمي سكر بوجهي وجلست ابكي بقوه ودخلت تويتر صورة محادثة زوجي مع وحده يتمصلح معها ويضحك بالعام صورة الشاشه شاشة جوالي وارسلتها له لزوجي بالواتس اب وكتبت له خل هذولي ينفعونك اللي طلعت فيني الف عيب وعيب عشانهم وكذبتني قدام الكل وانت اللي كنت تسوي دنيتي وحياتي لكن الحين النفس طابت وانا عارفه من اول انك تكلم وساكته عنك وطلعت من الواتس اب ونمت يعني ماعطيته مجال ابد هو شاف كلامي بنفس اللحظه اللي ارسلت فيها ونمت ساعتين واول مافتحت جوالي وصرت بالواتس اب اون لاين دخل علي وكتب لي هاذي اللي اكلمها وحده قليلة ادب وماتسحتي وماتحتاج احد يطبطب على راسها لانها واطيه هاذي تحتاج حفره وخلي الرجال ينفعونها لكن ما اقول الا الله يستر عوراتنا ويامن روعاتنا وانا ماني ملزوم اوضح لك بس ماني ونفسك طابت او ماطابت بكيفها ومحد نافعني غير عيالي مع الف الف الف سلامه رديت عليه وقلت كل اللي بخاطري انه مايهمني وجودك ورضاك عمي دان ربي راضي عني وانت ماغلطت بحقك ويوم كنت ارسلك ماكنت ابي اخري بيتي واهدمه لكن ارسلت لك عشان تعرف وتصدقني لكن طلعت مكانتي عندك مهزوزه وتنتظر اي شي يهزها واهم ماعل الحين رضا ربي عني ويكفيني ربي يعرف الحقيقه ومع الايام بتنكشف مثل ماربي ابتلاء يوسف بلاني وربي اذا حب عبد ابتلاء وانا فرحانه بهالبلاء لانه قربني من ربي اكثر ولايهمني بعد اليوم وجودك بحياتي وكنت خايفه ع عيالي لكن الحين لا اللي رزق الطيور بعشاشها بيرزقهم اما انت مايهمني من يكون بعدك بحياتي لاني ضحيت لواحد مايستاهل ماعندس استعداد اضحي بعد ،، يكفيني كنت اشوف شوفتك عندي مثل العيد ويكفيني كنت لاسمعت صوتك مثل الدوا لي ارتاح والحين اقولك كل شي كان يعني لاحظ انه كان مالك بقلبك مكان مثل اول ولاظني برجع لك مثل اول ولو كان فيك خير لي او ماكان ودك بخسارتي كان واجهتني باللي حكي فيني لكنك بغيتها من الله وانت ماراح تلقى مثلي بحياتك مو غرور لكن ثقه محد بيعطيك قد ماعطيتك ،، وانا ماكان ودي انس ارسالك او افتح معك مواضيع لان اللي خسرني مره وباعني مره يبيعني مرات انا ارسلت لك عشان تعرف اني صابره عليك عشان ماتكذب وتقول لعمي ان مالك علاقات وتجلس تحلف وتحرم وتطلق لكن بطلع اكبر من هذا كله عشانك ابوي عيالي وعشاني بنت اصل ماني راسلتها لعمي انا بحكم الله بينا لان عمي ضعيف مابيده شي كل شي بيد الله محد بياخذ بحقي منكم الا ربي ما ارجي احد غير ربي ياخذ بحقي منكم ،، وعلى فكره انت اللي خسرتني مو انا خسرتك انت اللي خليتني مو انا خليتك ،، ويوم طلبتك ماتطلقني كانت لحظة ضعف مني وكنت بعز الصدمه شلون واحد حبيته وبينا عشره يسوي كا والله لو اني عدوه لك ماسويت كذا كان لو ماتبيني قلت ياناس هاذي ام عيالي لاتتكلمون فيها عشان عيالي مو عشانها وطلقتني وسكرت الموضوع لكن ربي حب يبين لي قيمتي عندك وحب يبين لي معدنك ،، انا بخليك ولكن بينا اللي عينه ماتنام،، رد علي محد عيب فيك انتي عيبتي بنفسك محد قالك شي وبعدين مو انتي قايله عني اني اكلم واني بخيل واني خبل واني راعي مغازل واني ابي اتزوج غيرك وش اقول وش اخلي كل شي قلتيه عني لكني مابي اتكلم قلت مو لازم تتكلم لانك حطيتني اسوء شي بالحياه وانا ماقلت عنك اي شي ولاضريتك بشي قد ماضريتني لكن حابه اقولك شي واحد اللي حكا لك حكالي فيك ونفس الكلام اللي وصلك وصلني انك قايل عني عقل بزر وان تفكير ولدي اكبر من تفكيري واني نا استاهل واني كذابه واني واني واني لكني انا فوق هالمستوى ما ارخيت اذني لهم مثلك ويحثت بالموضوع وجلسن اسعى واسال وش قال بعد وش حط ،، ع العموم قبل اخليك ان كان قصدك برسالتك اللي تقولي فيها البنت هاذي ماتستاهل طبطبه على الراس تستاهل حفره تقصدني فيها براحتك تكلم واقصد اللي تبيه ووصلني كلام انهم قايللك اني راعية مكالمات والله والله مايهمني ابد اي احد قد مايهمني ربي عارفني وعارف تربيتي وعارف الحدود اللي اوقف عندها وانت مو لازم تثق فيني لان الجنه ماهي بيدك وسعادتي ماهي بيدك سعادتي عند ربي ولاهي بيد احد وارجع اقولك قلبك ماهو الجنه يوم اتعب نفسي اني طلعت من قلبك الحمدالله ربي هداني مع اني ماغلطت ولاحنتك مثل ماتظن لكن ربي كريم ويحتاج الحمد حتى الاغاني تركتها مو عشان تذكرني فيك لا عشان عرفت لذه الطاعه عرفت قيمة البلاء والله اذا حب مؤمن ابتلاه وقربه منه اكثر واكثر والحمدالله اشكرك يافلان انك سويت هالسالفه عشان تقربني اكثر من ربي وقال ربي << فوجدك ضالن فهدى>> الحمدالله ع الهدايه ماحبني اتعلق فيك اكثر وهداني واذا انت عينك تنام بالليل انا عيني ماتنام مو عشان افكر فيك لا تفكيري اكثر واكبر من كذا انا اسهر على سجادتي اطلب ربي ياخذ بحقي وعطي كل ذي حق حقه كاني غلطت عليكم بتاخذون حقكم وكانكم غلطتو بتاخذون حقكم لاني حكمت احكم الاحكمين بينا حكمت العادل بينا ،، مع السلامه ،،، رد علي وقال انا ما اقصدك بالحفره ولا الطبطبه ع الراس انتي دايم تتعمدين تفهميني خطا لكن تعجبني متابعتك لي بتويتر رديت عليه شكرا ،، بعدها بشوي ارسل لي شعر مقطع صوت نفس طريقه اللي ارسله قبل ان الله يسعدك ويفرج والله انت الخير بحياتي وان مدري ايش المهم شعر فيه نفس الدعاوي مارديت عليه سمعته وسكرت الواتس وخليته مارديت ،، بعد ساعتين رجعت لتويتر لقيته كاتب اشعار انه بمعناه ضايق صدري وانه يقول صاحبي خذ قلبي معك لارحت ومنت راضي تاخذه ،، وشعر ثاني ان كل ماذكرتك تبسمت كنها نسمه هوا بارده بعز الظهيره المهم اشعار غزل وبعدها كتب ان لقا بعد عن الناس راحة راسه وان بعده مو مسالة وقت او مساحه انه لقا ببعده عن الناس راحه ،، واليوم كاتب ان عيب الجسم يستره قطعة قماش لكن عيب الفكر يفضحه اول نقاش ،، يصضدني طبعا وعرف اني اتابعه مره يكتب غزل ومره يكتب ان اذا ابعد ارتاح ومايبي الناس ومره سكنب عن الثقه وكاتب لصديقه ان لاتثق باحد مره وحده لان الانسان مو