رد : هناك شعور لايحكى ولا يبكى ولا يكتب..هو يؤلم فقط!
الله يعينك حبيبتي والله هذه مش عيشة حياة السجين اهون منها الله يكتب اجرك بس بسالك وايش الي مصبرك عليه ذا هذا مع احترامي حرام فيه نعمة الزوجة واليقاعدين يحللون الكلام ويحاولون يبررون لو انتوامكانها ما احتملتوا حتى سنة واحدة على هذه الحال .
بسالك لو سمحتي ما هي ظروفك الي تمنعك من طلب الطلاق فعليا ؟ اليس لديك اخوان ذكور يتفاهمون معه حول مشاكلكم ؟ ان لنفسك عليكي حق اما تعيشي بكرامة او بيت اهلك يوسعك اقل شي يكف اذاه عنك ............ اليس لديك شهادة تستطيعي ان تحصلي على عمل مناسب في حال الطلاق ......... اقولك من امن العقوبة اساء الادب , في اشكال ما يمشوا بالطيب يبغوا وقفة جادة عشان يتعدلوا و يحسوا على دمهم يا امساك بمعروف او تسريح باحسان خليك قوية واستعيني باحد من اهلك يتفاهم معه ويؤدبه والا كرامتك فوق كل شي ولا تظني بيتصلح لانه ما عنده رغبة بالاصلاح ابدا وشكله حاسب نفسه متفضل عليك لانك على ذمته عفوا ما قلت هذا الكلام الا من حرقتي عليك فكيف بك وانتي تعايشين هذا الواقع المر اشتري راحة بالك ولن يضيعك الله وان شاء الله يصير خير |
رد : هناك شعور لايحكى ولا يبكى ولا يكتب..هو يؤلم فقط!
مليت
أنا أعرفك وصديقة لك من منتدى سابق مشكلتك ليس لها حل إلا أن يشملك الله برحمته أعرف كم عانيتي ولمدة كم سنة وأنتي تحاولين وتحاولين كلامي ليس لتحطيمك لكني أحبك وأريد راحتك اشتري راحة رأسك فبقائك بهذه الحال يستنزفك اقترح عليك تجلسين معه جلسة هادئة تخبرينه عنها مسبقا قولي : أبو فلان ابيك الليلة بموضوع حتى يستعد نفسيا ثم افتحي الموضوع معه عن حياتكم وأسلوبه معك بدون هجوم "نقاط مرتبة فقط" وقولي أريد أن ننفصل بدون طلاق سأبقى لأجل أطفالي فقط .. وحقوقك ستصلك كاملة من طعام ونظافة ولباس وإكرام ضيوف .. وأنا يبقى لي المصروف أريح لي ولك إن أساء الأدب وقلب الموجه الى اتهام بالفساد وأن وراك شي .. اسكتي حتى يهدأ .. ثم قولي وتلومني ليش أفكر ننفصل؟؟ أنا تعبت منك .. ثم أخرجي كل ما عندك ولا تكتمي عواطفك وحزنك وألمك دعيه يرى ذلك ويعرف مقدار ما فعل بك إن لم يعجبك هذا الحل ففكري بالطلاق "وإن يتفرقا يغن الله كلا من سعته" ولا تخشي الضياع أو الفقر الحل الثالث : الصبر حتى يفرجها الله من عنده والمداومة على الإستغفار والذكر . |
رد : هناك شعور لايحكى ولا يبكى ولا يكتب..هو يؤلم فقط!
اقتباس:
اسأليه عندما يكون هادئا لكي تصلحي الامور يا اخيتي. تستطيعين تبديل هذه الاسئلة وش المصيبة اللي أنا مسويتها! قضية زنا! ولا إختلااء..أو ربا! بمثلا: اريد ان اصلح حياتنا بمساعدتك لنفتح صفحة جديدة و لنساعد بعضنا على التغيير و سابدا بنفسي اذكر لي صفة لا تعجبك و لاحاول بمساعدتك تغييرها الى الاحسن لمدة اسبوع. و اطلبي منه ان يعطيك فرصة مثلا ان قال عن العناد مثلا قولي له لا تتصور انه سينتهي خلال اسبوع مثلا ان حصل في بداية الاسبوع 12 مرة ان قل الى 8 في الاسبوع القادم فهذا تحسن. و هكذا انت ايضا اطلبي منه ان يحسن صفة لا تعجبك و لكن المهم ان تبدأي انت. لك كل التوفيق |
رد : هناك شعور لايحكى ولا يبكى ولا يكتب..هو يؤلم فقط!
