|
مبروك أكيد تفاجأت من ردي ..
مجرد انك صارحتها هذا دليل على أنك تبغاها هي بنفسها مو احد غيرها انت تسعى لزوجةاجتماعية وهذا الموضوع سهل وصعب بنفس الوقت .. وبكائها يدل على انا زوجة محبة لك لو هي عنادية كان شوفتها تاخدك بالكلام والتجريح والأهانة .. ترى صراحتك هذي ومعرفتك للحاجات اللي انت تبغاها ميزة عندك وبكائها وهدوئها ميزة أيضا ماعندي حل ايجابي بينفعك سوى اني اهنيك على سعيك نحو التغيير لك ولزوجتك يبقى شي واحد فقط أنك تسعى وتحدد الأشياء اللي تبغاها منها فقط ربنا يوفقكم ويوفقني انا وزوجي بحياتنا وجميع الأزواج والزوجات |
يااخي قول لها الثقل والترزز مايزيدك في قلبي الا نفور
بلاش من ذا الثقل خليك مفرفشه وحليوه وتملاءك الحيويه خلينا نلعب سوني نتسابق نلعب اونو اي شئ اشتر كيس حلويات واجلسوا كلوها سوا تحبيني اوكيه لابد لابد تغيرين كثير من التصرفات اللي انتي عليها واصبر عليها فان تغيرت ياسلام وان لم تتغير قول ترا باتزوج عليك خوفها بالزواج عليها وان شاء الله تتعدل فان استمرت على طبعها فافعل ماتراه مناسبا لكن لاتظن ابدا ان السن له دور في الفله والوناسه هذا انا عمري27 سنه وام ل اطفال وانا احاول في زوجي يرضى عشان اشتري زلاجات:d لاني احب التزلج وان شاء الله يوافق الزبده يااخي الفاضل ان قررت الزواج باخرى لاتضع في بالك فتاه صغيره لان السن ماله دخل بالروح المرحه اعرف امراه تصير لزوجي يمكن قربت من 50 سنه لما اجلس معها بس كله تنكيت ووناسه وضحك واحيان ماعندها مشكله نلعب ونتسابق واذكر مره جابت صحن رز من المطبخ وقعدت تدق لنا من جد فله ذيك الانسانه الله يسعدها في الدنيا والاخره ملاحظه اشعر من كلامك عن زوجتك وشرحك لبعض المواقف انو صابها اكتئاب ابحث في هالموضوع معها وتناقشوا وباذن الله تصلون الى حل مناسب اتمنى لك حظا موفقا |
المشكله ليست في العمر انما في طريقة التفكير
لظن ان مفهوم الحياه الزوجيه هي تنظيف المنزل والطبخ فقط والباقي تحصيل حاصل زوجتك تحتاج الي تغير في ثقافتها |
اقتباس:
انت سويت خطوه حلوه الي هو المواجهه و الحوار بس ان شاء الله كان اسلوبك معها مو جارح صدقني التغير قادم زوجتك بتتغير بس انت اعطيها فرصه لا تعيد تزيد بموضوع العمر بعدها صغيره و العمر طويل قدامكم ادعي الله بهالدعاء يا حي يا قيوم برحمتك استغيث اصلح لي شأني و شأن زوجتي ولا تكلنا الى انفسنا طرفة عين آآآآآآآآآآآآميييييييييييييييييييييييين الله يصلح احوالكم |
أخوي ..
