|
رد: البخل دفعني لطلب الطلاق !
الله يوفقك يارب ويفرج همك
عندي ملاحظه لاتعطي اكبر من قدرتك منتي ملزومه بعد التعب تطبخي لعايله كامله الى درجة التعب والضرر الجسدي عليك تعلمي كلمه لا بدون تانيب ضمير ترى لنفسك عليك حق وبتحاسبين عليها مدري ليه تستخدمين الدين ضدك ترى ديننا رحمه بالشخص ولطف فيه مهب اداه تسلط عليه ليعطي فوق قدرته ويتخلي عن احلامه بصراحه ردك الاخير تتضح الصوره ليه استحقاقك منخفض لنفسك لدرجة اذا كلمك زوجك بادب تحسينه شي عظيم وشي يمكن فوق ماتستحقين لانك عشتي مع ام الله يهديها وياليت الاباء والامهات يعرفون الضرر الي يلحقونه باطفالهم سواء تم الصلح مع زوجك او لا انتي انسانه طيبه وخلوقه ولا ازكيك على الله وتستحقين كل خير ومعامله طيبه في كل وقت اذا رجعتي لزوجك ضعي شروط وحدود وحزم في بعض الامور واذا الله ماكتب لك رجعه نصيحه اسكني لوحدك قريب من اهلك واطلبي تفقه قوي نفسك ولا تعيشي كثير في دور الضحيه حتى امك ضعي حدود وبلغيها ان كلامها ياذيك وخذي موقف البر مو نتحمل ليمن تصير لنا عقد نفسيه |
رد: البخل دفعني لطلب الطلاق !
وعليكم السلام ورحمة الله وبركاتة اهلا بك ابنتى الطيبة اسعد الله ايامك بكل راحة بال وسعادة ويسر امرك وربط على قلبك وفك عنك كل هم وضيق اللهم آمين يارب العالمين اولا كل ما تشكى منه علاجة ان شاء الله فى كثرة الصلاة على النبي صلوات الله عليه مع كثرة الإستغفار ثانيا أشعر من رحمة الله ان جعلك تلجىء إلى هذا المكان لكى تجدى فيه المعين بعد الله تبارك وتعالى ولكى تفضفضى وتخرجى كل ما بك من هم وضيق ويكون متنفس لك نقطة هامة ، أشعر أن الله يختبرك لقلبك منه سبحانه وسعك الدؤب لفعل الخيرات وذلك لان الابتلاء على قدر الإيمان وأشعر ان الفرج قريب سواء مع زوجك لو قدر الله له الصلاح او مع زوج آخر يكون مثلك وتجدى معه كل المؤدة والرحمه والسكينة مع الحب وتشعرى بالسعادة والأمان لانه وكما قال الشافعى وَلَرُبَّ نازِلَةٍ يَضيقُ لَها الفَتى ذَرعاً وَعِندَ اللَهِ مِنها المَخرَجُ ضاقَت فَلَمّا اِستَحكَمَت حَلَقاتُها فُرِجَت وَكُنتُ أَظُنُّها لا تُفرَجُ نحن معك بعد الله جل وعلى ومنتظرين منك مشاركات مليئة بالسعادة والهدايا الربانية لمن اتقى وصبر ان غدا لناظره قريب |
رد: البخل دفعني لطلب الطلاق !
