المشاركة الأصلية كتبت بواسطة mlsstudent (المشاركة 3365644)

اولاً
اختي لو ترجعين لردي انا ماتكلمت عن المهور فقط. انا تكلمت عن تآخر الزواج بشكل عام.
يعني الواحد مايدري هو يجمع للمهر او لتكاليف ليلة الزواج او تكاليف شهر العسل او تكاليف تجهيز الشقه والسياره الخ.
واذا على التدوير انا قلت لك بردي عن الدوله اللي مهورهم 7 الاف ريال وذكرت لك ليش انا مارحت لهم. واذا على بكر او ثيب.. بردودك مقومه السالفه ليش الرجل المطلق مايتزوج مطلقه مثله.. يعني انتي ترضينها على المرأه المطلقه تتزوج الرجل اللي غير مطلق لكن العكس لا؟

هذا اذا كان فعلا مشكله الخمسين الف عظيمة عندك
خليني احسب لك التكاليف اللي ذكرتها بردي علشان "فعلاً" تعرفين كم يكلف الزواج وتعرفين "فعلاً" ليش الزواج مكلف بحكم اني ذكرت لك بردي وليش هذا الشيء يسبب مشكله في "العنوسه"
-الاكسنت واللي تعتبر من ارخص السيارات قيمتها 38 الف ريال
- 60 الف ريال مثل ماذكرتي في ردك انه مبلغ لازم الرجل يقدره
- لتكاليف الشقه وخلينا نقول 45 الف
- اجار الشقه خلينا نقول 15الف ريال
-شهر العسل وخلينا نقول وديتها لدبي وبيكلف 10 الاف وليلة الزواج سويت شي متوسط 50 الف ريال شامل كل شي.
38+60+45+15+10+50=218 الف ريال
ارجو اختي انك ماتفهميني غلط لكن من ردودك افهم انك حاطه في بالك ان الرجل غلطان مهما كان، سواء اللي يسويه صح او غلط فهو غلطان.
بردي ذكرت لك تكاليف الزواج كامله واشوف انك رديتي علي بالمهر لحاله وكأن المهر لحاله هو سبب تأخير الزواج.
فلا تاخذين من رد كامل جزء بسيط لمصلحة تفكيرك ودعم لنقطة نقاشك وتتركين الباقي.

المشاركة الأصلية كتبت بواسطة احلام الورد88 (المشاركة 3365640)

من وضع النسبة ومن اي عمر وكم عدد سكان السعودية وكم نسبة المتزوجين والاطفال والرجال والنساء !!!
نسبة لايصدقها الا غبي او احمق
هذا الهدف تسعون لهم مثل ماقال الاخ خل الاعلام يهول ويكبر الكل يخدم مصالحه

المشاركة الأصلية كتبت بواسطة احلام الورد88 (المشاركة 3365646)

المشكله اذا ذكرتوا تكاليف الزواج اول شي المهر وكأن المهر اغلى شي في الزواج وهو اقله البنت مااتاخذ الا المهر باقي الاشياء لك قبل البيت والسفر وغيرها

المشاركة الأصلية كتبت بواسطة mlsstudent (المشاركة 3365649)

ادخلي جريدة الرياض وابحثي عن موضوع "تحديد المهور بـ 50 ألف ريال للبكر و 30 ألف للثيب"

نسبة لايصدقها الا غبي او احمق
هذا الهدف تسعون لهم مثل ماقال الاخ خل الاعلام يهول ويكبر الكل يخدم مصالحه
وليش مايصدقها الا غبي او احمق؟
وش الدلائل اللي تبينها؟
تبينهم يعدونهم قدامك؟ وينادونك كل ماطلعوا يسوون احصائيات؟

او تبين الكلام من وزارة؟ اتصلي على وزارة التخطيط واسأليهم كم عدد النساء اللي اعمارهم فوق 30 سنه وماتزوجوا عام 2010 وعام 2015
وعليها شوفي كم النسبة ولا تقولين لمن يصدق هالكلام احمق او غبي لان اقدر اخذ من ردودك اشياء واخليها "حماقة" و "غباء" لمن يذكرها

المشاركة الأصلية كتبت بواسطة mlsstudent (المشاركة 3365651)

هل المهر خارج من تكاليف الزواج؟ متى حابه نذكر لك المهر؟ اخر شي؟
طيب والواحد اذا جاء يعقد وهو اول شي في بداية الزواج كيف يخلي المهر اخر شي؟

البنت مااتاخذ الا المهر باقي الاشياء لك قبل البيت والسفر وغيرها
مافهمت بالضبط كلامك،، من اللي بيسكن معي بالبيت؟ من اللي بيسافر معي؟ من اللي بتنقص فرحتها اذا ماسويت لها زواج؟

المشاركة الأصلية كتبت بواسطة فأل أخضر7 (المشاركة 3365650)