معصوم عن الخطا رد عليه صديقه وقاله كل خطا مغفور ولايعاقب الواحد ع الخطا لان ربي كبير يسامح كيف حنا البشر رد زوجي عليه الله يغفر لنا ولك ولكل مسلم احسن فشله صديقه يوم قال محد يعاقب ع الخطا والخطا مغفور المهم احس فيه انفصام بالشخصيه يكتب اشعار غزل ومره كلام يسب فيني مثل عيب الفكر يفضحه اول نقاش وايه نسيت اقولكم وقف كتابه وضحك مع البنات يعني ماصار يسولف معهم على العام صار يسولف معهم ع الخاص لانه للحين ضايفهم مامسحهم وهو انصدم شكله مني لان مايدري ان عندي حساب بتويتر توقع ان ماعندي عشان كذا ماخذ راحتته ،،، واللي قاهرني اصلا يوم كنت ارسله قبل وش فيك علي ليه ماترد علي كان مطنش ومن ارسلت له صورة المحادثه وطلعن نطرني لين صرت اون لاين ورد علي سبحان الله كان مطنش ويوم شاف الصوره رد ولا بعد يقول ماني ملزوم اوضح لك دامه مو ملزوم يوضح ليه رد علي كان بقا مو ملزوم ،، ضاق صدري منه معقوله يسبني وهو عارف اني اشوف كلامه ،، ودامني صدق ما اهمه ليه مارجع يكلم البنات بالعام مو خلاص اذا ناوي يطلق ليه مايكلمهم ولا عليه مني انسان غريب ،، ادري بتقولون لي لاتتابعينه بتويتر انا اتابعه لاني محتاجه اكرهه اكثر ابي اشوف حقيقته اللي كنت مخدوعه فيها ،، وابي افهم منكم توقعون ليه رد يوم شاف صورة محادثته وليه وقف ماعاد يكلمهم بالعام دامه مايبيني وقالي مع الف الف سلامه ودامه قال مع الف الف سلامه ليه يرسل لي شعر مثل الدعاء يعني الله يكتب ويفرج ومدري وشو المهم بعرف كل هذا ليه وليه مره يسوي اشعار ان تعبته الغيبه والضيقه ومره يسب ان الفكر والثقه ومدري وشو ونسيت اقولكم هو كاتب مقوله ان احسن حظا للرجال مع النساء اللي يستطيع الاستغناء عنهم. ،، بهاذي مدري شيقصد؟؟ وصار بعد ينزل مقاطع دينيه ويحطها تطوع الرجال عقب ماكان مع البنات ضحك وسوالف والله عجزت القا لتصرفاته تفسير ،،. وافوض امري الى الله والله بصير بالعباد
|
رد : خساره يازوجي ,, بيطلقني عشان ماضي؟
الله يكون بعونك
احس ان اهم حاجة طلعتي الي بقلبك وما رحمتيه بس للحين بيظلم فيك وبيحط فيكي العيوب يعني تخلصي من قصة ترجع قصة مو حاس فيكي كان رحمك والله عدوك يرحمك لما يعرف النار الي انتي فيها |
رد : خساره يازوجي ,, بيطلقني عشان ماضي؟
أوصيك بالاستغفار
|
رد : خساره يازوجي ,, بيطلقني عشان ماضي؟
سوري كلامي كله اخطاء املائيه لاني اكتب من الايفووون بس اتمنى فهمتي قصدي بكل كلمه ،، وامانه معاكم دعواتكم لي
|
رد : خساره يازوجي ,, بيطلقني عشان ماضي؟
يااختي ريحي راسك دامك عرفتي نذالته ولاتتابعي اخباره ولاكأنه كان شي بحياتك صدقيني وانااختك اشتري راحتك والله لوصارلك شي لاقدرالله مااحدبيتبهذل غيرعيالك اهتمي بنفسك وعيالك وبس وهوباللي مايحفظه اعذريني حرقتي قلبي
|
رد : خساره يازوجي ,, بيطلقني عشان ماضي؟
أمسحيه من أجندة حياتك مسح
وكان ودي لو أنك مسحتي فيه الأرض وأنت تكلمينه في الواتس بس وش أقولك حنينه ورقيقه وحبه فاقع قلبك أختي طلبتك أحذفيه أحظرية أعدمية من حياتك إعدام هذا مستواه مو مستوى زوجة بنت أصول وعالم وناس هذا حده خوية وإلا وحدة من عيناته الهابطة يلعب معها ويعطيها مقاطع ولاتجلسين تسألين عن تفسير تصرفاته هو لعاب مايرسي له على بر مرة مسوي ضايق وذابحه الفراق ومرة مسوي أبو المطاوعة والناصحين كلهم ومرة الحمل الوديع ومرة االثعلب المكار مفكرك وحدة من صديقات سعة الصدر حقاته فحب يخوض معك التجربة ويطقطق على رأسك شوي ويتسلى بردات فعلك لأنه عادك لعبته المسلية وحاب يفرج أمه وخواته وأهله على ردات فعلك ويخلونك فاكهة مجلسهم وعلك بحلوقهم تكفين عطيه أشكل يعني خليه هو والجدار واحد وتبغينه ينفرس وينقهر ويمووووت غيض لاتجعلي بينك وبينه أي تواصل ولاتخليه يشوفك ولايعرف عنك أي شيء لأنه الآن كبر رأسه يوم عرف أنك تتابعينه وتدخلين عشانه وتراقبينه لكن أنقطاعك وحذفك له أو تغييرك لرقم جوالك بيدمررره بيخليه يضرب أخماس بأسداس وماشاء الله يصبرك عليه ياهووو مستفز ما أقول غير ياصبر الأرض على هالعينات من الرجال أقل مايقال عنه من أشباه الرجال (ذكر بط) لو أنك أختي والله لأرمي جوالك بشريحته مع الشباك ولاحسايف على هالعينات هذا أعتبريه ((ماضي وانتهى)) |
رد : خساره يازوجي ,, بيطلقني عشان ماضي؟
صار يتكلم على الخاص لئن ما يريد يعطيج لزمة حتى لا تصورين مكالماتة و في يوم من الايام توصليهن لاعمامك و ينفضح قدامهم
يا أختي لا تتابعي اكثر انتي وصلتيلة الفكرة انه مؤ مهم عندك و طلعتي الي بقلبك الان تجاهلية و لا تكلمي ابد و حتى بينك و بين نفسك لا تتابعي كذا تنسيه اسرع اعرف ان امر صعب عليك و تحبين تابعين أخباره بس صدقي أحسن لج |
رد : خساره يازوجي ,, بيطلقني عشان ماضي؟
انا مع رد مع جومانا واجمل رؤيا بكل شئ وياليت تسوين له ديليت وتغيرين رقمك ووصلي هالكلام لجدتك حتى توصله ادري انه صعب بالبدايه بس بعدين تتعودين على انك ماتابعينه
وزي ماتوقعت خلى محادثاته على الخاص عشان ماتفضحينه |
رد : خساره يازوجي ,, بيطلقني عشان ماضي؟
فايض حناني لعل الله بهذا الابتلاء الي حصلك