اقتباس:
انا ما تابعت كل موضوعك لكن لحقت اخره وعرفت الداء اختي نصيحه عالجي الداخل واتركي الخارج الخارج سيتعدل اذا تعدل الداخل واعني الداخل * انتِ * انتِ وفقط انتِ عندكِ بلاوي داخلك عندك غضب "مكبوت" من أمك عندك قل استحقاق (مجرد ذوق في كلام زوجك فرحك) عندك حزن (دور الضحيه) عندك خوف (من الوحده) عندك تأنيب(تنشئة دينيه غلط وكلنا تلقينها زيك) قلتلك بلاوي ويا عالم وش عندك زياده ما ذكرتيه بلاوي وعلل اذا ما عالجتيها سوف تتدمرين اذا مو من زوجك من زوج اخر واذا مو من زوج اخر من امك ومن بناتك مستقبلا ونعم اعني كلامي هذا عالجي الداخل والا راح تدمر صحتك واول علاماتها (ركبتك) اللي مش من كثر الوقوف بل لها اساس مشاعري (نفسي) صدقيني الجسد "المادي" اخر مراحل الانهيار يتضخم الجسد الفكري (العقل) بالمعلومات الغلط (ومنها الدينيه) فيزيد الحمل على الجسد المشاعري ( النفسيه) (بالحزن والخوف والتأنيب والعار ووووو ) فينهار فيتلقفه الجسد المادي (عن طريق الامراض الجسديه) لذلك مرة اخرى ابدئي بالداخل عالجي جسدك المشاعري عالجي ما ذكرت فوق من بلاوي داخلك سلامي لروحك الطيبه |
رد: البخل دفعني لطلب الطلاق !
توني جيت من المستشفى
كنت ابكي قدام من الناس لما علمتني الدكتورة بعد الاشعة ب حالتي فيني احتكاك من الركبة و قالت مافيه حل الا إنك تمنعينه يسوء و يتفاقم و تغيرين نمط حياتك ماعرف ايش اقول تذكرت وضعي مع زوجي ب لحظة ضعف اتمنى ينصلح حالي معاه والله اني كنت اتمنى الى حد امس و افكر لو ما اتهمني بالهلاوس العقلية كان سامحته اتمنى تصير معجزة من السما يصلح وضعي معاه ان كان فيه خير لي انا قبل اسبوع شخصوني التشخيص المبدئي و بدأت بالعلاج و اليوم شفت الاشعة من هذاك الوقت بديت احاول اتحسن و امارس رياضة عزمت صديقتي قبل امس عندي و كنت ناوية اختار طبخات غير متعبة بالوقوف في المطبخ لقيت امي تقول مو حلو الكيك الجاهز.. ما اعتبره كيك وع ! و و كل الاصناف اللي كنت ب اجيبها كانت تبغاني اسويها ب يدي عشان اثبت لها اني سنعة و انا للاسف فورًا لقيتني انجريت ورا كلامها سويت كل شي بيدي و إتصلت لها قلت لها بمزح و ضحك سمعت كلامك و سويت كل اللي قلتيه عشان تشوفيني سنعة و ست بيت ب عيونك أمي معاييرها قاسية و مثالية اجتهدت طول حياتي اعترف أوصل لمعاييرها حتى ب تخصصي الدراسي ضاع عمري و حتى صحتي الحين تتفلت مني بس عشان احسها راضية عني و اشوفها تفتخر فيني كنت ولا زلت اجي على نفسي كثيييير عشان عقدة ان كل يظلون مبسوطين و سعيدين محد يزعل مني الكل يحبني آخرها ب رمضان الماضي لما كنت عند اهلي انكرفت لحاالي بالمطبخ كنت اجلس 4 ساعات او 3 واقفة على رجولي متواصل اسوي اصناف عشان ينبسطون لما تذكرت هالفقرة و انا طالعة من عند الطبيبة انهرت انهرت |
رد: البخل دفعني لطلب الطلاق !
