|
رد : محبتكم روح الطير..محتاجتكم [ مستجدات بالرد 30 - 31 - 34 ]
:* |
رد : محبتكم روح الطير..محتاجتكم [ مستجدات بالرد 30 - 31 - 34 ]
اقتباس:
المقصود بذلك هو ان اي انسان عندما يفقد شخص عزيز جدا جدا عليه خاصة الام يصاب بصدمة نفسية كبيره وهذا شي طبيعي جدا ، لكنه يلجأ لاقرب شخص آخر تربطه به علاقة نفسية وعاطفية قوية لكي يخفف عنه ويمتص أثر الصدمة واقرب شخص لك عاطفيا في هذه الحالة كان بالطبع زوجك ، لكن لم اشعر بأنه قام بدور فعال لتخفيف اثر الصدمة الاولى عليك وكذلك لم اشعر انك لجأتي إليه بعد الله لتخفيف هذه الفاجعة وكأنه غير موجود غير قريب عاطفيا بالنسبة لك وهذا ما أسس لازمات أخرى مرتقبة في المستقبل .. هذا ما شعرت به من خلال موضوعك السابق والله اعلم بالنوايا . بخصوص الثأر .. اول مره اشوفك تضحكين من بداية الازمة ;) طبعا لا يوجد ثأر او دين بس يمكن لان زوجك فيه ظاهريا الكثير من صفاتي ( الايجابية ) فأني متحمس قليلا للرد على مواضيعك طبعا زوجتي ليس بها شي من صفات شخصيتك ولا كان جنيـت من بدري وما رديت اصلا على مواضيعك ;) |
رد : محبتكم روح الطير..محتاجتكم [ مستجدات بالرد 30 - 31 - 34 ]
بنتظار التكملة
اسئل الله ان يفرج عنك امين |
رد : محبتكم روح الطير..محتاجتكم [ مستجدات بالرد 30 - 31 - 34 ]
كملي .روج
كملي قصتك جدا تهمني |
رد : محبتكم روح الطير..محتاجتكم [ مستجدات بالرد 30 - 31 - 34 ]
سهر أسعد ..
ما أحب أحد يزعل مني ،. ما قدرت أمس أنام و إنت زعلانة مني .. آسفة إذا غلطت بحقك .. |
رد : محبتكم روح الطير..محتاجتكم [ مستجدات بالرد 30 - 31 - 34 ]
التائه قلبه ، ربي يرد لك قلبك ..
بالعكس ، أنا أكبر غلطة ارتكبتها .. إني لجأت لزوجي بعد وفاة أمي .. بس كنت مجبرة .. عشان كذا ، أنا برضو عارفة أغلاطي و اعترف بها .. و أول غلطة إني فضفضت لزوجي .. بس تداركت الموضوع هذا من قبل ،، و علشان كذا فتحت موضوع هنا يوم 20 رمضان .. عشاني انتبهت لغلطي .. . . ممكن تعدد لي إيش هي الصفات الإيجابية ؟ غير إنه الفم موجود للأكل فقط ؟ :( |
الكمبيوتر علّق ،، و كويس لحقت أنسخ الرد و ألصقه في النوتة قبل لا يتقفل الكمبيوتر ..
اللي صار ،، إنه زوجي وقت دقيت عليه الأربعاء عالساعة 12 و نص تقريبا الظهر .. ماني فاكرة ترتيب المكالمة .. بس بأقول الكلام بدون ترتيب .. لإني افتكر خلصنا كلامنا عالساعة 3 تقريبا .. طبعاً قال المقدمة حقته ، إنه لو كان حاسس لو واحد بالمية إني ممكن أقبل اعتذاره فكان راح يحاول ، بس عارف إنه مهما اعتذر و قال .. ما راح أعذره .. سكتت و ما قلت شي .. بأسمع له .. بعدين سكت فترة، و أنا كنت جدا هادية بكلامي معاه و أصلاً خلاص ( انتهى ) كل شي .. قال لي .. بس لو فيه ( مجال ) عشان فرصة .. يومين بس اطلبها منك .. يومين بس لحد السبت ، فكري كمان .. قلت له ..أفكر في إيش ؟ في اللحظة هذه ،افتكرت كلام بنت عمتي .. إنه زوجها لو كان رفع السماعة و قال ( ألو ) كان ممكن ترجع له .. بس هو ما حاول حتى يتصل و مباشرة راح طلق أو ما قالوا له ( طلق ) .. افتكرت كلامها لي ( عالأقل عشان الأولاد ) .. افتكرت أطفالها و جلوسي معاهم ،، و ولدي كل ما قال ( بابا ) .. ولد بنت عمتي يطالع فيه .. حتى كنت بأخوف ولدي عشان يسمع كلامي و ياكل .. قلت له ( لو ما تسمع الكلام أقول لبابا ) .. الولد الصغير ( طاااااالع فيا ) .. افتكرت ولدي أمس ، ما كنت حاسبة حساب إني أنام عندهم و البامبرز خلص الله يعزكم .. و استحيت أطلب من عمتي ترسل أحد يجيب لي ،، شفت كيف ولدي الصغير يبكي ، يبغى ينام بفراشه في البيت .. افتكرت و أنا بنص الليل كنت ناوية ارجع بيتي أنام ، و ما كان فيه أحد من أولادهم يرجعني البيت .. عشان كل أولادهم خرجوا يسهروا ليلة العيد مع بعض .. افتكرت كلام أختي ، إنه زوجك ما عمره رفض لك طلب ،، و أي وقت تدقي عليه يجي جري و يعمل لك اللي تبغيه ؟ قلت لو ما صار اللي صار .. كان زوجي جاء دحين و رجعنا البيت .. افتكرت بالفجر قالت لي بنت عمتي استخيري كمان ، لو عشان الأطفال .. و طبعا لا فيه ، أب و لا عم و لا أخ .. ممكن اطلب منهم .. و أولادي راح يتبهدلوا هنا و هناك .. ما أعرف ، يا أعضاء لا تقولوا ( إنت فجرتي القنبلة وووو إلخ ، و بعدين جلستي تفكري بعد ما فضحتيه هنا و هناك ) ؟؟؟؟ لإني ماني ندمانة أبدا .. و هذا أقل شي ممكن يجيه .. أنا عندي ولدين ، بمجتمع ( ذكوري ) .. لو أبوهم مجرم لا سمح الله ، في الأخير هذولا ولدين .. لو عندي بنت ، كنت فكرت مليون مرة ( لإنه البنت تتأثر بسمعة أبوها ) .. يمكن بسبب دعاء زوجي ( جلوسه أمامه الكعبة ، و بكائه أمام الكعبة ، و دعائه و معاهدته لربنا ؟ ) مثل ما قال لي بعدين ؟ اللي يعرفني ، يعرف إني مستحيل أتراجع .. زوجي عارفني و يدري إنه إيش ما صار ( ما حأتراجع ، و لا راح أسامح ) .. ( بس قلت بداخلي، لو ارجع عشان الولدين ) قال لي .. بس اطلب منك ( يومين ) و أنا مالي وجه أطلبها منك .. و والله ما أقدر أعيش من دونك و ما أقدر ما اسمع صوتك ، و الدليل دقيت كم مرة على جوالك و جوالك مقفل ، و ارسلت رسالة و جيت قدام البيت و ما رديتي .. . . سكتت و ما تكلمت .. قلت له ( يومين قليل ) .. . . قال لي .. ( طيب أسبوع ) فكري و قرري و حطي شروطك اللي تبغيها و أنا موافق عليها كلها .. راح أغير رقم جوالي ، و ما راح أحط أي كلمة سر طول ما أنا عايش .. و أي شي تشترطيه علي .. و قال لي إنه اليوم الصبح، أهله و أمه و أبوه خاصموه ،، و هو حكى لهم كل شي بالتفصيل .. و قال لي حتى إنه أبوه قال له ( زوجتك ما تتخلى عنها أبدا برضايا عليك ) قلت له ( أبغى شهر و القرار اللي أخذه تحترمه و تنفذه لي ) و بشرط .. ما أسمع صوتك و لا تسمعني ، و لو تبغى شي أختك تكلمني .. . . قال لي .. ( شهر كثير مرة و ما أتحمل ما أسمع صوتك ) قلت له مو كثير .. قال لي .. و الأولاد ؟ كل أسبوع أخدهم ؟ قلت له .. زي ما تبغى ، بس معليه .. تحمل شهر كامل ما تشوفهم و لا تشوفني و لا تسمع صوتنا .. قال ما اصبر و لا اتحمل ، أسبوع واحد .. قلت له شهر كامل و ما أتراجع .. ( لإني فكرت ، الأسبوع بيخلص بسرعة و هو مشغول بالدوام و ما راح يحس بشئ ، فاخترت شهر ) قلت له و لو فرضا ،، تبغاني أرجع .. أنا ما أرجع بعد ما دخلت ( عمي ) بالموضوع و بسهولة .. و أكسر وجود عمي .. عمي أمس تكلم مع أخوي الكبير و دق عليه و حكى له كل شي .. عمي أمس جلس مع أخوي و تفاهموا عن كل شي ، و إنهم يروحوا المحكة و ينهوا كل شي .. كيف تبغاني بسهولة دحين أتراجع ، و بسببي تحصل قطيعة بالعيلة .. و أخوي وقتها بيقول ليه دخلتي عمك و خليه يتشمت فيا ، دام إنك بسهولة رجعتي لزوجك ؟؟؟ أنا ما راح أتسبب بقطيعة بين أهلي ( بسببي ) .. . . قال لي .. طيب إيش المطلوب ؟ و إيش أعمل ؟ . . قلت له .. ( تعتذر من عمي ) . . قال لي موافق إيش كمان ؟؟؟ . . قلت له أنا دحين عند بيت عمتي ، و هي بمكانة أمي الله يرحمها .. و هي اللي وقفت معاي .. تجي هنا و تتكلم معاها ، و تعتذر منها .. . . قال لي موافق .. . . قال لي إذا بترجعي ، حطي كل شروطك و قوليها لي قدام أهلي و أنا موافق عليها كلها .. . . كان الرجال يتكلم (و لأول مرة) بطريقة مختلفة ؟ أول مرة في حياتي ، أشوف ( فلان زوجي ) .. ( رجال ) ؟؟؟؟؟ جسمي يقشعر و أنا أتكلم معاه ...؟؟؟؟؟؟؟؟؟؟؟ أنا بأتكلم ( مع رجال ) ..؟؟؟؟؟؟؟؟؟؟؟؟؟؟؟ أول مرة يجيني الإحساس هذا ..؟؟؟؟؟ بالعادة مثل الأطفال أو المراهقين يتكلم ؟؟؟ جالس يتكلم كأنه ( رجال ) و بشكل جاد .. مو مثل دايما ( بس يمشيني بكلمتين و يضحك على مخي و مستهتر ) . . المهم ، ما وعدته بالرجوع و لا عطيته أمل .. بس طلبت منه ( يتكلم بصراحة ) و يجاوبني على أسألتي .. . . طلب هو مني أول شي ، إني أجاوبه على شي بداخل نفسه من ( بداية زواجنا ) .. قلت له أسأل و أنا أجاوبك .. و هو يعرفني ما أكذب .. . . سألني عن ايميل واحد فقط ( مرسل مني ) شافه في ايميلي الياهو .. و كان الشي هذا و نحن في بريطانيا بأول سنة لنا هناك .. الإيميل هذا مرسل مني لإيميل ، و من قبل لا نتزوج أو نتخطب أنا و زوجي ( بسنة ) .. زوجي سألني في بريطانيا عن الإيميل هذا و قلت له عن حكاية الإيميل .. بس ما سألني عن التفاصيل .. نسيت أقول شي .. و تويي افتكرته .. اخر يوم قبل لا يخرج زوجي من البيت ، وقت عرفت بالموضوع .. و جمع أغراضه و هو خارج .. و أنا كنت خلاص ، منهارة و ابكي و أقول له ( إنت متّ خلاص بالنسبة لي ) .. . . وقف طالع فيا ، و الدموع مليانة بعيونه و قال لي .. ( إنت السبب .. ) . . قلت له ( حط دحين كل شي علي ، برر أغلاطك و ارميها علي ) .. . . قال لي و هو يبكي ( إيوة ، على بالك إني نسيت طول السنوات هذه - ايميلك اللي في بريطانيا - ؟؟؟؟؟ على بالك إني ماني عايش مجروح من هذاك اليوم ؟ على بالك إني نسيييييييت من يومها ؟؟؟؟؟ ) . . فتحت عيوني مفجوعة .. قلت له ( إنت عن إيش بتتكلم ؟ أية ايميل ؟ إيش بتقول إنت ؟ ) . . قال لي ( هذاك الإيميل اللي وريتك هو ) . . قلت له ( هذاك الإيميل حكيت لك عنه و اتقفل الموضوع و ما سألتني عن شي وقتها ؟ عن إيش جالس تتكلم ؟ إيش جالس تتبلى علي ؟ ) . . قال لي ( أنا من يومها مجروح و ما نسيت ) .. و لو حكيتي لأحد عن اللي صار ، بأحكي لهم عن ايميلك .. قلت له ( قول ،، ما همني .. أنا عارفة حالي ) . . تفاجآت ، لإنه كان موضوع تافه .. و تفاجآت أكثر من ( طريقته بالكلام ) ، و من تفكيره .. يعني ماني مصدقة إنه هذا الشي بقلبه و ساكت سنوات ؟؟؟؟؟؟؟ وموضوع تافه .. و ما سألني عن التفاصيل وقتها .. قال لي وقتها ( بس خلاص ) و حضنني و بكي .. وقت كنا في بريطانيا .. زوجي كل كلامه ( كلمتين و بس ) .. ما يعرف يتكلم بطريقة متواصلة .. . . ما أعرف ؟ هل هو من جدّ كان يتكلم ؟ و لا بس يحاول يمسك علي أي شي ؟؟؟؟ . . تويي افتكرت ، لإنه موضوع تافه جداً .. دحين افتكرت ،، الأربعاء و هو يكلمني بالتلفون .. أنا اللي سألته و طلبت منه يجاوبني على سؤالي ( بصراحة ) ..مو هو اللي طلب مني .. قلت له ( إنت من جدك كنت تتكلم عن هذاك الإيميل ؟ من جد الكلام اللي كنت تقوله و لا تمزح ؟ ) . . قال لي ( ايوة ) .. قلت له ( بس أنا جاوبتك من وقتها ، و مو معقول ببالك من هذاك اليوم ؟ ) قال لي ( و الله كنت كل ما أفتكر ، انجرح و اكتم و إنت مانت حاسة و عارفة ) .. . . قلت له ( افتكر حكيت لك الموضوع و انتهى ،، بس ما أظنك سمعتني ) سألته أحكيها له من جديد و يصدقني ؟ قال لي ( إيوة ، أصدق كل شي تقوليه لإني أعرفك ما تكذبي ) . . بإختصار ، كنت مشتركة بمنتدى ( مشهور و معروف ) قبل لا أتزوج و استمريت فيه تقريبا 4 سنوات و كنت بمرحلة البكالوريوس، و مجرد ما دخلت المنتدى ،. تعينت من تاني شهر ( مشرفة عالقسم الإسلامي ) .. كنت داخلة أول منتدى بحياتي ، و بحماس شديد جداً .. و كان عبارة عن واجب مطلوب مننا ( نسجل بأي منتدى و نكتب طلب ترحيب ) .. . . كنت تويي التزمت و هدفي إني أصير داعية اسلامية .. فكنت ماخذة المنتدى ( تجربة لنفسي ) بمجال الدعوة .. أنا اعترف إنه ما عندي العلم الشرعي هذاك ، بس ممكن كان عندي حماس و غيرة عالدين .. و كنت انقهر لما أشوف تجاوزات بين الأعضاء و العضوات ..و كنت جالسة لهم بالمرصاد ههه .. أي أغاني ينزلوها ، أرفع شكوى للإدارة ،، أي صور أو تجاوزات ، كنت انقهر و أرد و أطالب بالتعديل .. جاتني رسالة خاصة مرة من ( أصيع عضو بالمنتدى ) ، ما ترك بنت إلا و يرد عليها بالمنتدى .. و كان عنده أقارب بنفس المنتدى ( كل واحد أصيع من التاني ) .. كل ما تجيني رسالة منه ، أرسلها للإدارة .. و ما كانت فيه خاصية منع رسايل من عضو محدد .. و كنت ما أرد .. ارسل اخر شي ،، يقول يا أختي ( أنا ألتزمت بسبب مواضيعك و أبغاك تساعديني على نفسي ) .. ما كنت أرد عالرسايل الخاصة من الأعضاء ، و اللي يقول عزيزتي اكسر راسه .. أنا هبلة ، صدقت حالي و كنت راح أطيح بالمصيدة .. ارسلت رسالته ( لمشرفة ) .. الإسم اسم بنت ، و مادري إنه ولد .. كنت خايفة مرة أصدق أي أحد .. المشرفة ردت علي ( انتبهي من حركات الشباب ، تراه كذاب و لا تردي عليه ، هذا بيتحدى أقاربه إنه يوصل لك .. و لو يبغى صح يلتزم و يبغى نصايح ، يروح لرجال مثله ينصحه ، ما يجي عندك ) .. ما كنت أعرف طريقة الرد بالرسايل الخاصة ، فكنت أختار ( الرد عن طريق الإيميل ) .. فالمشرفة هذه عرفت ايميلي .. و علمتني كيف أرد عن طريق الرسايل الخاصة ..و إنه أقصر و أسهل .. . . المهم .. هذا المنتدى ، وقت ما انخطبت .. من فرحتي و افتخاري بالمنتدى و مشاركاتي .. قلت لزوجي عنه ، و أعطيته اسمي فيه و كلمة السر .. و عملوا لنا حفلة بالمنتدى .. و حتى واحد من الأعضاء ( دكتور بالجامعة ) و عنده أحفاد .. زوجي قابله وجهاً لوجه .. و واحد من الأعضاء ( في أوروبا يكمل دكتوراة ) ،، زوجي تعرف عليه و قابله .. و كنت عارفة نفسي و مفتخرة بحالي ، لإنه كلمة ( عزيزي ) ما كنت أكتبها لأي شخص .. كنت أقول ( أحافظ على قلبي نقي و طاهر لزوج المستقبل ، زي ما أنا أبغى زوجي يكون ليا ) .. كنت أقول ( أحافظ على نفسي لزوج المستقبل ، عشان ربي يرسل لي شخص مثلي ) . . يعني لو فيه شي مثلا أخجل منه ، ما كنت تجرأت و خليت زوجي يدخل للمنتدى اللي اشتركت فيه من يوم عرفت النت ، و ما كنت أعطيته كلمة السر .. لدرجة إنه لحد دحين ، زوجي يناديني بإسمي اللي كان مسجل بالمنتدى هذاك .. و الدكاترة اللي تعرف عليهم من نفس المنتدى ، وقت يتصل عليهم .. يقولوا له ( سلم على فلانة زوجتك ) .. طبعاً ( روح الطير ) أصلا اسم صحبتي ،. و كم مرة طلبت من الإدارة تغير لي اسمي هنا بس ما يعطوني وجه ،، و هذا ثاني منتدى اسجل فيه و أشارك بعد هذاك المنتدى اللي اتقفل .. . . المهم .. المشرفة هذيك ، طلعت ولد و أنا مادري .. هي قالت لي ،، أنا ترى مو بنت ،، بس كثيرين يحسبوني بنت من اسمي .. الإسم كان من الأسامي اللي زي ( ورد كذا ) .. أو ( شمس كذا ) .. و بس اعتذرت و انتهى خلاص .. . . استمريت أشارك بالمنتدى و مواضيع اسلامية ، و فيه كثير منها ( مازالت موجودة الآن بالنت ) .. و تعينت ( مشرفة عامة ) خلال سنة واحدة .. المهم .. كرهت شي اسمه اشراف و كرهت شي اسمه ( قيود الإشراف ) .. كل ما قلت شي ، قالوا ( قال مشرفة قال ؟ ) رجعت طلبت يشيلوني لإني انخنقت ، و ما رضيوا و رجعوني ( بالإسلامي ) .. يقولوا ( لازم شي يربطك بالمنتدى ) .. كنت معتبرة إنه هذا عالمي الخاص .. أقرى و اكتب و أجمع مصادر و كذا .. المشرف هذاك اللي بإسم مشرفة ، صحفي كان .. ارسل لي إنه يبغاني أشارك بالصحيفة ، عشان مشاركاتي الهادفة و بأكسب أجر الدعوة ووو إلخ .. و من كثر الحماس اللي بداخلي ( وافقت و صدقت حالي ) ، و تخيلت اسمي بالصحف .. ( طبعا استمر وجودي وقتها بالمنتدى تقريبا 4 سنوات و أنا محافظة على نفسي ) .. طبعاً أعطاني رقم أدق عليه عشان نتفق عالتفاصيل و كذا .. سألت أمي و قالت لي ( طيب ) .. زيه زي الدكاترة اللي بالجامعة .. ما قلت لها عن المنتدى ، لإنها ما تعرف .. قلت لها ، بس يبغوني أشارك بالكتابة بالصحيفة و كذا و أعطوني رقم ادق عليه .. قالت لي طيب .. و أمي توثق فيا و الحمد لله .. حتى افتكر مرة دكتور بالجامعة عمره كبير مرة ، كنت أدق عليه قدام أمي و أسأله عن أي شي و أنا على بالي إنه دكتور و أنا طالبة عنده .. كنت متحمسة اتعلم كل شي .. و هو قال يعني يعلمني صار الدكتور يزودها و يدق علي الساعة 11 بالليل ( على تلفون البيت ) و أنا أكلمه قدام أمي .. أمي قالت لي ( يا روح .. ترى انتبهي ) قلت لها ( ليش يا ماما ؟ ترى رجال كبير مرة بالعمر ) قالت لي أمي ( الرجال رجال .. حتى لو كان كبير .. و كأنه زودها ) كلامها جلس بأذني و ما صرت أرد عالدكتور و لا أكلمه و لا شي .. . . المهم .. دقيت عالرقم قدام أمي ، طلع واحد .. قال لي إنت فلانة ( اسمي اللي بالمنتدى ) ؟ قلت له ايوة .. قال أنا فلان .. طلع المشرف الصحفي هذاك .. . . قفلت الجوال كم يوم ، و كسرت الشريحة .. حتى أمنع نفسي من أي باب يدخل منه الشيطان .. و جلست حتى من غير جوال لمدة 6 أشهر ..و لحد ما طلعت رقم جديد .. ارسلت ايميل و بما معناه ،. . . أخوي الفاضل ..... انت انسان محترم و ساعدتني كثير و ما أنكر فضلك و الله يجزاك خير .. لكن ما أتواصل بالجوال ، شريحتي كسرتها و رقمي غيرته .. و رجاءً لا تحاول التواصل .. اعتذر .. أختك . . رد علي بعدين إنه غرضه شريف و يبغى يتزوج ، و هو متابع لي بالمنتدى من 4 سنوات .. و ما شاف أحد تكلم عني بسوء ، و عرف توجهاتي و مبادئي و ديني و كذا و تعاملي مع الجميع .. بس كان نفسه يعرف ، إيش لقبي عشانه شروط أهله إنه من نفس القبيلة .. و قال لاا تعتبريها إهانة لك .. بس أنا ما أرضى لك ، إن قبلتي فيا .. تعيشي وسط عيلتي ( منبوذة ) .. . . تقفل الموضوع نهائي .. . . بس الإيميل هذاك جالس بإيميلي الياهو .. . . أصلا بعد الحكاية هذه بـ 4 أشهر انخطبت ، و بعد الخطوبة بشهرين تملكت .. و تاريخ الإيميل واضح كان .. و لو فيه شي غلط بإيميلي الياهو أو الهوتميل ،، ما كنت أعطيته لزوجي و ايميلي هذا موجود عندي من أيام ما دخلت الجامعة ، و من أيام ما عرفت النت .. و أول ايميل لي ،، و ما زلت حتى الآن محتفظة بنفس الإيميل و مستحيل أغيره .. لو فيه شي ، ما كنت تركته مفتوح لزوجي و معاه كلمة السر و من غير ما يطلبها مني .. . . بس بعد الزواج ، و في بريطانيا و كان عدى على زواجنا ( سنتين ) .. رحت المعهد ، و زوجي طفشان و فتح ايميلي .. و شاف الإيميل مكتوب فيه : أخوي الفاضل ..... انت انسان محترم و ساعدتني كثير و ما أنكر فضلك و الله يجزاك خير .. لكن ما أتواصل بالجوال ، شريحتي كسرتها و رقمي غيرته .. و رجاءً لا تحاول التواصل .. اعتذر .. أختك . . حتى مكتوب ( أخوي الفاضل ) .. مو ( حبيبي و عمري و حياتي ؟؟؟؟ ) . . * و رجاءً .. بدون تعليقات مالها داعي * أنا واضحة جداً ،، . . دخلت البيت وقتها ، و لقيت زوجي شكله متغير و وجهه احمر .. و مصدوم .. و فاتح الإيميل و مفجوع .. . . قلت له .. إيش فييييييييييييييييييه ؟؟؟ . . قالي: أقري و انت تعرفي .. . . قلت له : هذا ايميل ارسلته من زمان و من قبل ما انخطب و شوف تاريخه .. واحد كان يبغى يتقدم ،، و أخذ رقمي بالغلط .. و كسرت شريحتي و غيرت رقمي عشان ما أكلم رجال .. حتى مكتوب ( أخوي ) .. ماني جالسة اتغزل ، و أمي تعرف الحكاية .. . . و قام حضنني و ما خلاني اتكلم .. . . بس أحسبه نسي الموضوع ، لإني شفته ما اهتم .. . . و دحين ، حكيت له بالتفصيييييييييييييييييل و الأدلة عن حكاية الإيميل .. حتى قلت له ، لو تبغى .. ترى الشخص هذا يكتب بصحيفة كذا و فيه صورته بالصحيفة الفلانية .. قالي ( بسسسس ) .. قلت له ، لو ماني واثقة من نفسي ما كنت عرفتك على المنتدى و تقابلت بنفسك مع الأعضاء .. اخر شي قال لي ( مصدقك ) .. . . . قام سألني عن ايميل من موظف اداري بالعمل من قبل كم سنة .. قلت له ( هذا إنت اللي أضفته عشان تسأله عن الراتب حقتي و اللي ما نزل شهرين ، و كنت حتى تبغى تطلب منه رقم فلان الفلان المسئول المالي عشان تتواصل معاه ) قال لي ( من جد ؟ تصدقي نسيت ) . . قالي هذولا الموضوعين كانوا في قلبه من زمان .. و ما كان يقدر يتحمل ..؟؟؟؟؟ . . أنا قلت الحكاية هنا .. لإني ماني مصدقة لحد دحين .. معقولة يكون كلامه صحيح .....؟؟؟؟؟؟؟؟؟؟؟؟؟؟ و لا بس يبحث عن أسباب ؟؟؟؟؟؟؟ حسيت إنه صادق بكلامه .. هذا اللي حيرني .. . . لإنها مواضيع ما تستاهل ..؟؟؟؟؟ و يقول لي دحين اللي فهمت ؟؟؟؟؟؟؟ سألته و ليش ما تكلمت من وقتها ، و سكتتني ..؟؟؟؟؟؟؟ ما رد علي ؟ ^ ملاحظة / الرقم اللي أعطاني ، على بالي رقم إدارة الصحيفة أو رئيس التحرير .. و كل شي كنت أستأذن فيه من أمي .. المهم .. سألته عن كل شي قالته البنت ،، عن الصلاة كمان ، عن الصيام ، عن العلاقات و عن كل شيييييييييي .. و صارحني بكل شي بالتفصيل فيه أشياء صح و فيه أشياء غلط .. . . كنت أقول له جاوبني حتى لو ما رجعنا لبعض .. بس خليك صريح سألته عن كل شي و عن الصلاة و الصيام و اللي قالته البنت و كل شي، و عن أسباب المشاكل اللي كانت موجودة بعدين قلت له .. ( هذا هو اللي كنت أطلبه منك ،، نتكلم زي كذا بوضوح و صراحة .. ) قال لي .. عشان كذا ، أنا تغيرت دحين . . و تكلم هو كمان ،، و قال ما تدري اللي صار يمكن يكون خير .. ( هذه كانت الصحوة لي ) .. . . قال راح تشوفي ( فلان ) حقة زمان ،، و راح أرجع مثل زمان و أحسن للدرجة اللي راح تقولي فيها ( لييييييت اللي حصل دحين ، حصل من زمان ،، عشان المعاملة اللي راح أعاملك بها ) . . المهم .. ما أعطيته وعد بالرجوع .. و قال لي .. إيش ما صار ، أنا المسئول عنكم .. أنا مازلت أبوهم ، أي شي يحتاجوه الأولاد أو تحتاجيه ارسلي لي أو كلميني . . قلت له يمكن أحتاج شيي واحد منك حاليا بدل ما أركب مع سواق تاكسي لوحدي مع الأولاد ، و كل مرة يطلع لي واحد صايع و لا مادري كيف فإذا احتجت سيارة ، راح ارسل لك .. قال طيب أجيك أنا وقتها . . قلت له لا .. ترسل أي أحد ، بس إنت لا تجي .. . . قال لي أرسل أخوي أو أحد من أصحابي و إذاا ما كان فيه أحد ، أجي أنا . . قلت له لو جيت إنت ، أنا بأركب وراء ،، و لا تكلمني و لا أكلمك .. بس عشان لا أركب مع شخص غريب في نص الليل .. طبعا تفاصيل المكالمة ، عبارة عن إجابات لكل اللي قالته البنت .. ( أقوله بعدين آخر شي ) و عبارة عن ( مصارحة منه ) لأول مرة في حياته يتكلم كذا .. طول عمره يكذب ، أو يتكلم كلمة و كلمتين و خلاص .. و من ضمن كلامه قال إنه هو مازال مو متقبل فكرة إنه ( أب ) .. قال يمكن مع حمودي ولدي الصغير ( راح يحس بالفعل بأبوته له ؟ ) و ومحتاج لوقت .. ملاحظة / اللي يلوموني إني تركت ولدي مع أمي ، كان الموضوع غصب عني .. مو بكيفي .. كان ولدي بحاجة لعملية ، و وقت ما ولدت ولدي ( جاني أمر الإبتعاث ) و كان زوجي ترك عمله و سلمنا الشقة و السيارة ، و كانت دراستي برة بدأت .. و ولدي اتولد و كان بحاجة لعملية ، بس العملية ما تصير إلا إذا وصل وزنه لوزن معين .. الحمد لله أمي اهتمت فيه مضبوط ، و لو أخدته معاي ( كان بيموت ) .. بس زوجي جات لمصلحته ، و جلس هو و أمي يقنعوني اتركه و أرجع أخده بعد ما نستقر هناك يعني مو بيدي تركت ولدي .. . . المهم .. ليلة الخميس ، كنت محتاجة أغراض من بيتي و أغير ملابس أولادي .. و جوالي تاركته بالبيت ، محتاجة الجوال أدق عالشغالات قبل يوم السبت .. دقيت على زوجي ساعة 10 و طلبت إنه أحد يوصلنا هناك و يرجعنا .. ( لإنه اسمه زوجي - شرعاً - و ما أقدر أخرج بدون إذن منه ،، كذا أمي ربتني ) قال لي أنا أجيكم .. قلت له معليه أرسل أحد غيرك قال لي طيب أكلمك بعد نص ساعة و أشوف أحد فاضي دق بعد نص ساعة قال أخوي يجيك بعد ساعة و معاه أمي و إذا ما تبغي ، خلاص أنا أجيك قلت له طيب تعال إنت ( عشان لا يكثر الكلام ) .. بس بأجلس وراء و بدون كلام .. . . جا عالساعة 12 الليل تقريبا .. رحت البيت و غيرت و أخدت لأولادي ملابس يومين ، و حليب و جوالي و شاحن الجوال .. كنت بأخد الجوال كمان ، عشان ادخل للمنتدى و أكتب موضوعي و أخد رأيكم .. كنت محتارة و مو عارفة أخذ أي قرار .. . . طول الطريق ( استخير مليون مرة ، إني أترك ولدي مع أبوه ) .. قلت لازم يحس بنفسه ، و يشوف بيته ينهدم قدام عينه و بسببه .. وصلني بيت عمتي و أنا جالسة و را و ما أكلمه و لا يكلمني .. يعني بدل ما أركب مع سواق غريب بنص الليل .. وقت ما وصلنا .. قلت له ، لخاص خلي حمودي معاك .. قال لي هاه ؟ قلت له خليه معاك .. قال لي مو دحين قلت له مو قلت تبغاهم معاك ؟ خذهم .. قال لي بس مو بالسرعة هذه .. بالتدريج ، لسى هو ماهو متعود على أحد .. قلت له .. معليه ، ماني فاضية لهم .. أنا بأشوف حياتي ،، و ما أقدر أهتم فيهم .. هذولا الإثنين بسببهم و بسبب اهتمامي فيهم ، حياتي انخربت و بيتي انخرب .. و ماني مستعدة أضيع بقية عمري معاهم .. خلاص خليهم معاك .. إنت أبوهم و إنت مسئول عنهم .. أنا من حقي أشوف بقية حياتي .. قال بس يا يجلس هو و أخوه معاك ،، يا يجي أخوه معاي .. المهم يجلسوا مع بعض قلت له طيب ، خذ الثاني .. قال لي طيب هاتي مفتاح البيت .. قلت له و ليه ؟ قال عشان أنيمهم فيه ،، قلت له معليه ، أنا بأجلس في البيت .. و لا تبغاني أجلس في بيت عمتي على طول ؟ وديهم بيت أهلك .. مو كنت تبغاهم ؟ خذهم .. عاد تفاجأ و ما توقع أبدا .. و هو اللي كان يهدد قبل .. ما توقع بسهولة أستغنى عنهم .. ( قلت لازم يحس إيش عمل بيده ، لازم يشوف بعينه كيف بيته بنخرب قدام عيونه ، لو الأولاد معاي فما راح يحس بشئ ) مع إني ضد فكرة إنه الأولاد يكونوا الضحية و يتبهدلوا .. بس استخرت و قسيت على قلبي .. . . دخلت بيت عمتي و جبت ولدي الكبير .. ولدي يبكييييييييييييييييييييييييييييييييييييييييييي ،، ما يبغى يروح عشان بيلعب مع الأطفال سحبته من يده بقوة ، و قلت له ( اطلع روح عند أبوك ) .. ( وقتها ولد بنت عمتي ،، طااااااالع فيا ، وقت قلت لولدي روح عند أبوك برة ) .. . . أخدت ولدي الكبير ، و ركبته السيارة و هو يبكييييييييييييييييييييييي و الصغير بيد أبوه جالس .. و أغراضهم في كيس بالسيارة .. و زوجي ( مصدوم ) .. زي الضايع ، من عيونه و هو يطالع فيا مو مصدق ،، و يحاول ( يثقل حاله و كأنه عادي ) قفلت باب السيارة و تركتهم .. طبعا كان منظر مؤلم جداً .. . . قال لي زوجي بعدين / إني وقت تركتهم .. ولدي الكبير يبكي و حاط راسه على يده ،، سكت شوي و طالع في أبوه و قال له ( بابا .. ماما ما تحبني ) أبوه قال له ( ليش تقول كذا ؟ إلا ماما تحبك ) قال ( لا .. ماما ما تحبني ) قاله أبوه ( ليش تقول كذا ؟ ) قاله ولدي ( عشان تركتنا لوحدنا و ما جات معانا .. ماما ليش جلست هناك و تركتنا لوحدنا ؟ ) دخلت جوة ، و ما أكلم أحد .. ماسكة جوالي و أتكلم مع صحبتي بالواتس أب .. و اشغل وقتي بأي شي .. خلصت البطارية و باقي بس شوي، كنت بأدخل للمنتدى .. و ماحد عنده جوال مثل جوالي .. شفت عمتي و جلست معاها أتكلم .. جلست تحكي لي عن حكايات و مواقف ،، و حكت لي عن واحد يقرب لنا في العيلة .. معروف بإنه أفضل شخص بالعيلة ، طول عمرنا ما سمعنا عنه غير كل خير .. انسان عاقل و كبير مرة ،، حكت لي كيف كان زمان ( طول الوقت يسهر و كيف تغير ) .. قالت لي ( مرات تجي صحوة للإنسان ، ينقلب فيها 180 درجة ) .. و خلال ما كنت أتكلم مع عمتي .. زوجي اتصل و قال لي .. فين أوراق الأولاد الرسمية ؟ قلت له في البيت بالدرج الفلاني .. قال لي أحتاجهم .. قلت له طيب السبت تبدأ الدوامات ، أعطيك هي قال لي عشان أبغى أسجل الكبير في مدرسة .. قلت له طيب ( ما سألت ليش و لا كيف و لاشي ) و قفلنا الخط بعد شوية اتصل كمان ، و قال اعطيني المفتاح أنيمهم في البيت قلت له معليه ، أنا جالسة في البيت .. قفل الخط بعد شوية اتصل و قال ، راح أخدهم بيت صاحبي دحين و ننام هناك .. قلت له ( طيب ) و قفلنا الخط .. أرسل لي بعد شوي رسالة كاتب فيها ( أنا ماشي دحين للمدينة الفلانية ، عند أختي علانة ، أودي الأولاد عندها ) ما رديت عليه ، و لا صدقته .. حسيته تورط .. جلست ساعة بعد مكالمته الأخيرة .. و جلست أتكلم مع عمتي ، و أتشاور معاها .. قلت لها كذا كذا عملت .. جلست تفكر و محتارة هي كمان .. قالت لي : إن دقيتي عليه دحين و قلتي له هات الأولاد .. مو حلو شكلك قدامه .. جلسنا نفكر بطريقة ، أخذ فيها الأولاد .. بدون ما نحسسه إني أبغاهم .. لإني قلت لعمتي ، أعرف زوجي ( ما يعرف مصلحة نفسه و ممكن يضر حاله و الأولاد ) .. |