اقتباس:
بس بقول شيئين.. أولاَ هذا أسلوبه في الحوار وتسلسله وإهاناته سواء رديت أو مارديت.. يعني يخلق سؤال ومشكلة وحوار حتى لو ماكان فيه إجابه! يعني بصمتي المطلق مايتغير شي.. الشي الثاني وإن كان جوابي خطأ.. أقل شي جوابي منطقي جداً حتى لو النفس ماتتقبله في كل مرة يسأل وإذا كانت إجابتي خطأ وين عقله! وين رزانته! وين حكمته! على طول صواريخ أرض جو! مافيه تروي وهدوء وحسن نية وتعوذ من ابليس! الهجوم ليش أصلاً بصراحة أستغرب يعني مايمل نكد! وإستفزاز! مايعرف يعيش جو أسري هادي! إفتعال مشاكل وبس! والله من جد شي حيرني انه دايم وبشكل متكرر يجي يسأل سؤال أو يوجهني بشي او ينصح أو ينتقد وبمجرد مايكون لي وجهة نظر يزعل وينكد علينا إذا مايتقبل رد فعل وحساس ليش أصلاً مايتجنب المشاكل! يعني طبيعتنا لمن تتكرر رد فعل أزواجنا برفض شي معين نخاف نعيد الكره نعرف مسبقاَ وش بيصير فهو عارف إن أسلوبه مايمشي لامعنا ولا معه وفي كل مره يعيد نفس الاسلوب صدق التكرار مايعلم...........!! |
رد : هناك شعور لايحكى ولا يبكى ولا يكتب..هو يؤلم فقط!
اقتباس:
الله يفرج همك وهمي يارب ويبدل عسرنا يسر يارب... والله أستغرب يعني أحنا بزمن منفتح جداً المغريات كثيرة والتسهيلات أكثر.. مايخافون علينا من الأنحراف الله يحفظنا بحفظه! معروف الحريم عاطفيات ممكن تنجرف بدون إرادة منها! صار فيه وعي وتوسع ومعرفه لكن فيه غباء وحماقه ماخذتهم العزة بالاثم الرجل للأسف مازال في الغالبية مايعرف معنى رجوله! والله الزوجه ماتبي غير احتواء وكلمتين حلوة ولو مجاملة تغنيها عن الدنيا ومافيها! بخصوص عصبيته ورد فعلي أنا بجد احاول أغض النظر عنه أحاول يلفني الهدوء مهما عصب وبحاول مايكون لي رد فعل مطلقا مو انه بيزين حالي ويتعدل ويحبني خلاص هذا مسار حياتي بس لعلني أحصل بعض الهدوء بس مدري غصب أوقات أنقهر واضطر أرد أحس بإستفزاز جداً أحس لو بسكت بخبط رأسي في الجدار قهر اسلوب اللي ينصح وهو يحتاج نصح يستفزني اسلوبه حيل يرفع ضغطي ماأتقبله لأني أشوفه يحتاج نصح أشوفه غلطان في أمور كثيرة بس ماأقول شي ولا بيدي شي لانه ببساطه رجل يحق له يغلط بس مال أحد حق يوجهه لكن من حقه يوجه وينتقد! سبحانك ربي.. |
رد : هناك شعور لايحكى ولا يبكى ولا يكتب..هو يؤلم فقط!
اقتباس:
بإختصار ماعندي رجال ينشد فيهم الظهر ومحد عنده إستعداد يتحمل أحد أو يضايق زوجته بأخته! عادي أختي تتحمل ضيم وتصبر وهذا قدرها! حتى محد يوقف معك وقفة رجل كله خوف من طلاقك! محد يفكر غير في نفسه للأسف.. ولا أنا عندي تقبل أطلع من حالة مزرية لأشد وأمر منها يبقى زوجي أرحم من أخواني... |
رد : هناك شعور لايحكى ولا يبكى ولا يكتب..هو يؤلم فقط!
