رد: خيوط الألم تنبعث منها أمل ( مساحتي الخاصة
 

بيطلع اخوها بالرضاعة هههههه

رد: خيوط الألم تنبعث منها أمل ( مساحتي الخاصة
 

فالبداية كتبت نقد قوي شوي .. بس بعدين لاحظت ان وعد تركز كلمات مستفزة تخص علاقتها بمعاذ ، هنا عرفت انها تتعمدها لإثارة القارئ...
بعطين بيطلع هذا المعاذ ابن عمها بالرضاعة .. اما اذا ما طلع فانا اعلن خروجي من السنيما الهديلية ههههه

رد: خيوط الألم تنبعث منها أمل ( مساحتي الخاصة
 

اذكر ورد بالسابق انه اخوها بالرضاعه ..

رد: خيوط الألم تنبعث منها أمل ( مساحتي الخاصة
 

رد: خيوط الألم تنبعث منها أمل ( مساحتي الخاصة
 

ههههههههه .. وأنا كذلك ttt



أهااا طيب الحمد لله .. مانتبهت من قبل لهالشي ..

رد: خيوط الألم تنبعث منها أمل ( مساحتي الخاصة
 

انا بعد ما اذكر !!!!

رد: خيوط الألم تنبعث منها أمل ( مساحتي الخاصة
 

مدري وش أكتب لكم 😑
جد كيف القراءه عندكم !!
ممكن ومن طبيعي ننسى بعض الأحداث ماشي 😬
لكن كاتبه بأحداث أمس ي آخووووووي << ذي تعني إِيش ولد الجيران مثلاً 😏
!!!!!!!!!!!!!!!!

رد: خيوط الألم تنبعث منها أمل ( مساحتي الخاصة
 

فيصل ما يعرف انه اخوك ؟

رد: خيوط الألم تنبعث منها أمل ( مساحتي الخاصة
 

اخوك من امك و بوك ؟؟ :eek:
او انه حسبة اخوك ؟؟ :d

رد: خيوط الألم تنبعث منها أمل ( مساحتي الخاصة
 

انا انتبهت انها قالت يا أخوي

هذا مكيدة دبرتها لطيفة ولا كيف جاته صورتها معه فالسوق بعدين مين اللي يهدده !!
واضح انها مكيدة

أكيد مايعرف انه اخوها
بس الغريب لهم كم ؟ وينه الاخو هذا توه يطلع مايعرف عنه فيصل ولايعرف ان عمها عنده ولد



يارب النهاية ماتكون مأساوية

رد: خيوط الألم تنبعث منها أمل ( مساحتي الخاصة
 

في الصورة ماعطه ظهره فما شاف وجهه ولا اكيد يعرف شكل معاذ ..
بس مادري فيصل يعرف ان ولد عمها اخوها بالرضاعة او مايدري ..

رد: خيوط الألم تنبعث منها أمل ( مساحتي الخاصة
 

الرد موجود بالبارت الجاي او اللي بعده !!!!

رد: خيوط الألم تنبعث منها أمل ( مساحتي الخاصة
 

لو كان حسبة أخوي لا ديني يسمح ولا تربيتي أني أتكلم معه بالقرب هذا مو بس بالحضن !!!!

رد: خيوط الألم تنبعث منها أمل ( مساحتي الخاصة
 

جاوبت عليك مريم ي صبر وأمل ..
وجوابي لك ي مريم أنتظريه في الباري الجاي ..


بس حابه أقول إني ذكرت بالسابق عن وجود أخ بالرضاعه لي وكان الحدث بالضبط ( لما تعب فيصل وأنا في بيت عمي وكان الوقت متأخر إضطريت أرجع البيت أراعيه لأنه جداني كبار بالعمر وصعب عليهم ،، وذكرت أني رجعت مع أخوي بالرضاعه )

رد: خيوط الألم تنبعث منها أمل ( مساحتي الخاصة
 

منتظرين ع أحر من الجمر

كأني فهمت ان القصة لك شخصيا

يارب السعادة ترافقك بالدارين

رد: خيوط الألم تنبعث منها أمل ( مساحتي الخاصة
 

جميل جدا ... fffsg

رد: خيوط الألم تنبعث منها أمل ( مساحتي الخاصة
 

ياحلوات أخوها بالرضاعة قد ذكرت في بداية الاجزاء لما مرض فيصل وجدتها دقت عليها وخبرتها انه تعبان فقالت كلمت اخويه من الرضاعة ووصلني للبيت...
اما الصورة هي قالت أنه الصورة فيها رجال معطيني ظهره يعني ظهر الرجال ووجه مو باين......انا وخالة بيتا متابعاات جيدات ماشاء الله علينا😂😂😂

رد: خيوط الألم تنبعث منها أمل ( مساحتي الخاصة
 

عفوا ماانتبهت ان وعد ردت😆

رد: خيوط الألم تنبعث منها أمل ( مساحتي الخاصة
 

لوفتي و مريم و هاجر تلميذات كسولات ههههhyi

رد: خيوط الألم تنبعث منها أمل ( مساحتي الخاصة
 

انا مجتهدة من الاول عرفته اخوها fgn

الحين بروح اشتري مطحنة اختربت الي عندي
و قلبي ما طاوعني اطلع
اخاف تنزل وعد الحلقة الفضول عامل عمايله :d

رد: خيوط الألم تنبعث منها أمل ( مساحتي الخاصة
 

شوفي أنا طلعت ورديت دخلت عشانك ههههههههههه ي عمري طلعي وأشتري لك مطحنه مابنفعك أنا هههههههههه .
لاتحاتين بنزل آخر الليل لأَنِّي مشغوله بالأوقات هاذي وماأفضى الا بالليل :d

رد: خيوط الألم تنبعث منها أمل ( مساحتي الخاصة
 

كسووووولة و أبصم بالعشرة هههههههhyi

شوفي سؤالك اللي لحقه سؤالي ... تراش جرجتيني معاش ، و تلخبطت فنسب المعاذ ههههههه ttt

