|
العفو حبيبة قلبي ربي يسعدك ويسخر لك قلبه يارب
بالنسبة للصحيات عادي اذا قمتي قبله حطي له وردة عالمخدة مثلا اووعطريها بعطرك عشان يذكرك اول مايصحى او ونتي طالعة دفيه وقبلي جبينه برقه او حطي ورقة صغيرة علا مرايا الغرفة او الحمام عليها احبك او راح اشتقالك باليل اذا تنامي قبله. احضني مخدته عن قصد او قميصه مثلا كلها اشيا تبين انك تحبيه وهو بيسعد بهذا الحب وبيرجع يعبر لك باذن الله بس الصبر شوي موضوع انه يقابلها 12 احسن لانه ممكن تختلقي اعذار كثيرة بالليل عكس الصبح ممكن يقول لك دقي علا فلان او روحي لحالك اذا احتجتي شي لكن بالليل اذا ارسلتي تعبانة تعال حبيبي او. البيبي. محتاج حليب او شي. راح يضطر يرجع ان شااءالله. تستقر امورك. قريب. وربي يقومك بالسلامة انتي والبيبي هذا اهم شي الحين شيهانهي وفقدناك ياعسل وين الغيبة. تسامي عالدعوة الحلوة ربييي يجزاك كل خير ويسعدك ويسخر لك قلب زوجك ويحفظ لك اوللدك ويرزقك الحمل السليم يارب اتفق معك اكيد لازم الموازنة لازم يحس انك مهتمة وتحبيه وبنفس الوقت تحبي نفسك ومش لاصقة فيه |
جزاج الله كل خير نوارة الغالية
والله مالي الا الدعاء لج عسى ربي يتمم عليج نعمته ويزيدج من خيره ويبعد عنج السوء ويجمعنا بالجنة اللهم امين |
جئتكم بعد ان طبقت بعض من اللي نصحتوني فيه
امس كنت شوي مريضة فجأة بالليل زاد علي التعب وما قدرت اتنفس وهو طبعا كان رايح لها دقيت عليه جهازه مغلق أرسلت مسج ما وصل المسج لان جهازه مغلق دقيت على امي ويات وخذتني مع اخوي عشان نروح المستشفى طبعا هو متفشل ومعصب ومتضايق شلون خليتي اهلج يودونج وانتي في بيت زوجج قلت له اتصلت وما رديت أرسلت لك وما رديت طبعا ادري فيه لو كان عندي ماراح يحرك ساكن على اساس ان بناته نائمين ولازم احد ينتبه لهم نسيت اقولكم شي لما راح لها قالي شوفي البنات اذا متغطين عدل يا سلام عليه هو بيروح يستانس مع أمهم وانا باصير بيبي ستر لهم طبعا قلت له اسمح لي وانا تعبانة ومن هالحجي وفوق هذا مرة صارت مشكلة كبيرة وجا مع امه بيتنا واتفقنا على اشياء وايد من ضمنها ان ما يراسلها بالمسجات او الواتس اب لما يكون عندي وأمس قهرني قعد يراسلها بغرفتي والله انقهرت حييييل ابي نصايحكم شسوي اذا راسلنا وهو بغرفتي |
نصيحه وضعك مع زوجك مرهق
وانتي حامل ونفسيتك مو مستحمله افضل ان تبتعدي عنه هالفتره خلي الجو فاضي لهم لين يمل منها والا يرجعها روحي لأهلك بحجة تعبك اما انه مخليك لأنه يتطمن على بناته عندك وعايش جو غريب مع امهم وهي انسانه لا توصف بكلمه .. ( لا افهم كيف تستأمن بناتها عند غيرها) المهم أرى بوضوح حاجتك للابتعاد عن هالجو كله وقتها تقدرين تقررين براحه كيف تكون حياتك عندك خيارات كثيره ممكن تطلعين ببيت بروحك وإذا فيها ضغط عليه ساعديه بس لا تكونين طرف في لعبه سخيفه يمارسها اب وام بدون عقل ولا منطق |
مشكورة اختي ذكريات على سرعة ردك
والله راحتي في بيتي ما اقدر اروح بيت اهلي ما ارتاح هناك شغلي واغراضي وملابسي كلها أهني في بيتي وداومي قريب من بيتي والمشكلة الادهى والأمر ان مؤ حاس ان مسوي شي غلط والله بعض المرات اتمنى لما يكبرون بناته ويتزوجون يكونون بإمكاني عشان يحس بالنار اللي فقلبي |
