|
اقتباس:
معليش لو كان تركيزي على نقطة اتهامك لها بترك الصلاة كيف متأكد و أنت فترة دوامك طويلــة ؟ و لم تذكر لي اخي الكريم عن موضوع الأهمال ,,,و على ما يبدو من ردوداك الأخيرة أنه نتيجة كرهك فلا تتغاضى عن اي شيء يصدر منها فعين الرضا عن كل عيب كليلة و لكن عين السخط تبدي المساويا |
انا توي مسجله واول مره ارد
بس لفت نظري جزيئة الصلاة بموضوعك واللي يضايق انك معتبرها شي ثانوي لان المفروض الموضوع كله يتمركز حول المشكله الاساسيه وهي الصلاة عكس حال موضوعك انصحك تركز ع الصلاه بصلاح صلاتها راح تنتهي كل هالمشاكل كيف تقفل موضوع ااصلاه عشان المشاكل اذا بنت الناس ماتصلي كيف بالله عليك تامنها ع بيتك وولدك وتطلب منها حقوقك وهي ما أدت حق الله لازم تصلي كيف شريكة حياتك وام اولادك ماتصلي بالله كيف صابر ولو ماصلت خلاص حالكم هذا ماينصلح ابدا ولافيه ثقه حتى ولو تهددها بالطلاق يكون احسن وهو الاحسن بنظري الله يهديها ويفتح ع قلبها الله يوفقكم |
اقتباس:
وايام الاجازة برضو اصحى قبلها كالعادة والاخت نايمة يارجل انام معها واتسبح وانام وهي تصكها نومه ولا ادري متى تتسبح |
اقتباس:
ركزنا على جانب الصلاة وجانا وجع الراس منه وشرينا كتب دينيه وحطينا على قنوات مابقى الا اخذها مكتب الدعوه والارشاد عشان يفهمونها الاسلام صرت ماعاد اهتم تصلي ولا جعلها في النار ماعاد يهم عندي لا ومن زينها بعد تقول ماتثق فيني قلت شي اكيد ما اثق فيك قالت ليه قلت لأنك ماتصلين ولا حتى أمنك على شي وعادي ماتحس وهددنا بالطلاق بس برضو عادي عندها |
طلق طيب وش المانع
ماتصلي خلاص الدعوه خربانه ولانرجي شي والا!! طلقه وحده ممكن تردعها لو المشكله بتقصير في حقوقك نقول اصبر وتغاضى لكن التقصير بشي اعظم "العهد الذي بيننا وبينهم الصلاه" بالتوفيق والله يهديها ويفتح ع قلبها |
انا قريت الموضوع بس ما شفت الردود
لكن ودها لراقي وروح معها وخل القران شغال ببيتك وشوف اذا تتغير تتأثر اي شي تلاحظه مو معقول احد قلبه ميت كذا وما ينفع معه شي والمفسرين لا تاخذ على كلامهم مره بس جرب وجيب لها راقي |
أنا امرأة أولا
معليش أخي انت تتهمها انها لا تصلي ابدا و هذا شيء خطير ودليلك انك لا تراها !! طيب ما تصلي الفجر اول ما تصحى و الظهر تكون بالجامعة يعني شدراك انها ما تصلي !! يعني هي تداوم و هي نايمة و إلاكيف !! \و هل انت بعد رجوعك من الدوام و نومك تجلس في البيت ما تخرج ترى ما ادافع عنها و لا همتني بس انت تقول ما تصلي أبد ,,,و دوامك 11 ساعة ,, و اكرر أنت تكرهها كره , فعالج كرهك و حقدك عليها و انسى انها من اهل أمك و لا أعتقد أنها لو اعتدلت و صلت امامك فروضها الخمس و اصبحت رهن اشارتك لن تحبها فالله يعينك على كرهك , لن تعيش مرتاح إلا إذا تخلصت من هالشعور و رب مغير الأحوال من حال لحال شوف كيف اعتدلت معاك شوي من ناحية عمل المنزل و عند أول زلة ,,صورت و حجتك أنها تكذبك حسنا , لما نشرت الدليل , لكنت حافظت على الصورة رغم انه تصرف مراهقين مع احترامي و اريته لقريبك ,,بدون طلب و لا نقاش فقط من باب التشفي عليها ربما انت اعلم بزوجتك و عيوبها ,, لكن انت فيك ما فيك و عتبي على الرجال الفضلاء هنا كالبليغ و غيرهم لم يعلقوا على تصويرك و لا يطيلو بنصحك ايضا باكرامها (بسلوكك و ليس مالك) كونك ستسمع النصح منهم و ليس من النساء موفق |