اقول روحي اشتري طاحونة ابرك لش ههههههhyi

رد: خيوط الألم تنبعث منها أمل ( مساحتي الخاصة
 

جلست ع صلاة الفجر وكنت نايمه ع رجول معاذ بعدت وصحيته : معااذ قم وقت صلاه
معاذ فرك عيونه : طيب ،،
بعدت عنه وهو دخل يتوضأ داخل ورجع لي : شلونك
أنا بكسرة حال : الحمدلله
معاذ : بصلي وأرجع لك
أنا : لا لا ترجع روح بيتكم لايفقدونك خلنا مثل ماإتفقنا
معاذ : بس أنا لازم أرجع مثل ماإنت شايفه البيت فاضي بجيب لك معي أكل وماي وإذا محتاجه شي خبريني
أنا : لا ي قلبي تسلم بس لا أحد ينتبه عليك وانت جاي
معاذ : إن شاءالله .
بعد ماطلع لملمت أشيائي وسندات نفسي ودخلت الحمام عزكم الله وأشوف وجهي متورم بشكل مخيف بكيت ودموعي آلمتني حتى الماي يوجعني صليت لربي ونجيته بقلب مكسور وموجوع ماحد أرحم بك بالحال هاذي غير اللي خلقك اللي أعلم بحالك وإن ماتكلمت منصت للقلوب قبل الشفاه ربً رحيم وغفور عظيم الشان جلّ جلاله ،،
بعد ماخلصت صلاتي خذت مصحفي اللي بشنطتي وجلست أقرأ فيه إلين حسيت بروحي سكنت لو بالقليل وبعد ماخلصت دخل عليّ معاذ محمل << جعل عيني ماتبكيك>> : جبت لك كل الأغراض اللي تلزمك ي الغاليه وإذا نقصك شي عطيني آلوو..
بزعل : بس أنا تركت جوالي عنده .
معاذ : بس كذا مايصير كيف يتطمن عليك أساساً أنا مش مصدق نفسي كيف بتركك هنا بمكان مهجور .
لاتخاف علي حبيبي ماراح يصير لي شي بإذن الله
مد لي جواله : طيب خلي هذا معك كلميني منه وانا كذالك مايصير لا شخص معك ولا بعد جوال
طيب
باسني ع راسي وودعني .
وانا حاولت أنا لكن جفت عيوني النوم حطيت ايدي ع بطني أكلم طفلي : لاتزعل حبيبي ماما قويه وراح تطلع منها ، أنا مش وحيده لأنك معي بكل خطوه ولحظه أنت حبيبي وبس ، ماما عشانك موجود هي قويه وراح تحميك من كل شي أحبببك .
وحارت دموعي وتركتها تعبر عن اللي ماقدرت شفاهي تقوله بعد خذت نفس وجلست أشجع نفسي بكلمات تقويني وبعد كم كلمه أرجع أبكي أكثر كيييف لا وأنا خسرت حبيبي وكل دنيتي أنا أصبحت وحيده لا أهل ولا خلان ولا حبيب ومع هذا كله ألم وجرح مايشفى 😭
ضميت بطني وكأني أحميه ماباقي الا هو لي وأخاف أفقده ، أستودعته الله وغمضت عيوني أنام وأرتاح والحمدلله غفت عيني أخيراً ،،
ومدري كم من الوقت غفييت جلست ع نغمة جوال وكان كل شي حولي ظلام رديت بتعب : آلوو
بخوف : انت وينك إتصلت عليك كثير ومارديتي والله ان قلبي طاح بأرضي الا شوي كنت بجي عندك لو مافصيييل كان موجود .
شدني أسمه ونبض قلبي من طاريه وكرهت قلبي باللحظة هاذي : إنتتتتبه لايكون قلت له عن مكاني
معاذ : يخسي الا هو ال ***** والله زين ماكفرت فيه ال *****
بإرتيااح : الحمدلله
بزعل : بس جدي سالم لو تشوفينه وهو خايف عليك ويهذي فيك عور قلبي كنت باخذهأجيبه لك
خانتني دمعه : إنتبه تسويها أنا ماأنتخيت فيك الا لأنك قدها ي آخووي
بحميه : يفداك روحه لو تكفيك ي الغالي .
طيب لما جا يسأل عني وش خبركم
معصب : أسود الوجه قال خلاف عائلي وأشتد الأمر بينكم وطلعتي لما طلع .
أكتم شهقاتي وفي نفسي <<أكييد ماراح يقول عن سواته فيني >>
وأبوي أستخف سأل خواتي وأمي عنك اذا كلمتيهم او شي مو مصدق انه هذا تصرفك طبعاً عَصّب كثيير وأعذريه من خوفه عليك والله
عاذرته بعد قلبي وماودي أخوفهم عليّ وأقلقهم بس مضطره أبعد عن الكل حالياً خصوصاً فيصل ي آخووي الإنسان هذا ذبحني ذبحني << بكيييت، حاول يهديني مره ويعصب ع فيصل مره >> اذا ماهديتيترا بجي واللي فيها فيها ..
سكت ع طول أعرفه يسويها : لا خلاص سكت ، حبيبي أخليك بقوم أصلي لأَنِّي نمت ولا حسيت بالوقت
أوك إنتبعي ع نفسك وع اللي في بطنك << بس قالها حسيت نفسي برجع أبكي >> وع فكره بجيك بعد كم ساعه أجيب لك عشا حرام أنت روحين اللحين لازم تهتمين في نفسك وبأكلك .
إبتسمت لأهتمامه وخوفه : جعلتي أشوفك معرس
تلحقين خير ي الغاليه ، سلام عليكم
وعليكم السلام ، قمت وصليت فروضي وجلست أقرأ قران ماابي أترك تفكيري يذبحني وهكذا الين إرتفعت المآذن لصلاة العشاء صليت وطويت سجادتي ، ثم خذت الأغراض اللي جابها الفجر ودخلتها المطبخ وأفتريت في البيت أسترجع أيامي فيه وطبعاً تضايقت وزيادات أوجاعي وسمعت صوت قفلة الباب وتأكدت انه معاذ ومعه العشا وجلس معي وتعشينا وخبرني آخر المستجدات : طيب مااحد إنتبه عليك وانت جاي هنا
لا تطمني كأني في الإستراحه طبعاً أبري عَصّب ههههه كيف أسمر مع ربعي وانت مختفيه وقلت له بدون عليك مع ربعي خخخ
آسفه ي قلبي حطيتك بموقف مع عمي
لا عادي فديتك صدق ماأحب أكذب ع أبوي لكن تهمني راحتك بالأخير ، وأبوي راح يتفهم بالأخير .
إن شاءالله ،، الحمدلله
طالع في صحني : هذا أكل عصافير مو آوادم ولا بعد روحين مو روح أقول كملي لا أوكلك بإيدي
ههههههه لا والله شبعت
إبتسم : عسى هالضحكه دوم ماتفارق ثناياك .
إكتفيت بإبتسامه ، بعد العشا جلس معي شوي ثم تطمن ع ومشى ..
حسيت بحاجة دفتري كثثثثير وبسبب اللي صار طلعت ونسيته هناك ،، ومرت الساعات وانا في بيت كبير ولوحدي لا ونيس ولا حس غير الصدى المخيف غمضت عيوني أتهرب من وحدتي بالنوم ولما بدت عيوني تغفي نقزت من صوت ضرب الباب بشكل مخيف ضمييت نفسي ومن الخوف إختفى صوتي آويت نفسي بزاويه أدور فيها الآمان ولما سمعت فتحت الباب صرخت وركض صربي وضمني : لا تخافين ي قلبي أنا عمك
