رد: زوجي رفض دفع قسط السيارة
 

و الى مشكلة اخرى و نفس الكلام
تغيري لنفسك ارجوك
لا تخلي حل المشكلة يعميك و ان كل شئ على ما يرام

رد: زوجي رفض دفع قسط السيارة
 

طيب مين بيدفع القسط الان
انتي أو هو
اذا انتي ليه مادفعتي من أول وتقفلت السالفة

رد: زوجي رفض دفع قسط السيارة
 

القسط انسحب من راتبي من قبل وخلاص..

هو ينسحب من الراتب دايركت..

رد: زوجي رفض دفع قسط السيارة
 

تذكرت قصة قريبتي وبقولها لك يمكن تفيدك ..
كانت رافضة الزواج نهائي ، كبرت وصار عمرها فوق الثلاثين وهي رافضة ..
وبعد ماوصل عمرها تقريبًا 34 خطبها واحد وظيفته جداً بسيطة لكن محترم .. اقنعوها والديها وما الى ذلك ووافقت ..
طبعًا وظيفة زوجها أقل من خواتها . بس ماشاءالله تبارك الله بيتهم كان سعادة ..
طبعًا سكنت بالبداية ببيت مستأجر هي اللي كانت تدفع إيجاره ..
وبعدها سكنت بيت ملك لها هي اللي بنته ..
اشترت سيارة لزوجها لاندكروزر ..
اتذكر كنا دايماً ننام عندهم ونشوف كيف تعاملهم مع بعض ماشاءالله قمة الانسجام .. وكانت تحترمه جدًا قدامه ومن وراه اذا تكلمت عنه كلامها كله احترام .. حياتهم كانت ماشاءالله جدًا سعيدة ..

طبعا صارلهم الحين قريب 30 سنة متزوجين والله يديم الحب بينهم ..

القصة لخالتي واعرفها كويس واعرف حياتها ، وقلتها لك بس عشان تعرفين ان الفلوس وراتب الزوج مو كل شيء .. خلاص هذا نصيبك وارضي فيه وحاولي تتأقلمين وتنبسطين بحياتك ..
قد يكون راتب زوجك قليل .. لكنه كشخص جيّد .. وانتي كل اللي دفعتيه بالنهاية بيرجعلك ماله منه شيء واحد .. الارضباسمك والسيارة باسمك وحقك محفوظ ..

خلاص بلاش من المشاكل دوري ايش الاشياء اللي تتمشكلون عليها غالبًا وتجنبوها .. وادعي دايمًا اللهم الف بين قلوبنا

رد: زوجي رفض دفع قسط السيارة
 

إنت عارفة راتب زوجك فين بينصرف فليش الزعل و إنت عارفة الصادر والوارد
في حال زوجك بينفق على أهله وشال يده عنك من حقك تزعلي وتسوي له مشاكل
مدام شايل الايجار والكهرباء ونفقات البيت حسب استطاعته وامكانياته فالحمد لله .

ايش شعورك لو كان زوجك يدس عليك وما يقول لك الحقيقة عن فلوسه فين بيصرفها!

بالنسبة للسيارة هو عرض عليك الفكرة وإنت وافقت
الآن هو ماعنده امكانية عشان نفقات والدته الإضافية
مافيها شي إذا ضغطت على نفسك وصبرت وتوقفي معاه وقفة بنات الأصول إلين يعيد إتزانه المادي ويقدر يرجع يسدد الأقساط .
ترى زوجك فيه نخوة ومو سلتوح مع ذلك أقل تصرف منه تفسريه استغلال لك..كيف لو عشت مع رجال ماعنده رجولة بحق وحقيقة.

وإنت يا أختي حتى لو عندك راتب وأرض الله يبارك لك، تراك منت مليونير كلك أقساط وحالتك حالة، ما عندك سيولة مادية ،فلا تتكلمي بطريقة تحسسي زوجك إنت فوق وهو تحت . وانفعالاتك كلها ما أسمح لك تستغلني..

والله ماتعرفي أقدار الله العجيبة في لحظات تتغير،، ممكن في لحظة هو يصير صاحب عماير ،وتصيري إنت اللي محتاجة وقفته معاك..
الله لايحطك مكانه ولا يجعل لك حاجة عنده ولا عند غيره.

لاتزعلي مني حتى لو جرحتك أو كثرت عليك ترى أكلمك كأخت أبغى مصلحتها ما أبغى خراب بيتها.