المصارحه هو الحل الأمثل لمشكلتك ولكن ياأخي لا نستطيع أن نقل مافعلته صح أو خطأ لأنه لا نعرف كيف كان أسلوبك معها هل كان اسلوب مهذب ..وتوضيح للمشكلة بطريقة لبقة أم كان أسلوب تجريح فتكون وجهت الكلام بأسلوب جرح مشاعرها :: فإن كان باسلوب مهذب .. فهذا مالابد ان يكون واحسنت في تصريفك .. ومايجب أن تفعلهـ ان تذهب لها بعد ان تهدأ وتقول لها مصارحتي لك من أجل حياتنا ومن أجل إني ماأبغى أخسرك ونحااافظ على بيتنا وأنا مستعد نبدا مع بعض تعليميني وأعلمك ومن هالكلاااااام .. وإن كان أسلوبك جاااااارح فصدقني حتى لو تغيرت وأصبحت كما تريد فإنها لن تنسى كلماتك مهما فعلت لا ننكر أنها مخطئة ولكن ظروفها عودتها على هذا ولكن جرح المشاعر صعب وخصوصاً للمراهـ :: طمنا عنك ياخوي |
اقترح عليك زوجي التالي:
تزوج الثانية من احدى قريباتك التي دكرتهن وديننا يسر وليس بعسر |
خطوه حلوه اخوي انا متابع موضوعك من أول مانزلته انت ماطلبت المستحيل انت طلبت شي يريح نفسيتك يا أخي اللي فهمته انها كبيره بالعمر يعني دقه قديمه جيب لها مجلات دخلها الإنترنت علمها على هالمنتدى تغزل في البنات قدامها بس بطريقة حلوه لاتجيب العيد روح السوق وخذ لها عبايه تكون حلوه وساتره بنفس الوقت اشتري لها انت الحاجات اللي ودك تشوفها عليها في أكثر من طريقه توصل لها اللي تبغاها بدون ماتزعلها , ولا تجرحها إنت بيدك ترجعها طفله صغيره بأسلوبك وطريقة تعاملك الحرمه مهمها كبرت تقدر ترجعها طفله صغيره والكلام الحلو مافي احسن منه الله يهدي سركم ويوفقكم يارب |
أبو جوري واخي صاحب المشكله...تراكم شككتوني في نفسي صرت احس اني عجوز
الحين زوجي عمره 32 وانا 29 عندي طفلين يعني صرت كبيره مره ودقه قديمه مع العلم اني احب آكل مارس كثير حتى صاريجيبلي من دون طلب.. بس ابي اعرف هل زوجي يشوفني كبيره باالعمرالان ولووصلت 30 بيشوفني عجوز؟؟ ولا عادي اتمنى الاجابه.. |
الله يجزاكم خير ...
سبحان الله .مصائب قوم عند قوم فوائد و ( دروس ).. اول ما تزوجت طلبت زوجي سوني 2 وما جابه لي على طول وانا نسيت .. بعدها جابه لي هدية في عيد الأضحى من نفس السنة .. وبعد ما قريت الموضوع خفت وقلقت زي ما قلقت ليه الغرور :) رحت خرجت السوني من المخزن ..وطلبته يجيب ألعاب واهمها الكورة علشان نتشارك فيها واليوم بطلب ايسكريم ..وبكره حلاوى مصاص .. وبعده بالونات واذا راح البرد بروح الملاهي :d <<استخفيت .. بس من جد خفت من ان ينظر لي اني كبرت :( |
^
^ هههههههههههه خلاص اختي gawlp صرنا في زمن التنافس بين سوني 3 والأكس بوكس 360 :22: على اسم اخينا صاحب الموضوع :d واختي ليه الغرور ... بالنسبه لي لو تزوجت ابغى زوجتي في يوم تحسسني انها طفله حتى لو صار عندنا 5 اطفال :d بس هل كل الرجال يحبوا كذا..وهل زوجك يحب كذا ...؟؟ هذا سؤال انتي تجاوبي عليه :) نرجع لصاحب الموضوع ... اتمنى اخوي ان جلسة المصارحه إللي صارت بينكم كات هادئه وخاليه من التجريح .. وهذا اهم شي ... والحمدلله دامك طالبتها بالتغيير فأنت في قلبك حب لها بس يحتاج زوجتك تغيير وتحسن من نفسها .. موفق إن شاءالله :) |
| الساعة الآن 06:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©