ولما فتحت عيوني وشفته طحت عليه غشيانه ،، ولما إسترجعت وعيي كنت بحضن عمي وجنبه جدي سالم واللي واقف معاذ وهو عيوني وقفت عنده وكانت عيونه تقول الكلام اللي قاله بالأخير وشاد ع قبضة إيده ، صوت خايف وبحنان : بِسْم الله عليك ي الغاليه خوفتينا عليك وين رحتي وتركتينا ندور عليك بكل مكان مثل المجانين .
دمعت عيوني ومارديت علي جدي عمي يمسح ع راسي : ليش جيتي هنا وبيتي مفتوح لك بكل وقت << إلتفت ع معاذ وبعصبيه >> ولا أخوك ماقال لك
عدلت نفسي وجلست بينهم : معاذ ماله دخل هو كان رافض وجودي هنا بس أنا اللي أثريت كنت محتاجه أبعد عن الكل فتره
عمي : وليش تبعدين منا حنا أهلك سندك بعد الله ، الله يجزاه خير جاركم لو ماشاف النور شعلان وحركه شك انه حرامي في البيت وقتها أعترف الأخ وقال الحقيقه اللي مدري كيف هنت عليه وهانت أمه ودموعها .
قلت لك ي عمي أنا اللي غصبته يسوي كذا معاذ ماله دخل .
جدي يبعد شعري عن وجهي : إيييه لييي.... وبخوف تلمس وجهي : وش ذه ي بنيتي من مورم وجهك كذا
ناظرت بفيصل اللي مازالت نظراته ماتغيرت ، معاذ بكره : ليش تسألونها إسألوا سبع البرمبه اللي إسمه زوجها ، اللي كان يمثل علينا إنه خايف عليها ويدور بكل مكان وهو المفروض يخاف عليها من نفسه قبل
فيصل مسك معاذ من ياقته : إحترام نفسك وانا ماأمثل كنت خايف عليها صدق
معاذ شد بثوبه: لا واضح رجال ورجولتك بينتها ع الفقيره
على بوقس معاذ : رجال غصبن عليك
ومعاذ رده : رجال ع الطل يوم اللي تفرد عضلاتك ع حرمه .
فيصل ردها له ومعاذ كذالك ثم صرخ جدي سالم وعمي كان يفك بينهم : بببببس انت واياه ي قليلن الخاتمة ي اللي ماأحترمتوا وجودي ولا وجود فهد فك عنه ي ولد انت وإياه .
ابتعدوا وعمي واقف بينهم : فهموني وش السالفه وش اللي إسمعه وأشوفه .
معاذ يمسح الدم اللي بأنفه : المحترم ذابحها ضرب الين حبت العافيه هربت من عنده المتوحش وجا عندنا بكل جرأه يسأل عنها بسبب خلاف عائلي هه << ضحكه سخريه >>
جدي جلس جنبي لأَنِّي كنت أبكي بصمت ومنزله راسي رفع وجهي وتأمله وعض ع شفته وإلتفت له معصب وضربببه كف : تنشل إيدك ي ال******* ليش مديتها ع بنيتي هاذي حفظ الأمانة اللي عطيتك إياها ووصيتك عليها
عمي معصب : تكلم ليش ساكت وش سوت لك بنتي حتى تضربها كذا
منزل راْسه ومارد
جدي ضربه بعصاته: تكلم ولا بكسر هاذي ع ظهرك
عمي مسك جدي وريحه جنبي خاف عليه من ضغطه وإلتفت لفيصل : تكلم ليش ساكت
قمت ووقفت قريب منه ورفعت راْسه بأصابعي وإبتسمت له وسط دموعي : ليش ماتجاوبهم حبيبي ولا لأنك متفشل مني ومن اللي بتقوله
حد بنظراته عصبيه لي ولاحظت قبضته شدها ، إبتسمت أكثر : اذا إنت مستحي فأنا لا لأنه ماعندي شي يخجل وأخاف منه وقلت كلامي وأنا أناظر بعيونه وع كل كلمه تطلع مني نظرات الصدمة تعتلي وجيههم ماعداه كان يتنفس بعصبيه : هذا الله يسلمكم كان تجيه رسائل ومكالمات لها شهر من شخص مجهول مسمى بأنه عشيق لي وأعرفه من قبل نتزوج وأحبه وأتمناه لكن ماصار بينا نصيب مثل ماتشوفون وردت العلاقه بعد ماأنا عطيته الإشارة حنّيت لحبي وغرامي وهو بعد وراح لفيصل وطلب منه يطلقني عشان نرجع نكون لبعض والمحترم زوجي سكت عن الموضوع شهر كامل وأكتفى بكلام عشيقي الين يومها اللي كنت سهرانه مثل كل يوم أنتظره وتعبت وانا أجهز الليله هاذي كنت مشتاقه له ومليت من بعده عني لكن رد لمعروفي اللي أنتم شفتوه والسبب مسج صوره كنت أنا وشخص فيها << إلتفت لهم مبتسمه ، تبون تعرفون من الشخص اللي كان معي بالصوره ، إلتفت له : ها ي زوجي الغالي تبي تعرف من حبيبي هذا << سحبت معاذ من جنبه ووقفته قدام فيصل اللي هو بعد مصدوم لأَنِّي ماخبرته ع الصورة ومستغرب اي صوره >> كان معاذ ولد عمي وأخوي بالرضاعه حلالي .
بهمس : كذذذابه
دخلت أيديني جيوبه وطلعت جواله وبحثت ع الصورة ووريتهم كلهم وآخرهم معاذ اللي قال : هذا صورتنا لما كنّا أمس بالمول نشري أغراضك وهاذي هديتي لك وكنت أباً أشوفها عليك ، بس كيف جات عنده ومن اللي لقطها لنا
فيصل بصدمه : كييف
عمي بأسف : انت ماتدري انه ولدي معاذ أخوها بالرضاعه معقوله هديل ماخبرتك
فيصل شبه ضايع : الا أعرف أكيد أدري ذه شي مايتخبى بس ماكان واضح بالصوره انه معاذ والرسائل والمكالمات واللي أرسل الصورة قال هذا هو معها باللحظه ذيك وشرب لها هديه عشان أتذكر عشقهم ..
معاذ بكره : واضح ي فهيم انه ملعوب والمقصد تفرقتكم انت لو سمعت لها في البدايه كان عرفت
بسخريه : قل له لو قال لي من البدايه عن المكالمات والرسائل كان ماوصلنا لهنا بس هو سمح لنفسه يتهمني بداخله قبل لايقولها وانا صدقت انه يبعد بسبب الشغل وهو كان يبعد عشان يراقبني وينتظر مني لله وأفضح نفسي ولا لا ي زوجي المحترم .
الجد : أنا مش مصدق اللي أسمعه .
بكسرة قلب وصوت مبحوح منعت نفسي لا أبكي وأبين ضعفي : اذا إنت مش مصدق ي جدي وش أقول أنا اللي حبيته وملكته روحي وأغلى منها شخص شاركته بكل شي ومابخلت عليه بعطاياي صاينته وحافظته بوجوده وبغيابه خفت ربي فيه تحملت كل شي منه وانا ساكته هذا بس لأَنِّي أحببه وزوجي شريك عمري ، شك فيني ويفتش بأغراضي وماكنت أدري ع السبب وماأهتميت لأنه أثق فيه ثقه عمياء بالمقابل أنه ماوثق فيني وخوني وأهاني وضربني .