اقتباس:
و فيه اشياء ب أوضحها لك دور الضحية ماشوفه فيني ولا احبه كذلك الخوف من الوحدة الحمدلله متصالحة مع هالشعور كذلك غضب مكبوت من امي لا لكن خوف منها الحقيقة و من عدم رضاها عني و انها اذا ما رضت ب تكشر بوجهي و هالشي يعني اني بنت فاشلة عاقة و يمكن ربي ب يبلاني بناتي و و تفكيري ما يخلص .. لكن صحيح كلامك عندي قل استحقاق ماحس استحق اي شي كبير منه و سببه اني ارحمه مابي اتعبه مابي اكلف عليه والله ماعاد اعرف هي قناعاتي صح ولا غلط كذلك عندي عقدة المثالية و عقدة ارضاء الجميع و حب الجميع و اني لازم اعيش بدون عداوات او مشاكل مع الكل عقدة اني لازم امشي وفق المعايير المطلوبة في المدرسة الشطورة هي اللي تجيب درجات عالية و تسمع كلام المعلمة و تجلس قدام و و فهمت هالشي من معلماتي و مشيت وفق معاييرهم و كل شوي يختاروني الطالبة المثالية قيسي عليها كل شي بحياتي دخلت زواجي لازم اكون بنت الرجال المطيعة اللي تسعده اللي ترحمه ما تكلف عليه الزوجة الصالحة هي اللي تكون مرتبة طول الوقت بيتها نظيف و ريحته حلوة تسمع الكلام ما ترادد اطفالها مرتبين و تنشئهم تنشئة صالحة الاكل قبل يجي الزوج موجود ابكي لي اسبوع من سؤال واحد انا يا مجتمعي و يا حياتي و يا دنيا مشيت على معايير الزوجة الصالحة المطيعة ليش انهارت حياتي و فشل زواجي ؟ مو المفروض احصل زواج مثالي و حب اسطوري لكن انا حتى حب حقيقي عادي ما لقيت ماعاد اعرف ايش الصح و الغلط لما اقولك زوجي عاش معاي 5 الى 6 سنين كل مشكلة يدخل ناس للصلح في كل مرة يقول مافيها اي عيب طيب ليش يفشل زواجي عرفت ان الاسباب كلها داخلية و تعرفين هذا محزن اكثر اكثر اكثر .. الحين حتى في بيتنا السنعة هي اللي تكرف و تسوي كل شي ب يدها و ماتريح نفسها لازم انام و انا احس مفاصلي ب تتقطع كذا انا خذت الدرجة الكاملة من امي خواتي ماهمهم هالكلام و المعايير و ماشيين باللي يريحهم ولا يضغطون على انفسهم انا الوحيدة المجتهدةً ترا والله مو هذا تقييمي لنفسي عن نفسي هذا تقييم المحيطيين سويت عزيمة كبيرة قبل اسبوعين عزمت بنات خوالي و اعمامي و صديقاتي و طبخت كل الاكل ب يدي كنت ابغى أقول لأمي برسالة غير مباشرة انا شطورة افتخري فيني شوفيني سنعة انا الحين تعبانة اكتب و انا مرهقة من كل شي احتاج اغير كل شي .. كتبت لكوكي قبل عيوبي كلها داخلية و انا عارفة هالشي و متاكدة منه لاني اسمع الكلام و ما اجادل ولا اعاند زوجي و مرتبة و احترم اهله و اسكت لهم حتى لو اهانوني و اكتم بقلبي كنت ابغى العب دور الزوجة الصالحة العاقلة اللي شارية بيتها لآخر رمق والله انهم سووا فيني مصايب والله انهم سووا فيني مصايب و مشيتها عشان زواجي يصير مثالي بدون مشاكل و ما يكرهوني و يحبني زوجي و اكبر ب عينه و و ولا حصلت اي شي انا لله و انا اليه راجعون |
رد: البخل دفعني لطلب الطلاق !
انا افضفض مو لاني ابي العب دور الضحية المظلومة
لكن لقيت متنفس يريحني و يخليني ارجع اقيم نفسي و حياتي و اكتشف اخطائي و لما اكتب تعبت او بكيت او او لان وضعي ك معلقة بالأساس مدمّر استقراري النفسي |
رد: البخل دفعني لطلب الطلاق !
انا حصلت لي مستجدات معه ضغطت على نفسيتي زيادة بعد ..
