|
اقتباس:
اولا شكرا على اهتمامك بان تعطيني من وقتك ومن تفكيرك بالفعل هناك شي مفقود بعلاقتنا الزوجية وهو الاحترام والحوار الهادئ حتى انا مااحترمه وهو حس بهذا الشي والاحترام لمواقف لا يشترى ولا ينفرض الا بمواقف وانا كنت اقدسه سابقا وكلامه اوامر لما شفت انه انسان مو على كلمته وبصراحة لا يؤتمن وفقدت معه الامان ماصرت احترمه خصوصا ان لسانه بذي وهجومي ويمد يده ووصل به الامر حتى لان يقول لي اخرجي من البيت كطرد ولمواقف ماتنذكر اصلا ومافيه اي مبرر لرجل ان يطرد زوجته بغربة وهي موظفة يعني وين اروح ان رجعت لاهلي خسرت وظيفتي وان ظليت وين اظل والاسباب كيف اخالفه بالري واقول ان فكرتك لا توافقني واني مو شرط اصير صدى لارائك ولو سمحت لا ترفع يدك علي واحترم نفسك واني تحملت منك مافيه الكفاية واني مو صغيرة ولا من الشارع واهلي ربوني قبل لا تاخذني لتمد يدك علي لان بعيني مثلا بقايا كحل او يجي يتاكد قبل لا اخرج للشارع ان بفمي ليس به اثار لاحمر الشفاه او لخدودي احمر خدود بطريقة فجة او امسحيه بمنديل اول لارى ان كنتي تغشيني والمواقف كلها مواقف خلاف بين زوجين لا علاقة لها بالشرف ولا الاخلاق وفضحني وجرسني بين اهلي ومعارفي مشاكلنا معظمها تبدا من مشاكل بسيطة تتراكم وتكبر وتكون ردات افعال كبيرة تنسى اش هو سبب المشكلة الاصلي زوجي من اعداء الحوار والصراحة الزوجية والصراحة معناها عنده اهانة وتجريح ومن يغلب مثلا وانا الايام هذه نفسيتي تعبانة عندي ضغوط كثيرة ويمكن هرمونات وكل امراة تاتيها فترات معينة بالشهر وتقلب هرموناتها وتصير حساسة وعصبية وهو ابدا ابدا مايراعي نفسيتي وانا العكس مطالبة دوما ان اتحمل عصبيته ونرفزته وواقحته وانانيته والا لو اني حتى سرحت فاني معناها اهينه رغم اني لما اتكلم مايعيرني اهتمام واستغرب ان من يعرفني غيره يقدرني ويستشيرني وياخذ برئيي وزوجي لاقنعه بامر يجب ان اتحايل ليكون القرار بيده وان النهاية هو من اختار وكل شي بالسياسة حتى لو ليشتري علبة حليب لابد من السياسة الشرارة اللي صارت بينا كانت بعد ان ارسل لي ايميل لارى صورة شي يرغب بشرائه وانا رديت عليه ياريت تهتم بي مثل ماتهتم بهذا الشي كنت وقتها معصبة لاني محرومة اولا جنسيا منه وكنت قبلها كم ليلة ادلله وادلعه وااكله اكل كله مثيرات وانا اكل نعناع لاجل يتحرك واحاول ارضيه واسمعه لكن قلت له يوم سئلني عن رئيي اني غير مقتنعة ان تاخذ قرض كبير وبه فوائد لشي نحن لسنا بحاجة له الان خصوصا انك لو صبرت يمكن تحصل على مال طبعا انا عندي المبلغ وزيادة بحسابي ومن كثر مايتكلم على الموضوع عرضت عليه باستحياء اذا ايحب اسلفه وقال لا وانا مااصريت عليه وبداخلي لا ارغب بان اسلفه لانه ناكر للجميل ولاني وهبته وليس فقط سلفته سابقا والعكس لاجل لا يحس بالنقص امامي يكدر علي حياتي لهذا مالحل بوجهةنظره نوع من الابتزاز العاطفي ولارضيه يحرمني بالفراش كرد علي لقولي ياليتك تهتمي بي رد علي ردود هجومية ومنها صار تلاسن بينا وقال لي كلام جارح بعدها بفترة تكلمنا طبعا اسلوبه هجومي واللي