مسحت دمعه خانتني بقفا ايدي وبقوه وقلت له بثقه عاليه : الضربه اللي ماتوجع ي ولد فهد تقوي وانت كنت تبي تقويني وأبشرك قويت ع يدك .
فيصل : وش قصدك .
إلتفت لعمي ولجدي : قبل كم سنه وكم شهر جبتوني لمجلس وسمعتوني كلام بالشخص هذا وقلتوا لي انه راح يحافظ عليك ويصونك و ع أساسه وافقت عليه . << جمعت كل قوتي وقلت >> لكن مثل ماتشوف عينكم ترضون لي الإهانه والمذله << تعمدت أقول >> لو جدي فهد وابوي حيين مارضوها لي وأنتم من بعدهم ماحسيت بغيابهم .
الأثنين : لا والله مانرضاها
رميتها : يطلقننني
كلهم بصوت واحد : ايييييش
من داخلي أتقطع لكن كرامتي فوق كل شي : طلقوني منه الزوج اللي يمشي ورا شخص مجهول ويصدق كل شي ينقال له ماينفع يكون زوج وأنا بعد اللي صار ماأأمن نفسي معه لأنه البنت لما تتزوج وتطلع من بيت ابوها تدور الصون والحفظ والآمان وللأسف ماحصلتهم معه ..
فيصل بعصبيه : تحلمين بالطلاق عمرك ماراح تسمعينها مني بتبقين كذا رضيتي ترجعي ولا بكيفك مثل الحال الواقف
طلع معصب وأول ماصفق الباب أنهرت وضمني معاذ يهديني وجدي وعمي حالهم حال مصدومين وضايعين ..
لما هديت شوي جلست عند رجول جدي ومسكت ايده : طلبتك قل تم وماتردني ي الغالي
جدي عض ع شفته : تم تم ي الغاليه
ببكى : تزوجته طلب منك وماندمت عشانك بس اللحين أعفينيي الغالي الروح ماعادت روح والقلب ماعاد قلب تكفى طلقني منه .
عمي جا بينطق لكن جدي سالم قال : إبشري باللي طلبتيه ي الغاليه والله لاأطلقك منه لو أهدده بالذبح
عمي : الله يهديك ي عمي وش ذَا الكلام وانت ي بنيتي أهدي اي قرار بعصبيه مو زين
بكسرة حال : ماوعيت ع الدنيا الا وأنا بنت مثل بناتك وماهقيت انك ترضاها لي والطلاق هو قراري وماراح يتغير وإذا هنت عليك تذكر إني أمانة أخوك .
أنصدم من كلمتي الأخيرة وترك ايدي ، جدي قومني من تحته وضمني : لك اللي تبينه بس أهدي ولاتوجعين قلبي خلاص أهدي ي قلبي .
ومرت الساعات وصار الوقت متأخر وطول الساعات اللي مضت كنّا ساكتين ومانتكلم كل منا يفكر بشي لكن كلنا متفقين بأساسه ..
عمي : عمي تبيني أوصلك بيتكم ترتاح انت هنا من زمان وأكيد عمتي أم فهد تحاتيك
وهو حاضني من ع جنب وراسي ع صدره : لا ماني متحرك من هنا وأترك بنتي لحالها
عمي : ومن قال إني بتركها تجلس هنا بنتي مكانها في بيتهم
بعدت عن جدي وقلت : وانت قلتها ي الغالي مكانها في بيتهم وانا في بيتي
عمي : أنا أقصد بيتي اللي هو بيتك
: أعذرني ي الغالي وماودي أزعلك لكن مكاني من اليوم ورايح البيت اللي تربيت فيه وكبرت فيه
معاذ : أكييد لا ، كيف بتعيشين هنا لوحدك ماتخافين ع نفسك انت حنا نخاف عليك وتهمينا
نزلت راسي : كل شي أنتهى من هنا وأبتدا من هنا ، وأنا ابي أطوي كل صفحة ألم ووجع وأبدأ من جديد من نفس المكان. فهموا علي الله يخليكم
الجد بحنان : بس ي بنيتي مايصير بنت تعيش لوحدها وفي بيت شكبره ومهجور له سنين
عمي : وش تبين الناس يقولون عني عمها عايش وعنده بيت ترك بنت اخوه تعيش لوحده وماأحتواها .
: محشوم ي الغالي ومن تبع الناس مات مغموم ،
معاذ : يبه هديل إذا أصرت ع شي تعرفها ماتثني عنه وانا مثلك بالضبط ي هديل لذا لك شي من الأثنين ي إنك تطردين عنك إبليس وتذكرين الله وتثنين ع كلامك وترجعون معنا غاليه ومكرمه وسط أخوانك وخواتك ولا أجيب عفشي وأعيش معك هنا إلين يطيب خاطرك ولا إن شاءالله العمر كله .
عمي : وش قلت ي هديل
: قلت لا إله الا الله وبيتي ياسع كل محب ومعاذ أخوي مالي غناة عنه
معاذ : تم بروح البيت أجيب لي كم غرض وأرجع لك
عمي : الله يهديك بس
الجد : هذا آخر كلام عندك
بضيق : وماعندي غيره ي الغالي الماضي كله بنهيه وأطويه خلاص تعبت وماعاد فيني حيل فيصل كسرني ي حدي وماأبي منه غير الطلاق والله يستر عليه وعليّ .
جدي بزعل : لاحول ولا قوة الله بالله << مسك راسي وباسني ودمعت عينه ومسحتها >> طلبتك ماتضيق خاطرك ولا تبكي عشانا تدري فيني لو ألمحها ثاني مره والله لأرد معك لكن برجع مكسوره وذليله كارهه حياتي ونفسي أرجع بس عشانك إنت تكفى اذا لي مكانه عندك لاتخليني أشوفك متضايق وزعلان عشانا .
هز براسه : الله يكتب اللي فيه خير ي بنيتي ..
ضميته : إنتبه ع نفسك ي الغالي ترا ضربتين بالراس توجع
باسني من عيوني : الله يحفظك ويريح قلبك
وصلته عند الباب وطلع عمي معه يوصله ورجعت مكاني وأنهرت كل شي إنهدم بلحظه غضب وعمى عين كل شي ضاع من اليوم لازم أكون شخص ثاني هديل ثانيه لازم أكون قويه عشان اللي في بطني اللي ماحد درا عنه غير معاذ من اليوم لازم أعتمد ع نفسي وماأحتاج لأي شخص كان أنا لطفلي وطفلي لي وراح يربى ويكبر بنفس المكان اللي ربيت فيه ، الحمدلله إني رفضت وأصرت ع حفظ البيت ومنعت عني لا يبيعه ووقت ماأحتاجه أرجع أفكر واليوم أنا بحاجة البيت عشان أعيش فيه وأكبر طفلي وأبدأ حياة جديده بعيد عن الكل وعن فيصل .. من هنا راح أودع الدموع وأرحب بالبسمه وأودع الحزن وأستقبل الفرح طفلي أنت الأمل بعد اللي راح أستمده من خيوط الألم ..

