|
رد: طلبت مهلة أسبوعين وبعدها أذهب لاهلي بلا ع
اقتباس:
اخر كلمة قالتها طليقتي اتحداك تلقى وحده ترضى فيك وبطباعك والله ماتلقى اللي تصبر عليك مثلي والحقيقة انا اللي كنت صابر عليها ترد الكلمة بعشرة وتنتقد كل شي اسويه وتنتقد المنزل لمبة تحترق قالت بيتكم خربان ثم تقول بحسن نية اقصد الاسلاك خربانه ولازم تتصلح طلبتها تمسح الدرج بيجوني ضيوف قالت مافيني حيل تعبانه قمت انا اكنسه علشان لا انفضح قدام اصدقائي تقول بتحسسني بالذنب وانا تعبانه واحسن النية والله تعبانه من العيال والشغل والوظيفة الخ الخ الخ من المواقف اللي تتراكم فوق بعض الى ماحصل الطلاق وبالنهاية تقول ماقدرني ولا اهتم فيني وانا صبري على هالحال يعتبر تقدير عموماً بعظمة لسانها قالت لي انا عصبية لكن قلبي طيب وكان ردي لها قلبك الطيب هل اللي مصبرني عليك الفترة الماضية لكن عصبيتك وعنادك هي بتكون سبب طلاقنا وفعلا حصل الطلاق وقالت اتحداك تلقى وحده ترضى فيك ولما لقيت اللي ترضى فيني بدت تبكي وتوسط المصلحين تبي الرجعه بس خلاص ماينفع الكلام والله انها ندمانه وتتمنى الرجعة ولا ادري والله حسيبها يمكن عقلت او فقط يوم رحت لغيرهم احلويت بعينهم انتي الآن عازمة على الطلاق وتبريرك اللي مايبينا مانبيه انا اقولها لك وواثق سوف تندمين وبكرة بتتذكرين الاحداث وتقولين انا غلطانه انهيت حياتي الزوجية وخليته يعزم على الطلاق علشان صحن وسفرة ولو رديت بأسلوب افضل ماكان حصل اللي حصل ولا كان رد علي انه طفش مني |
رد: طلبت مهلة أسبوعين وبعدها أذهب لاهلي بلا ع
اتوقع تندمين على هذه الخطوه الغير مدروسه
|
رد: طلبت مهلة أسبوعين وبعدها أذهب لاهلي بلا ع
اقتباس:
هل وعيك بهالشي .. يستلزم منك لعب دور المجنونة ؟ استهدي بالله ردودك انفعالية و واضح انك تحت تأثير كلمة الطلاق "اللي انتي طلبتيها" و اذكرك بقول الرسول عليه الصلاة و السلام : "ايما امرأة طلبت الطلاق من غير بأس فحرام عليها رائحة الجنة" الرجل و المجتمع و الطلاق و الزواج من اخرى و و "الافكار هذي اللي تدور في ذهنك الان .. تراها مو كل شيء" هناك جنة نسأل الله ان يجعلنا من اهلها تستحق الصبر و عدم التسرع .. فكري لبعيد الحل اللي انصحك به و آمل الالتزام فيه "لان كتابتك لموضوع يدل على مستوى وعي وصلتي له" انك تتواصلين مع احدى الداعيات الموجودة ارقامهم في الانترنت انتي تحتاجين وعي شرعي و ايماني و تصحيح لمفاهيمك المغلوطة و المتضاربة مثل "الرجال العاقل و و" و انا متاكدة انها نتاج مجتمعك المحيط انهم يبدأون يكونون مجموعة تعميمات غير عقلانية لكن الادهى لما وحدة مثلك مثلا تسير حياتها و تقرر قرارات مصيرية على مثل هذي العبارات ! لاحظي ردودك عقلك الباطن يتكلم بمجموعة مفاهيم فقط .. بدون ما تحاولين تعالجين الموقف في الوقت الحاضر اللي يبيعني ابيعه و اللي يشتريني اشتريه "هذي عزيزتي ثقافة مسلسلات ماهي ثقافة انسانة مسلمة عاقلة تعرف انها مطالبة تحاسب نفسها و ترى اخطاءها قبل ان تعرض للحساب امام الله" باختصار لا تجعلي حياتك الزوجية اسيرة لمجموعة تعميمات و عالجي الموقف الحالي و فكري بحلول له و استهدي بالله و تعوذي من الشيطان. |
رد: طلبت مهلة أسبوعين وبعدها أذهب لاهلي بلا ع
+
تذكري عزيزتي احبه ان الصبر له حدود "كما نقول بالعامي" و كما قال تعالى "ربنا لا تحملنا ما لا طاقة لنا به" و فيه دلالة على ان لكل نفس طاقة معينة و زوجك عودة لموضوعاتك السابقة و بناء على ما كتبتي "انه كان يداريك حتى مل من زعلك المتكرر و حساسيتك المفرطة" و هذي نتيجة طبيعية اللي يزرع امور سلبية بيحصد نتائج سلبية و هذه التراكمات في قلب زوجك هي ما سببت اندلاع شرارة موقف الصحن و السفرة رغم تفاهته انتبهي على حياتك الزوجية .. لا تهدميها و انتي تتفرجي و انا ماحب اكون سوداوية لكن افضل طريقة لتوقع الحاضر هي العودة للماضي و اذا استمريتي بنفس هالدوامة اتوقع موضوع آخر في قسم آخر ! انتبهي فليس اعز على الشيطان من هدم بيت مسلم. |
رد: طلبت مهلة أسبوعين وبعدها أذهب لاهلي بلا ع
بسك دراما كوين يا بنت
احبه جا الوقت الي استشيرين شخص متخصص في سلوكيات عندك تجعلك شخص صعب العشره احس الشخص الي تحبينه يتعب منك اكثر من الاشخاص الي تكرهينهم |
رد: طلبت مهلة أسبوعين وبعدها أذهب لاهلي بلا ع
المشكلة مو في السفرة وفي الصحن .. المشكلة زوجي مايبيني خلاص .. مافيني شيء يجذيه على قولته .. وش تبوني أسوي !! أترجاه يخليني عنده غصب عنه !!!!