رد : محبتكم روح الطير..محتاجتكم [ مستجدات بالرد 30 - 31 - 34 ]
روووح
الكورة في ملعبك ، فأحسني التصرف. أنا حاس ان زوجك ندمان كثير ، وأنه تعلم من بعد هالمشكلة ، ف عطية فرصة أخيرة ومنتي خسرانة شي ، وخصوصاً أنه خاضعلك ومستعد يعملك اي شي تبغينة!! أما حكاية الأيميل فلا تنبشوا الماضي ، وخلوكم بيومكم ومستقبلكم. |
رد : محبتكم روح الطير..محتاجتكم [ مستجدات بالرد 30 - 31 - 34 ]
على سالفة الإيميل أنا أصدّق طبعًا إن رايتك بيضاء.
لكن قبل فترة قريبة سبحان الله قرأت قصة رجل أجنبي ( رغم إن تصوري عنهم كان إنهم بدون غيرة ) هذا الرجل زوجته حكت له قصة من ماضيها تقول: لم تكن سوى نظرة واحدة من هذا الرجل وأحببته ... ولكن عرفتك بعدها ونسيته . زوجته قالت له هذا الكلام وذهبت في شؤون البيت، وزوجها خرج يمشي على وجهه يسترجع ما تقوله ويحرق نفسه. ومر وقت طويل وهو يغذي الوهم الذي في رأسه ويشعر إنه بدون قيمة بالنسبة لها....رغم إنه يعشقها. الرجل يأخذ الكلام من زوجته ولا يعلق، ولكنه يفسره بينه وبين نفسه وهذا الشيء يؤثر عليه وقت طويل بدون أن يصرح لها موقفك مع الإيميل ربما يكون (سبب) فعلًا...غذّاه وهم صغير في عقل زوجتك حتى كبر واستحال شيء أعظم بكثير مما تتخيلين. فقط أحببت مشاركتك تحليلي..... وأعجبني طلبك منه أن يعتذر لكبار العائلة فكرة حكيمة ترفع من قدرك وتجعله يحسب لك حساب كبير . والله يصلح حالكم...وتفكيرك في مصلحة أبنائك هو التفكير الذي ينبغي أن تفكري فيه؛ لأنهم رأس مالك بإذن الله. |
رد : محبتكم روح الطير..محتاجتكم [ مستجدات بالرد 30 - 31 - 34 ]
اقتباس:
وبجاوبك من منظورك كلامك ووصفك له ومن منظور شخصي ونفسي الصفات الايجابية او الي ممكن نعتبرها كذلك : رجل هادىء وطيب لحد البساطة الشديدة احيانا ، غير انفعالي في اوقات كثيرة ، يخلط الجـد بالهـزل الكوميدي في كثير من المواقف كونه ما يحب النكد كثيرا ( ما تعرفين جده من هزله ) ، يكبت مشاعره وهذا النوع مرتبط باسرته جدا ببيـته واولاده . لكن هذه النوعية ممكن تـتصف بالضعف النفسي اما مغريات الزمن ووساوس شياطين الجن وشياطين الانس مثل تلك الخبيثة المخبثة والتي صورت نفسها على انها ضحية لمجرد انه ( طلع متزوج ) وكأنه ان لم يكن متزوج سيكون حلال عليها ان تكلمه وترسل صورها لها وتخرج لمقابلته في المطاعم ؟! وضعفه النفسي امام المغريات لا يشفع له جريمته لكن لتوضيع الأمر بشكل عام فقط ومن مثل زوجك اذا تعرض لضغط هائل يعني مشكلة عويصه او مسالة حياة او موت مثل الطلاق او الفراق ممكن يتحول لشخص ذو شخصية أخرى تماما ، يعني يتحول من شخص يتصرف تصرفات شبه طفولية احيانا الى رجل ذو كلام وتصرفات جاده جدا بشخصية شبه مختلفة عن الشخصية التي عهدتيها عنه وتعايشتي معاه بها . اذكر زوجتي كانت دايما تقولي : كأني قاعد اربي طفل من كثر استهتارك ، وتقول انت قلبك معاك ولا تايـه عنك :) لكن لما حدثت بينا ازمه طاحنة كادت ان تصل للطلاق وتعاملت معاها باسلوب جدي مختلف تقول حسيت كأنك شخص آخر مختلف تماما بشخصية اخرى وهذا الي جعلني اتراجع صدقيني مهما كان عظم خطأه و فداحة جريمته ، لن تجدي شخص محب لبيته واسرته ولزوجته مثل ها النوعية ، ولو خيروه بين الف امرأة مثل تلك الخبيثة وبينك لاختارك انتي بدون تردد . |
رد : محبتكم روح الطير..محتاجتكم [ مستجدات بالرد 30 - 31 - 34 ]
اعتقد يا روح لو في باله شي حكاه من زمان لو باستهبال
بس هذي طريقة عشان تحسسك بالذنب ليس الا من تجربة طريقة الرجال هذي معروفة ... التمسكن وتحسيسك بالذنب الله يكون بعونك ذكرتيني بالي راح... |
رد : محبتكم روح الطير..محتاجتكم [ مستجدات بالرد 30 - 31 - 34 ]
بارد عليك بدون مجاملة خليك انسانة واقعية وسيبي الافكار الخيالية. وارجعي لبيتك وزوجك واولادك ولا تخلي احد يتشمت فيك . احيان الانسان من كثر ما يقرأ مشاكل وخاصة في مثل هالمنتدى تجية خيالات وتصورات غير منطقية ويحاول يتقمص شخصيات ليست من الواقع خليك انسانة بسيطة في التعامل وخاصة مع اقرب الاقربين حتى تعيشي حياة طيبة. |
رد : محبتكم روح الطير..محتاجتكم [ مستجدات بالرد 30 - 31 - 34 ]
اسمعي
قصة الايميل لا تنخدعي فيه هو حاول يلبسك الطاقيه ويحسسك بتانيب الضمير ويلقى مخرج من الموقف الحرج لا يانبك ضميرك وتصدقي انك غلطتي قبل الزواج وخنتي انتي طاهره ونظيفه اصحك تصدقيه ويحسسك انك انتي خنتي كمان ولعبتي قبل الزواج..(انا الاحظ عليكي كذا من زمان وكنت اخاف انبهك اخاف تزعلي مني لاحظت عليك انه بس يرميلك كلمه او تصرف تروحي انتي تحوريه وتحوليه الين يوصل انه هو الصح وانتي يمكن اللي خطا والذنب ذنبك احسك ما تصدقي على الله تلقي مخرج او تبرير لتصرفه عشان تقنعي نفسك فيه انه هو مو بطال .. هذا عشان انتي تحبيه باين تحبيه من قلب رغم عيوبه ) قصة العيال حلوه قرصة اذن انا ضد طلاقك جملة وتفصيلا (لانه الى الان مافي دليل ملموس على خيانه جسديه ) ولكن انا مع انك انتي تربيه من اول وجديد عشان تصلحي الاخطاء اللي كانت فيه + يطلع فكرة الخيانه من راسه مستقبلا لانه حيعرف ايش تجر وراها بعدين هو ما ينكسف يقولك اتعرفت عليها عشان اخذ فلوس من البنت !! ما ينكسف ياخذ فلوس من حرمه ؟؟وبرضه حاول يحطك طرف بالموضوع وقال عشان انتي تبغي شغاله وسواق ومدري ايش ... يعني مثلا هذي البنت اللي رح تصرف عليكم ؟!! نبهيه على هذي النقطه عشان يبطل يعتمد على الحريم ومنها انتي تستفيدي ويصير يشيل المسئوليه .. اسمعي الان هو مثل العجينه شوفي ايش اللي مضايقك منه بغض النظر عن موضوع الخيانه ابغى اقولك شيء لازم لازم يعرف انه انتي منتي بحاجته وقوليله السيناريو ايش رح يكون لو لا سمح الله صار طلاق (ماديا ومعنويا وعلميا ووظيفيا ) مارح ياثر عليك بشي ولا تجيبي سيرة انه اولادك حيفتقدو الاب عشان لا يحس بضعفك .. كوول هذا بس تخويف له ولكن الطلاق لا يا روح عارفه لو قلتي انه خاني(بنفس قصته) بس هو في كل شيء تمام كان قلتلك ازعلي عليه شويه وبعدين سامحيه لكن انتي تشتكي منه بامور ثانيه اساسيه بالحياه الزوجيه وهذي فرصتك لتعديلها كلها مره وحده عشان ينعدل وترتااحي معاه .. استعجلي ياروح في سرد الباقي عشان تشوفي نصايح الاعضاء وتاخذي منها اللي يناسبك ويفيدك ..مازلنا متابعينك ملاحظه : روح انا اسلوبي جفص شويه لا تزعلي مني انا اكتب وافكر معاك بصوت عالي ووالله العظيم ما ابغى لك ولزوجك وعيالك غير كل خير الله يسخره ليك الله يسخره ليك ويجعلك قرة عينه ونبض قلبه |
تعبت من الكتابة ، خلاص باقي آخر شي ..