ومضه :
أحياناً الرحيل وترك الماضي خلفنا هو مفتاحنا نحو المستقبل ..!

رد: خيوط الألم تنبعث منها أمل ( مساحتي الخاصة
 

النهاية ؟؟؟

رد: خيوط الألم تنبعث منها أمل ( مساحتي الخاصة
 

وما راح يرجع فيصل يهددها انه بياخذ ولدها ويسافر فيه يبعده عنها اذا ما رجعت له ؟؟

رد: خيوط الألم تنبعث منها أمل ( مساحتي الخاصة
 

رد: خيوط الألم تنبعث منها أمل ( مساحتي الخاصة
 

كدا النهاية fgfg
الصراحة حبيت هديل الجديدة
و الفيصل من الاول واضح شخصيته قاسي و اناني و حب هديل لانها تنحب و اي واحد في مكانه ما يقدر الا انه يحبها و يحترمها

رد: خيوط الألم تنبعث منها أمل ( مساحتي الخاصة
 

:eek::eek::eek::eek:

رد: خيوط الألم تنبعث منها أمل ( مساحتي الخاصة
 

كلهم مغلوب ع أمرهم

يارب مايتطلقو

ع كيفهم يزوجون فيصل غصب ويخلونه يطلق غصب ( قمة القهر)

هديل الله يفرج عنها ممكن تصرفها صح
والشيطان والحقد تفعل المستحيل لتفرقة

رد: خيوط الألم تنبعث منها أمل ( مساحتي الخاصة
 

لا تحسب كسرة الخاطر مثل كسرة اليد...اليد تجبر والخواطر تبقى عليلة htyhty

رد: خيوط الألم تنبعث منها أمل ( مساحتي الخاصة
 

صدقتي ياسمو 😰 الله يجبر بخاطر كل مكسور. ليت النهايه على كيفي ياهديل☺

رد: خيوط الألم تنبعث منها أمل ( مساحتي الخاصة
 

يوم جديد وحياه جديده وقصة جديده !!
معاذ ترك بيتهم وأستقر عندي ، معاذ وبنات عمي ساعدوني بترتيب البيت حتى يكون صالح للسكن طبعاً كنّا أنا والبنات نكفي لكن معاذ أصر أنه يكون موجود معنا حتى يراقبني من خوفه ع حملي اللي ماحد يدري عنه حد واللي خلفته مايقول ولا يتكلم حالياً طبعاً عَصّب من طلبي ورفض لكن لمّا أنهرت قدّامه وتعبت رضا من ورا قلبه ، خواته كانوا يغارون من أهتمامه لي وخوفه علي غيره وديه ههههههههه ع قولتهم ليتنا خوات رضاعه 😂
عمي وزوجته يومياً عندنا العصريات حتى العشيات وبنات عمي طبعاً إذا سمحوا لهم رجالهم وظروفهم ، أما الصباح لحد الظهر جدي وجدتي يجون عندي وأقرأ بعيونهم حكي لكن ماحد منهم قاله وأكتفى بالصمت أعرف وش يبون ويتمنون لكن لا كرامتي ولا قلوبهم تطاوعنا !!
فيصل أختفى من بعد آخر مره ومضى علينا أسبوع وماسمعت حسه غير الكلام اللي ياصلني من جدي أو من منى وكل يوم يمر أنتظر فيها حريتي ورقة طلاقي ، البنات بين فتره وفتره يكلموني يتطمنون عليّ وزعلانين من اللي صار معي ، أمي أم فيصل جاتني مع جداني ثلاث مرات تحاول تصلح بينا ومره أبوي فهد لكن رايي كان نفسه ولما يعرفون ظلم ولدهم لي يسكتون وينزلون رأسهم وماودي بذه غير إنهم يعتقوني ومايضغطون عليّ .