اراد الله ان يصلح فيه زوجك وبيتك ويجعلكم بيت مؤمن قائم على طاعة انا متاكده ان زوجك صار عندو صراع جواتو بين الصح والخطا عشان هيك مرة بتشوفي عاقل والله هاديه وببعثلك شعر وبيدعيلك ومرة بكتب عبارات بتحسيها سب فيكي خليكي قوية وسلاحك ايمانك معاه ومع غيرو من قرايبك واهم شي اليقين بالله ان راح يفرجها عليكي وينصرك على الي ظلمك هذه المحادثة الي حصلت بينك وبينو صحت كثير اشياء جواتو بس هو بصراع بين الصح والخطاء عماتك كانو بيلعبو على الحبلين عشان يفرقو بينك وبين زوجك ومفكروش تصير مواجه بينكم وتكوني فيها قوية وتواجهيه وتفضحي العيبهم قدامه انتي بعد حديثك معاه هزيتي ثقتو بعماتك والحين صار يفكر بكل كلمة قلوها عنك وصلوها على لسانك المهم انتي ظلي قوية وسلاحك ايمانك ومتضعفيش قدامو وبدك تصبري على محادثتو مع البنات لان الي فيه مرض بدو وقت تا يشفى منو ومتستغربيش ان مع الوقت يصر زوجك انسان ملتزم بشرع الله عينية بدعاء ان الله يهديه وينور بصرو وبصيرت ويملا قلبو بالايمان بيتك بيستاهل انك تتعبي عشان تحمية وتبني الي نهدم منو ومش محتاج منك الا ترفعي ايديكي وتدعي رب العالمين ان يصلح بيتك ويردلك جوزك ردا جميلا واخر شي واسفة اني طولت عليكي متغيريش رقمك خلي في مجال للتواصل الباب الي بينك وبينو متسكريهوش لاكن مترديش علية غير لضرورة ملحة جدا جدا جدا يعني خلية يحس انك مطنشتية وانو مش هامك ولو شو ما عمل لكن خليكي قدام عينيو وحطيي الطلاق اخر الاحتمالات والكلام الي دار بينك وبينو قولي لابوكي عنو خليكي مكشوفة واضحة قدام والدك ومتخبيش عنو اشي بس قصة الصورة اما بتقوليش لابوكي عنها عشان متفضحيش جوزك او بتقولي لابوكي عنها بس يوعدك متجبيش سيرتها لانسان عشان الي باقي بينكم مينهرش على الاخر لانو الي اثر بزوجك مش انك حكيتي مع رجال للكن الي اثر فية انهم وصلولو ان حاكية عنو كلام وفاضحتية في العيلة الحل لزوجك انك تتعاملي معاه باسلوب التطنيش والحزم والتذكير بالله يعني كيف تحدثتي معاه باخر محادثة والله يوفقك وينصر ويعمر بيتك ويردلك زوجك الك ولاولادو ويعظمكم في قلبو وربي يرجعك لبيتك وانتي عزيزة كريمة مرفوعة الراس امين امين امين |
رد : خساره يازوجي ,, بيطلقني عشان ماضي؟
خلاص طلعتي اللي بقلبك وارتحتي
اذا انتي بنت ابوك صح غيري رقمك والله انو راح يتجنن ويتبهذل ويندم اشد الندم شوفي كم عضو وعضوه قالوا لك نفس الكلام لاتخلينا بعاندك انو ماتسمعي كلامنا ماعاد نسمع لك ونتابع اخبارك ونحكم عليك بالغباء شوفيني متابعتك علي الصامت من اول مانزلتي الموضووع واليوم طلعتيني من طوري شوفي اختي انا مريت بتجربه مااقول زيك بس نقول مشابهه لك كنت بالاول زيك هبلا وذابحني حبه وعامي بصيرتي وكان هو مو شايف هالشي شايف هبالتي وانو غبيه وماعندي ثقه بنفسي وحبي له زاده غرورواعطاه ثقه بنفسه لدرجة صار يشوف انو انا ماانفع له وبمره روحت عند اهلي زعل طويل وقام يطلع علي كلام ويرسل لي مسجات مره سب ومره حب ومره ردي نتفاهم شو ساويت غيرت رقمي واشغلت نفسي وحرصت علي جمالي وعلي انو مايوصله الا انو انا مابيه وانا سعيده مرااا من غيره وفعلن علي رغم مشاكلي كنت شوي مبسوطه ومو باين علي لانو التجاائي لله وربي نصرني بعد سنتين رجعت بشروطي مرفرعة الراس وجلس هو تحت رجولي يبوسها يترجاني ارجع لان ذاق المر بغيابي مع انو كان عندو زوجه ثانيه بس كنت مثلك مرررا مدلعته وهو فقد هالشي فنصيحتي لك اسمعي الكلام واتبعي نصيحة الاعضاء حتي اذا عمك وخوالك واقاربك فتحوا معاك الموضوع لاتاخذين وتعطين معاهم قوولي خلاص هالادمي نسيته ومابي اجيب طاريه وقفلي علي الموضوع خليه يدور حول نفسه افهمي ياادميه لاتجننيني خليكي قووويه مانبغي الا صلاح بيتك وظهور نصرك ورجوعك لبيتك وانتي مرفوعة الراس زوجك مارح يطلقك خوذيها مني بس هو ضعيف واهبل ماعندو حسن تصرف ويسمع للحريم وجبان مايعرف يحل مشكلته اعطيه درس وقرصة اذن يحرم بعدها يغلط ويشكك بشرفك وبس تعبت احس اني اكتب من قلبي وبكل حواسي اول مرا اتفاعل مع مشكله كذا الله يصلح اموركم ويجمع شملكم0.، |
رد : خساره يازوجي ,, بيطلقني عشان ماضي؟
وربي انا سجلت في المنتدى بس عشانك ي صاحبة الموضوع بقول لك كلام وحطيه حلقه ب اذنك وماعليك من كلام اغلب الاعضاء اول شي
_ الي يلوم زوجها بالي قاعد يسويه فيها هذي شخص عاطفي ماهو عقلاني انا بصراحه مالوم زوجها وربي زوجها مجروح ومن قلب تقولون لي كيف انا بحط نفسي مكان الرجال لمن زوجتي الاحظها رخيصه ولمن اتهمها بشرفها اشوف الموضوع عادي بالنسبه لها اهم شي تبيني بس ارجع لها وتقولي احبك ي فلان تكفى انا تعبانه ارجع لي هذا مايخلي الرجال يشك !! انا رجال ولو اني مكانه بسوي مثل ما سواء ياجماعه البنت الي مو خيانه لمن تتهمها بشرفها ماراح تسكت وبتعصب وهي الي بتزعل وتروح ل اهلها ولا تكلمني لكن شوفو اختنا العزيزه راحت وتتلزق فيه وتعتذر وتبكي وتراسله قبل من دون علم ابوه وش رايك ب هالبنت ؟؟ تتتوقعون راح يعتبرها غاليه ويحبها ولا راح يشك فيها ؟؟ اذا تبون تساعدونها خلوكم صريحين معاها ولاتظلمون زوجها بعدين ممكن يقول احد منكم ليش رجال يكلم بنات في التويتر والواتس اب وساحب على المدام سبب لانه هو مجروح وعنده قناعه انه هي خاينته فـ الي صاير هو انتقام انا ابي اجرحك مثل ماجرحتيني شوفي انا الحين اغازل فلان وعلانه والله لـ ارد لك جرحك لي وانا ابصم بالعشره يدري انها تراقبه مع الاسف انا كلامي الفوق لو كنت مكان زوجها وربي راح اسوي مثل ما سواء الان عرفنا سبب ليش زوجها ارخصها وقلت محبتها عن قبل الان بقول لك الحل مع زوجك وانا بعطيك وجهة نظري لو كنت مكان زوجك اتمنى تركزين معاي : اول شي : لمن يجيني خبر ان زوجتي حذفت التويتر والواتس وكسرت شريحه احتراماً لشرفها وربي وربي راح تكبر بعيني وممكن هالشي يحرك الشوق طبعا انا بالبدايه بزعل وبتضايق لكن بتكبر بعيني ياحلوك لمن تقفلين الشريحه وتحذفين الواتس اب عشان عزتك وكرامتك وشرفك وربي وربي احلا من لمن تجيني زوجتي وتقول لي حبيبي خلاص سامحني لاتطلقني وش ذنب العيال ( معنى الكلام احذفي الواتس واكسري الشريحه ) صدقوني زوجها مجروح منها لاتلومونه لوموها هي ب الاشياء الي سوتها معاه قبل الان اذا تبين تعدلين الاخطاء الي سويتها قبل طبقي الكلام الي قلت لك عليه فوق وترى انا اتكلم وكاني ب مكان زوجك يعني طبقي كل شي اقوله وربي ابي مصلحتك |
رد : خساره يازوجي ,, بيطلقني عشان ماضي؟
اقتباس:
و أحيانا المذنب , يعرف يمثل و يصارخ و ينفي عن نفسه و كلامك كبير فيه تشكيك بالأخت فتنبه ,,,و أعد قراءة الموضوع كامل الزوجة رجعت حياتها لزوجها مرتاحة و فاجئها باتهامه ببرود برأيك من يشك بزوجته , هل يرمي التهمة ببرود و دون عصبية ما ذا تقولون فيه !! الرجل كما قالت لنا له سوابق حديثة عهد في فترة الزواج بالتواصل مع البنات و لو كان أمر قديم و تاب منه ,,لنصحناها و ذكرناها بذلك كلامك هنا أخي الكريم اقتباس:
اقتباس:
|
رد : خساره يازوجي ,, بيطلقني عشان ماضي؟
السلام عليكم
والله انا سجلت عشانج يا اختي أول شي إنتي مكبرة الماضي حيل وهذا سبب ضعفج في البداية وانج ترجيتيه ومدري ايش انا كنت ادخل شات قبل واكلم شباب فيه طبعاً مو شي سهل مهما كان يعتبر من المحظورات وممكن ان الشات والمحادثات تتطور إلى شي أكبر بس يختي كنا جاهلات وفـي بداية استخدامنا للنت اصلا ماكنا ندري انه ما يجوز كنا صغار فانتي ليش مكبرة هالموضوع وتفكرين فيه امحيه من راسج ولا تعتبرينه فضيحة وخطأ دامج تبتي واستغفرتي وما تعديتي أي حدود انتي صفحتج بيضااااااااااا من أول ما قالج زوجج احسج اهتزيتي وتذكرتي الشات وزوجج مثل ما قالوا لج امحيه من راسج عادي لا تعيشين عشانه وشنو فيها اذا مطلقة تعيشين ب (ذل) مع شخص مهزوز وشخصيته ضعيفة ولا ب(كرامة) فبيت أهلج وتربين عيالج أحسن تربية فبيئة زينة ومحافظة ما فيها أب مهزوز مزاجي ينكد حياتج وحياتهم الطلاق مو وحش ولا يدمر الحياة بالعكس يمكن يفتح لج أبواب خير كثيرة .. واللي يجي من ربج شي مكتوب ومقدر من قبل لا تنولدين فلا تزعلين إذا قدر الله وتطلقتوا عيشي حياتج طوري نفسج ادرسي تثقفي افتحي مشروع ربي عيالج واستانسي وما تدرين يمكن يجيج اللي أحسن منه بمليون مرة والله يهديه ويصلحه |
رد : خساره يازوجي ,, بيطلقني عشان ماضي؟
السلام عليكم ورحمة الله ،، حبيت ارد ع اخوي اللي اتهمني وشكك بكلامي حبيت اقولك الله اعلم باللي صار كله والله اعلم اني ماخنته ابدا وان قبل زواجي اصلا من قبل يفكر يرتبط فيني كنت انا وخواته ندخل شات بس لا اكثر وانا ماكتبت موضوعي هنا الا وانا ابي حل ومثل ماكتبت موضوعي كان قلت لكم اني خنته وندمانه وابي خل لكن يشهد الله علي كل اللي قلته لكم هو اللي صار ولما كنت ابكي واترجاه والله كنت بعز الصدمه وكل مافي بالي اني ما اخسسره لانه هو عندي بالدنيا هاذي كلها وكنت مصدومه كان يقول انا ماراح اخليك ابد ماياخذني منك الا الموت انا كنت اعرف انه يكلم بنات كل مره يقولي نزوه طيش شباب صدقيني ما احبهم بس العب عليهم وانا غلطت وانا اسف وكنت اسامحه عشاني احبه وعشاني ما اتخيل حياتي من غيره كنت بيوم السالفه مابي الا هو يصدقني مابي غيره كنت اتذكر كل شي حلو بينا مايجي ببالي غيره هو كنت خايفه من بكره لابغيته وهو مو لي لا اشتقت له شسوي كل هذا كنت ابيه يصدقني ،، اخوي اللي شككت بكلامي يشهد الله اني مجروحه مجروحه ولا لي طاقه على الكلام باللي صار لاني ماني مستوعبه اللي صار وقسم بالله مرات لاحطيت راسي على المخده اقول لا كذب ماصار شي ،، واللي صار بالاساس زوجي وخسرته وسمعتي راحت بين عماني وعماتي لكن عندي امل بالله بيجي يوم وابشركم بنصر الله لي ،، ولو كان يا اخي العزيز انا صدق خاينه زوجي تتوقع زوجي ليه الى الحين ماطلقني تتوقعون لو فعلا متاكد اني خاينته بيصبر زي كذا ولا طلق وقال هذا الدليل زوجي الى الان متردد لانه بين كلام عماتي وبين خايف من انه ظلمني وهو فعلا ظلمني لكن ربي حسيبهم مالي الا الصبر وان شاء الله ربي بياخذ بحقي منهم ،، جدتي ماكان لها دور غير تالف كلام وتوصله لعماتي وزوجي وتبعد زوجي اكثر وتجي عندي وتوصل لي كلام عن زوجي يعني تفق ماتجمع سبحان الله كنت ادعي ربي باللي يفرق بيني وبين زوجي ربي يشغله بعافيته وربي استجاب تنومت بالمستشفى عشان صدرها لكن طلع مو بس صدرها طلع فيها الف عله وعله انا مو مبسوطه بالعكس حزنانه عليها لكن هي كانت تبي ترضي بناتها باي طريقه ع حساب سمعتي ماكني بنت ولدها ،، وابي ارجع لكلام اخوي اللي يقول لو صدق ماترجت زوجها ترجيته لاني بعز الصدمه كان هو املي الوحيد اللي يوقف مع ومايصدق فيني لكنه خذلني والله راح يجي اليوم اللي بيندم فيه انه خسرني ،، اتمنى منكم كلكم ماتشككون بكلامي لان الظلم ظلمات وانا ماجيت هنا الا وابي حل لو كنت فعلا خاينته بقولكن انا خاينته وندمانه لكن والله ماخنته كل اللي صار كنت ادخل شات مع خواته قبل اخوهم سفكر يرتبط فيني وبس هذا كل اللي اذكره ،، وانا قلت ماضي لانه حسسوني كانه فعلا ماضي ويحز بخاطري خواته كانو معي ماسو فيهم زي ماسوو فيني مع انهم متزوجات الان ووحده منهم ماخذه ولد خالي ويشهد الله مافكرت اضرها ولا اعلن خالي وولده يعني كنا بالهوا سوا اذا كان هالشات ذنب علي لحالي بس شات وهم كانو معي يعني ليه ماعليهم ذنب اذا هم شافوني مرتكبه ذنب،، واذا فعلا صحيح اني لي ماضي مثل ماقالو عماتي ليه خطبوني لولدهم وليه زوجونا وبعد طفلين يتكلمون ليه بعد طفلين وليه يعاتبوني لو انه صحيح المفروض زوجي يعاتبهم يعني هم غاشينه انا قلتلكم لو وهذا نفس كلام ابوي يقول ليه توهم يتكلمون وليه سترتوها وبعدها فضحتوها ليه كل هذا يصير مدري وع فكره زوجي لان بس يكتب بتويتر عن المراه الذكيه اللي تثير اهتمام زوجها ،، والحنونه فقط هي اللي يتزوجها المهم يكتب عن المراه وامس كتب كلمة اسف لاتعني مذله للنفس تعني انك ماتبي خسارة انسان،، وانا نفسيتي احسن من اول بس تعبت من احساسي مرات اخس مشتاقه له وبنفس مابي ارجع له ابي الطلاق لاني يحز بخاطري اللي صار وعشان كرامتي فكرت بكرامتي كيف لارجعت له نظرتهم لي ان بعد اللي سوينا فيها رجعت له مافي كرامه عندها وبنفس الوقت احبه وعجزت اكرهه واا احب اتخيله يكون لي غيري ومرات اقول هو اللي خلاني هو اللي ماعاد يبيني والله ذبحني التفكير ،، لكن حسبي الله ونعم الوكيل بكل من اتهمني وكذبني وضيعني وضيع اطفالي وزوجي وهدم بيت واسره كانت سعيده ولو ماكانت سعيده اهم شي كانو مع بعض واطفالهم بينهم يتربون حسبي الله ونعم الوكيل وكفا بالله حسيبا ،، دعواتكم لي ربي ينصرني ويبين الحق ولاهم مالهم حق يفرقون بين زوجين واطفال ،،