في حياتي لما كنت امشي وفق المعايير كنت احصل رضا و حب و شكر و تقدير و علاقات حلوة من اللي حولي لكن امي كانت الشخص الوحيد اللي كلما قدمت اكثر كلما شدّت علي اكثر اجتمعت انا و اخوي نشتكي لبعض قبل فترة ليش امي بس تشوف اخطاءنا رغم ان البقية يسوون نفس الغلط و تمشيه مثل المعلم اللي تزعله غلطة الطالب المجتهد اكثر تقاجئت امس لمًا كلمت خالتي " كلمتها عشان تكلم امي بطريقة غير مباشرة و تنصحها تخف عني و ترحم وضعي لانها الشخص الوحيد اللي ممكن يأثر على امي " المهم تفاجئت تقول لي انتي و فلان الوحيدين اللي تفتخر فيكم و تتكلم عنكم بكل حب و فخر و سعادةً طبعا هذا الشي ولا عمري سمعته ولا حتى حسيت فيه تفاجئت كثييير و تفاجئت اكثر ان احنا اكثر 2 متضررين نفسيا لكن ظاهريا من ورانا قدام الناس المدح و الفخر و انو ما ضاعت تربيتها امي و ابوي ب وعي او بدون وعي شكلوني و رسموا لي رسمة معينة امشي ضمن اطارها ابوي الحين ليش مقهور من زوجي قال لي مرة عطيته اياك و انتي المثالية " قالها صريحة مرة " يحس انه متحسف علي اني خذت زوجي دايم يقولها لي نجي لزوجي اكثر شخص بحياتي حبيته و عطيته اضعاف اضعاف اهلي و حتى نفسي ايش يشوف كل شي اسويه من احسان و دلع و ادب = واجب علي غصب عني كل الزوجات يسوون كذا + اللي يعور اكثر : ما يثمر فيه ابدا ولا لي عنده اي رصيد حسنات بمعنى يغضب لاسباب تاااافهه و يفجر فيني و ينسى كل شي قدمته و قد اكون مسوية له خدمات قوية قبلها ب دقايق زي لما مد يده علي ب مصر كنت قبلها ب دقايق رايحة على رجولي لمحل حلويات كشخة شارية على حسابي لأخوه و زوجته ك نوع من الاعتذار اني ما بحضر خطوبتهم بحكم الاختلاط راح عطى اخوه الصينية و طلع الشقة ضربني هذا الشي دمرني يمكن امي تضغطني نفسيا و تزيد حساسيتي بحكم وضعي الحالي لكن زوجي تصرفاته من اول يوم زواج قضت علي اني احسن او اجيب هدية او افكر ب شي حلو اسعده فيه و اقدمه له و القى بعد دقايق مو ايام او شهور او سنوات بعد وقت بسيط القى ردة فعله بشعة زوجي اصعب من ناحية اني مهما قدمت ماراح يصير عندي رصيد يمنع عني اذيته امي ماراح توضح شي ولا تشكر عشان ابذل اكثر لكن ماراح تضربني او تسبني او تقذفني انا ب دوامات دوامات حياتي الحالية و السابقة اقارن و احن لزوجي و بيتي كثير و فيني رغبة قوية صادقة تنصلح الامور بيننا مع ان للاسف اهلي و اقرب الناس لي يشوفون شي اخر تماما غير اللي اشوفه عن زواجي و تقريبا صار اجماع ان افضل حل اي الطلاق و ان احنا ما نصلح لبعض و و حتى ترا لما افكر بالطلاق اصارحكم ب سر اقول ان شاء الله لو تطلقت ارجع له مرة ثانية عندي امل بكل الاحوال بالاصلاح مهما كان الفشل مغرقني |
رد: البخل دفعني لطلب الطلاق !