دحين أخلص ، و بعد كذا بأكتب الأجوبة اللي قالها زوجي عن كلام البنت و إيش الصح و إيش الغلط .. . . عمتي قالت .. لو واحد رجال ( بالفعل ) ،، المفترض يجي و يجيب الأولاد و يعتذر لك و يتكلم معاك كلام رجال .. قلت لها ( يا عمتي زوجي ما يعرف هذه الأشياء ،، ماحد يعلمه و لا يعرف ،، و ممكن يضر حاله و يضر الأولاد معاه ،، أعرف ) قالت لي ( كمان خراب البيوت مو بالسهولة ) .. طبعا.. جوالي تقفل ما معاي الشاحن ، نسيته بالسيارة .. عالساعة 2 ،، دقيت على زوجي .. قلت له : أحتاج الشاحن و نسيته في السيارة .. و هنا ماحد معاه جوال مثل جوالي .. قال لي و صوته نعسان : بكرة الصبح .. قلت له : بس أحتاجه دحين .. قال لي : دحين ما أقدر .. حمودي نايم فوق رجولي ، و أنا و هو نايمين داخل السيارة .. . . قلت له : و أخوه ؟؟؟؟ قال لي : ارسلته يلعب مع أولاد أخوي . . قلت له : و ليه ما نمت عند أخوك ؟ قال : ما أحب أنام عنده . . سكتت ،، و قلت له : تعال دحين .. . . قال لي : بكرة خلاص ، دحين ما قدر اتحرك .. قلت له : اسمعني ، اسمعني ، أنا في اللحظة هذه و هذه اللحظة و بسسس .. راح أشيل ( موضوع العناد ، و أشيل كلمة كرامة ) .. و راح أعاملك و لأول مرة ( بروح الطير الحقيقية ) فتعال دحين .. و وديني البيت .. . . ناديته و جاء .. ركبت خلف بالسيارة و ما كلمته ، سلمت على عمتي و دعت لي .. . . وصلنا البيت ، و هو ما ركن السيارة .. خرجت من السيارة ، و فتحت بابه عشان أخده ولدي ( كان نايم بالسيارة معاه ، و جنبه قارورة الحليب ، و حالته حالة ) قلت له ( هات الولد ) . . قال : خليه ، مو إنت تركتيه .. . . قلت له : أنا قلت لك ، بأعاملك دحين معاملة تانية .. باللحظة هذه و بس . . أعطاني ولدي ، و فتحت باب البيت و دخلت .. جاء بيروح ، و هو نايم بالسيارة من أول يوم تركته فيها .. هذا اللي عرفته منه ليلة الخميس .. إنه من يوم الإثنين و هو ينام بداخل السيارة .. . . قلت له ( أدخل ) . . قال لي ( رايح ) . . قلت له ( ادخل ) . . قال لي ( بأنام في السيارة ) . . قلت له ( ادخل ، ما قلت لك تعال نام ) قلت لك اللحظة هذه بس ، أنا راح أتعامل معاك بروح الطير الجقيقية بدون تزييف و لاشي .. . . قال لي طيب . . ركن السيارة و دخل .. و أنا رحت حطيت ولدي بفراشه و فتحت المكيف و خففت الإضاءة .. كانت الساعة 2 و ربع أو نص الليل .. . . طبعا وصل لأهله ، إني أعطيته الأولاد .. . . بس الصراحة ، ما تحملت مع نفسي إنه ولدي الصغير يتبهدل و ينام بالسيارة لحد الفجر .. لإنه زوجي مستحيل ياخدهم لبيت أهله .. . . كريستالة .. أنا بينت له بالمكالمة ، إنه قدامي فرص كبيرة بالحياة و الحمد لله .. و هو يدري بالشئ هذا .. و يدري لو تركته بيجي الأفضل منه .. و دحين قدامي فرصة أسافر للخارج و أكمل و اترك الأولاد معاه .. أو حتى لو جلست هنا ، راح أكمل حياتي بعيد عنه و بدون ما ألتفت للخلف .. و أهلي ما يتدخلوا بقراراتي .. لو بأسافر ماحد بيمنعني ، و لو بأجلس ماحد بيمنعني .. . . أنا بنفسي جلست محتارة .. أفك حالي و خلاص ارتاح من الهم و التعب و منه و أشوف حياتي .. و لا .. الأولاد ؟ |
رد : محبتكم روح الطير..محتاجتكم [ مستجدات بالرد 30 - 31 - 34 ]
:* |
رد : محبتكم روح الطير..محتاجتكم [ مستجدات بالرد 30 - 31 - 34 ]
اقتباس:
هو زوجك اعتبريه زي ابنك مافي مفر منه الا بالشديد القوي تقدري تغيريه ولو جزئيا فرصتك الان لكن طلاق لالا حاولي تشيليها من بالك .. مهما كان انتي بينك وبينه عيش وملح وعشرة عمر ما ينكرها الا اللئيم وانتي من بيت كريم متربيه على يد سيده فاضله .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
*هل انتهيت يا أستاذة روح أم لا؟
*سؤال بعيد عن الموضوع: هل أنتِ من سكان جدة؟.. سأخبرك فيما بعد لماذا سألت هذا السؤال. |
رد : محبتكم روح الطير..محتاجتكم [ مستجدات بالرد 30 - 31 - 34 ]
اقتباس:
وانت ِ ذكيه .. راح تعرفي هل الموقف راح يوعيه من غفلته ولا مابتفرق معاه . فكري بهدوء . من المهم يعرف مسؤلياته وغلطاته ويعرف واجباته اتجاه ربه قبل .. الله يكتبلك الاخير لك ِ.. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
بانتظارك عزيزتي تكتبي تعليقه على البنت والصح من كلامها والغلط منه ..
ومن بعد اذنك روح أرحب بأخونا ابو حكيم .. أشوف اسمه تحت ..بارك الله فيك أخي ودعواتي لك حاضر وغائب . ما نستغني عن رأيك أخي أبو حكيم اذا كان معك وقت تكتب .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
أخوي البليغ ..
