|
لا تطلقها
هذا هي مريضه وانت مخليها ع ذمتك 10 سنوات وانت عمرك 32 بيعني هي زيك او اصغر منك بسنتين حرااام راح تجلس طول عمرها يقولوها مطلقه انت تبي احد يقولك انك مظلوم انت مو مظلوم الخطأ راكبك من راسك لساسك اسفه لو كنت قاسيه بالرد بس والله تعاطفت مع حرمتك مره واكتب هذا الكلام ودمعتي في خدي |
والله ماعرفت وش اقول
الا الله يفرج همك وهم المسكينة ويفك عنكم هذا الغم بقدرته ياااارب |
اخي الكريم استخير والزم الاستغفار ولاتفكر في الماضي
انت الان ترفضها لانك تشعر بانها فُرضت عليك ولكن تحرر من افكارك السلبية الماضية واحكم بتجرد من خلال معاشرتها معك واستخر الله والزم الاستغفار حين تصل لمرحلة التجرد من الاحداث الماضية وتحكم عليها من خلال واقعك الحالي فقرارك سيكون صائب اما امساك بمعروف او تسريح باحسان قال رسول الله صلى الله عليه وسلم ( لايفرك مؤمن مؤمنة ان كره منها خلق رضي منها اخر ) |
أسأل الله أن يفرج همك و ييسر أمرك يارب
|
أخي الفاضل... كل أفراد العائلة مذنبة .. وجنو عليك انت و زوجتك زوجوك من غير إراداتك .. كذبو عليك في مواصفاتها قعدت 6 سنوات من غير ما تشوفها!!! ومن غير ما تتصرف وهي حلالك .. >> قدّر الله وماشاء فعل << الآن لازم تفكر بحل وتشيل كل الجوانب السلبية .. وأقصد بالسلبية هو سكوتك وهروبك لازم .. تكلم زوجتك بهدوء وتسألها انتِ راضية بعيشتنا؟؟ انتِ ايش تحسي تجاهي ؟؟ وأسئلة كثير عشان تكون الصورة واضحة وبعدها تصارحها بأحاسيسك .. بهدوء من غير ماتجرح مشاعرها قولها انا ابغى اسعدك وانا مقصر معاكِ .. بس في شي يمنعني يمكن تقدور تساعدو بعض .. لازم تكونوا صريحين مع بعض .. أعطِ نفسك فرصة وجرب كل الحلول وإذا حالتك زي ماهي فتسريح بإحسان.. ساعتها ممكن تقنعها هي تطلب الطلاق عشان لايحطوا اللوم عليك الله يفرج همكم ويريح بالكم |
اخواني اشكركم على الردود التي مهما تكلمت لا اوفيكم حق هذه الردود رغم اني فيه بعضكم اما انه ماقرا القصه كامله او ماقرا ردودي بنفس الموضوع او انه قرا العنوان .. او عنده تحيز ... وجا يكتب رد بدون تدقيق ,, عندي سؤال بالنسبه للي يقولون حزن على زوجتي ,, يعني انا قايل لكم ماحزنت عليها مثلا؟ ولا صبرت كل هالسنين عشانها مثلا .. ؟؟ وليش اشاوركم ؟ كله عشان اشوف هل انا على حلق ام لا انا انسان وصلت طاقتي .. اسم متزوج فقط .. لاهي ولا انا لنا ذنب .. بغض النظر عن تصرف الاهل والسنين اللي قضيتها معاها انا اشكي لكم حالي وحالها الان .. يعني كثير مرو في هالمرحله ... الراحه والتوافق والاءلفه وكل شي بامر ربنا .. وحاولت ساعي ولا ابي اعيد الي قلته .. لاني لما كتبت هنا اعرف ان موضوعي مثير للجدل وفي قمة الغرابه ... بس رغم هذا اتوقع الحل واضح ... كل الحلول الللي قلتوها سويتها ومازلت نفس الشي .. قصة ان المساله فسق او نوع من المزاجيه فانا اكبر من هالامور والا ماكان تعبت نفسي هذا جاني خبر واحد صاحب لي امس طلقت زوجته من ثاني شهر وكلمته قال ياخي الحب يجي من رب عالمين بس هو مطاول معها .. لكن انا لا العكس رغم المعاناه هذي حاولت جاهد ومجتهد .. لاجل اعييش عيشة زوجين مستقرين ومرتاحين .. ولاجل ا ماكون ظالم ومقصر وللاسف لحد الان فيه ناس تحط القصور فيني فيه تناقض في الاجابات ... وفيه ردود حست فيني ولا حست بطرف واحد ... بل بكل الطرفين .. وعطوني الانصاف ... مو في مسالة الطلاق انما في مسالة عدم الاستقرار والراحه .. وهمسه ترا مو بس الرجال يكرهون زواجتهم ويجي منهم الغلط ايضا هناك زوجات كثير يكرهون ازواجهم .. يعني الله لايهينكم يابعض ناس تذكرو ان الرجل عنده حس ومشاعر وله قلب .. فلا داعي بالنظر في عين وحده .. وبعضهم تقول انتم يالرجال فيكم وفيكم وفيكم ... تذكري شي واحد ياللي تقولي هالشي اذا انتي مريتي في موقف مع زوجك وكرهك عيشتك تذكري ان الرجال مو واحد مثل مالبنات مو واحد .,.. وتذكري لنا حق وحقوق وقبل كل شي حطي نفسك مكاني؟؟ .. قبل كل شي .. انا ماقلت زوجتي فيها ومافيها وهي غلطت بالعكس انا احن عليها اكثر منكم وشي مايحتاج اقول واعبر عنه .. بس الامر بيد ربنا .. واللي ايده بالنار مو زي اللي ايده بالفشار .. او الماء .. يعني باختصار شديد فيه امور والله اني اتعقد لما اشوفها وهذي اضافه اتمنى الكل يقراها ويمتعن فيها اللي هي مسالة الرجال قلوبهم حجر والحريم مسااكين او العكس ,,, واللي يقهرني اكثر واكثر كلام الجهل لما البعض يقول سعودي ومدري ايش ؟؟ << هالامور الي كذا انا غاسل ايدي منها لان عندي مبدا اللي هو .. كل اناء بما فيه ينضح .. يعني الجاهل عدو نفسه والعاقل غني عن التعريف .. انا زي ماقلت وتفضلت لان بعضكم ماقرا الموضوع الحين الوضع صار مكشوف بالنسبه للقرابه والاهل وللزوجه وصارحتها وتعرف هالشي ... وقلت لها كل شي قبل شهرين .. والقرار هو االطلاق .. والهدف من قصتي اتمنى الكل يعتبر منها عشان مايمر باللي مريت فيه وحاولو تمنعو هالعدادات اللي مدري وش اصلها بالحياه .. وعلى فكره انا مو بشاعر ولا شي بس متذوق للشعر وكتبت هالابيات من اللي احس فيه واول مره اكتب شعر ومن قلب وحتى ماكملتها ويمكن في البيوت كسور بس اهام شي اني عبرت عن الي بقلبي في هالابيات ولو اني ماكنت بحطها هنا بس حديت نفسي على هالشي .. واقول في الابيات بس لاحد يضحك علي ويتشمت ويقول هذا بس يستهتر احيان الواحد يحب يكتب للي في خاطره في اي مجال كان واتركمم مع هالبيوت اللي مدري مخربطه والا لا .. تدري وش اللي يقهرك بعض الاوقات ,,,,,, لاصرت تبكي من العنا بعالي الصوت وتدري وش اللي يجرحك حيل بالذات ,,,,,, لاصرت تشكي والبشر حولك اسكوت باسباب عاده لــلاهل والقرابات ,,,,,, حـطوك بالحفره وخـلوك مكـبوت حفرة زواج اللي يقولون عادات ,,,,,, تقليد اعمى والجهل فيه منحوت لافلت هذا ظلم قالو تفاهــات ,,,,,, وقالو ترا راكبك مليون طاغوت ولا قلت حلم يضيع وسط المتاهات ,,,,,, قالو تصبر واترك احلام سربوت تبغون اذوق المر بطعم الملذات ,,,,,, واشرب بعدها سم واتخيله توت حريتي ياناس تحقيق غايات ,,,,,, هذا طموحي بلوحة الفكر مثبوت الا متى