|
رد : خساره يازوجي ,, بيطلقني عشان ماضي؟
فايض حناني اعتقد ما استوعبتي كلام الاخ سلطان
هو ما قصده يشكك بكلامك .. ولا يقول انك خنتي زوجك هو يفسر طريقة فهم زوجك لردة فعلك الاولى انتي فعلا على نياتك ما علينا الي صار صار الاخوان والاخوات ومنهم الاخ سلطان يبونك تفهمين انه لازم يكون لك ردة فعل قوية دفاعاً عن شرفك وسمعتك الي يحاولون يمسونها ولا تخافين اختي دعوة المظلوم ما بينها وبين الله حجاب نسأل الله ان يكشف عنك وعن كل مظلوم الي لازم تسوينه احذفي الواتس اب.. ولا يدري زوجك انك تتابعينه بالتويتر حتى لو رجعتو والافضل انك فعلا ما تتابعينه ادري انك متعلقه فيه وصعب عليك نسيانه بسرعه لكن اقطعي كل اتصال لك فيه ولا تسمحين له يكلمك من وراء اهلك ترى الان الشيطان حاضر ويمكن يقول بنفسه هذي تكلمني من وراء ابوها والموضوع واصل لسمعتها فهمتي الحين كيف يفكرون الرجال ابعدي عنه ولا تسمحين له يوصل لك لا هو ولا احد من اهله الله يخلي لك ابوك واهلك هم يتكفلون فيهم كل ما ابعدتي مو بس تثبتين انك على حق وانك مظلومه تعطينه حتى هو فرصه يراجع نفسه ويحس انه غلطان اتمنى تفهمين ردي ورد الأخ سلطان ورد الاخت طعن قلبي هم اكثر اثنين ركزت بردودهم واعذروني الباقين ولا تدافعين عن نفسك هنا انتي مو متهمه ولا احد طلب منك دفاع |
رد : خساره يازوجي ,, بيطلقني عشان ماضي؟
انا معاكم باللي تقولونه وتوني فتحت وفهمت كلامكم لانه حبي له كان معميني لكن ماني قادره اغير رقمي اخاف يشككونه فيني يقولون شوف غيرت رقمها عشان وعشان وعشان ويمكن يقوون غيرت رقمها عشان انها تكلم وخافت انك تكشفها ويتصل فيها الرجال يسوونها اعرفهم واما احذف الواتس اب تبون الصراحه اتواصل فيه مع صديقاتي يعني اضيع وقتي اطفش عشان كذا قلت مابي اغير رقمي ولا اكلمه اسوي زي مايسوي هو ادخل الواتس ولا اكلمه ولاهو يكلمني لكن متردده من تغير رقمي اخاف يقوون غيرت شريحتها لسبب مدري انتم ايش رايكم اغيرها ولا لا ؟ لاني تعبت من الكلام والتهم وماني ناقصه تهمه جديده ماصدقت انهم سكتو هالفتره ولاعاد سمعت لهم صوت اما زوجي صدقوني احسه ناعاد يبيني منتظر ابوي يقوله هات الورقه وبيجيبها لكن ينتظر احد يطلبها منه عشان محد يلومه بعدين عشان يقول هم اللي طلبوها مو انا ويجلس يسوي فلم انا كنت ابغاها بس هم طلبوها عارفه حركات عماتي واكيد قايلات له سو كذا ،، فما ادري اغيرها الحين ولا لاتطلقت اغيرها ؟
|
رد : خساره يازوجي ,, بيطلقني عشان ماضي؟
حبيت اقولكم غيرت شريحتي قبل شوي مع اني متخوفه يطلعون عني كلام ويقولون غيرت شريحتها عشان هي تكلم او عشان اي شي ثاااني.. ربي يستر متاكده انهم بيتكلمون فيني ولو زوجي عنده نية رجعه بيحطونها سبب بيقولون شوف ليه غيرتها ...
|
رد : خساره يازوجي ,, بيطلقني عشان ماضي؟
غناتي حاليا سجلت دخول لرد
عليك..يشككون فيه مثل مايشككون اذا لم تفعلي شي ولم يثبت ضدك اي امر مادي دعي الخلق يحكووووووون كما يرغبون!! من انت!!ومالذي تريدينه في المستقبل وفق مايرضي ربك فقط!!!ام هم دعيهم يقولون مالذي يريدونه ترى امرك سهل لايقارن بمن غشت بالترقيع في غشاء بكارتها وهناك رجال بمعنى الكلمه ستروا عليهن لم كانت صادقه بتوبتها!!! هناك فتيااات يقابلن خلف ازواجهم واتحداك احد يحكي فيهن !!! ليس المعنى انني اييد اغلاطهم بل سيحاسبون عليها ولماذا وضعت جنه ونار اليس لكوننا بدار امتحان ونتيجتها باحد هالمكانين ياغناتي لا تخفى عليك قصه من قتل 99 نفس واكمل المائه ويطول شرحها الشاهد فيها تاب توبه لو قسمت ع من في الارض لوسعتهم ياغناتي لتعلمي خيره !!!ونحن جميعا يغير ارقامنا وهناك من له ارقام بخصوص مجال شغله وهناك من له ارقام لااهل اجل كل العالم فاسده متى ماعرفت السبب وكنت صادقه مع ربي الهدف ماذا لا تخافي اطلاقا ياغناتي الان الشااات ماضي !! طيب المنتدياات او الفيس او التوتير او ايميلك لا يمكنك ان تتواصلي معي اي شاب !!وهل لا يمكنك ان تلتقي معي اي رجل بالواقع او تختلي باحد !!! ياغناتي اللي فيه ريح مايستريح لكن كلن يناظر الناس بعينه طبعه والا الرجل بمعنى الكلمه لما قال لك انني اتسلى ببنات الناس الله ارد ان يرد المكيده له ويطعنه فيك وصحيح انك مظلومه لكن اراد الله يذوقه الكاس حتى يعرف كيف انه باسلوب التعالي الذي يتحدث به اليس تلك البنات عندهم ازواج او اباء او اخوان... الخيره في اللي جالس يصير..ولاانسي ياغناتي غيري حياتك كاكل دينيا والتزمي من لبسك وحجابك وصلاتك ودعوانك بالتعويض وينسيك ربي مر الايام ولو تقدم لك احد لخطبه وجدتيه مناسب وافقي ولا تدعي ابنائك شرط ولا عذر يقف امامك فانت لك الحق في ذالك اعمل كل شي لتسعدي نفسك ولا تبالي بنظراتهم ولا حكيهم والزمي الصلاه والدعاء والاستغفار ولا تذكريهم بشي سئ اطلاقا بل ردي حاله ذكرهم حسبي الله ونعم الوكيل وستصلهم رسالتك وان فكر اي شخص بان يفتح معك السيره او اراد رد الاهانه بل كلمه واحده قوليه لااريد ان احللهم والله هو اعلم بماحدث ولن ادفع حق سيخذه الله فوق سابع سماء وهناك وهناك حديث اريد قوله لك لكن لااريد الاطاله لعلمي المسبق انك تعلمين اشياء افضل منا وهذا واضح معك لكن لكونك مظلومه متضايقه!! ياغناتي هناك من ليس لهم ماضي وهناك من البسهم قضيه كنوع حقد يعني انت افضل بكثير اذن نريد ايمان قوي وصفحه جديده مع الله بكل ماتعنى الكلمه ومن يفكر فليفكر وهل تضمني ان تعيشي غدا ومالذي ستقولينه لربي وماهي اعمالك الصالحه تنير قبرك هل قران او علم نفعتي به او استغفار او صدقه ام غيرتي رقمي واخاف يشكوووووووون!!! مووفقه ياغناتي وعقبال ماتبشرينا بزواج قادم لك ووظيفه ليس الخوض فيه وفي شكوكه الا متناهيه |
رد : خساره يازوجي ,, بيطلقني عشان ماضي؟
اختي في الله