اقتباس:
ربي يسعدك شفتي كيف يعني مازال الوضع على ماهو عليه بالعكس قبل كان فيه أمل اما الحين للأسف كأني أمشي في طريق مظلم أتخبط وبس! من ناحية إني أجلس جلست وقلت يافلان حرام اللي يصير سبق وكتبت حوارنا في موضوع سابق كان رده مستفز مافيه لباقه مافيه ابد احترام بايعني اقسم بربي مااحسه يهتم فيني او لو ظالمني.. بعدين سالفة انفصال بدون طلاق هذا اللي صاير يعني وش بيتغير! مافيه شي يدل انا زوجين! |
رد : هناك شعور لايحكى ولا يبكى ولا يكتب..هو يؤلم فقط!
اقتباس:
قلبي العبارة بالاحمر أنا اقولها لك استفهام زوجي سالته قلت وش مقصره فيه علمني أنا ماارضى استمر كذا لازم احل الخلاف وقال هالكلام وهذي ردوده لما اساله اوقات اقول مو صحيح هذا مو مبرر فيه شي بس مدري وشو هو سبب تباعدنا لكن مو نظافتي ونظافة البيت يعني ماراح انسى مرة لمن قرب لي قبل سنة لمن ماقدر قال فيه ريحة ومدري ايش اقسم بربي اني خذت ملابسي الداخلية ريحتها مسك ونظافه هو يسقط علي وبس ومرات ارد بنفس ردي الاحمر اقول مو صحيح تصرفك مو عشان كذا انت كانك شايفني بالفراش مع واحد واصلا اللي طاح بشي غلط بزوجته يسامح ويعفو لكن انت تعاملني بقسووة مو مكانها اخواني اخواتي انا في مسلسل ماله نهاية من عذري ارد وابرر واعاتب كل فعل وله رد فعل مااعتقد بشر بيقدر يضغط نفسه وماينطق بشي وهو يواجه جروح وصدمات وزعل وغضب انتم بنفسكم لمن تنشكون بشوكة مو تتألمون! لمن تنغرس ابره بجسمكم مو تصرخون! تقدرون تنجرحون بدون تصرخون! عند طبيب الاسنان ليش بنج! ورغم البنج تحسون بالألم وتتعبون وتاخذون مسكنات ليش مطلوب مني اكون من الصم البكم العمي! ليش يفترض اتجرد من كل مشاعري وأحاسيسي! ليش معه الحق يلوم ومالي حق الوم! ليش حرام علي احرمه حقه وانا انحرم منه ومن كل شي والمفروض اتحمل حتى اللوم مايحق لي! ليتني رجال.. |
رد : هناك شعور لايحكى ولا يبكى ولا يكتب..هو يؤلم فقط!
والله الزوجه ماتبي غير احتواء
وكلمتين حلوة ولو مجاملة تغنيها عن الدنيا ومافيها![/COLOR][/SIZE] عجبتني هذي الجملة اللي قولتيها وين الرجال يقرئوا الله المستعان الله يفرج عنك قولي امين |
رد : هناك شعور لايحكى ولا يبكى ولا يكتب..هو يؤلم فقط!
مليت عزيزتي و الله فاهمتك
و لا اطلب منك السكوت ابدا لانه يولد انفجار بالتالي، اطلب اجراء بعض التقنيات للدخول الى حوار بناء. المشكلة الاساسية هي مساله قدرته الجنسية قلت مسبقا ان كثيرا من الرجال يرون القدرة بالمال و الجنس فان ضعف في احدهما شعر بنقص بالرجولة و تبدأ المشاكل. و هو هاجمك تلك الليلة وفقا للمثل القائل اتغده به قبل ان يتعشى بي، لانه كان يعتقد انه سيهاجم. اذا استطعت ان تقنعيه بالذهاب الى الطبيب قد تحل كثير من المشاكل. بصراحة الحياة التي كلها نكد متعبة و لا تطاق. انا اخشى عليك عزيزتي. ارجو لك التوفيق |
الساعة الآن 08:33 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©