: حبيبتي والله حتى أنا إشتقت لك تعالي مع جداني بكره
منى : بشوف أبوي إذا رضا إن شاءالله
: طيب ي قلبي بكلف عليك
منى : لا كلافه ولا شي آمري حبيبتي
: لو تقدرين تروحين بيت جدي وتجيبين دفتري الأسود نسيته بغرفة النوم تحصلينه بدرج الكومدينا
منى : إن شاءالله ولو انه عمي رافض حد يدخل الجناح بس بحاول أدخل من وراه
عقدت حواجبي : ليش إن شاءالله
منى بزعل : معروف السبب ي هديل مايحتاج أقوله
بعدم إهتمام : آهاا .. طيب حبيبتي أشوفك بكره إن شاءالله معاذ رجع من دوامه بقوم أشوفه
منى : طيب ، فمان الله
: يحفظك الرحمن
معاذ : من تكلمين
إبتسمت له : منى بنت عّم فيصل
معاذ : اهاا .
كيفك مع الدوام اليوم
تعععععب الله يعين بس
عسى الله يقويكم ويسدد خطاكم أنتم من بعد الله حمانا حمى الوطن
متعب : الله يحفظها من كل مكروه وتظل رايتها مرفوعه .
آمييين
متعب : متى راحوا أمي وابوي
قبلك بنص ساعه ، تبي أحط لك عشا
لا ي عمري أكلت قبل أطلع من الدوام ، بس ي ليت شاي من إيدك الحلوه
من عيوني ي عيوني
اااخ ويغارون منك ويقولون ليش إختك بالرضاعه لها معامله مميزه
حذفت عليه الخداديه : شب بس ترا ماأرضا عليهم والله انهم مايقصرون بدلالكم بس وش نقول رجاااااال .
ههههههههههه غلطتي تكلمت عند محامي الدفاع
ايه إحترام نفسك ولا مافيه شاي
حط ايده ع فمه وضحكت عليه ولما جهزت له شاي ومع موالح رجعت له : سم ي الغالي
سلمت يمينك .
وبعد لحظه قال : وش الخطوه الجايه من حياتك
عقدت حواجبي : وش تقصد !!
بإهتمام : بعد قرارك وإصرارك هذا وش الخطوه المعزمه عليها
آهاا فهمت عليك ،، الخطوه الجايه أني أعتمد على نفسي وماأحتاج لأحد وانه لما يجي طفلي ع الدنيا يحصل كل يبيه ويحتاجه متوفر له .
طيب ي عمري وش فكرتي تسوين .
امممم طبعاً أنا خريجة إدارة أعمال ومثل ماأنت شايف مافيه وظائف وحالتي ماتنتظر والأيام هاذي منتظره فيها الأعمال الحره فكرت أبدأ بمشروع صغير أطلع منها رزق حلو
معاذ : مثل !!
أنا شاطره بالحلويات والمعجنات بسوي شغلي هنا وأنشره بالمحلات التجاريه والمدارس والإنستقرام وع ربك الرزق والتوافيق.
معاذ : جمييييل وأنا بدوري آخذه معي العمل وأسوي لك دعايات واليوم الفاضي أكون لك مندوب وبكلم أخواني بعد وش رايك
موافقه طبعاً بس اذا تبون تساعدوني يكون بحق ولا أشوف لي مندوب غيركم ويحتاج أكثر منكم
هههههههههه عارف إنك بتقولين كذا وأنا مرافق وأخواني ماأظن بيرفضون .
تمام أجل أدرس الموضوع عدل او بالأحرى أنا بديت بس باقي دراسة أخيره وأشوف وش ناقص للمشروع وأكمله
اوك أنا بكره طالع أُوف خلصي أمورك وبكره نبدأ بالمقاضي .
إن شاءالله ، مدري وش أسوي لو ماكنت بحياتي أحمد ربي ع حكمته وفضله اللي منع أمك من إنها ترضعك وأعطى أمي هذا الفضل .
الحمدلله ع كل حال وأنا أخوك أنا وأخواني سندك وعزك سواءً جمعتنا رضاعه او لا يكفي انه الدم اللي فيك نفس الدم اللي يمشي بعروقنا .
دمعت عيني فخر وحب : الله يخليكم لي ولا يحرمني منكم .
معاذ : طيب هذا وإنتهينا منه نجي للأهم
وشو
ولدك مدري بنتك الى متى ناويه تسكتين ع الموضوع من حقه انه يعرفون فيه ومن حق أبوه يعرف بوجوده
بزعل : مش بالأول يحس بأمه ويرحمها
بقهر : وهذا لحاله موضوع مو هو قال عنك خاينه ومسح فيك الأرض ليش للحين متمسك فيك وش يبي يعني هو الحياه معه غصب ولا كيف ، أنا لو بس أبري يتركني عليه والله أنا وعيال عمك نجيبه لك تحت رجولك ويطلقك برضاه مو غصب عنه .
: مو عمي بس بيمنعكم حتى أنا مهما كان هذا زوجي وماأرضى عليه
تحبينه او بالأصح بعد كل اللي جاك منه مازلت تحبينه
خانتني دمعه حاره : لو يقدر كل عاشق لما يخذله حبيبه يأخذ قلبه ويرميه ببير عميق ويكمل حياته بدونه وقتها أقدر أجاوب ع سؤالك هذا ، أنا ي معاذ ماحبيت فيصل وبس أنا عشقته عشت كل لحظه وأنا أتغذى من الحب هذا << مسحت دمعتي ونزلت غيرها >> كلكم تعرفون الحاله اللي أنا مريت فيها بعد وفاة أهلي والبي ماتعرفونه إني كنت مريضه مرض نفسي عقلي وقف عند صدمه وماطلع منها كل يوم أصحى ع خوف وكوابيس وأخاف أفقد كل اللي يهمني أمرهم كنت أعيش وسط ظلام مخيف ورعب مجهول حياتي بالحقيقه غير اللي كنت أظهرها لكم كانت مقيته بمعنى الكلمه وحده فيصل اللي إنتشلني منها سافر بي وعالجني وأنقذني من ظلامي علمني كيف أعيش حياتي من دون خوف بكره وأتأمل المستقبل الجميل ، علمني كيف أحب الحياه وساعدني كيف أتخلص من كابوس الحادث ، علمني كيف أنام براحه وأحس بلذة الراحه والأهم من هذا كله علمني كيف أحببه وأثثق فيه أنا وفيصل مل منا مر وشاف بحياته كثير لكن حبنا لبعض كان القوه اللي نستمد منها .
معاذ : يااااه ي خيتي كل ذَا الحب والعشق ومازلتي ودك بالفراق ليش الحب هذا مايشفع له .
مسحت دمعتي بقوه : آخر درس علمني وكان هو أهم دروسه واللي كان يحرص عليه إني أتقنه هو إني أكون قويه وقاسيه وأنسى طيبتي اللي كان يشوفها ضعف وللأسف لما عرفت أتقن الدرس هذا أتقنته عليه .. هو كان يهتم لكبريائه وغروره كثير وأنا اليوم أهتم لكرامتي اللي عندي أهم من حبي له اللي قتله داخلي .
معاذ : مدري وش أقول غير إنه حسااافه ع الحب هذا ينتهي كذا ، أنتم بأفعالكم هاذي سمحوا لعدوكم ينجح ويوصل للي يبيه .
بأسف : الكلام هذا قوله لفيصل مو لي هو اللي سمح له وسمع منه وأكتفى من دون مايرحم لي ويتأكد مني نسى الحب والثقه اللي بينا بلحظه جرح الروح أعمق من جرح الجسد ي آخوي مو بكلمه او تصرف يتضمد !!!
معاذ : الله يعينكم ويهدي بالكم ويكتب لكم اللي فيه خير .
: أنا ماابي منه شي غير أنه يعتقني منه ويسامحه ربي ع ظنه وإتهامه واللي جاني منه .