رد: زوجي رفض دفع قسط السيارة
 

غادة قصتك جميلة والواقع يشهد بمثل هذه النماذج
لكن في نماذج الزوج مايقدر ويتنمرد على الزوجة والعكس

رد: زوجي رفض دفع قسط السيارة
 

طالما انه ينسحب من راتبك دايرتك كيف تقولين انه هو من يسدد الاقساط؟؟

رد: زوجي رفض دفع قسط السيارة
 

هم متفقين الأقساط تنسحب من راتبها عشان زوجها متحمل أقساط شيء ما والبنك مو سامح له بقسط إضافي .
بالمقابل هو يسدد لها القسط..

رد: زوجي رفض دفع قسط السيارة
 

وداني زوجي المقابلة .. ورجعنا الظهر تغدينا ورجع دوامه .. قاعدة أسولف معه بس ردوده مقتضبه وإذا ماسألت مايتكلم .. خلصت المقابلة ولله الحمد وكنت اتمنى زوجي يسألني عنها ووش سويت فيها بس الحمدلله يبدو إنه باقي زعلان..

رد: زوجي رفض دفع قسط السيارة
 

قصة رائعة وذات مغزى والله يتمم عليهم سعادتهم يارب

رد: زوجي رفض دفع قسط السيارة
 

لست كغيري مين راح يدفع القسط الجاي ؟

تكلمتي معاه ؟ فتحتي حوار بينك و بينه عشان يوضح كل شي لك و له ؟

مشكلتك باقي مانحلت

رد: زوجي رفض دفع قسط السيارة
 

لا ابدا مازعلت ولا تضايقت .. بس نفسي تقتنعوا إني ماعمري نظرت لزوجي نظرة دونية وإني أشوف نفسي عليه .. والله ماعمري نظرت له كذا.. بالعكس أتمنى يكون أفضل الناس وأحسن الناس..

رد: زوجي رفض دفع قسط السيارة
 

اعرف انها باقي ماانحلت .. والقسط الجاي بشوف وش راح يسوي وبعدها لكل حادث حديث ..

رد: زوجي رفض دفع قسط السيارة
 

إذا تبغي نصيحتي والله من قلبي أقلك حتى الشهر الجاي لا تكلميه حتى يظهر لزوجك إنك ماتبغي المشاكل وإنه كلامك الي قلتيه له في مكانه

يعني معليش انتي ناقصه نهاية الشهر مشكله جديده؟؟

أعطيه فرصة ثلاث شهور بدووووووون بدوووووون ماتشحني نفسك بعدها كلميه إذا مايقدر يسدد تتصرفو في السياره رغم إني أشوف حاجتك للسياره أكثر منه

رد: زوجي رفض دفع قسط السيارة
 

لازم قعده
وتحطو النقط على الحروف
زوجك بعد ماله حق يزعل هالزعل كله

رد: زوجي رفض دفع قسط السيارة
 

ليش ما تكملي اقساط السيارة وبلاها المشاكل كذا والا كذا السيارة بأسمك يعني لك بس اتفقوا ان اي مخالفه هو يتحملها طبعا هذا الكلام خليه لاخر الشهر لو ما دفعها لك
يعني لو تجي فبالك افكار الحريم الرجال مالهم امان وكذا السيارة اصلا باسمك

رد: زوجي رفض دفع قسط السيارة
 

هذا اللي يزعلني منه يامبتعثة يعني هو يحسب إني بدون مشاعر ولا يحق لي ازعل !!!

رد: زوجي رفض دفع قسط السيارة
 

تين رايي لست كغيري
جيبي لك سايق
وافتكي من منه اذا زعل هو واخوانك محد يوديك
والسياره خليها للسواق وتحملي قسطها كامل
والغناه وانا اختك زينه

رد: زوجي رفض دفع قسط السيارة
 

وشلون أجيب سايق ماراح يرضى زوجي أو بالاحرى بتكبر بيننا السالفة وفوق كذا زيادة مصاريف .. لكن ماني خسرانة شيء حتى لو مادفع الاقساط بالنهاية السيارة باسمي .. وكل دقة بتعليمة وربك يسهل .. كل اللي يهمني الان هو نفسي كيف اريحها وادلعها وماعادني بفكر في شيء أبد .. وماعادني بوفر عن نفسي شيء أبد .. يعني أحرم نفسي عشان أساعده وبالاخير مايعجبه ويمن علي قيامه بواجباتي لا ويقول مايملى عينك شيء أبد .. يوه قالها لي اخر مرة كنت بقوله وإنت ملى عينك .. بس قلت خليني اسكت واتعوذ من الشيطان .. عموما إن جاء حياه الله وإن راح الله يحفظه.