يهمه انه ينتصر مو انه يتفاهم واذا حس ان الكلام ضده انهى الحوار وانا لست مستعد لان اسمع اي شي وكان طبعا الاساس اسلوب علاقته معي انه مايرضيني واني تعبت من هذه الحرمان ومتضايقة من اسلوبه بالمعاشرة انا حاولت والله يشهد ان امسك لساني عنه لكنه ظلمني بصورة ليست طبيعية انكر كل مواقفي معه يااخواني واخواتي انا تزوجته وهو طالب يعني ماعنده ولا شي ووقفت معه وقفات رجال وليس فقط وقفات بنات اصول وعمره مااحتاج لاحد وانا معه وماوقفت عنه مالي الا لمواقفه هذه والان يحاسبني ماعملتي لي ساندوتش بالصباح او مااستقبلتي ضيوفي وانا لاقل من شهر مرتبة له عزومة كبيرة لرؤسائه بالعمل رغم ان قليل جدا احد يعزم ببيته ومن طبخ البيت رغم اني موظفة ومضغوطة بعملي واستقبلت ضيوفه وبيضت وجهه وهو يقول هذا انسان ولعت له اصابعي شمع ومافيه شي يرضيه ومع هذا يا ريت مهنيني او شابعني وانا اش طلبت لا طلبت مال ولا مجوهرات ولا خروجات ولا شي فقط معاشرة جيدة بالسرير ليس الا واحترام هل مطالبي مستحيلة لانال كل هذا النقريع وليحاسبني انا اللي عقلي صغير واهم ماعلي مابين فخوذي قلت له نعم عقلي صغير واحمد ربك ان مايرضي عقلي شي مرغوب وممتع ومقدور عليه لكن للي يقدر حسسني اني رخيصة ومبتذلة واني وحدة ماتشبع اي ماتشبع يجيني مرة بالاسبوع واي كلام وبعدها يقول مااشبع |
اقتباس:
شكرا اخي لاهتمامك قرئت هذا الرابط سابقا ونفذت مافيه لا فائدة للاسف |
اقتباس:
شكرا اختي مرتين لردك هذا ولدعائك البارحة جعله الله في ميزان اعمالك ووفقك الله لما تحبين وترضين احتمال كبير لكنه الان على كلامه لا يشاهد رغم انه ماعنده وازع ديني قوي فهو يقول مثلا ان ماله نفس يشاهد وليس لانهم حرام لعل بقائي معه لليومين هو لجوئي لله عز وجل واستعانتي به لان يصبرني عليه هو يحب توجهي الديني خصوصا اني غير متشددة لكن بنفس الوقت صرت افرض عليه احترامي شرعيا لكن عنده خلط بالامر معه بالفراش متحررة جدا الا بالحرام وهذا بالاتفاق بيننا وجهة نظري لا حرام بين الزوجين الا الاثنين الايتاء بالدبر والايلاج بوقت العادة الشهرية وعدا هذا لا حرام وهو في كل شي غير متدين الا وقت المعاشرة يطلع عليه التطوع كله والمحافظة معاشرة رسمية بمعظم الاحوال الله يفرج الحال مشكورة اختي الغالية راعاك الله |
عدد المتصفحين لهذا الموضوع: 14 (12 عضو و 2 ضيف)
خواطر امراة, أم حور, ميس 99, المندهر, النــــــــــوري, بهجة الروح, بنت طيبة الطيبه, حياتي أليمه, راما*, راعي الغنم, شموخ العرب, غدو** شكرا لمروركم و متابعتكم تصبحون على خير |
هلا ومرحب
خيتي خواطر لا تزعلي وايد وامر الله يقضيه الله وصدقيني مع اني مو متزوج بس حاس فيج واهم شي عندج تبي تعيشي حياتك بكل استقرار اسري واولها انو زوجك يوفر لك كفايتك ورغابتك انتي الجنسيه يعني مو هو بس او يهينك في حقك المشروع بكتاب الله وسنته وانا اللي سمعته انو في ناس كل يوم تمارس اكثر من مرة وحتى وقت الدورة الشهريه للحرمه بس خوفهم من الله يمنعهم بس يمارسون من فوق استنا ردك علي تحياتي صقر المغرب |