معاذ : اذا ربك كاتب لك الإنفصال بتنفصلين عنه غصب او طيب لكن ادعي ربك اللي كاتبه لك خير يكشف عنه ويعجله لك .
إن شاءالله .. والحمدلله ع كل حال .
معاذ : طيب ي قلبي بطلع الإستراحه من زمان عنهم
يعني بتتأخر
أكييد لا لو معك حد ممكن بس بالحالة ذي لا طبعاً ساعتين بس يعني 12 بالضبط أنا عندك
أوك ي قلبي حط في بالك ماراح أنام الا لما ترجع
إن شاءالله أمي ههههههههه
هو طلع وانا خذت أوراقي وجهازي وجلست أكمل وأدرس المشروع وبعد خروجه بنص ساعه رِن الجرس : من بيجيني معقوله معاذ نسى شي ورجع بس هو معه المفتاح أكيد الخبل نسى مفتاحه
طلعت أشوف من : ميين
: أنا
دقات قلبي سريعه
فتحي أبي أتكلم معك
مابينت كلام ي فيصل اللي عندي قلته ومازلت أنتظره واللي عندك وصلته بطريقه جداً جمييله
بنت الناس فتحي الباب الناس رايحه وجايه تشوفنا أعتبريه آخر تفاهم بينا مايصير كذا من عند الباب فتحيي
ترددت بس شيئين أرغمتنا هو فضولي من اللي بيقوله وقلبي اللي مهما حاولت أمنعه من حبه يغلبني : خير وش عندك
مكتف إيديه : تبيان نتكلم هنا عند الباب
مشيت قبله ودخلت داخل : هذا حنا صرنا داخل
ناظر بالصحن : كان عندك أحد
بإستهزاء: إييه حبيبي
شد بقبضته : إذا هذا بدايتها ماراح نتفاهم ولا نوصل لحل
: ماعاد فيه تفاهم بينا والحل قلته لك .
بس أنا أحب...
حطيت ايدي ع فمه : مو هاذي الكلمه اللي أتمنى أسمعها ،،
بعد أيدي : مستحييييل
مافيه شي مستحيل سهلها وتسهل وبعدين وش لك فيني مو أنا خاينه مش متربيه مو أنا خدشت كبريائك وغرورك مو أنا اللي ماأستاهل حبك وعشقك وغيري كثير يتمنونه ، طيب ي فيصل بن فهد أنا أحلك من أي أرتباط بينا ومن أي كلمه وسامحه لك ترتبط باللي كانوا يتمنونه ويتمنون حبك وغرامك ، أمّا عليّ أنا باييعه بايعتك انت وقلبك ..
كذذذذب
لا مو كذذذذب تذكر رسالتي وش كتبت لك قبل أطلع (الحب ممكن ينوجد بلحظه ويضيع بعد بلحظه !! كنت أخاف أحبك وأقدم بخطوه معك كنت خايفه أسلمك قلبي من إنك تخذله بيوم تذكر خوفي هذاك ،، كان معي حق إني ماأثق فيك وأخاف من شعوري لأنك ماتعرف الا تخذذل ، واليوم إنت ماخذلتني إنت قتلتني وقتلت فيني كل إحساس جميل لك بداخلي ) تذكرها ولا رميتها وماقريتها
مسك متوني : ماأنسى اي شي يخصك أنت الهواء اللي أتنفسه انت الروح اللي بالجسد إنت الحب والحياة أنت الفرح والضحكة أنت كل شي بعمري ي عمري .
ههههههههههههههههههه وفر كل الكلام هذا للي تستاهلك أما أنا ماأستاهل منك شي لأَنِّي للأسف خاااينه
عَصّب وصم أذونه : ببببببببببببس حرام عليك أرحميني وأرمي نفسك أدري إنه من داخلك تبيني وتكابرين أنا أعرف قلبك مازال ينبض بحبي بس تخدعني نفسك وتخدعيني معك
كتفت ايدي وإبتسمت : غلطاااان لأنه قلبي ماكان ملكك ولا راح يكون لك قلبي ملك اللي خنتك معه
ثار وكسر كل شي حوله : يكففففففففففي يكفففففففي
عصبت عليه : صح يكفففففففي عذاب ونحرق أنفسنا ونهين بَعضُنَا لييييش طلقني وإرتاح مني وأرتاح انا بعد .
يتنفس بصعوبه : حرام عليك والله مو عدل هذا أنا لما إتهمتيني سامحتك واليوم لما دارت الأدوار قسيتي عليّ
بضيق : لا إيااااك تحط كفتك بكفتي الوضع كان مختلف كثييييير وإن تشابه العنوان .
كلانا إلتبس علينا الموضوع وكلانا جرحنا بعض وانا سامحت وانت قسيتي
لا أنا إلتبس عليّ وماصدقتك وفهمتك وسامحتني ، لكن انت صدقته وسكت عن الموضوع شهر وحكمت عليّ من قبل حتى تواجهني هنتني وهنت نفسك جرحتني وضربتني << كيف تبيني أنسى كل هذا وكأنه ماصار وأسامحك عليه وأرجع طبيعيه !!
يعني ماراح تعطيني فرصه
الفرص معك إنتهت وصلنا لآخر صفحه بقصتنا وهو انه مل واحد منا في طريق يعيش حياته مع نصيب اللي الله كاتبه له ، أساساً حنا من البدايه ماكنا لبعض والفراق حاصل حاصل لكن أخرناه تحت كذب أحاسيس أشك أنها كانت موجوده
بضيق : والله موجوده ومازالت
الي يحب مايهين محبوبه اللي يحب يثق بحبيبه ومايصدق فيه كلمه وان شاف بعينه اللي يحبه مايجرح حبيبه ولا يأذيه .
نزل راْسه ورفعه وحارت دمعته : صععععب تطلع مني والله
إبتسمت : طلعت منك اللي أقسى من كلامك طلاق
عطاني ظهره وفتح الباب : ماراح أطلقك ي هديل ولا تنتظرينه مني متى ماهديتي كلميني اذا تبين نتفاهم من جديد بس أبعده عني هذا المستحيل
حطيت يدي ع الباب امنعه يطّلع قبل يسمع : مابينا تفاهم وش تبي من إنسانه تكرررهك
ناظرني بصدمه : تكرهيني
هههه أكييد ولا وش منتظر مني بعد اللي صار أظل أغني بعشقك مثلاً
وااال ي هديييل إنت تغيرتي حيييل صرتي قاسيه
إبتسامه سخريه : ههأ وتظن بعد درسك هذا أطلع راسبه أكيد بتفوق عليك مو هذا اللي كنت تتمناه مني
إبتسم نفس إبتسامتي : وماقسيتي الا عليّ قلت لك عند الكل انت غير وإذا. جيتي عندي صرتي غير
أنا كنت مثل ماأنا معك ومعهم لكن اليوم إنت قتلت فيني هديل القديمة وعاشت بدالها هديل اللي كنت تتمناها قريه وقاسيه تفكر بنفسها قبل الكل .
فتح الباب بقوه وطلع وانا أكرر له كلامي انه يطلقني وإني أكرهه .
دخلت البيت أنتفض من ثورة الغضب وماأرتحت الا لمافرغتها بدموع ،
وفي اليوم الثاني جاو جداني ومعهم منى وبعد الفطور جلسنا برا لأنه الجو كان خيالي ربيعي وبهمس : ماقدرت آخذ الدفتر للأسف عمي دخل علي وانا آخذه وعصب مني وخذه بالغصب ومنعني آخذ اي شي لك بقت في الجناح
بضيق : عمك يبي يأخذ مني كل شي جميل ويعذبني زود
منى : غلطانه عمي يحبك ومايبي يفقدك كذا مره وحده
كنت عنده وماحافظ عليّ
بقهر : حسبي الله عليه لو بس أعرفه ال*****
بحزم : الغلط مو من الشخص المجهول الغلط من عمك هو اللي سمح له يفرقنا .
سكتت وماردت ،،
جلست أسولف معهم وخبرتهم عن مشروعي وشجعوني ..