نخضع لحكم القرارات ,,,,,, هذا يمرر كورته وااـقدوه يشوت والا متى أنواجه الظلم باسكات ,,,,,, وأنكــفن الاحلام في وسط تــابوت خلو طريق أمفرقين الجماعات ,,,,,, ومدمرين ابـيوت وابيـوت وابيـوت شكواي للي عالم(ن)بالخفيات ,,,,,, بيده حياة الناس و(ب)يدينه الموت يارب ياخالق عظيم السماوات ,,,,,, يامنجي (ن)يونس من باطن الحوت تفتح لي ابواب الفرج والمسرات ,,,,,, من بعد ما قالو ترا فاتك الـفـــوت |
صح لسانك وكلماتك معبرة وانا من البداية متابعه موضوعك
صراحة قرارك عين العقل شوف نفسك وتزوج باللي ترتاح لها وهي ربي يرزقها باللي يسعدها ويوفقها |
الله يسسسعدك وانا بعد متابعه لقصتك وربي حسيت فيها وغلطه من اهلك
لكن مو بيدك ولك طاقه انسىى ولاتعذب نفسكو تنمرض وطلقها والله يستر عليه والله مايخليها يجيها رزقهاا وانت صبرت وهي صبرت لكن شي مو بيدك واهم شي راحه القلبب وانا اختك الله يوووفقك وتنفرج لك وهي بعد الله يوفقها لكن تدري وش الي قهرني انك رجال وسكت واسمحلي اخذ ابياتك |
وأنااا بعد متاابعة موووضووعك وردودك من أول مانزلته ..
الغلط مو منك ولا منهآآآ ... وقرارك صــــــــــــآآئب ولاتعذب نفسك وتعذبهااا أكثر ... اللي رآح رآح وانتهى ... وأبدأ حيااتك بروووح عزآآبي حُرر طليق .. عيشي يوومك ..... استمتع بكل لحظاتك.... صدقني انك بتريحهااا وبترتااح انت بعد .. لآنه مافيه انثى ترضى تعيش مع اانساان مابينهم توافق حتى لو هي تحبك وتقدرك (( حب من طرف واحد مايستمر ,, وأيضاً مافيه رجل يتحمل يعيش مع انثى طوول عمره ومافيه بينهم توافق واستقرار وتقبُل وموده وسكن .. أخووي إذا شفت انك مستعد ترتبط لاتتآخر خطوه وحده وفوووض امرك لربك واختااار المنااسبه لك و اللي تحبهاا وتحبك ... ................................. أبيااتك جدا جدا احزنتني وأليممممممممممممه جدا تدري ليه لآنهااا من قلب صــــــــــآآدق .. ووصلت لقلوبناااا .. حريتي ياناس تحقيق غايات ,,,,,, هذا طموحي بلوحة الفكر مثبوت الله عليك خلك دائمااا متفاائل وهالعادات البالية شلوهاا من قااامووسكم ... موفق يااارب ..** |
وعسى ان تكرهو شيئا و هو خيرا لكم و عسى ان تحبوا شيئا و شرا لكم
يا اخى اعزك الله لا تفسد معانى الرباط المقدس و حاول ان تنظر الى زوجتك نظره اخرى فاعذرنى .......لا تحملها ذنب انت السبب فيه فقد فات الاوان باوان على التراجع نصيحتى لك ابعد عنك و ساوس الشيطان فى تكبير افكارك هذه و حب ما فى زوجتك و عاملها برفق و حاول ان تشكلها كما تريد و اعتبرها جهادك يَا أَيُّهَا الَّذِينَ آَمَنُوا لَا يَحِلُّ لَكُمْ أَنْ تَرِثُوا النِّسَاءَ كَرْهًا وَلَا تَعْضُلُوهُنَّ لِتَذْهَبُوا بِبَعْضِ مَا آَتَيْتُمُوهُنَّ إِلَّا أَنْ يَأْتِينَ بِفَاحِشَةٍ مُبَيِّنَةٍ وَعَاشِرُوهُنَّ بِالْمَعْرُوفِ فَإِنْ كَرِهْتُمُوهُنَّ فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا لا تستهين بهذا الميثاق الغليظ |
| الساعة الآن 09:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©