المشاركة الأصلية كتبت بواسطة نشميةنجد

وش اعاني 0000اعاني زواج زوجي

ان حياتي شبيه لحياة زوجتك لكن الفرق انك انت حاس بزوجتك وانا لا

كنت مرحه واجتماعيه الان كئيبه ودائما زعله لدرجة اذا كنت راضيه يقولون ليش زعله تغيرت ملامحي

مو كله علشان زواجه علشان اكتشفت اني مو الغاليه ولا جاب خبر لدرجة اني اقول ابي اروح لدكتور نفسي ورافض لاني عارفه انه مافيه احد يستاهل هالزعل00


وصدقني لو حركه بسيطه يسويها كان زانت كل الامور00وهي انه يحسسني بوجوده00هو الان مسافر


ويتصل يبي يحجز لنا وانا رافضه السفر 000وصراحه ماقدر اقول اكثر من كذا00نرجع لمو ضوعك


احس ان راس البلا بحياتك هالكمبيوتر ودام انك تجلس عليه وزوجتك تدري ماراح يتغير شي


تكلم معها بالغرفه مو بالسياره وقلها وش الي يرضيك يام فلان واستحلفها انه اتكلم وتفضفض00 ولاتقولي


كرامه000انت هالحين اداوي الجرح وقلها الانسان ياتيه شي يكرهه وهي خير له وين الخيره


انه زاد غلاك ومكانتك يوم تزوجت واني ماراح افرط فيك 0000وبعدين تمسكن سو نفسك مسكين وضعيف


وتكسر الخاطرتبي تقول وشلون 000مثل انك تبي تطلبه ونت رايح لدوام قلت مثل واذا سوت اي حركه قرف


انظر اليها نظرة وقلها الله يسامحك بهدؤ جدا وقم بهدؤ والبس ثوبك واطلع كل هذا بهدؤ علشان يمكن


تتاسف قبل ماتطلع بعد كذا طبق نظرية ام الحياة تخيل انه تقول اني اصرخ عليه ويقوم يحتضني ويهدي الوضع


هالحين هي تدعيله ومنحرجه منه لانه قدر يحتويها بعدين كل يوم اذا جيت تنام اسألها انت راضيه عني

لاتقول كرامه انت هالحين تعالج الوضع اذا قالت ايه راضيه قلها ليش انتي تعامليني كذا وطلع كل الي بقلبك

لاتنسى كل ليله وترى هذا احسن حل للفضفضه مو تدخل للغرفه وتندعس بالفراش ولا كان فيه زوجه


ترى هالسلوب يزيد الحمى مليله0000ولا تنسى تطبق وصفة ام الحياة 000الله يصلح حالكم

المشاركة الأصلية كتبت بواسطة اميh

ليش خوفتك موقصدي اني اخوفك

ياخوي انت مو اول واحد يتزوج على حرمته ولا يعني خلاص هي من ذهب مخلوقه غير الناس ومحرم على زوجها انه يتزوج عليها

الكل شبعان ورويان من الازواج وحتى الزوجات


يعني ماراح تلقى بيت الا وفيه اعوجاج من احد الزوجين

المعلومة اللي ابغى اوصلها لك

ابغاك تاخذ الامور عادية جدا وخاصة بهالفترة لاتحسسها انك متضايق او ندمان ولا تحسسها انك راح تجيب وحدة غيرها

لاكذا ولا كذا

شف انا حرمة وتزوج علي مرتين

زوجي يحوم كبدي اذا شفته يطاير وراي مثل المجنون واذا شفته صادا عني حوم كبدي اكثر واكثر

لكن مجرد مااحس انه رجل عادي مايهزه زواج ولا طلاق وبنفس الوقت معطيني حقوقي كاملة كاملة كاملة وبشكل غير متكلف فيه

ويكلمني باحترام

وقام على رجله الطويلة يساعدني على هالعيال الله يصلحهم

والله انه يكبر بعيني واصير اكثر احترام له

واحاول بقدر استطاعتي اني اعطيه حقوقه كامله حتى لو نفسي صادة

وابقولك شي يمكن ماتعرفه عن الحريم

اذا شفنا الرجال يلاحقنا قلنا يتعبر فينا لان حرمته الثانية عليها عذر ولا تعبانه يعني حنا استبنه