لا مو من جدة ،، بس قريب من جدة .. و درست في جدة مرحلة من مراحل حياتي .. و زوجي عاش طفولته في جدة .. بس انتقل لهنا .. . . بالنسبة للبنت .. راح أقول كل مرة اللي افتكره : - قال ماله أي علاقات ببنات مثل ما قالت ، و إنه بس حب يتفشخر قدامها و يبين لها إنه شخص ( مرغوب من البنات ، و البنات يمشووا وراه ) .. و هذه عذرته فيها ، لإني بيوم من الأيام و بالفترة اللي كنت تعبانة فيه، بعد موت أمي و مشاكل أخواني و أخواتي .. ( أهنت رجولته ) و غلطت عليه لأول مرة و جرحته بالكلام بشكل قاسي ،. و ( أخواته كل ما شافوه ، قالوا له إنت الحرمة في البيت و زوجتك هي رجال البيت ) بالفترة اللي كان عاطل فيها عن العمل .. و فكرت و قلت .. هو لو له علاقات مع بنات ، كنت حسيت .. زي ما حسيت بسرعة بتغيره ، مجرد ما تعرف على هذيك .. . . - ما لمسها ، و لا حتى لمس يدها .. هي أكدت لي الشي هذا ، و جلست تقول ( حاول بس منعته ) هو يقول و الله ما تعرفت عليها ( عشان علاقة حب و كذا ) . . - حكاية الفندق .. كان بيضحك عليها .. عشان صور لها صورته و هو جالس عالسرير ، و قالها هذا بالفندق .. الصورة اللي ورتني هي ، كانت بغرفة نومي .. و هي قالت لي ( لأ ، هذا بالفندق ) و كان بيوم 21 رمضان و يوم 21 رمضان كان الخميس ، و كان معايا بالبيت .. راجعة |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
روح سؤال يهمني لو ماكان بينك و بينه اطفال وش كان بيكون قرارك جوابك يهمني
|
رد : محبتكم روح الطير..محتاجتكم [ مستجدات بالرد 30 - 31 - 34 - 288]
متفائلة خير
كنت تركته بدون تفكير |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
متابعين معك يتروح
|
رد : محبتكم روح الطير..محتاجتكم [ مستجدات بالرد 30 - 31 - 34 - 288]
قال لي ، قلت لها بأستأجر غرفة بفندق ( عشان يشوفها و هي رايحة تزور صحبتها بالفندق )
بس كذب عليها يقول ،، و قال لها إنه استأجر غرفة و نام فيها .. هي قالت لي بيوم 21 رمضان ، و ورتني الصورة اللي مصورة نفسه فيها .. طيب يوم 21 ،، هو كان معاي بالبيت و ما خرج غير بعد ما فطر .. و الصورة كانت بالغرفة .. أنا سألته و من غير ما أقول له شي .. قال لي ، شوفي الصورة و راح تعرفي إنها بغرفتنا كانت .. يقول بس كذبت عليها ( عشان أبين لها إني شبعان و مو محتاج فلوس ،، و عادي لو أخد غرفة بفندق غالي .. و أبين لها إنه الفلوس مو مهمة عندي .. و أعطيها أكبر من حجمها ) ********************* حكاية الصلاة .. يقول إنه يصلي مثل ما عرفته ، بس ( كان يهمل مرات و يأخر و يستهتر ) .. ما أعرف ، أنا من يوم تزوجته .. ما عمري شكيت إنه ما يصلي .. بسسسسس في العشر الأواخر الصراحة .. كان اهماله واضح .. افتكر إنه كان يجلس فوق الكنبة و يأذن ، و يفطر ، و أروح اصلي و أرجع و ألاقي بمكانه .. يقول صليت وقت إنت صليتي ؟ و أخته قالت لي ( إن الصلاة تنهى عن الفحشاء و المنكر ) إيش تبغي بواحد زي كذا ، مافي شي ينهيه ؟ بس وعدني دحين ، إنه بيرجع مثل زمان .. أغلب فروض الصلاة بالمسجد .. أنا وقت تزوجته ، كانت كل صلواته بالمسجد .. كان إمام مسجد و مرات يأذن بالمسجد .. صوته ماشاء الله روعة ، مثل اللي يأذنوا بحرم المدينة .. ناس كانت تجي من مناطق بعيدة عشان تصلي ( وراه ) .. قلت له ( متى يا فلان متى ؟ ) ( متى يا فلان تحنّ و ترجع لأيام زمان ؟ ) يقول لي ( أنا قبل لا أعاهدك ،، عاهدت ربنا بمكة ،، عشان كذا المرة هذه أنا غير .. أنا صحيت ) *************************** أما الصيام .. فينكر ، و يقول تتبلى علي ؟؟؟؟؟ يقول ما عمره فطر .. سألته عن الكنافة ، يقول كان نايم شكله و أكل من غير ما يحس .. هو الصراحة مرة في رمضان قام و مشي و جاء الصالة و كلمني و كلمته و رجع نام .. و وقت صحي العصر قلت له ، يقول ما افتكر ؟ معقولة يكون يمشي و هو نايم و ياكل و ما يحس ؟ المهم .. يقول إنه صام كل أيام رمضان و ما فطر قلت له بينك و بين ربك .. ************************** حكاية السوق ، هي كذبت على أهلها .. و زوجي عمل حاله سواق بالشارع و وصلهم السوق .. . . أنا طفشت من الكلام .. . . يقول ، أنا فكرت كثير إني اقطع العلاقة .. الملائكة تجي مرات و تقول لي ( وقف ) و الشيطان يجيني و يقول ( عادي ، حلال و يجلس يحلل لي ) .. يقول ما كنت ناوي استمر بالطريق هذا .. ما صدقته .. ****************************** يقول ، عرفت إنها موظفة و داخلة جمعية و راح يجيها 50 ألف في الحج .. فقلت خليني أسايرها ، و ما أخليها تشك .. لحد ما تاخد الفلوس .. و أتسلف منها ( 15 ألف ) .. أسدد فيها مخالفات ساهر و أفكّ أزمتي .. في هذه الصراحة ، أنا قلت لها من البداية .. هو دام عرف إنك موظفة .. فكان ناوي ياخد فلوسك ، و هي ما صدقت .. لإنه مرة كذا في بريطانيا ،، وحدة جاب لها قبول .. و بعدين ضحك عليها بكلمتين ( ما قابلها ، بس بالتلفون ) .. و خلاها تحول له فلوس .. هذيك البنت قدرت تلاقي رقم جوالي ، و دقت تشتكي عنه .. إنه أوهمها بأشياء و إنه مسكين ووو إلخ ،، لحد ما أخد الفلوس و ( بدأ يتهرب ) .. قلت لها ( فلوسك بيرجع لك كامل ) و أعطيتها فلوسها .. و أنا بعدين أخدت حقي من زوجي و تفاهمت معه .. و كان مازال ينكر .. و ما كان صريح أبدا .. عشان كذا المرة هذه قلت يستاهل الفضيحة .. . . هي قالت لي إنه قال لها مديون و جمع 3000 و الشيخ يبغى 15 ألف على الحج .. هذا يثبت كلامه ، إنه مخطط ياخد منها 15 ألف .. و أنا وقت كنت أقول له ( حل لي مشكلة الشغالة ) كان يقول لي ( أوعدك أسدد مخالفات ساهر عن قريب ) أسأله كيف ؟ يقول ( مالك دخل ، أنا اتصرف ) .. كان يقول ( اصبري شهرين ، ثلاثة و أسددها ) * طبعاً ، طريقته مرفوضة جملة و تفصيلا * و أنا تضاربت معاه في بريطانيا وقت عرفت إنه طلب دين من وحدة .. مع إني ماني مقصرة بالبيت .. *************************** حكاية المطعم .. من يوم تزوجنا ، و هو كل مرة يقول لي .. تصدقي ؟ الشباب الصايعين يجيبوا صحباتهم في المطعم عشان يتقابلوا معاهم .. كم مرة يقولها لي .. قال لي : ما أعرف ليه عملت كذا ؟ أنا غلطان و استاهل بالجزمة ، بس و الله مو لغرض - حب و كذا - .. يقول الدليل ما فكرت أقرب منها .. يقول ما أعرف ، يمكن وقت جربت إني أقابل وحدة بمطعم .. استحقرت نفسي و استحقرتها يقول قسم بالله ، وقت ما خرجت من المطعم .. إني قلت لو إني جبت ( روح الطير ) و أكلتها معاي .. أفضل من هذه الوسخة .. أكيد كم واحد خرجت معاه ؟؟؟؟؟ . . حكاية البرنامج تبع الدردشة .. يقول هذاك اليوم ، وقت أنا زعلته مررررررة .. و كنت مرة مضغوطة عشان المشاكل اللي كتبتها مع أهلي .. كنت أبكي ، و كنت متضايقة من كثرة سهره و لعبه للبلياردو .. يقول جرحتيني و طلعت برة ،. جلست بالسيارة ( أبكي ) .. ماسك نفسي و ما أبغى أزعلك و إنت اللي فيك كافيك .. يقول حملت البرنامج وقتها .. ما أعرف ، يقول الشيطان .. و جلست أدردش و أفضفض بس كذا .. . . سألته إيش معنى هي ؟ قال ما أعرف ، يمكن لإنها بسرعة أعطت رقمها و بسهولة ..؟؟ ( البنت صورت لي المحادثة بينهم ، مجرد ما طلب رقمها ، قالت له طيب ) .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
الصورة صارت واضحه
المولم طليه ابفلوس و استغلاله للبنات هالشي اردى من الخيانه |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
ما أعرف إيش باقي من كلامها ..