ملوش داعي تغيري شريحة طول ما انتي قوية وما راح تضعفي قدامو ولو شو ما ودالك تغير الشريحة ممكن يفسرو زوجك ان ضعف منك وبدك تهربي منو بعد المحادثة الي كانت بينكم انا براي ترجعي شريحتك لانو ممكن ان يتفسر هروب وضعف لا خلي شريحتك ورقمك وان حاول زوجك يتواصل معك سعيتها طنشية ومتعبرهوش سعتها راح يشعر ان خسرك وانك صادقة في كلامك لما قلتيلو ان النفس طابت منك وانك ما بدك اياه الهروب مش حل الحل المواجهه طول ما انتي على حق متخفيش واجهه كل من راح يوقف قدامك ومتخفيش لان الله مع المظلوم وراح ينصرك عليهم ولو بعد حين |
رد : خساره يازوجي ,, بيطلقني عشان ماضي؟
السلام عليكم
سجلت بالمنتدى بعد ما قراءت مشكلتك و من قبل كنت متابعة مشكلة اخرى اعجبني جدا راي و ردود الاعضاء بحب بالاول ادعيلك الله يسهل امرك و يحميلك ابناءك .. في هالدنيا ما حدا راح يفيدك غير ابناءك ثم ابناءك ثم ابناءك ربنا اعطاكي اياهم لشيء معين اهتمي فيهم جدا مشاكل الاباء دائما يدفعون ضحيتها الابناء فعند صلاتك و طلباتك اطلبي ربنا يحمي ابناءك هم اهم شيء لازم يكونوا لديك الان ..تركيز اهتمامك ناتي للجزء الثاني زوجك كم عمره ؟؟؟ صدقيني انه مراهق و لا كانه عارف حاله انه متجوز :29::29: اخ بس لو قدامي هالراجل كان فرمته تفريم بس بدك ا لصراحة خسارة ارتكب في خطيئة اجرام ما بستاهل :( اولا و ثانيا كلمتي شات قبل الزواج و الا ما كلمتي شو دخله هو ليش يعني لحد هلا حضرته و حضرات اخواته اتدخلوا هلا ؟؟؟ السبب انه غاروا و حسدوكي و لكن اسمحي لي الزوج و ليس اقصد كل الازواج و لكن البعض الي بدلعوا زوجاتهم بكونوا لسبب و السبب انهم لاعوبين و مدلعين خاصة مع النسوان و بحبوا يورجوا حالهم عشان اي وحدة تدوب قدامهم و هدول ما اسمهم رجال للاسف .. صدقيني هدا الزوج لا يفيدك بشيء امسكي ورقة و ضعي خانتين خانة تكتبين فيها ايجيابيات زوجك و خانة سلبياته و حتعرفي الحقيقة بتصور ما في ايجابيات حتكون خانة فارغة اي زوج لا يهتم بابناءه و لا يتحمل مسووليتهم الاب مش عشان يجي و ياخد الابناء و يشتري ملابس ماركة لو انا مكانك كان مسكت الملابس ورميتهم بوجه الي ما بستحي على حاله عامل فيها رجولة انه يشتري ملابس لو بالاصل بحق و حقيقة بحب اولاده كان ما خلاكي تخرجي من بيتك يوم. كان ما صدق الحكي كان ما عمل فيها مراهق ما مستقبل تنتظرين من هدا الانسان ..(من احب ابناءه عليه ان يحب و يحترم والدتهم قبل محبته لابناءه ) الحلول برايي و هي كثيرة و لا تقولي ابوي ما يريد فضايح للعيلة شوفي هالعيلة اشتغلت شغل تدمير بما فيه الكفاية و للاسف هدا حال العرب اخوة متخاصمين في اكثرية البيوت نرى هالشيء لا اعرف قوانين دولتكم و لكن ضعي محامي يجبر زوجك يدفع مسوولية الابناء من مصاريف و حتى يفتح لهم بيت لوحدهم طبعا معك و كل شهر يدفع عليكم ابناءك يريد يشوفوهم ما في ترسلي له الاولاد يجي على بيت ابوكي و يترجاكم يشوفهم اوعي ترجعي تبعتيله اولادك ..لانه هو مطمئن ابناءه ببيت ابوكي مش سال لازم تنقطيه تنقيط خليه يتعلم حتى لو ابوكي مش مقصر فيكم هيك بحس بحجم الي عمله حتى هيك بتخلصي على فلوسه حتى لو انك ما تريدين شي منه بس ارفعي عليه دعوة انه هجركم و ما حيبقى معه يدفع فاتورة الانترنت يتسلى على التويتر صدقني ما يلعب ببنات الناس كانه مراهق جاهل و الطلاق شددي عليه هيك بتخلصي منه اتخيلي ترجعي معه مبين عليه مريض نفسي و هلا انتي على وقت قصتك صارلها اكثر من شهرين ما في رجال بعمل هيك بزعل يوم شهر اما هيك و انتي ولدتي و ما كان معك و لا شاف ابنك هدا مش رجال و ما بستاهل تكوني معه ابدا ابدا شو مستقبل حيكون حيدمر ابناءك و الحب يا عمري في هالايام لا حب و لا ما يحزنون كم من وحدة حبت من اضافر اضافيرها شعلت شموع ايدها لزوجها وشو النتيجة انه خانها و مع مين مع شغالة ؟؟؟؟ هلا كل واحد يحب مصلتحه و مصلحة ابناءه الحياة بتمشي احسن من غير ازواج ...خاصة عندما تكثر المشاكل بين الابوين فالافضل للابناء انفصال الابوين على انهم يشوفوا ابوهم و امهم بخصامات كل يوم و الا نفسية زفت للام و النفسية الزفت للام كلها بتنعكس على الابناء و احترامي و خالص تقديري لابوكي بجد بوسيه بوسة راس الله يخلي تاج فوق راسكم يا رب بجد و نعم الاب احمدي ربك الف مرة على هالنعمة بجد بس كنتي تكتبي موقف ابوكي ابكي بكاء و اقول ما شاء الله ابوها بجانبها و هالشي نادر في هالاوقات انا بغربة و بتمنى بس مسحة ايد من ابوي على راسي تخفف كثير شغلات علي و لكن الله يصبرني و انتي كمان ضعي ورقة لكل الشغلات الايجابية الي حولك و حاولي تطلعي فيها بشي توظفي عيشي حياتك خلي و كرسي حياتك لابناءك لانهم وصية برقبتك انتي الي جبتيهم على العالم و انسي كل شي و ادا بتحبي اولادك بحب و حقيقة لا ترجعي لزوجك هدا انسان مريض مريض مريض و عماتك و اخوات زوجك مريضين اكثر ما بفكروا بالاولاد الله يسامحهم بس الله كبير ,وطمنيني على اخبارك متابعة معك ان شاء الله ..و نحن بالخدمة |
رد : خساره يازوجي ,, بيطلقني عشان ماضي؟
اقتباس:
سجلت دخول عشانك وانا ميته نوم الحمد لله خطوه حلوه منك ولو اني ماشوف لها داعي تغيريه بلكيه وبسس وفوضي امرك لله |
رد : خساره يازوجي ,, بيطلقني عشان ماضي؟
الله ينصرك على من ظلمك
|
رد : خساره يازوجي ,, بيطلقني عشان ماضي؟
قولي " اللهم اعطيني خير هالشريحه واكفني شرها"
وجوالك غيرتيه لأنك ما تبين تواصل الا عن طريق ابوك.. وانتهى ولا تناقشين احد ليش غيرت وما غيرت وهذا الحل الاسلم لك .. الردود الي تقول لو ما غيرتي الرقم : - الاخت ما تقدر تمنع نفسها تتابع زوجها بالواتس اب وممكن تكلمه - البيئة الاجتماعيه تختلف من مكان لآخر والله يفرج عنك اختي فايض حناني |
رد : خساره يازوجي ,, بيطلقني عشان ماضي؟