اقتباس:
وحبيت ارد عليك لانك متابع مشكلتي من البداية ومتعاطف معي لكن يااخي وهذه نصيحةمن اخت اكبر منك ومتزوجة وعندها خبرة وانت توك بمقتبل الحاية وتشوف كيف الدنيا صعبة ومنتشرة حالات الانفصال بين الازواج وهي ظاهرة غير مرغوبة وانت شاب ببداية حياتك وانا كنت متزوجة وشابة متحمسة بعد وزوجي كذلك وعلى فكرة نحنا كنا كذلك يعني حتى العادة الشهريةماحرمتنا من الاستمتاع الزوجي ولو بدون ايلاج لكن بقاء الحال من المحال لو كنت تهتم بكلامي يااخي ارجع اذكرك ماهكذا تورد الابل الانفصال ليس بتلك السهولة انا افكر فيه بجدية لكن لا ارغب بالتهور وان اندفع وراء عوطفي وغريزتي وان كنت ارى ان اسبابي مشروعة افكر بابنائي لو هو يفكر بالانفصال هو مااقدم على هذه الخطوة لانه مايتحمل يكون السبب بخراب البيت امام ابنائه لو حاسبوه بالمستقبل وبنفس الوقت انا افكر بنفس الشي خصوصا اني ماتعقدت من الزواج ولو الله كاتب لي بفرصة ثانية لا امانع ولهذا ماافكر به ابنائي بالمقام الاول لان مالهم ذنب وهو اب جيد ولا انكر ذلك لكنه زوج سيء لهذا ارغب باسباب منطقية لجميع قراراتي مااقدر اقول لقاضي اسبابي كلها صعب اتكلم بعلاقتي الخاصة كيفا وكما الان تحسن معي بالكم يعني مرة اسبوعيا تقريبا بحدود الشرع مقبولة فكرت بالخلع لكن الخلع حيضيع علي كل حقوقي وانا مشاركة معه بالمسكن ماديا وارغب بحقوقي خصوصا اني سابدا من جديد غير انه رافض يترك لي المسكن وليس لي لكن للابناء رغم انه تعهد وحلف على كتاب الله بعد ان تعهد امام الاخرين بانه لن يطردني من مسكن الزوجية بعد ان عملت فعلته وطردني من البيت بعد حماقة من حماقاته خصوصا انه خسرني فرصة شراء مسكن مستقل لكنه كالعادة تراجع عن وعوده ضميره ميت معي ولا يخاف من الله واخاف عليه من الذنب من ورائي وقلت له لو ادعي عليك الله يخسف بك من ظلمك لي من كل الجوانب افكر بابنائي خصوصا انه احتمال كبير ياخذهم ويمكن لو اصر على المسكن اعطيه اياهم على شرط انه مايحرمني منهم خصوصا ان الحضانه قد تكون له قريبا يعني بالشرع مالي حق فيهم الامر ليس بهذه السهولة يااخي خصوصا انه ماعندي دعم اسري واهلي كل لاهي بحاله ومااقدر ارجع لهم لاني بخسر كل شي بمعنى الكلمة وبخسر 11 سنة من عمري راحت ولا شي وبخسر ابنائي وهذا اهم شي بحياتي حاليا لهذا يااخي وان كانت نواياك طيبة وهذا مااتمناه فكر قبل لا ترد برد يمكن نتيجته تسبب كوارث انت ماقصدتها ولا قدرت عواقبها وهذا حتى بحياتك الشخصية وفقك الله اختك في الله |
هلا
ادري ومتفق معك في كل ماتقولينه ولا انكر اني معجب بحكمتك وعقليتك اتجاه اولادك وحبكم لهم وهذا بين انو لك اخلاق عالية جدا في الحفاظ على مسيرة 11 سنة وانا متاكد انك احرزتي فيها انجازات لا تحصى وقدمتي الكثير لزوجك ولابنائك كل شي ووفرتي لهم استقرار في حياتهم بس انا الصراحه ماحب انك تكوني كبش الفدا وانتي بنت ومن حقك تتعرفين على غريزتك وهذا شي من الله يعني مو من خلق الانسان واتمنى من زوجك يعتدل وياك ويعطيك حقك كل يوم استنا تفاعلك معي تحياتي صقر المغرب |