1- المشكلة أن الأسرة من نشأتي مب بترتيبه الصحيح ، يعني المرأة الولية على شؤوني المحبة صدقا لكن الجاهلة و عيوب أخرى مب أمي بيولوجيا .
2- و الرجل الولي على شؤوني لكن المنقاد تماما لفكر قريبته مب أبوي بيولوجيا، رغم وجود أبي وهوشيخ كبير متعب الحين ..
و كنت أحس وضعي الأسري بلخبطة هالأدوار رغم صعوبة الحياة من نشأتي ..
كنت أحس الحمدلله طبيعي و مقبول ...
لكن بعدما كبرت و تحديدا نيف الأعوام المؤخرة بدأ إحساس يترسخ بداخلي
حد القناعة أنه خلاص ماعاد بقى لي أحد بهالدنيا ،
و أنه فعلا شعور يترسخ حد القناعة و بالتالي الهلع و الاكتئاب أنه مافيه
" مأوى حقيقي " و لا تحسبين أني بكلامي أقصد الزوج لا ؟
أن من زمان من وعيت وبقبقت عيوني على واقع مجتمعنا بعيدا عن الرومانسية الحالمة
أشوف حال النساء و أنا جاعلة الزوج آخر من يمكن أسقط عليه مصيري ،
ولا سيما أن أخت لي تطلقت أول ما دخلت الثلاثين وكانت معنفة.

كنت أتأمل بالوظيفة لما جاوزت العام و شهور و كأنه صدمتي الثانية بشح الوظايف ...
ما أعرف أو ما ودي أو ما أبي أشرح صراحة ،
بس مؤخرا بس صارت ترسخ بعقلي بطريقة مخيفة أن الأرض اللي واقفة عليها و السقف اللي عايشة تحته ما أحس معه بالدفء اللطيف الأسري لا حشرة و قلق وتوتر،
و لو كنت متأكدة عن طيب نية فأضيف " الاستغلال العاطفي كقوة عاملة " مقابل خدمات أحتاجها رغم أني أسويها طوعا مب كرها يعني عشان أتخلص من شعور المعروف و أتشبث بالكرامة و مهما حاولت أحس أني عاجزة و أتعب أكثر ، يعني أتنقل بملاحق بيوتهم النظيفة هربا من جحيم مسكننا وأطمع بهدوء ودونات وكابتشينو بس ....حتى قبل أسبوع قريبي جزاها الله خير أصلح مسكننا 10 سنقا حلو لكن باقي فيه منغصات من بعض أفراده ..
و الأوصياء علي للأسف مب محل ثقة بل جاوز الأمر أنهم صاروا مصدر خوف لي من جهلهم ... و الأهم " كذبهم "
لأني اكتشفت كذبات مؤخرا عواقبها كانت لتكون وخيمة لولا سلم الله العليم الحكيم.

رغم إني سلف اديوكاتيد بالعلوم الانسانية لا سيما الاجتماع والنفس إلا أني هالمرة
أول مرة أحس خلاص تعبت أبي طبيب نفسي اللي محال أجي له شخصيا ولا أتناول عقار
بسبب أهلي ، حتى لو قبلوا على مضض رح يبدون حرب من نوع آخر أشد مضاضة من اللي أنا فيه و صعب أشرح أكثر.

المشاركة الأصلية كتبت بواسطة احلام الورد88 (المشاركة 3365652)

هل نظام المنتدى يسمح بوضع روابط
كل الاحصائيات تقول اكثر 60٪‏ من السعوديين تحت سن الثلاثين اخر احصائية تقول عدد الذكور السعوديين اعلى من الاناث
السعوديات بمختلف اعمارهم 10مليون اكثر من الربع عوانس فوق الثلاثين كم بقي من المتزوجات والاطفال والنساء فوق الخمسين والمطلقات والارامل
لو كان عدد السعوديين اربعيين مليون راح اصدق لكن عقليا غير مقبوله النسبة

المشاركة الأصلية كتبت بواسطة احلام الورد88 (المشاركة 3365654)

معك مو لها لحالها طبعا انت تزوج تسعد نفسك اولا
وانت ذكرت تكلفة السيارة بالزوجه او بدونها راح تشتري سيارة
الي اشوفة واسمعه الشباب يدفعون مبالغ اكبر عمرك سمعت احد ندم على تكاليف زواجه
او مهر زوجته الا اذا كان مااتوفق الفلوس تروح وتجي لكن الاساس التوفيق
وفي الزواج اذا الرجل خسر فلوسة المرأة خسارتها اكبر
لكن اذا وفق الله مافيه اي خساره للطرفين

المشاركة الأصلية كتبت بواسطة mlsstudent (المشاركة 3365658)

ما اعرف اذا يسمح او لا واذا يسمح انزل لك روابط من الف موقع وموقع واذا انتي مو مقتنعه بالكلام قلت لك اتصلي على وزارة التخطيط لان الخبر من عندهم

واذا حابة تتكلمين بالعقل والمنطق.
في وقتنا الحالي اعمار اللي تزوجون من الرجال كم؟ وكم اعمار اللي يتزوجونهم؟
اذا قلنا الرجل يتزوج عن عمر 30 سنه واللي تزوجها اصغر منه بثلاث سنوات يعني عمرها 27 سنه. اللي اكبر منها من اللي بيتزوجها؟
الرجال يتزوجون بعمر 30 سنه ويتزوجون في الغالب بنات اصغر منهم بثلاث سنوات فغالباً مايكون فيه عزوبيه اعمارهم فوق 30 سنه لكن يوجد بنات اعمارهم 28 وطالع
لان اللي مايحصل وحده عمرها 27 سنه بيدور على وحده اصغر منها