مرت الأيام ثقيله وصعبه والحلو فيها أنه طفلي بدا يكبر داخلي وأحس فيه ويحس فيني 💞 << شعور الأمومة أجمل إحساس في الكون حتى بآلامه وصعوبة آيامه الا إنه له إحساس عظظظظظيم ورائع تعجز الأقلام عن وصفه ربي يرزق كل محرومه ومحروق قلبها ع ضنى وبأخص بدعائي وأمنيتي العضوه اللي منت أتابعها من ورا الكواليس وتسبقني دموعي ع حالها وأكتفي بالدعاء لها عن ظهر غيب " المنسيه ، سقيا سابقاً " أنا عضوه جديده لكن حروفها ضغطت ع عرق حساس بكل إنثى ربي يرزقك صفاء ي أجمل وأرق أم صفاء وتملي حياتك انت وأبو صفاء فرح وسعاده وتنسيكم كل الحزن والضيق والإمتحانات الصعبة اللي مريتوا فيها 💝

وإبتديت بصفحتي الجديدة حكايتها تبدأ بي وبطفلي وبمشروعي اللي تمم عليه ربي النجاح وأكرمني وجازيته بالشكر وقسمت رزقي بيني وطفلي والباقي لدور الأيتام << غير انه الرسول وصانا فيهم أنا وكافل اليتيم كهاتين ، شفت فيهم نفسي وحيدين لا أم ولا أب ولا أسره شاركتهم رزقي وأنا سعيده وكل مازاد أكثر زدت عليهم ومابخلت والحمدلله ربي ملأ صدري الراحه والرضا بعد التعب والشقى اللي عانيته << من طلاقي قبل شهرين !!! كيف طلقني مثل ماتزوجني غصب طلقوه مني غصب لكن هالمرة مو جدي ولا أبوي فهد اللي ضغطوا عليه ، جدي صحيح طلب منه ورفض وصارت خناقه كبيره ع كلام منى ودخلت عليهم أمي وطلبت منه يطلقني ولا بتغضب عليه رضخ لها وطلقني >> جاني مقهور وقال صار اللي تبينه وذبحتيني إنت نهيتي الفيصل ذبحتيه لكن إنتظري رده ورد لكبريائه << بعد طلاقنا بأسبوع تزوج ومن من !!! من أسماء اللي رفضها << أنا أشهد إنه إنتقام لكبريائه ورماني برصاصة الموت المرّه الثانيه لكن ماتركته يهزمني مو عشانه هو خلاص نهى الحب اللي له بقلبي ، قويت عشان طفلي وتمسكت بالحياه عشان أجيبه لدنيتي بخير ، إنتبهت لنفسي ولمشروعي الين كبرته وفتحت محل داخل البيت لكن صاد إحتراماً لخصوصيه الزباين طبعاً المكان فترتين نهار نساء وليل رجال يمسكه حد من عيال عمي 💝
جداني ماقطعوني وظلوا يزروني يومياً حتى بعد إنفصال ولدهم عني لدرجة كرهوا البيت من بعدي << من يصدق البيت اللي كان غالي عليهم صار ولا شي بالنسبه لهم >>
جدي رفض انه يسكن فيصل وزوجته عنده لكن فيصل أصر وعشره انه مايقدر يتركهم لوحدهم لكن أنا فاهمته ليش مصر ع وجودها بالبيت عشان يقهرني مادرا أني البيت هذاك كرهته بعد الخلاف الأخير وانه اللي يهمني موجودين عندي ..
كنت خايفه أخسر جدي سالم بعد ماأنفصل عن فيصل كنت خااايفه كثير لكن جدي ماتركني أواجه الحياه لوحدي ومسك ايدي وسندني وكان معي بكل خطوه أخطيها كان قلبي يعتصر ألم ودي أفتحه وأقول له انه داخل أحشائي حفيدك بس خايفه أخسر قوتي وأملي وياخذه فيصل مني ، مثل كل شي جميل بحياتي !!
جدي يحي عندي شق النور لغروبها لوقت نومتهم حياتهم كلها عندي ومعي وهذا الشي اللي قواني وجودهم معي وبجنبي وبيتهم أصبح مجرد فندق ولو الود ودي ينامون عندي ويعيشون معي ع طول ، عمي وبيته يجون عندي يوم الجمعه لأنه الجمعه صارت عندي وأختاروا اليوم هذا عشان يتركون جدي وجدتي ياخذون راحتهم عندي ، معاذ مازال عايش معي ومحترم وجودهم عندي وماأزعجهم بالعكس صار يغار مني ومن حبهم وإهتمامهم عليّ ههههههههه .

يعني فيكم تقولون أنا ماخسرت شي بطلاقي كل اللي أتمناه ربي رزقني إياه وأكثر بعد يالله من فضله ..
رزق ونجاح مشروع وجداني حولي وبصحه وعافيه وراحة بال ورضا تام وسعاده عظيمه اللي هم الأيتام عيالي اللي ماحملت فيهم ببطني لكن حملتهم بقلبي وولدتهم منه ،،
طفلي بخير وكل ماكبر داخلي كبر حبه بقلبي وشوقي ولهفتي ع شوفته أصبح داخلي أربع شهور ..
فيصل بعد طلاقنا ماسمعت عنه شي أو منعت أخباره لاتوصلني ، قصتنا نهيتها بنقطه وطويت الصفحة بصفحته جديده مافيها فيصل ولا عشق فيصل !!


النهايه وأخيراً قربت ومو بعيده كثير والأمل بعد ماشع نوره غداً أو بعد غد راح يكمل شروقه وتمتد خيوطه علينا !!

ومضه :
(( ع الإنسان أن ينسى ليرتاح !! أن يرتاح ليصبح سعيداً !! أن يصبح سعيداً ليشعر بالحياة!! أن يشعر بالحياه ليقدم شيئاً جميلاً ))

رد: خيوط الألم تنبعث منها أمل ( مساحتي الخاصة
 

أغلبكم فكر انه أمس كانت النهايه 😳
لسى باقي يوم اذا مو يومين نهاية الألم وشروق الأمل أنتظروها وأنتظروا جوابي اللي طال إنتظاره ❤
وشاكره جداً لتقيمكم ع حروفي ولو أنه كنت سعيده جداً بواحد واليوم شفت سته هذا من فضل ربي ،،
جعلها حروف شاهده لي لا عليّ .. 💝

رد: خيوط الألم تنبعث منها أمل ( مساحتي الخاصة
 

لو بيدك وش كنت راح تقررين النهايه حتى تكون مصيري !!

رد: خيوط الألم تنبعث منها أمل ( مساحتي الخاصة
 

ما شاء الله يا وعد ... مع انه واضح بأنك لسه ما تزوجتي ربي يرزقك باللي يحبك ويصونك :)

لكن القصة جدا مشوقة .. حبكة جيدة واسلوب رائع jyjy

رد: خيوط الألم تنبعث منها أمل ( مساحتي الخاصة
 

المقطع الاخير أثر فيني بشكل عميق جدا...
تأكدت انك صاحبة القصة !!!

لا حول ولا قوة الا بالله

بشرينا بالخير ارجوك و عجلي باللي باقي عسى قلوبنا تبرد !!!

رد: خيوط الألم تنبعث منها أمل ( مساحتي الخاصة
 

اكيد راح اخلي هديل ترجع لفيصل وترجع لبيتها ومملكتها وتكون مع جدانها ويشوفون احفادهم قدامهم. 😰اثر فيني الجزء الاخير.وهي تتكلم عن الامومه الله يرزق كل من يتمنى 💔💔. ماتوقعت فيصل يتزوج.
عشنا مع هديل لحظه بلحظه ويارب يكتب لها ربي كل التوافيق ♥

رد: خيوط الألم تنبعث منها أمل ( مساحتي الخاصة
 

مايجوز تخبي الحمل عن زوجها
قوله تعالى ( ولا يحل لهن أن يكتمن ما خلق الله في أرحامهن إن كن يؤمن بالله واليوم الآخر )

رد: خيوط الألم تنبعث منها أمل ( مساحتي الخاصة
 

ما اعتقد
لان في الحقيقة ما تقدر تخبي الحمل و خاصه انها تطلقت وهي في الاسابيع الاولى
ما يقدر الولد يعيش بدون اوراق ثبوتيه اقلها تعليم و مستشفى
حتى وقت الولادة كيف يسجل لمجهول !!

رد: خيوط الألم تنبعث منها أمل ( مساحتي الخاصة
 

tttتطلقوا
rfegr
قرار هديل متسرع وخاطئ
كيف تنهي كل شيء بهذه البساطة
يستحيل امراة تعشق زوجها تعمل هيك
اووووه ندمت اني واصلت القراءة
rfegr