كيفك فايض حناني وش جديدك والله يا اختي خير مافعلت انك غيرت الشريحه ومنتي مجبرة توضحي لاحد السبب ريحي دماغك واهتمي بصحتك افضل لك وحاولي تنسي زوجك واذا احد سالك او وصلك كلام لاترد عليه وانا حاسه انه ماراح يطلقك هو متفشل من نفسه وموعارف يصلح غلطه اصبري وربك يدبر امرك ويصلح حالك وحنا ماراح ننساكي من الدعا
|
رد : خساره يازوجي ,, بيطلقني عشان ماضي؟
تغيير الشريحة هو دليل على قوتك بلاشك وصحوتك بلاشك
وخليهم يفسرون على كيفهم أساساً أنتِ عندهم مهما سويتِ ومهما فعلتِ مغضوب عليكِ ومكروهه فليش ناس مايقيمون لك وزن ومايطيقونك تهتمين برأيهم فيكِ ياعمري هالعالم طنشيهم وأعتبريهم غير موجودين هم وولدهم إلي هو زوجك بها العالم وتكفيييين كملي جميلك مع نفسك وتوظفي خلي أبوك يدبر لك وظيفة محترمه وجربي لذة الإستقلال والخروج من بوتقة الزوج الظالم وأهله السيئين وحسي بقيمة ذاتك واستغناءك عن الناس جربي وراح تتغير نفسيتك بتكوني صداقات وبيكون لحياتك قيمة وبتحسي أنك كنتِ دافنه نفسك في أحزان مالها داعي مع واحد مايستاهل منك إلتفاته عيشي لنفسك وأولادك وبر والديك وغيري بغرفة نومك ببيت أهلك وأقلمي نفسك على الوضع الجديد وبكرة بإذن المولى راح يعوضك ربي بإلي يعرف قيمتك |
رد : خساره يازوجي ,, بيطلقني عشان ماضي؟
كللللللللللللللللللللللللللللللللللللوش اخيرا غيرتي رقمك ها خيرا غيرتي الشريحه بس انا ابيك تركزين على كلام اساوار الذهب وازني وازني بين امور حياتك
|
رد : خساره يازوجي ,, بيطلقني عشان ماضي؟
حبيبتي الغالية
والله إني أقرأ وأدعي لك من قلبي ، لايوجد شيء افظع من الظلم ! لكن وصية أخت محبة لك في الله عودي إلى الله هو وحده القادر على فك همك وتفريج كربتك اسعي لرضاه لاتحاولي إرضاء الزوج او عائلته او اي احد آخر ارض ربك وانظري كيف سيرضيك تقربي إليه، راجعي علاقتك به، كيف هي صلاتك وصيامك وحياتك؟؟؟ لا تتقربي إليه من أجلك زوجك، بل لأنك تحبين الله وحده وتحبين مرضاته وانظري كيف ستتغير حياتك اليك هذا المقطع للشيخ عبدالمحسن الاحمد واسمعي للقصة التي يحكيها عن احدى قريباته وكيف غيرت زوجها 180 درجة http://www.youtube.com/watch?v=oYnW8...e_gdata_player الامر الاخر حبيبتي اهتمي بنفسك بطفلك ارسمي مستقبلك لا تركضي وراءه لا تتسولي حبه زيدي من ثقتك بنفسك طوري ذاتك اهتمي بصحتك وجمالك وانظري كيف سيعود اليك انصحك بالدخول الى موقع مملكة بلقيس للدكتورة ناعمة الهاشمي واقرئي مقالاتها ففيها ستجدين فائدة كبيييييييييرة من كلامها ومعالجتها لنساء واجهن ظروفا كظروفك اقرئيها ستفيدك بعون الله أسأل الله أن يفرج همك ويسخر لك زوجك :) |
رد : خساره يازوجي ,, بيطلقني عشان ماضي؟
ربيي يوفقج وينصرج
صدقيني انتي المفروض ما تكونين حزينة إنتي مظلومة ودعوة المظلوم مستجابة إنتي ما ظلمتي ما قذفتي ما سويتي أي شي هم اللي والله يكسرون الخاطر مساااااااكين الله يعينهم على عقاب الله حقوق العباد لا يمكن الله ينساها لو انتي نسيتيها الله ما ينساها بيعاقبهم بـ الدنيا والآخرة فانتي ريحي مخج واسمعي الكلام وانتي تضحكين آخر شي الحق يبين .. ثقي بـ الله عز وجل الرحيم الجبار المتكبر دايم رددي حسبي الله ونعم الوكيييل .. كل ما أحد أذاج ردديها وإذا وصلج كلام عادي .. حتى عائشة رضي الله عنها زوجة أشرف الخلق عليه الصلاة والسلام تكلموا عنها شنو قالت " إنما أشكو بثي وحزني إلى الله " موفقة ,, وأتمنى لج حياة سعيدة (: |
رد : خساره يازوجي ,, بيطلقني عشان ماضي؟
اولاً مشكوره .. ذكريات لاتغيب .. على التوضيح انا المقصد ما اشكك فيك ي فايض حناني انا اقول لك وجهة نظري لو كنت مكان زوجك وانا عارف انك مظلومه لكن الاشياء الي سويتها لزوجك بعد الخلاف خلته يصدق كلام عماتك على كل حال تفقيلك لشريحة هي اول خطوه صحيحه تخطينها مع زوجك من بداية الازمه
شي المهم والي ابيه اقول لك لاتهتمين ب اراء الاعضاء كثير لان راح تتعبين اكثر خلي الصفحه هذي مكان للفضفضه ولازم تعرفين مو كل وجهة نظر تنقال صحيحه يعني اخذي وخلي من ردود لان انا اشوف فيه ردود تقول ليش كسرتي شريحه بعدين راح يحسبه هروب وناس قبل كانت تقول اكسري شريحه عشان يعرف انك مو محتاجه تثبتين له انك مظلومه فـ يعني لاتتعبين حالك ب ردود لان مستحيل الناس تجمع على راي واحد شي المهم والي بقوله لك .. تقفيل الشريحه هي اول خطوه صحيحه تسوينها اهم شي لازم يعرف ب انك قفلتي الشريحة وطلعتي شريحه جديده والمهم لا يعرف اي شي عن الشريحه الجديده حتى عماتك الي ظلموك لا يعرفون كم رقم شريحتك الجديده المهم يعرفون ان كافي حناني اكسرت الشريحة وطلعت لها شريحه جديده واذا خايفه عماتك يقولون لزوجك تراها كسرت الشريحة عشان تكلم غيرك او او الخ صدقيني بطبيعة الانسان مو بس رجال يكره شخص الي مثل كذا وماتوقع راح يصدقهم وانا اتمنى من كل قلبي يقولون عماتك هذا الكلام صدقيني لو عماتك قالو احنا شاكين انها قفلت شريحة عشان تكلم شباب من بكره زوجك راح يطق الباب عليكم وراح يطلب رضاك لكن ماتوقع عماتك يقولون هالكلام الا اذا كانو اغبياء شغله اخيره ومهمه اتمنى الفتره الجايه لاتهتمين ب كتاباته في التويتر او الواتس اب لانه كل الكتابات الي تشوفينها المقصد فيها يجرحك ويتلذذ ب الانتقام منك احسن حل عشان تداوين هالجروح هو انك ماتطالعين لكتابته ولا يجي يوم وتبررين له موقفك وانك مظلومه او تكتبين بيت شعر حب او عتب او تكتبين في الواتس اب انا مظلومه او انا مجروحه من فراقك و و الخ الاسلوب هذا ماينفع وهو سبب في تصديق زوجك لعماتك وانا لو مكان وصار لي مثل ماصار لزوجك بصدقهم لان ردت فعلك ماكانت ذكيه ولا هي مدروسه اما عماتك عرفو كيف يلعبونها يعني ب اختصار التلزق والكلام العاطفي بالوقت هذا هو يحسب ضدك وضد كرامتك وشرفك اذا بغيتي زوجك ينتقد كلام خراب بيوت الي قالوه عماتك وتخلينه يكرهم : 1- قفلي شريحه 2- ابتعدي عنه ولاتبررين ولا تردين على كتاباته ب الواتس او تويتر 3 - خليه يوصله خبر ب انك اشتغلتي وانك عايشه حياتك صدقيني مع الايام راح يكره عماتك لانه راح يعرف ب انهم نقالات كلام حتى لو كان كلامهم صحيح او خطا قلوبنا معاك وبالتوفيق لك |
