|
اقتباس:
ربي يسعدك ويعطيكي من يقدرك حق قدرك [COLOR="Sienna"] |
اقتباس:
مجموع ما طرح من كل الأخوات هو أقصى ما تستطيعين بذله لاسترداد زوجك ولك الحرية بقرار بذل كل جهدك أم لا .. وأنت من يعلم إن كان الأمر يستحق هذا الجهد أم لا . بالنسبة لي كان يستحق وأكثر .. ربما يفهم زوجك بأن حبك له صغير فلا يبذل جهده للعودة لك إذا شعر بأنك استسلمتي بسهولة |
اقتباس:
نعم حلوين وقماري. وانا اشهد ...وهذا السن ...يعتبر عز الشباب والحكمه والعقل والخبره في الحياه.. .فليش وحده في سن العقل والحكمه تروح تكون علاقات حرام ليش؟؟؟والاغلبيه منهم يسحبون الرجال المتزوجين.. ويااخت هيا.....ابتعدي عن تحليل النفسيات والشخصيات...هذا كله كلام فاضي...وش يعني اذا يحب اخته ومايقدر يقلها كلام حساس...يقوم يتعرف على وحده كبيره عشان يفضفض لها...با لله عليك هذا كلام الحين... طيب انا احب ابوي واموت فيه ومااقدر اقله كلام حساس يعني اروح اتعرف على واحد قد ابوي عشان اقله كلام ماينقال... وكل الرجال يحبون امهاتهم ومايقدرون يتكلمون معهم في امور الجنس يعني كلهم يتعرفون على حريم كبار عشان حضرتهم يفضفضون...بصراحه كلام غير منطقي... معليش اختي المسأله مو بسيطه..والسبب الرئسي ضعف الايمان...نعم زوجك يصلي لكن هل كل من يصلي يخشع في صلاته؟؟...كثير ناس متعودين على الصلاه بوقتها لكن خشوووع مافيه...وبالتالي ايمانهم ضعيف.. شوفيلك حل في هالمشكله...ولاتقولين مالي صلاح وتوكلين اخته نيابه عنك... وربي لو انا مكانك...كان موضوعي انتهى من ساعته...وربي لو انه مشلول على الكرسي..امسك جواله وارميه من الشباك..واعلى مافي خيله يركبه بيطلقني؟؟؟ في ستين داهيه.. هذا الي ناقص...سواليف في الجنس...واقعد اتفرج عليهم واتابع الحلقات الين مايجيبها لي في البيت.. اقلك هالكلام وانا وربي احب زوجي وماتخيل حياتي بدونه....لكن الا هنااا وبس.... |
اقتباس:
صادقه اختي " ليه الغرور" ... لو انا لا قدر الله بأرمي الجوال مع الشباك ولو لو يقول لي ليش؟؟؟؟ قلت له .. الظاهر بعد كأن ودك اخليك تحلق الجوال ؟ :29: وبعدين هيا .. لمن قلتي لي انك انتي السبب اللي خليتيه يتغير !... ليش تخلين ضميرك يأنبك الى درجه بديت تسكتين عن اشياء ما ينسكت عليها علشان ضميرك بزيااده قاعد يحاسبك ؟ لا مو انتي مو السبب ... هي الظروف صارت كذا .. .. كلام منه جرحك وكلمه منك رده فعل وممكن اي وحده فينا في موقفك تقولها ... بس هو كبرها وزعل بزياده .. وهذيك الشيطانه استغلت الظروف هو كمان مو جريء في العلاقه الخاصه ..ليش تأنبين نفسك ؟.. هو كمان زوجك شبه جدي في العلاقه الخاصه والمفروض هو اللي يعلمك ويجرئك ... انتي كنت تتعذرين منه و مالك خلق لأنك ما تتذكرين من علاقتك الخاصه معاه إلا هم الإستحمام في انصاف الليالي وضياع وقت ... ا نشاء الله بتحل مشكلك .. بس اذا ناقشتيه قولي انت كمان ترى ما تعلمني .. انا متربيه وماتعودت على علاقات شباب وغيره لأني متربيه وبنت ناس واخاف الله .. المفروض اذا شفتني كذا .. تطمئن نفسك وتقول انا تزوجت طاهره وعفيفه .. وتتفهم الحال و خطوه بخطوه انا وانت و حوارات صريحه بيننا وتنحل المشكله ..مو تروح تنجرف مع اشباع نفسي بطريقه غير مشروعه ... وقولي له .. انت تدري اصلا ان الرجال الخربانين و راعين البنات .. يعرفون من كثر تجاربهم .. مين العفيفه الطاهره و مين الجريئه بزياااده و المبادره بزياده مثل هاللي انت متعرف عليها .. ويقول هذي محترمه وهذيك راعيه رجال ومتمرسه وماوصلت لهذا الحد معاك إلا بالخبره ياحبيبي يازوجي ياغافل .. و مو اي جرأه انت رجال غريب عنها وتحرم عليها و كلامها لك محرم وتجاوزت كل الحدود معاك بكل اريحيه ؟؟!!!!! فكر بعقلك هذا يدل على ايش ؟؟؟ ترى البعره تدل على البعير !!!!!!.... بس فتح عقلك وناظر الأمور من بعييد .. وتفهم الأمور حولك ..لايكون تفكيرك سطحي...زوجتي مقصره وما تقدر تشبعني وهذي تقدر تشبعني !! .. المفروض يصير تفكيرك العكس .. زوجتي عفيفه وطاهره واعلمها واجرئها وتتجرأ وتصير على مزاجي وبالحلال .. وهذيك من كثر خبرتها مع الرجال علموها وجرأوها و صارت معلم ممتاز بعد لي و بالعلاقات الحرام والفحش في القول والفعل ومع غيري بعد .. بتشهد عليها يديها و عيونها و كل شيء فيها يوم القيامه .. ولا تجرك للحرام وتخرب اخلاقك .. وقولي له انت من عرفتك محترم .. ومن عائله محترمه .. وبيئتك بيئه محترمه .. استغفر ربك وارجع له و اترك عنك هالأمور .. ترى العين وهي عين .. تزني !! وزناها النظر ... وطلعي اللي في خاطرك كله .. واذا ماتقدرين ياهيا ... اكتبي له رساله .. و خليه يقراها .. عبري فيها عن حبك لك وووضحي له عاطفتك تجاهه و اعترفي بتقصيرك بالفراش معاه و وضحي له الأمور وفسري له حالته و حطي الأمور قدام عينه .. خاطبيه بعقلانيه .. وطلعي اللي بخاطرك .. وقولي له اللي بيني وبينك .. فتره نقاهتك هذي الفتره بعد العمليه .. بأدي حقوق الله فيك .. و ماني قليله أصل .. في يوم حاجتي اتركك ... لكن اقسم بالله من تقوم تمشي على رجليك .. وما تحتاجني .. بأودعك اخر وداع .. وبأخلي الجو يصفى لك معاها وإلا مع غيرها ... وبعدها لا تعرفني ولا اعرفك ... واذا ماتبيني خلاص قول لي .. مع السلامه اريح لي واريح لك مو كل يوم هواش وضيقه صدر تنكد علي وانكد عليك .. الزواج اذا مافيه احترام وجودي معاك وفي بيتك و علاقتنا الزوجيه وقبل الإحترام الخوف من الله ..معناته انك تبي تطفشني منك .. ومستغني عني حتى لو انك بهالظروف ... فلا تطفشني ولا اطفشك ... خلني الم اغراضي واروح بيت اهلي و ارسل لي ورقه طلاقنا .. واللي يستر علي وعليك ... { وان يتفرقا يغني الله كلا من سعته } ... الله يكتب لك كل خير ...ولا تحاكينه بعدها ولا تفتحين فمك معاه بكلمه ..كلمه وغطاها وبس خليه يعرف جد الجد.. خلاص وللصبر حدود .. |
انا دخلت المنتدى وانا ابكي ولمن شفت رد ليه الغرور ضحكت من قلبي
الله يسعدك ويسعد الجميع اليوم عالغدا تهاوشنا هوشه كبيره حطيت له اكل وجلست اصحح عنده قلت حرام لا يزهق من جلسته لحاله قال حميلي الغدا مره ثانيه طبعا جالس عالبلاك بيري مو فاضي قلت مابحميه كله كذا ولا عساك لا اكلت وانا صادقه خلاص تعبت والله المهم صار يرفع صوته ويسب اول مره يسبني كذا سب كبير حق اولاد شوارع ويقول انا الرجال وانتي المره وهو ماكان يقول كذا اسلوبه تغير المهم انا طلعت كل اللي بقلبي عن الحرمه وعلمته اني عرفت انها في بالبلاك بيري واني علمت اخته ماعجبه الحكي وكب الغدا بالارض وقال انا اكرهك من قلبي وماحبك وانتي عارفه سبب كرهي لك قلت انا للان ماكرهتك واتمنى انك ماتوصلني لمرحلة الكره لاني لو كرهتك بتركلك البيت وخيرته اما يحترمني ويحترم قدسية زواجنا واما كل منا يشوف طريقه وقلت له انا مابتركك الان لاني مش قليلة اصل ولا قليلة خاتمه وبجلس وبخدمك بعيوني لكن بعد كذا لا تلومني على اي قرار اتخذه قال هي تسمعلي انت ماتسمعيلي وهي تحترمني وانتي لا انا انصدمت من موضوع الاحترام قلت كيف ما احترمك؟ قال كذا انت تعامليني وكأنك متفضله علي عيشتك معي قلت انا؟ قال ايه من اول زواجنا وانت محسستني بكذا قلتله كيف؟ وضح؟ اشرح؟ ماتكلم سكت قلت حتى لو مو عذر انك تخوني وتعلم وحده ماتعرفنا عن علاقتنا الخاصه وتغضب ربك اللي هو سبب شفاءك من عدمه تعال وقلي صارحني انا زوجتك سترك وغطاك وبعدين انا وانت كنا سمن على عسل طوال فترة زواجنا وانت تغيرت بعد اخر مشكله لا تخليني اقول انك حقود لانك للان فاكر كلامي وماسامحتني وجالس تعاقبني عليه انا قلت كلامي بلحضة غضب لكن انت جالس تخوني وتجرحني بلحضه انت رايق فيها وقاصد ليه تسوي فيني كذا؟ شعرت انه خاف من كلامي لاني كلمته بكل جديه وبكل احترام ماقليت ادبي عليه مثل ماهو عمل معي وبعدها قمت رحت غرفتي وتركته وعلمت اخته قالت خليه يستاهل ولا تعطيه وجه اخدميه لله مو له قالت هو اخوي صح لكن والله مايستاهلك وزين انك علمتيه اني عرفت علشان ادخل بالموضوع وافتحه معه وقالت حتى لو ماتبغي تخدميه اجبله ممرض او اجيب ممرض او ممرضه تساعدك لكن انا قلت لا لان وانا قادره اخدمه وما اشتكيت ولا تعبت ودوامي باقيلي يومين اروحه وخلاص بندخل باجازه طويله المهم جلست ساعه ورحت اشوفه يبي شي قال ابي حمام ودخلته ورجعته مكانه وهو ساكت ولا قال كلمه لا زينه ولا شينه ولا انا رحت جبتله غدا ثاني مو دلع مني لكن فيه ادويه قويه لازم قبلها ياكل زين وكان جسمه دافي فخفت ترجعله الحراره وماصدقت تنزل اليوم هو شكرني واكل قلت بقلبي يارب يثمر فيه كلامي واللي اعمله له انا كنت متوازنه بكلامي وماقلت كل شي وماقليت ادبي معه مو لاني افضل منه لا ولكن لاني خفت يرفض مساعدتي له فحاولت زي مايقولون امسك العصايه من النص والله حسيت براحه نفسيه لمن تكلمت مدري ليه على فكره يوم الاحد القادم عيد زواجنا كنا كل مره نتعشا برا هالمره مدري كيف بتكون؟ للحياة الوان كنت بسترسل بالكلام لكن هو طلب مني انهي النقاش فاحترمت رغبته وعرفت ان كلامي اثر فيه لكن فكرتك حلو بكتبله اللي بخاطري بالبلاك بيري وارسله عالاقل مابنكون وجها لوجه وبدل ما جوالي تاركته فقط لصديقاتي واهلي استغله بالتقرب له اكثر والتعود اننا نتكلم من خلاله اذا لغة الحوار انعدمت بينا وبالنسبه للعلاقه الخاصه صدقتي ما افتكر منها الا لمن اتروش الفجر اي نعم هو يشبعني من هالناحيه لكن مافي تجديد هو نفسه من ليلة زواجنا للان وهو ماتغير وانا بصراحه اموت ولا افتح معه هالموضوع لخجلي وثانيا خفت يحسب علشان رجله انا مو مرتاحه مثلا فهمتي؟ خفت يفسر الموضوع غلط وحتى يوم ذيك المشكله لمن قلتله احمد ربك اني تزوجتك اخته قالتلي انا حذرته يومها لمن رحتي تجيبي الغدا قلتله هي شكلها زعلانه وساكته حشمتي فلا تزيد المعيار خلاص اسكت لكن هو زاد وهو اعترف وقال صح ولعلمك هذا عيبه الوحيد يمزح بوقت غلط تكونين فيه على وشك الانفجار وهو يمزح ويضحك ودايم اقله وافهمه ان اسلوبه ينرفز لكن الله يهديه ما يسمع وبيتا وقرين حبيبات قلبي تكلمتوا عالمبادره ايه انا ساعات انا ابادر وما استحي عاد انا مو مره جامده لكن على حسب كلامه مو مكتفي وبالنهايه جات على راسي |
سبحان الله