|
رد: طلبت مهلة أسبوعين وبعدها أذهب لاهلي بلا ع
يا اختي اذا بناخذ على كلام ازواجنا وقت العصبية
ما بنعيش وياهم! كذا مرة اعصب من زوجي .. صحيح ما ارفع صوتي بس اقول له : اكرهك .. او اذا عصب قال لي كلام يضايقني والله لو احط بالي سوى انه او اي زوجة او حتى اي زوج جان صدقيني ما لقيتي اثنينه متزوجين! |
رد: طلبت مهلة أسبوعين وبعدها أذهب لاهلي بلا ع
عايشة في دائرة واحدة رافضة تطلعين منها..تدورين في نفس الحلقة..
يابنت الحلال ما أحس في فايدة من الكلام معك. كلنا ماقدرنا نقنعك أسلوبك خطأ.. أي انسان ما يتحاسب على كلام في لحظة غضب.. وإنت مصرة تتمادين وماتتراجعين عن موقفك.. سمعت مرة الدكتور طارق الحبيب يتكلم عن الحياة الزوجية فقال الأعقل هو من يحتوي المشاكل..وغالبا تكون هي المرأة.. محد قال لك اترجيه.. كلنا قلنا لك خذيه بالسياسة والضحك وانسي وبادري..لكن إنت مصرة تكبرين الموضوع التافه لأنك صاحبة العظمة والكرامة وعزة النفس.. شكلك منتظرته يقدم لك اعتذار رسمي وماراح تقبلين اعتذاره الين تطلعين مصارينه.. ترى مستحيل تمتلكين زوجك وتسيطرين عليه..والله هذه ماهي حياة زوجية هذا اختناق..والندية مع الشريك دمار للحياة الزوجية.. خذيها مني كلمة في كل علاقة زوجية المرأة هي الحلقة الأضعف.. مو عشان الرجل ديناصور والمرأة نملة.. لأن ربي قال في القرآن (ليس الذكر كالأنثى).. يعني تركيبة زوجك وتكوينه وفطرته تختلف عنك.. بالتالي ماراح يفكر ولا راح يتصرف مثلك.. |
رد: طلبت مهلة أسبوعين وبعدها أذهب لاهلي بلا ع
اقتباس:
المطلوب منك تهدين ترممين الصدع اللي حصل وتتجاوزوين حاجز الغضب تسامحينه وتطلبين منه السموحه ولاتروحين عند اهلك موضوعك المهم فيه مو الصحن والسفره بل انتي واهتمامك بنجاح حياتك الاسرية اسأل الله ان يوفقك ويسعدك ويدلك لمافيه خير |
رد: طلبت مهلة أسبوعين وبعدها أذهب لاهلي بلا ع
معقولة ما تتذكرين اشياء حلوة سواها عشانج
معقولة ما تشفع له ؟!!! انتي عنيدة يا اختي واثنينكم قاعدين تشدون! كأنكم في حلبة مصارعة كوني انتي الطرف الهين اللين وخيرهما الذي يبدأ بالسلام والله يا احبه اول ما تزوجت كنت اتمناه يداريني اقعد ابجي دموعي اربع اربع بس ابيه يحتويني لما صلحت اغلاطي هو بدأ يعطيني من غير طلب هي جذي الحياة الزوجية 😊 ترى ما فيه رجال تفصيل او ماركة |
| الساعة الآن 01:47 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©