رد : خساره يازوجي ,, بيطلقني عشان ماضي؟
88888888888888888888888888
88888888888888 8888888888888 888888 888 8 انا مع هاذا الرد قلبا وغالبا من جد الرد هاذا مختصر كل الكلام الي كنت ابي اقوله مع هاذا الرد وكمان ابي اقولك ادخلي مملكة بلقيس واشتركي بالدورات الي فيها وربي يوفقك يالغاليه انتي اخر مره ناقشتيه بينتي له ان انتي قويه ومايهمك الا رضاء ربك وانا متاكده انه الحيين بنزاع داخلي مع نفسه بس تكفون لا تطالبون انتو بورقة الطلاق لا تسون الي يبون عماتك وتفرحون قلوبهم يمكن الي صار درس لكم انتو لاثنين درس لك عشان تزيدين صلتك بربك ودرس له عشان مايفتح اذنه للغير وربي يوفقكم ويسر امركم ياااااااااااااااااااااااااااااااااااارب وجعل ربي يرسلك النصر المؤزر من سابع سماء على من ظلمك وشتت شملك يارب طلبتك بها الفجريه جعل من شتت شملكم وظلمك يتشتت شمله ربي يخلي لك عيالك ويرزقك برهم يا الغاليه |
رد : خساره يازوجي ,, بيطلقني عشان ماضي؟
حسبي الله ونعم الوكيل بزوجي حسبي الله ونعم الوكيل عليه دخلت اليوم تويتر بشوف شكاتب قلت لقيته كاتب رساله من زوج لزوجته زعلانه ببيت اهلها وكاتب طبعا يقصدني كاتب الى زوجتي تتوقعين اني اتمناك انا اتمنى لك جهنم الحمرا واتمنى ان اقطع يدك لاتتعجبي هاذي امنيتي بهذه الدنيا وان اقتلع عينك قبل روحك ايضا ،، ولدي امنيه لو اتخلص منها بحياتي صدقيني صوتك الي نعيقا وعواء ومنذ اليوم الذي عرفتك فيه يوما مشؤما واريد التخلص منك ،،المهم كاتب كلام كثير مثل كذا ،، والله بكيت لين قلت بس وين اللي يقولي انتي دنيتي وحياتي بدونك ولا شي ،، انا غيرت رقمي ويطلع عنده بالواتس اب اني ماني متصله عنده ،، والمشكله ابد مو فاقدني واليوم انصدمت ليه يكتب كذا اقلها يراعي مشاعري وين نسى كلام الله بمعناه ولاتنسو الفضل اللي بينكم ،، انا وش سويت له وش الجريمه اللي ارتكبتها ليه شجاه مني ليه يعاديني والله اكتب وما اشوف من الدموع حسبي الله ونعم الوكيل فيه وفيهم حسبي الله عليهم مقهوره احس قلبي بيوقف انا ما ابيه خلاص لكن ابي شي واحد ابيه يعرف اني مظلومه هذا اللي ابيه هو مو عارف الا ان كلامهم صحيح واني فعلا منحطه مثل ماقال هو كذا تفكيره قسم بالله كل ماقلت هانت وجرحي بيطيب احس ازيد جروح لاتفولون منك انتي انتي تتابعينه انا اتابعه عشان اكرهه وقلت يمكن بعد يكتب شي يكون ندمان فيه ولا يعترف بخطاه لا طلع ماخذ فكره اني انا رايحه فيها واحتاج جهنم ليه طيب ليه حكم علي كذا وانا كنت قدامه ماشاف شي علي والله ان لبسي محترم لاطلعت عبايه ع الراس مو كتف وعيوني اغطيها مو عشانه عشان خوفي من الله كل هذا نساه بالعكس اقدر البس كتف لان ابوي مايمانع وهو خواته نصهم يلبسون كتف وانا من كنت صغيره وانا البس راس ومن حالي محد جبرني ليه مابين بعينه وانا انسانه محافظه على صلاتي عكسه تماما ليه فكر فيني التفكير الشين والله مقهوره اقلها لايجرحني لو مايبيني والله فيه رياجيل سترو على بنات مو عاد انا اللي مو لاقي شي فيني ،، قهر قهر لما تكونين اطهر وحده واحد يشك فيك على اساس هم قالو وهو ماشاف مني شي ،، حسبي الله ونعم الوكيل فيهم ،، ابي اكرهه شلون ابي اجرحه مثل ماجرحني احسه مو ندمان على بعدي مع انه هو اللي كذل علي ووداني لاهلي وقال عندي دوره يعني مو انا اللي طلعت من بينه ولاسويت مثل باقي الحريم وطلعت من كيفي وانا اللي زعلت لا هو اللي كذب علي وقالي بوديك لاهلك اسبوع وارجع اخذك عندي دوره وكان يضحك معي ويضمني ةيسولف عادي ماحسسني بشي لين نزلني عند اهلي وقالي انتي وانتي وانتي ،، والله مطعونه منه ومع هذا ماكرهت اتمنى اكرهه اتمنى اتقبل فكرت انه يتزوج غيري عادي مايهمني اتمنى يكون هو انسان عادي عندي عجزت ،، حسبي الله ونعم الوكيل فيه وفيهم خلاص شكله صدق يتمنى لي جهنم ويتمنى يقطع يدي وعيني واللي قاله صحيح قالوها تب تخسر انسان تمسك فيه واهتم فيه واخلص له وتخسره هذا انا بالضبط اللي صار معي ،، مافكر بالايام اللي عشتها معه نسى من انا وش سويت له نسى كل شي الحين صرت ما اناسبه ولاعاد يبيني ربي فوقه هو عماتي حسبي الله ونعم الوكيل كان عندي امل انه يرجع ويعتذر ويندم باللي سواه فيني لكن راح هالامل وانا كل يوم ادعي ربي يرده لي ردا جميلا كل شي ضاع ماعدت اثق باحد حتى نفسي طول يومي كئيبه افكر برجعته وش راح يكون عنده عذر لارجع مثل اول مره قالي مانبي نتكلم باللي راح وانا ماناقشته وسامحته على طول واخذني خمس ايام بس وكان اروع مايكون معاي واخريوم كان حييل يضمني وقالي بروح دوره اسبوع وارجعلك ليه يكذب وش سويت له ليه ماقال انتي طالق ليه ضحكهم علي ليه اخذني من اهل خمس ايام بس والحين يتمنى لي الموت وكل شي سيء حسبي الله ونعم الوكيل ،، انا خلاص ماعاد ابي من احد شي ولا ارجي شي اذا اللي كان يسوا حياتي سوا كذا كيف الناس اللي مالي اي شعور اتجاهم وهم مالهم اي شعور اتجاهي ،، صدماتي فيه كل يوم تكبر ولا لقيت عذر واحد ليه يسوي فيني كذا
|
رد : خساره يازوجي ,, بيطلقني عشان ماضي؟
ياختي والله مالومك ولاالوم مشاعرك تجاه من كان زوجك
والجرح من الحبيب اشد طعنا من الاخرين اللذين لايمثلون لك شي عليك بالدعاء .... عليك بالدعاء في سجدة امام الباري وفي قعر الليل ولا تظنين ان الله لن يجيب دعوتك فهو يأخر دعوتك لتنالي شرف المثول امامه ولتكوني بقربه اكثر وقت ممكن... ادعي وكرري ( اللهم اظهر برائتي امام الملاء) ولو اني منك والله لادعي بـ ( يارب الحق قلب زوجي بالحسرات تلو الحسرات على اتهامه وقذفه لي ، وخذ بحقي من عماتي دنيا واخره) |
| الساعة الآن 05:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©