رد: زوجي رفض دفع قسط السيارة
 

ولا تجيبي سيرة السواق له لانك حتفتحي لنفسك باب مشاكل السواق اش بيسوي بيوديك خلاص زوجك بيوديك والسيارة باسمك

رد: زوجي رفض دفع قسط السيارة
 

السواق بيفكها من المنه
وماتحس نفسها ملزومه ترد جميله
ياخذ راتبه وخلاص
وتقدر تروح لصالونات ونادي وتدلع نفسها صح
مو معقوله زوجها ليوديها لهذا كله
لا تفتحي موضوع السواق الحين ممكن تفتحينه على الشهر الجاي

رد: زوجي رفض دفع قسط السيارة
 

كل الحريم يا مبتعثه يروحوا صالونات واسواق ويطلعوا يغيروا جوا ومع ازواجهم بس بتنظيم الوقت هي مو كل يوم حتروح
اصلا من تقوله حيقولها ليه انا ما اوديك اش حتقله انت تمن علي بتوصياك ليه غير المصاريف الثانيه توفير غرفه له ومرتب شهري

رد: زوجي رفض دفع قسط السيارة
 

تدليع النفس اذا ما جا عن رغبة شخصية لن ينفع التكلف فيه الاخت ليست مستعدة لهذا ما شاء الله اشعر ان عقلها تجاري ارض وسيارة واقساط واكيش وابيع مدري كيف تقولون انها عاطفيه
بالعكس اشعر انها عقليه تحاريه

رد: زوجي رفض دفع قسط السيارة
 

نفس السيناريو بكل مشكله لك

البدايه : زوجي .... سوا وفعل وانا عطيته وحطيت وضحيت وهو مايحترمني وقلت له انت فيك و فيك وياتحترمني ياتطلقني


بعد كم ساعة : قاعد يدخل ويطلع ولا يعبرني


نهاية اليوم : انا غلطت ومدري شسوي وحبت العيد وبتعذرله وودي ارسل له الرساله الفلانيه ووش اقوله وشرايكم اعزمه وانا زوجي احبه وله عيوني وماتهمني الفلوس !


اليوم الثاني : عطيته بوسه وابتسم لي ورجعت المياه لمجاريها ( بالنسبة لك ) وانا بدفع وخلاص بعيش لنفسي وبتعلم درس وخلاص انتهى




والنهاية ؟ و النتيجة ؟ قريب تأكدي الشي اللي انتي خايفه منه وجالسه تسبقين به في كل مشكلة لكم عشان ينقال جت منك مو منه وماتتفشلين ولا تنجرحين ( الانفصال ) راح يصير قريب صدقيني طالما انتِ وياه كذا واضح انه كاتم حيل حيل وقريب بينفجر بوجهك والله يعينك من لحظة الحليم اذا غضب .

رد: زوجي رفض دفع قسط السيارة
 

وعلى فكرة اعطيك كاش ومن الاخر ، لاتركك مابيخسر جنة لا انتي ولا الفلوس ولا التضحيات بتنفعينه ولا تنفعين حالك لا عافك " وكرهك " على هالاسلوب ، البيوت مليانه بنات وموظفات ويدورون الستر وفيهم مزايا كثيرة وخصوصا مابينكم اطفال ،وزوجك واضح انه حليل واغلب الظن اي وحده بتحطه بعيونها لا يجبر بطبخ ولا يحقر ولا اشياء من البلاوي اللي نشوفها ونسمعها ، راجعي نفسك والله انك في نعمه وغفلة مو مقدرة اي شي

رد: زوجي رفض دفع قسط السيارة
 

جمله وحده بقولها لكي **زوجك طيب لاتخسريه **

رد: زوجي رفض دفع قسط السيارة
 

توه ارسلي انه بكرة مسافر للديرة.. قلت له الله يسهل طريقك..

رد: زوجي رفض دفع قسط السيارة
 

كأنك مغصوبه ولا ؟؟؟

ليه ماأضفتي كلمه حب زي ماكتبتي بالرساله الطويله

رد: زوجي رفض دفع قسط السيارة
 

لا أبدا ماتغيرت نظرتي .. والدليل إنه تعذر بأن ماعنده امكانية القسط للسيارة اللي بيسافر عليها .. بالله كيف يقدر يسويها وهو مادفع قسطها ..