واذا شفناه صاد قلنا0000 ايه انتهت مدة صلاحيتنا عنده


يعني اسلم من هذي وهذي وخلك عادي جدا جدا لحد ماتروح هالسحابة اللي ماخلت بيت الا مرت عليه قبلكم

بس غرق منها اللي تخبط وغلط واستفاد من مطرها اللي عرف كيف يستفيد منها

وقولتي انه قلبي مات مو معناته اني خلاص مااطيقه لا ياخوي بالعكس

لكن قصدي اني صرت احكم عقلي اكثر من عواطفي وما استخدم عواطفي الا في وقتها
اللي مات ياخوي فيني هو غيرة الحريم وهبالهن


يعني لو يتزوج كل يوم بس محافظ على حقوقي واحترامي ومعاوني على بيته مايهمني

وتبقى غلاوته عندي وادعيله ان الله يوفقه معي ومع غيري

ارجو انك فهمتني فتش عن نفسك وش انت مقصر فيه لكن بدون ماتحسسها حاول انك تعدل بتقصيرك معها

في جميع شئون حياتكم وعيالكم وبيتكم

صدقني اذا لاحظت التحسن فيك بشكل غير متكلف راح ترجعلك وتسويلك كل اللي تبيه انت بدون ماتطلبه


في نقطه مهمة جدا


حاول دايما تذكرها بالاحتساب

وش رايك ياام فلان نحتسب الاجر نزور امي ولا خالتي

اشتكت عليك من عيالها قلها انشاءالله انك ماجورة

علشان مع الوقت تبدا تتعامل هي مع رب العالمين وتعطيك حققك اللي ربي فرضه عليها










معليش اسلوبي راح تلاقيه غريب شوي لكن صدقني كل كلمة كتبتها والله العظيم انها عن تجربه

و بالتوفيق ان شاءالله


ملاحظة0000اسمك خبير اعشاب صحيح انت خبير بالاعشاب
مو وقت السؤال :d بس يالله صارت هالمشاكل عندنا زي الخبز ناكله عادي:20:
ومن زمان ادورلي على اخصائي اعشاب بس مولاقيه
ان شاءالله تكون انت اخصائي اعشاب

المشاركة الأصلية كتبت بواسطة sky light

من أعمالكم سلطت عليكم

يعنى تحرق اعصابها طول مده زواجك من اخرى ده غير انك لم تهيئها نفسيا بزواجك و لكن امر واقع و بعد

مرور اكتر من سنه صارحتها و هى كاتمه فى قلبها نار غيرتها و بعدين طلقت و اعدت معاها اعده و

بالمصرى بنقول < قلبتها فى جلسه > و خلاص خلصنا أمسحى كل الامك و حرقه دمك و افرحى ده انا

رجعتلك و قبلى ايدك وش و دهر <ريموت كنترول>زر يشغل و زر يطفى

و كل رد ليك على كل الاخوه و الاخوات ان زوجتك نكديه و انك مقهور من النكد و كل همك السفريه و

الاجازه

عذرا اخى انت مدلل و اعتقد ان زوجتك لا تأمنلك لأنك هدمت الثقه بزواجك فى السر و اردد فى السر

حتى لا يفهم كلامى خطء يعنى ممكن تكررها فى السر ايضا مره و اثنين و ثلاث

الله يهديكم لبعض و يرقق قلبها و قلبك ايضا اخى

واستحمل كما استحملت هى و تذكر ان للعمله الواحده وجهين فلا تنظر للامر من ناحيتك فقط

عيد بناء الثقه المفقوده يا اخى و لاتستغرب ان هذا حدث بعد معرفتها بأنفصالك عن زوجتك الاخرى

لان ده قدم لها فرصه للتفكير بدون ضغط فيما حدث كله وجددت احزانها اللتى ركنتها كثيرا حتى لا تخرب

بيتها و لكن فى النهايه هى بشر فأصبر عليها و تحمل كما تحملت هى

المشاركة الأصلية كتبت بواسطة خبير الأعشاب

لاتقولي لي فراسه او ذكاء او الحاسه السادسه ..مااؤمن بالاشياء ذي

.

المشاركة الأصلية كتبت بواسطة اميh

شكلك ماقريت كلامي

اتمنى والله انك تستفيد منه

خذها من مجربه ولا تاخذها من طبيب