رد: أمس زواج زوجي وقلبي ينفطر
 

انا ذكرت انو تغير تماما بس الأشياء اللي حدثت أثرها في نفسي موجود

هو اسلوبه يحب يدلع نفسه فينعكس هالشيء عاللي حوله



في عيب فيني وفي عائلتي قلوبنا رقيقه جدا لدرجة أعمامي يواسوني وأحس بحرقة الصدر اللي فيهم لما تطلع تنهيدة


اما امي امس بكيت عشانها أكثر انسانه تحملت صعاب كثييرة من زوج واهله ألى بناتها وزواجاتهم الى مشكلتي اللي قسمت ظهرها كانت تعتبره ابن واذا جاء يسلم تحضنه من قلبها
هي السنتين الأخيرة تتعب كثير والم في كل الجسم ماتعرف له علاج

امس وهي تصلي الليل خرجت لها وقلت لها ان هذي فترة وبتعدي حتى لو بكيت مجرد مايرجع ويبدأ يقسم ونتعود عليه راح يهون الأمر
فكانت تواسيني بكلام فجأة شهقت وغطت وجهها وقالت شال ظلمي انا وبنتي

كنت اتمنى ماعاد اجرج لها قلب الحمدالله على كل حال

رد: أمس زواج زوجي وقلبي ينفطر
 

😢 الله يفرج همكم ويفرح قلب اميمتج

لا تحطين في بالج ان ممكن يملها ويتركها
هذا احتمال وارد
واحتمال وارد يستمر معاها
مو عشان شيء حبيبتي عشان لا تنصدمين بشيء بعدين.

❤ صدقيني الالم بينتهي .

رد: أمس زواج زوجي وقلبي ينفطر
 

تصدقين يمكن لو تركها يرتاح قلبي بس بيطيح من عيني بنات الناس مو لعبه


عموما زوجي رجال ماتركها وهو مملك يوموخبر الناس انو تزوج اهله اعترضوا والكل استغرب
وانا جن جنوني بس كان يقول ارضواىبقضاء الله ومابنزل وجهي عند الرجال

الحمدالله ان شاءالله ينتهي الألم او أتأقلم واتجاوز الأمر وأجي أبشركم

رد: أمس زواج زوجي وقلبي ينفطر
 

الله يفرج همك عزيزتي للأمل حكاية ويرزقك السعادة دنيا وآخرة

وخلي دايما للامل بحياتك حكاية متل معرفك
الله يبرد على قلبك وقلب احبابك ويعوضك بأيام كلها امل وسنين اجمل واحلى
احترامي

رد: أمس زواج زوجي وقلبي ينفطر
 

الله يصبرك ويربط على قلبك

اعجبتيني لما قلتي لو طلقها صحيح بيرتاح قلبي لكن بيطيح من عيني
نظرة منصفه حكيمه ما شاء الله عليك وفعلا بنات الناس مش لعبه واللي ترضا ببنات الناس ظلم يطولها حوبتها طال الزمان ام قصر

واعجبني فيك امر اخر ما قلتي في زوجته اي مسبه او انتقاص او تحقير
وهذا ان دل على شي دل على صفاء نفسك وسلامك الداخلي

احيي روحك الطيبه النقيه واسال الله ان يجبر مصابكdgt
صدقيني ستتغير كل مشاعرك هذه اسبوع ويعود يعدل بينكم

وبعد هذا الاسبوع استقبليه عادي لا بزينه وتكلف ولا بزعل ومدة بوز لان اللي صار صار
خليك وسط مرتبه ونظيفه ولا تحملي نفسك فوق طاقتها

الان خذي راحتك بالبكا على سجادتك وادعي ربي يصبرك واكثري من الاستغفار
حتى اذا رجع تكون طاقتك السلبية اكثرها خرج وارتحتي منها

وهذا من اجل صحتك اولا ثم من اجل ابناءك محتاجين لك
ثم من اجل زوجك الذي مازال يريدك وان تزوج الاصغر

رد: أمس زواج زوجي وقلبي ينفطر
 

لا تكتمين مشاعرج في حضوره او غيابه
اذا متضايقة خلي دموعج تنزل .. سوي اي شيء ينفس الغضب
لا تكتمين أبدا ... عشان ترتاحين

رد: أمس زواج زوجي وقلبي ينفطر
 

ارسلت لزوجي رساله عن الوفاء بالعهد كتنبيه انو وعدني سبع ايام ويقسم

المهم جاء اليوم وهو ثامن يوم قبل المغرب جلس معاناةحول ساعه وراحةمشوار ورجع ربعةساعه وقاعد يدور يطلع بجيب شيء

تناقشنا ومو مقتنع بعريس سبع ايام يقول مفروض شهر وشافني زعلت سكت وقال طيب سويت قهوة وكان جايب صحن حلى واحنا نتقهوى قال بكرة بروح مكة قلت ليه قال عمرة انا والعروس

عشان تتبارك حياتنا تعصبت منه صراحه وقلت ليش جيت اليوم على بالي بتعدل حسب الشرع قال عشان اشوفكم وعشانك قلتي اجي
المهم رفضت الفكرة وقلتله حتى بيت مااستأجرت رتب امورك خلينا نشوف اوضاعنا لوين


بعدها سألته عن العشاء قال ترى بروح مابجلس

قلت يومي هذا قال عيب هي في شقه مفروشه مايصلح اخليها قلت ليه ماوديتها لأهلها قال عيب مايصلح قلت هم زوجوك وماعندك بيت عادي

الحين يومي وديها لهم ويومها شيلها شقه

مااقتنع قال بجلس معاكم شوي واروح طبعا على اعصابهة

يوم شفته كذا قلت له روح لاعاد تجلس وراح فعلا

وبعدها ارسلتله بتروح مكه درب السلامه انا طلبتك ماتروح عشان تبات عندنا وتكون قريب منا بس ايامي دين عليك


احس صعب الواحد يشحت حقه بحاول اقنع نفسي ان جاء حياه الله وان راح الله معاه

والحساب على رب الحساب

رد: أمس زواج زوجي وقلبي ينفطر
 

معليش حبيبتي تحملي
ادخلي مواضيع الاخت دره في عقد الماس
زوجها سافر بالعروسه الجديده وصبرت وجتها ايام صعبه برضو صبرت
طبيعي بيطير فيها اول يوم ويتعاطف معاها انها لوحدها وعروسه ومدري ايش
مره يرجع ويعدل
اول شهر تغاضي واصبري
عقبه لكل حادث حديث
ادعي اختي
واستغفري
وتصدقي
وربي بيعوضك خير ان شاءالله

رد: أمس زواج زوجي وقلبي ينفطر
 

الله يصبر قلبك حبيبتي
هي فتره وبتعدي بإذن الله على خير

رد: أمس زواج زوجي وقلبي ينفطر
 

أسأل الجبار أن يجبر كسر قلبك ،

نصيحه إشغلي نفسك عنه عشان

ماتتعبين صدقيني بيرجعلك بإذن الله ،

الله يربط على قلبك .