صراحه
رجل غريييييييييييييييييييييييب جدا ما عندي الا اقول الله يعينك ويصبرك هو من النوع اللي ما بيحس بقيمتك الا اذا فقدك تماما لكن مالك الا كثرة الاستغفار وحاولي انك ما تبينين انك شغوفه به نوعا ما اقصد اشغلي نفسك بأي شي من تجربه شخصيه والله يا اختي ما خليت حرفه يدويه الا واخذتها من المكتبات...رسم بجميع انواع الالوان وحرق خشب وحفر حديد وزجاج ورسم عليهم واعمال يدويه بالخرز والله كلفتني الآف الريالات بس مقابل اني اشتري راحة راسي منه...صرت اشغل نفسي بشي مفيد واخليه هو لأوهامه وخرابيطه...وصار يزعل...ليش ما تتفرغين للمشاكل انتي اشغلتي نفسك عني بشغلات بايخه,,,وقبل ما اجيبها كان يقول انتي بس تطالعيني وتسوين معاي مشاكل ما تشغلين وقتك بشي يفيدك...سبحان الله ما عرفت له وهذاني الحين بأتطلق منه ان شاااااااااء الله.. لكن انا تضرري منه اكبر واشد منك ..وراجعت طبيب نفسي وسمعت فتاوي عن حالتي ولابد من طلاقي لكن انتي عندك اطفال ووظيفه ماشاء الله حاولي تبدعين فيهم خصوصا انك على كلامك ماعندك الدعم الكافي من اهلك لان كل واحد منهم لاهي بمشاغله عنك انتي وعيالك...معليش فكري شوي في نفسك انتي وعيالك وشوفي نفسك انتي تعتبرين نفسك خسرانه لاتزيدين خسارتك بالخلع...ابدا ماهو حل انا ما اقول تطلقي نهااااااااااااااائيا ولكن اشغلي نفسك بشي يفيدك وريحي قلبك وان شاء الله تستفيدين من ردود البقيه افضل مني وارجع اقول لك الله يعينك |
اقتباس:
لماذ ا تلقب نفسك صقر المغرب وواضح ان لهجتك خليجية بما تكتبه شكرا لتقديرك بداية يمكن حكمتي وعقلانيتي هي سبب تعبي مع زوجي رغم اني احاول كثيرا ان اخفيها عنه وماتظهر الا وقت اللزوم خصوصا لما يضعنا بمازق مادية او يبدا باللبذخ لامور لا اراها ضرورة خصوصا انه بوقت الضرورة يتحجج ماعنده اموال والا امامه اتصنع التفاهة والسخافة حتى لا اضخم عقد النقص عنده من ليلتين كان بالتلفزيون يعرض فلم زوجات ستانفورد وهو عن نساء ناجحات مميزات وظيفيا وماديا حولوا من قبل ازواجهم عبر شرائح الكترونية الى نساء بصورة يرغب بها الرجل امراة شقراء تافهة سخيفة لا راي لها امعة تعطيهم مالا تصرخ بالفراش تفاعلا ينتفخ صدرها عند اللزوم وتتحرك بريموت كونترول كان البطل يخاطب البطلة انت تتفوقين علي بكل شي حتى جنسيا اذكى مني اكثر حضورا اكثر جمالا مميزة على الصعيد العملي تعرفي كيف تجمعين المال متحدثة لبقة وانا مجرد ظل لك وردت عليه اليس هذا ادعى لان تقول انك محظوظ وان الله يحبك ان فلانة هي زوجتك التي اختارتك من غير كل الرجال رد عليها لا انا تابع واحس اني انا المراة وانت الرجل لانها متفوقة عليه ولهذا عليها ان تقبل بان يلغى عقلها وادراكها لتكون صورة لما يحبه الرجل ردت عليه بقبلة حارة وبانها اذا قالت انها تحبه الان وقبلته فلانها تحبه من قلبها ومن عقلها وبادراكها وليس لانه ضغط عليها بالريموت سبحان الله احسست ان هذا الفلم ينطق بمعاني افهمتني بعض من اسليب زوجي معي هو يرغب بي ويفخر بي وبنفس الوقت يحس انه مايقدر يتحكم بي كرجل وهو مفهومه عن