اقتباس:
مطلقها مرتين باقي لها طلقة مابقى شي ماسويته بس الي مايفهم مايفهم |
اقتباس:
يابنت الحلال من قبل لاتدخل الجامعة وانا اشوف انها ماتصلي اجي من الدوام وهي نايمة وانام جنبها ولما اصحى ماطلع اكون في البيت انا اعرف زوجتي ولا راح اتبلى عليها في عدم الصلاة انا اشوف بعيني ماني اعمى وحتى اوقات الاجازات انا اصلا لو اسايرها بقلب يهودي مستحيل تقول ترى الصلاة جت قم صل واتوقع ان البليغ والاخوه الباقين عندهم خبر بالقصة من اولها عشان كذا ماعلقو لانهم فاهمين الموضوع من بداية الزواج |
في علم النفس الشخص الي ينام كثير معناها هروووب من الواقع
يعني بالعربي هي غير سعيده في حياتها معاك انا لا انكر ان لها تصرفات خاطئه ولكن " انت السبب" اسلوبك جدا جاف انت عايش معها تتوقع انها تكون خادمه وام وطالبه وزوجه وانت مابادرت بحسن المعامله يا اخي حسن المعامله والطيب والكلمه الطيبه يبين اثرها على اقسى القلوب وصدقني تأثيرهم اقوى من الامور الماديه الي انت تتكلم عنها من اول مواضيعك وكأنك الانسان الوحيد الي اعطى واهدى زوجته! شي طبيعي انك تعطيها من مالك بقدر ما انعم الله عليك ولكن الغير طبيعي انك تعاملها بجلافه وانت حل لها وهي حل لك يعني لما شفتها نايمه والمطبخ ماتنظف وماقامت تصلي ماجربت تجلس عندها بالسرير وتمسح على راسها وتقول لها والله اني ادعيلك يازوجتي الغاليه بالهدايه لاني اتمناك لي زوجه في الدنيا وفي جنة الاخره وما جربت تلاعبها وتمسك يدها وتقول ودي اجلس معك جلسه حلوه اليوم الجمعه وولدنا في حضننا وتأكليني بيديك وتراني جايبلك مفاجأه بعد الصلاه اي شي بيكون منك مفاجأه لو كرتون حمضيات عشان تستانس بس ادخل معها في جوها حسسها ان الحب والتقدير والاحترام هو الدافع الي يخليها تهتم فيك وانت تهتم فيها مره على مره هي بتتعلم ترى توها صغيره اذا تزوجتها وهي 18 معناها الحين عمرها 20 اتفق معها ويكون عهد بينكم انكم ماتطلعون اسرار بيتكم لاحد لان هذي مشكله لحالها باختصار زوجتك مالقت منك حب وهي عقلها البطني يحاول الهروب منك لذلك تلجأ للنوم وما ادري ليه الاعضاء الافاضل ركزا على جميع مساوئها وعيوبها وتجاهلو كلمتها انها تريد انسان رومنسي وهذي هي اختصرتها لك اما موضوع الصلاه فالمتهم بريء طالما مااعترف ويمكن هي تعاني من الموضوع بس مالقت احد يعينها ويساعدها ماغير زوج يتأمر عليها ووالد صعب الطباع وام بعيده عنها والله اعلم عن صحبتها ان كانو صالحين ام طالحين اسأل الله لها ولي الهدايه ولك بالصلاح وراحة البال * |
| الساعة الآن 06:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©