المشاركة الأصلية كتبت بواسطة البحلة بالنفس

ياساااتر مرة مبكرين الموضوع ترا السالفه بايخه وش فيها اذا تعبانه وفيها نوم بيموت يعني لو دخل المطبخ وصلح له فطور؟؟

ياناس كل الكرة الارضية الرجال يساعد زوجته ويدخل المطبخ معها واذا كانت تعبانه او سهرانه ممكن هو يدخل المطبخ ويصلح له اكل الا عندنا هنا وكأن الزوج اهااااااااااااانه لو يدخل المطبخ يسوي كوب شاهي..

قال ايش متزوج وادخل المطبخ اجل وشوله تزوجت<=== طبعا هذا بيكون رد اي زوج لكن الزوجة بشر من لحم ودم مهي رجل آلي سهرت عند اهلها ورجعت ونامت بدون ماتسوي فطور؟؟ ادور على الذنب العظيم اللي اقترفته البنت مالقيت..

يعني هي لو يوم من الايام حست انها محتاجه للسوق او تبي تروح بيت اهلها وكان الزوج تعبان مرة وفيه النوم وقالها لا ابغا انام هل بتحملونه الخطأ زي ما حملتوها اياه الحين؟؟

ياناس الحياة الزوجيه تنازلات وتفاهم وحب اما اذا الواحد بيدقق على كل سالفة وبيزعل من اي تقصير بسيط مارح يقدر يعيش حياته الزوجيه براحة واحد الطرفين بيضطر يكون هو اللي دايما يتنازل ويعيش حياة مشي حالك..

ارجعو اقرو في سيرة الرسول صلى الله عليه وسلم وسيرة الصحابة رضي الله عنهم شوفو كيف كانو يساعدون زوجاتهم ويتفهمون حاجاتهم ويراعونهم اذا تعبو ويغفرون لهم تقصيرهم.. الله يهدي زوجك ياديمه

صحيح المفروض اني اورد لك حل بدل ما اتشره على الاعضاء بس انصدمت بالردود وقد ايش مكبرين السالفه يعني احاول افهم ايش فيها اذا دخل الرجال المطبخ وصلح له ساندويتش وكوب شاهي مني قادرة افهم !!