الرجولة تفوق واستعباد وهو لم يجد شي يتفوق به الا عمله كسبني سابقا بالحب والان خسرني بسبب الحب ولا يرى مكان ليفرد علي عضلاته فيه سوى الفراش ليذلني به رغم اني كنت له سابقا بهذه الصورة امراة عملية وعاقلة والدليل انجازاته التي يفخر بها الان ويقول انها من صنعه لوحده وانه مالي دور في حياته غير اني عكننت عليه وبماذا عكننت عليه لم يقل دائما يلجا لهذا الاسلوب لتحطيمي وفعليا حطمني وغيرني عنه صرت استخسر اعمل له شي وانا حتى اقدامه اغسلها له حتى الاكل كنت ااكله حتى جواربه البسه اياهم ماهو المسئلة فقط تجريح وسب واهانات ومن يغلب الثاني انا اتكلم باسباب وباحداث وهو يغلق الموضوع اما مافيه حوار او باهانات لفظية ماتصح لراعي الذوق والاخلاق كما يتشدق ان زملائه وزميلاته يقولون عنه انه ذوق واخلاق ويراعي مشاعر الاخرين فلياتوا ليروه ببيته وهو لا ينادي ابنائه الا بياكلب وياحمار وياجحش وياحيوان واي تصرف منهم يغضبه ساضربك واحبسك ومعي ليتصرف باسلوب رخيص ومبتذل حتى انا نفسي احس اني تغيرت انا ماكنت كذا اسلوبي ماكان كذا عمره مالساني كان قذر او اسب احد والان تغيرت صرت عدوانية شكاكة ماعندي ثقة بنفسي اي احد يمدحني اشك انه يرغب باستغلالي او طمعان في عقدني بحياتي هو ليس انسان كفؤ وتعبت منه ومعك حق لما قلت لي لا اصير كبش فداء وانا تحملت وكان عندي استعداد اتحمل لاجل ابنائي بداية لكن مايحولني لكنبة بالبيت او اعيش بلا حقوق رغم اننا تصالحنا اخيرا لكن ايضا بالسياسة مني لكني لا احس باي شعور بالامان هو ماحيتغير ويمكن يسوء اكثر واحتاج لجرعات كبيرة من الشحن لاتحمله حتى يغير الله الحال هل هي نزوة او الغرور خصوصا انه محدث نعمة وماشاف خير والان الحياة تنفتح امامه فهي فترة ويتوازن هل هو صحيح مل مني هو لليوم يقولها لي تاكدي مافيه وحدة غيرك هل هذا الفتور الذي يمر به البعض ويتحسن على عمر الاربعين ومابقى كثير على الاربعين والله يعطينا العمر لا اعلم لكن الان اسوا شي حاليا اعني ان اقدم على فسخ الشركة باسلوب لا عقلاني خصوصا اني الخاسرة الاولى بداية وبعدي الابناء وهو لن يحس بخسارتي اذا حسها اصلا خصوصا انه ناكر لدوري كله وكبر راسه وشايف انه مستغني عني واتوقع هناك من يرضي غروره كرجل لن يحس الا بعد فترة اذا حس اصلا لهذا اتمنى منكم ان تنوروني لاتوازن ومن خلال معرفتكم وخبرتكم ماهي الخطوة القادمة وجزيتم خيرا |
شدي حييييييييييييييييييييييييييييييييلك الله يعينك انتي المسؤوله
اقتباس:
ياخوفي والله من كلامك هذا اعرف وحده سوت نفس اللي سويتيه وهذي نوعيه معروفه في بعض الرجال يتزوجون الاولى ويعملون منها سلم لحد ما يوصولون للدرجه اللي هم يبونها بعدين يحطونها فوق الرف ويشوفون لهم غيرها ... شوفي عزيزتي...