حبيبتي يا موهبة .. اتمنى انج بخير وصحة وعافيه .. اسمعي حبيبتي .. اذا شفتيه يراسلها .. على طول اشغليه بأي شي .. روحي اجلسي على رجله واخبريه عن موضوع يجذبه .. يعني مثلا زوجي يحب مواضيع السيارات لو مشغول باهم موضوع بالدنيا بيتركه .. ناديه وفاجئيه بكعكه لو كاب كيك مكتوب عليه اسمه .. واحضنيه وقولي له كلام حلو .. وهو يراسلها اطلعي من الغرفة او المكان اللي هو فيه وارسلي له وقاطعيه برساله مكتوب فيه ( احبك ) بعدها ( فديتك ) وانتي تضحكين كأنها مزحه ... واذا طفر قولي له وانتي تضحكين ما دام انك عندي فأنت من حقي وبس وكيفي اسوي اللي ابيه ( بـــــدلع ) .. اذا فيج صبر .. انشغلي عنه افتحي النت على لقطات مسرحية او فيديو فكاهي واضحكي ولا كانه هامنك .. حبيبتي هو ما يهتم لتعبك لانك يمكن كنتي تخلصين امورك بنفسك .. وتعتمدين على نفسك في كل شي .. نقطة ثانية ومهمة .. ما دام ان زوجك يحب عياله ... استغلي عياله بالخير طبعا .. علميهم امور مثل : بعض السور القرآنية القصيرة بعض الادعية والاذكار البسيطة .. علميهم يبوسون راس ابوهم اذا وصل البيت .. علميهم ينادونك ماما .. وعطيهم الحب علشان يحبونك وزوجك اكيد بيلاحظ هالشي .. زوجك يشوف انه ام عياله ما تقدر على التربية ولا يأمن عليها في تربية عياله .. فاثبتي له انك الافضل في التربية واخلصي النية لله عز وجل فمنها تكسبين اجر ومنها تكسبين قلب زوجك .. مري على بعض من مواضيعي اللي فيها افكار لقضاء وقت مع الزوج والاطفال في البيت وخذي الفكرة وحاولي تطبقينها وانصحج حبيبتي اذا لقيتي وقت تمرين على موضوع لغة الجسد واتمنى تلقين الفائدة .. ربي يوفقج ويسعدج ويفرج همج يارب |
وارجع واقول لج .. ريحي عمرج وحطي بالج على صحتج اهتمي بتغذيتج وبالتمارين وقيام الليل والصدقات بمشاركة زوجك والعيال بعد اذا بتفكرين لو لحظة بتفهمين ان ما في شي يسوى هالتوتر والزعل ... يكفي ان ترضي الله علشان يرضى عنج الكل ومثل ما قلت لج قبل الزوج ما بيطير .. فاهتمي بنفسج ولاحقة على الزوج خليه على هالحال لأن بالاخير صدقيني بيمل فلا تتركين له مجال ينفر منك حبوبه .. |
يا قلبي لمني بشوق حاولت فيما مضى ان الهيه اذا راسلها بس ما فاد
ولما يراسلها كلها دقيقة وبس يعني كلمة ورد غطاها بس انقهر لان ما حسب حساب شعوري بالنسبة لبناته فانا الحين جايبة لهم محفظة قران واتابعهم بالحفظ هذا اللي اقدر عليه مشكلة بناته مدلعين وما ينعطون ويه يعني اذا فرضا قعدت العب معاهم لعبة وحدة يبون يلعبون لين يشبعون حتى لو انا تعبت والله يا لمني بشوق الوضع تحسن واستانست يومين والحين هو رد عفس كل شي |
انا مؤ قصدي أني اركض وراه
هو معاها يسطفلون انا اللي حارني ان يتصرف تصرفات غبية يعني يكلمها وبغرفتي وعقب يروح لها ويبيني اهتم في بناته وبالخير يعصب اذا ناديت اهلي وانا محتاجة لهم والله ما ادري شلون يفكر |
ما عليه يالغاليه .. انتي متوتره الحين علشان جذي ما بغيتج تبدئين اي خطوة لين تولدين بالسلامة فالحمل يتعب النفس والجسد ... اصبري النتيجه ما بتي بين يوم وليله ... نعم انا معاج شي فعلا يقهر .. لكن هذا مب طفل حبوبه بتسحبين عنه الموبايل .. لازم تسايسينه ... موهبة اذا ما تقدرين لا تضغطين على نفسج ... ركزي على نفسج صدقيني بيمل وانا ااكد لج .. وبتجين روحج وبتخبرينا انه مل من الوضع معاها .. باذن الله وحاولي تطبقين الطرق اللي ذكرتها لج .. اما العيال فهذا طبع كل العيال حبوبه .. ما يشبعون من اللعب فحددي لهم وقت .. عندكم مثلا 15 دقيقه بنلعب فيها وبعدها خلاص ... خليهم يسمعون ابوهم الاشياء اللي يتعلمونها علشان يعرف الفرق اللي بينك وبين امهم .. اذا تضايقتي وايد من تصرفه كلميه حبيبتي وعبري بس بهدوء وجديه كلمتين واتركيه وارجع اقول لج سوي اللي تقدرين عليه لان الوضع ما يساعد انج تضغطين على نفسج وارجوج لا تنسين الدعاء في قيام الليل عن تجربة والله انها مثل السحر .. واكيد نحن معاج ... ربي يوفقج ويسعدج حبوبه .. |
| الساعة الآن 08:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©