يقول ما فكر فيها أي تفكير ( جـ .... ) .. يقول ماعرف ليه عملت كذا ؟ يمكن ( إثبات رجولة ) ؟؟؟ يمكن ( الشيطان بدأ يسحبني ) ؟؟؟ يقول فكرت كم مرة أوقف .. . . ماني فاكرة الباقي .. . . أمس يقول و الله العظيم إنه عن قناعة أنا رافض اللي عملته .. لإني شفت النتيجة ، و شفت إنه ( ولاشي ) .. . . (( طبعا أكذب لو قلت إني سامحت )) ************************************************ المهم ، هذاك اليوم .. ليلة الخميس .. طلبت منه يدخل .. حطيت الولد بفراشه .. و رحت فسخت عبايتي ، و غيرت ملابسي .. قلت له اجلس .. جلس بعيد ، و أنا قدامه .. بأتكلم معاه .. . . |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
مرفوض جداً .. لكن ممكن يتعدل و يتصلح .. و يتعاقب عليها .. . . بس الخيانة ، لو إنه فكر فيها ( بإقامة علاقة جسدية ) .. هذه مستحيل تتغفر ، مجرد تفكيره بوحدة ثانية ( من أجل شهوة ) .. هذه ما أغفر له .. و لو حسيت ( ربع بالمية ) إنه فكر بكذا .. مستحيل ارجع .. . . إذا شفتي المحادثة اللي بيني و بين البنت .. قلت لها مرتين ، عشان عرفك إنك موظفة .. و هي قالت إنه قالها مديون بـ 15 ألف و الشيخ يبغاه بالحج .. و هو يقول إنه كان يستناها تستلم فلوس الجمعية في عيد الحج .. و ياخد منها 15 ألف .. . . و مشكلة الفلوس ( راح أحلها له و أعالجها بطريقتي إن أكملنا الطريق مع بعض ) .. . . هو قبل رمضان ، كان يمر بأزمة مادية .. إيجار البيت + مخالفات ساهر .. أنا دفعت الست أشهر الأولى للبيت 9000 ، لإنه كان عاطل .. و الست أشهر التانية ، ما مداه يجمع .. و صاحب البيت يبغى الباقي .. حاول إنه يقدم على قرض ( أظن إاسمه التمويل الأسري ؟ ) بس رفضوا يعطوا له .. . . حاول يلاقي أحد يساعده بالإيجار ،، ما لقي .. طلب مني و هو محرج .. و أرسل لي ايميل كاتب فيه ( معروض إلىى سعادة الأستاذة روح الطير ) و وعدني إنه يسدد لي كل شهر ألف ريال ، و أعطيت له على طول 9000 بشرط إنه يسدد .. عشان مو معقول أنا أدفع إيجار البيت كله كامل .. أنا اخترت بيت بمنطقة ( غالية و راقية ) عشان كذا بأدفع و أتحمل نص الإيجار .. بس هو كمان رجال البيت ،، بقيت له ( 9000 ) هو يتحملها .. و لإنه صاحب العمارة صار يدق باب البيت كل يوم .. و ما رضيت أشوفه كذا .. . . مخالفات ساهر 20 ألف + فلوس الإستقدام .. قلت له ( الصراحة كثير كذا ) .. و معليه ما أقدر .. يعني أقل شي 40 ألف .. . . ما رضيت أساعده بساهر ، عشان لا يتعود ( يمشي بسرعة جنونية ) و أنا أسدد عنه .. حبيت يتحمل المسئولية و يتعلم كيف يخفف السرعة .. و يبطل الإستهتار .. كم مرة كان بيصير فينا حادث و نحن معاه بالسيارة بسبب سرعته الجنونية .. فكنت أرفض .. . . مو معنى كلامي إني سامحته عالعلاقة ( مهما كان نوعها و أهدافها ) |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
هههه ضحكتيني الله يسعدك بس عالعموم فعلا ياروح أشعر إنه زوجك ندمان وخايف إنه يفقدك لكن حطي تحتها خط لازم له قرصة أذن جامدة عشان يتربى ويبوس التوبة ولايفكر بحياته يسوي هالتصرفات المعيبة أخلاقيا ودينيا لازم تبيني له إنك خلاص تبين الطلاق وموفارقة معك الأولاد عاد ماكان ودي ترجعين تاخذين الولد كيفه يتصرف لحاله خليه يتمقطع بس أدري بك حنونة وقلبك قلب ام تخاف على ولدها الله يعينك وبانتظار التكملة |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
بعد ما صارحني بكل هذه الأمور ..
قلت له طبعا ( لو إنك من زمان تتكلم معاي كذا بصراحة ، مهما كانت الصراحة مؤلمة .. كانت كل أمورنا انحلت ) . . بس بالجلسة الأخيرة اللي بيني و بينه ، وقت جاء البيت .. تكلمت معاه .. ( هذا خلاص اخر شي بأقوله ) و بعدين ما عندي شي .. . . روح المساء .. كويس إني لحقت و أخدت ولدي و ما تركته نايم بالسيارة .. لإني بعد ما جيت البيت ، صحي عالساعة 3 و نص الليل .. يبكييييييييييييييي يصييييييييييييييييييح و يصرخ .. كان عنده ( إمساك شديد ) الله يعزك .. . . تخيلي لو كان في السيارة مع أبوه ؟ مين كان راح يحلّ الأزمة هذه لولدي ؟ كان أقل شي انجرح أو جاته بواسير الله يعزك .. . . |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
مثل ما كذب عليها
ممكن يكون يكذب عليكي في كلامه ,, ماله امااان مافيه اي دليل انه صادق 100% في كلامه يقول اشياء غير منطقية الملائكة تقولي و الشياطين تقولي من متى الملائكة تقول للواحد يسوي شي ؟! لا تنقطعي عن الاستخارة و الدعاء |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اختى الكريمة اعتذر على عدم الرد الفترة الماضية ولكن لظروف مرت بى وانزلت بها موضوع اسأل الله ان يخفف عنى واسألك الدعاء على ظهر الغيب ولكنى كنت متابع بصمت كما سبق وقلت لك ربما ما حدث لان زوجك رجل طيب والله عز وجل يريد ان يصرفه عن هذا الطريق سامحيه يا اختى .. والله غفور رحيم ولكن ادبيه ولا ترجعى له الا اذا شعرتى انه فهم الدرس وانه لن يعود الى هذا الطريق بإذن الله اسأل الله ان يصرف عنك شياطين الانس والجن ويهدى زوجك ويحفظ اطفالك وكل من تحبى اللهم آمين |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
واضح يا روح انك تحبي زوجك وانك ماتبين الطلاق وانك ماتتصورين حياتك بدونه
|
رد : محبتكم روح الطير..محتاجتكم [ مستجدات بالرد 30 - 31 - 34 - 288]
ما أعرف ..
هو يقول ( لو رجعتي لي ، راح يجي يوم و تقولي ليت اللي صار هذا .. صار من زمان .. عشان تشوفي كيف المعاملة و الحياة اللي راح أعيشك هي ) .. و أبوه مبسوط منه و يقول ( أول مرة في حياتك تكون صادق بكلامك ) . . أنا هنا واقفة عن التفكير .. . . أمس جاء عندي عمي يعيد علي ، زوجي قابله و قاله .. يا عمي أنا كنت بأروح عندك ، بس إنت جيت .. أنا حاب اعتذر منك ، و من روح الطير .. أنا غلطت في حقكم .. و قام باس راس عمي ، و باس راسي قدام عمي .. . . و قال زوجي ، بيقدم لي اعتذاره قدام أهله .. و بيعمل ذبيحة و يعزمهم .. . . ما أقدر أكمل .. أحس كلامي خلص ، و تعبت من الكلام .. . . فيه أشياء يمكن تشوفوها و أنا ما أشوفها .. أنا طلبت من زوجي شي واحد يلتزم فيه ( قلت له ،، حسّن علاقتك مع ربنا ،، تتحسن كل أمورك ) |
ما أعرف ..
ما أقدر أزيد شي .. راح أسمع و بس .. اخوي ابو مريم الله يفرج همومكم كيف أأدبه !؟ ا اسرة ما اعرف اخوي البليغ ماعندي شي اقوله و لا احس انه عندي طاقة للاستقبال او التفكير بأي شي متفائلة خير ماعرف ؟ احتاج ردود تنورني |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
أسأل الله العظيم رب العرش العظيم
أن يكتب لكِ مع زوجكِ وذريتكم الحياة السعيدة في الدنيا والآخرة |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
روح حبيبتي .. ربي يعينج ويهون عليج اعتقد ان زوجك تادب الحين واكيد حس بالخوف يوم شاف موقفج وردة فعلج وحس انه بيخسركم بس باقى يعرف شو اللي له وشو اللي عليه .. بس ممكن تجاوبيني يا روح .. شو اللي تبينه واللي في خاطرج الحين ؟ على هالاساس بإذن الله برد عليج |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
ماراح اكتب شي
زوجي فاتح الموضوع و واصل للصفحة الرابعة خليه يكمل هنا بنفسه |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
هو سالني قبل كم يوم كيف ابين ندمي ؟
علميني ماعرف قلت له اطلب الاخ البليغ بالمنتدى و هو يعلمك قالي طيب ماعرف اذا بيقرا و يستفيد و لا لا.. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
لمني بشوق
ابغاه يا يتركني اعيش حياتي بسلام او يصير رجال و مسئول لانه اي تجاوزات ماراح اتحملها بعد الي صار |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
هو قال بيغير رقمه
و قال ما بيحط كلمة سر و قال مابيحط جواله عالصامت في البيت ابدا و اي اتصال يجيه.. يرد عليه و قال لو تحسنت حياتنا و تصلحت.. بيبطل سهر و ينظم حياته انا قلت له كلام كثير |
| الساعة الآن 12:56 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©