الموضوع أخذ منحنيات أخرى ويجب عليك فهمها والتعامل معها بفهم ووعي وأنا أعتقد طول ماأنتِ بتزني وراه على مسألة ترك المرأة فلن يتركها لأنه يجد أنها الملجأ له إذا أراد أن يتكلم أو يستمع له أحد + أن أهم نقطة كان يفتقدها فيك ووجدها عند المرأة الأخرى وهي الجرآءة بالجنس لذلك عليكِ أن تستخدمي الضغط بالأسلوب الديني عليه مثل أن تقولي له أنك ظالمني وظالم نفسك بتعرفك بهذه المرأة وبما يتم بينكم من علاقة محرمة وإن الله سبحانه وتعالى لايرضى بالظلم وإن الله سوف ينتصر لي بما ظلمتني وحاولي أن تظهري له أنك واثقة من نفسك ومن دينك ومن أخلاقك وتربيتك وأنك لن ترضي الهوان عليه أو عليك فإن إستمر بما هو عليه فعندها سوف يكون لكِ قرار سوف يندم عليه أعانك الله |
اقتباس:
ولا داعي للإحراج , وكلنا نستفيد من خبرات بعضنا البعض . أكرر ... أنني ألوم زوجك على فعلته كما ذكرت بالرد رقم 20 ببساطة , ألومه لأنه رجل راشد عاقل وما طرحته من تساؤلات , القصد منه محاولة معرفة السبب لما قام به زوجك مع مرأة بهذا السن مقارنة مع سنه هو وظروفه التي شرحتيها لأن تشخيص السبب هو نصف العلاج . " ما فعله في نهاية الأمر يعتبر خيانة أياً كان عمرها " السارق عندما يسرق هو في النهاية يعتبر سارق تأملي معي ... شخص ما وجد أمامه جوالاً قديماً متروكاً في سيارة مفتوح زجاجها , والجوال في مكان بارز بمتناول اليد ( وكأنه يقول للناس اسرقوني ) وجود الجوال بهذه الصورة أغرى الشخص العادي بالسرقه , وتعلمها بمساهمة صاحب السيارة المهمل شخص آخر تعمد كسر قفل السيارة أو زجاجها , وكسر الدرج وأخرج الجوال الحديث الثمين المخبأ فيه وسرقه هل نقول عن الشخص الثاني أنه شخص عادي , وجديد على جرائم السرقة , أم تظنين أنه مارس السرقة من قبل ؟ هل ترين أنهما على نفس الدرجة من الجرم والإثم ؟ أي من الحالتين تشبه حالة زوجك برأيك ؟ هل نشدد على الإثنين بنفس درجة العقوبة ؟ |
أرى بأن مصارحتكم أمر ايجابي جدا خاصة أنك تمالكت أعصابك
أولا: لا نستطيع أن نكون متأكدين 100% بأنه فهم سبب غضبك بعد أن أضافها في البلاك بري الجديد .. كان ضروري توضيح سبب غضبك ثانيا : من المفيد جدا أنك أخذت فرصتك لدحض الفكرة الخاطئة في عقله عنك بأنك لا تحترمينه .. هو لم يقل ذلك وهو غير مقتنع به داخليا ولن أخوض في أسباب قناعته الخاطئة تلك وربما تلك المرأة هي أحد الأسباب .. ما يهمني أن اعتقاده الخاطئ هذا هو اعتقاد راسخ ويحتاج أن يسمع منك ليرى بأنه مخطئ ... وهو أدرك ذلك لأنه سكت حينما طرحت حجتك وطلبه لوقف النقاش دليل على خسارته القضية أمامك . هذا ما قصدته عندما قلت لك بأن عدم التواصل سبب لكثير من المشاكل وشجعتك على التكلم معه حافظي على هدوءك وعلى حجتك جاهزة للجولات القادمة .. واذا رأيت منه محاولة لاستمالتك والصلح معك أو الاعتذار بطريقة ما فتقبلي منه ذلك وحاولي احتواؤه ... فهو باعترافه غير مكتفي من كمية العاطفة التي تعطيه إياها فكري بالموضوع على أنك تجاهدين نفس زوجك لا زوجك وأنه يجب أن يجاهدها أيضا فساعديه عليها .. من يقول له بأنك لا تحترمينه هي نفسه وأنت أقنعتيه بأنها مخطئة ... واذا تودد لك فصددته فستقول له نفسه بأنك لا تحبينه فأثبتي له بأنها مخطئة ولا تدعيه ضحية لها |
عذرا على المداخلة الماضي الدفين وحشتيني بالحيييييل وربي وين مشاركاتك افتقدتها والله أختي هيا الله يفرج همك حبيبتي واصبري بإذن الله منصورة سيدة الموقف \أبو حكيم \ بيتا \ الماضي الدفين\ للحياة ألوان جزاكم الله خير في ميزان حسناتكم ورفع الله قدركم والله جالسة أستفيد كثييير من كلامكم وحكمتكم |
الله يفرجها لك اختي
ويشفي زوجك ويبعد عنكم بنات الحرام وتذكري دائما أن بعد العسر يسرا |
| الساعة الآن 07:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©