عموما وش تبيني أسوي!! الرجال ماهو مفكر فيني ولا في زعلي .. ماعندي الا اني اسايره لحد مااشوف وش الوضع اللي ينتهي عليه .. وبنفس الوقت ماعاد أفكر الا في نفسي وبس .. ادلع نفسي وبس .. ترى والله أنا تعبت .. وتعبت الرجال معي ..

رد: زوجي رفض دفع قسط السيارة
 

الرجال ماهو معطيني ريق حلو .. قلت اعطيه على موده..

رد: زوجي رفض دفع قسط السيارة
 

الحين يامبتعثة إذا زوجي وداني وجابي يعتبر منة منه !!!

رد: زوجي رفض دفع قسط السيارة
 

😅😅الحين قلبت الموجة للدفاع
من يوم كنت تقولي انه استغلالي ووو
عرفتي كيف. حددي وش نظرتك لزوجك. بالضبط

رد: زوجي رفض دفع قسط السيارة
 

سؤال يامسز : ألحين من اللي مفروض يزعل من الموقف كله؟
أقصد من القصة كاملة..

رد: زوجي رفض دفع قسط السيارة
 

ادعي ربك يصلح ما بينكم
بصراحة ماعرف ايش الرد المناسب لك و من المخطي هل هو انتي ام هو

رد: زوجي رفض دفع قسط السيارة
 

ياشيخة والله حرام عليك
ماكانت ىسيارة دفعت قسطها واشتريتيها
ايش الذل هذا
طلعت السيارة من عيونه
يختي كل الجمهور هنا مسخر نفسه لتفهيمك وإنت عقلك واقف عند نقطة واحدة مايتعداها.

إنت ماتعرفي الحب ولا العطاء ولا التضحية
إنت تبغي تمتلكيه وبس تبغيه يعيش مذلول خاضع لك مايقدر يرفع راسه.
أنا لو مكانه أكره القرش منك أكره السيارة منك أكره كل اللي تسميه تضحيات
مافي في رأسك غير السيارة والفلوس مع إنك إنت المستفيدة بالدرجة الأولى من السيارة.

وعايشة دور الزعلانة اللي انغلط عليها
يختي مدري كيف تقديرك للأمور
أي نعم هو مادفع القسط غلط
لكن إنت كيف قابلت غلط؟

طبعا قابلت غلطه بغلط أبشع منه
ماعرفت تقولي حبيبي والله أنا عارفة إن عندك التزامات كثيرة وحاسة بيك مضغوط بس زي منت عارف أنا عندي كذا وكذا ايش رأيك كيف نحل الأزمة

ماعرفت تقولين أي كلمة طيبة
ماعرفت تقولي أي شي ثاني غير التجريح والطعن في رجولته ولما زعل وطبيعي جدا يزعل عشت دور المظلومة ليش يزعل مني وهو الغلطان

يختي زوجك بشر يحس ماهو حجر تكسري فيه على كيفك

والله لو رجال ثاني كان زمان مطلقة بالثلاث ،، فووووووقي قبل مايجي يوم تبكي فيه دم

الله يعينه عليييييك.

رد: زوجي رفض دفع قسط السيارة
 

مشاكلك ياحبيبتي يوميات عاديه تحصل بين اي زوجين ..
عادي تجي ايام الزوج يكون مقفل واخلاقه مع زوجته زيرو
وايام تجي الزوجه تكون كاره زوجها واخلاقها معه لك عليها

هذا سستم الحياة ..

وحياتكم بنظري عادية طبيعية

بس انت حاطه حياتكم على المكشوف كل من هب ودب يقرأ يوميات العضوه لست كغيري ويشرشحها على الرايح والجاي ..

الله يعينك

رد: زوجي رفض دفع قسط السيارة
 

انا شايفة ان زوجك غلطان
من البدايه المفروض يمشي على الاتفاق
و كثر خيرك مليون دفعتي 60 الف من عندك

رد: زوجي رفض دفع قسط السيارة
 

لا ياريماس
ماعندنا حرمة تذل زوجها ونعتبره أمر طبيعي ويوميات تحصل في كل البيوت

رد: زوجي رفض دفع قسط السيارة
 

حبيبتي
انتي مو تقولين انه يتمنن اوقات الزعل
ويقول ما يبين بعينك
يمكن قصده مشاويرك
فالسواق بيحل هالمشكله هذي وجهه نظري

رد: زوجي رفض دفع قسط السيارة
 

صح كلامك؟

لكن هل تمننه هذا له حق فيه؟