يمكن زوجك حاسس بالنقص منك انتي يازوجته ايوه منك انتي واعتقد حتى بدون قصد منك حاولي انك تتذللين له حاولي انك تعملين نفسك مو مستغنيه عنه ابدااااا ابدااااا لا تذكرينه كيف كان وكيف صار اسهلها يشوف وحده الحين ويتزوجها بعلمك والا بدونه وهي اللي تهنيه لانه خلاص وصل للدرجه العاليه اللي يتمناها والزوجه الثانيه بيعجبها هذا الرجل الناجح الشاب وهي ما بتدري كيف كان والا انتي ايش عملتي له ابدا لا تذكرينه انك ساعدتيه لان مستحيل ينسى يتناسى ايوه بس ينسى لا مستحيل ابدا لا تقولين انتي وش سويتي ولا ايش ضحيتي ولا ولا ولا....لأن كل اللي سويتيه برضاك انتي الافضل تقولين والله مادام انا اقدر (((( اساهم )))) في العيله واحتياجاتها معاك يازوجي ياتاج راسي ليش لا! ولما انتي تساعدين زوجك بشي علشان تلقين نتيجه ومردود منه صدقيني انتي كأنك ما سويتي شي ابدا...والله سمعتها من شيخ امس في قناة المجد يقول بعض الناس يساعدون فلان ويكبرونه ويأكلونه ويدرسونه في احسن الجامعات ...علشان يتذكرنا بالخير ولا ينسى هالمعروف...ولكن لما يكبر هالانسان يتنكر لكل شي! طيب ليش؟ لأن اصلا اللي ساعده ما ساعده لله...ماقال اساعده وما ابغى الا اجر من الله ساعده وهو يقول علشان لما اكبر يصرف علي علشان لما يكبر يقول فلان ساعدني وانا صغير علشان يتذكرني يقول الشيخ لا ......غلط.....لما انت تسوي شي لأحد سوه لله....لا تطلب منهم جزاء ولا شكورا والا لا تستغرب لما يتنكر لك هذا اللي انت عملت ممعاه المعروف... لا تزعلين مني بس انتي سبب زوجك وبدون ما تقصدين ابدا ....مالك حل الا انك تتذللين له...حسسيه انك محتاجته...انك فنان وفاهم في كل شي...لو ادور الدنيا ما الاقي مثلك..وانسي هو كيف كان وكيف صار وانسي انتي ايش عملتي له....وانسي شي اسمه طلاق لانك بتطلعين بدون بيت وبدون مؤخر صداق وبدون عيال وما تدرين تتزوجين او لا وحتخسرين عيالك...انتبهي من الطلاق نهائيا مو حل ورمضان جاي ادعي الله فيه وحتى لو زوجك انتبه للتغيير فيك وعلق عليك قولي انا فكرت وطلعت غلطانه وانا اتراجع عن كل اغلاطي وخير الخطائين التوابين...والله لا يحرمني منك ولا تحسسينه انك تبغينه يتغير ,هو من نفسه بيشوف لانه على كلامك ذكي هو بيشوفك وبيتغير بس خليكي حنونه على نفسك وعيالك وعلى بيتك وحسسي نفسك انتي اولا وعيالك وهو اخيرا ان مالكم الا بعض ...فيه حركه حلوه سوتها وحده اعرفها ...تقول انا اعرف ان زوجي مثلا وراي ولكن اسوي نفسي ما ادري واقوم ااقول لعيالي يا عيال قولوا امين يقولون امين تقوم هي تقول لله لا يحرمني منكم ولا من ابوكم...هو سمعها وراح...ومع الوقت الرجال تغير...يفكرها ما تدري عنه ومع ذلك قلبها معاه.... صدقيني انتي مشكلتك لا تعتبر شي جنب مشاكل غيرك وينك عن الازواج اللي يتهمون زوجاتهم بالخيانه وينك عن الازواج اللي يجرون على زوجاتهم وبناتهم وينك عن الازواج البخيلين وينك عن الازواج اللي يعذبون زوجاتهم وعيالهم وممكن توصل للتشويه النفسي والبدني وينك عن الزوج اللي يتزوج وينسى وين وين وين ترى انتي بنعيم بس مو حاسه ابدا بس كويس انك عاقله وحسبتيها صح انك لو رحتي لأهلك ما بترتاحين فكري ميه ومرتين والف الله يقدم لك مافيه الخير معليش مصختها عليك وطولتها بس كان لازم اقول اللي اعرفه |
| الساعة الآن 08:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©