عزيزتي
نصيحه لا تتطلقي منه وانت متعلقه فيه اما ان تفكي التعلق او عودي له فكي جميع انواع التعلق (بزوج او حتى شنطة يدك) عودي له واشتغلي على نفسك لين تفكي تعلقك به وتصلي للقدره على الطلاق وانتي مبتسمه وعن قناعه ورضى داخلي …… دور الضحيه فينا كلنا كلنا نمر بفترة او فترات دور الضحيه واحيانا نحتاج تمثيل هذا الدور المهم الا نبقى فيه دائما وابدا عادي فضفضي بالعكس هذا شيء لصالحك واكتبي كل شيء تنحرجي ان تقوليه مهما كان تافه اوحساس …… على فكره يا اختي المثاليه لعلمك شيء سيء والاسوأ ان نجعلها هدف نسعى له!! شايفه المشاغبه اللي بآخر الصف اللي قلتي عنها؟ هذي صدقيني الطبيعيه اللي تاركه نفسها على سجينها وانتي الغير طبيعيه لانك قيدتي يديك ورجليك عن الحركه والمشاغبه لتحصلي على "نجمة المثاليه"! وامك وزوجك درس علمك بانك ضيعتي وقتك ولن نعطيكِ النجمه المستهدفه!! درس يعلمونك ان المطلوب تعطين بقدر (وكل شيء خلقناه بقدر) تعبانه قولي تعبانه ما بطبخ اليوم ما بروح المكان الفلاني ابغى هذا وما يناسبني ذاك تعلمي ثقافة ((( لا ))) البر لامك وابوك مو اللي تعلمتيه وتعلمته انا وغيرنا البر هو الاحسان وليس الطاعه العمياء والخرافات كثيره شغلي عقلك وتخلصي منها نصيحه عزيزتي النجمه منك انتي انتي اعطي نفسك نجوم على ما ترينه صح ليس ما يراه الناس صح الصح عندي غير الصح عندك وما يناسبني لا يناسبك وهكذا كوني نفسك واعطي النجوم لنفسك وليكن دافعك نفسك ومكافئتك من نفسك مريت سريع على ما تذكرت من كلامك لاني ما فضيت ادخل المنتدى غير اليوم تمنياتي لك بالفرج والسعاده❤ |
رد: البخل دفعني لطلب الطلاق !
طيب فيه مصادر ممكن تساعديني فيها ؟
بالنسبة للطلاق ماعرف ما تتفقين معاي انه قرار صعب مستحيل اوصل فيه للقناعة المصيرية مية بالمية ؟ الا ما تجيني شكوك او ندم بالنسبة لتعلقي فيه والله ماعرف اذا متعلقة او لا احترت ب نفسي ترا مالي نفس اشوفه ولا اسمع صوته ولا ابغى شي منه لكن ليش كتبت هالامنية الظهر قبل ساعات لاني كنت مثل الغريق اللي يبغى يتعلق ب قشة كنت اقول يمكن ارجع لبيتي افضل بدون مسؤوليات زايدة مع ان في الحالتين فيه مسؤوليات لكن عقلي طاش و كنت منهارة و اعبر عن افكار غير واقعية بداخلي .. للامانة كلامك مريح جدا جدا ترا اختي حظي حلو انا ماكنت كذا ولا كانت شخصيتي بهالشكل من التطرف في المبالغة في الارضاء انا تغيرت كثير اهلي امي صديقاتي يقولون بسبب زوجك كسرك و دمرك و نسف شخصيتك امس كلمتني قريبتي قالت والله طفّاك يوم تزوجتيه فلانة اللي عندها مشاريع و خطط و تطوع و و ماتت لمًا تزوجت الحين رجعتي بقوة احس هذي فلانة اللي نعرفها |
رد: البخل دفعني لطلب الطلاق !
الاعضاء الكرام
رغم كمية الحزن اللي تملا مشاركاتي مؤخرا لكن ابشركم لازلت ابحث عن حلول واقعية و حطيت في بالي خطتين هالعام 1. اكون في معهد القران - في جو يذكرني بالله و يصبرني 2. اني اتعرف على عيوبي شخصيتي الداخلية و اعالجها |
رد: البخل دفعني لطلب الطلاق !
عزيزتي طبيعي تتأثري بالطلاق
طبيعي جدا لكن التأثير هذا يفرق اذا تم الطلاق بعد فك التعلق عن اذا تم وانتي متعلقه به وما زال عندك شيء له او معه احيانا نستمر في شيء نريد ان نكرهه للاخر لا نريد ان نتركه الى ان نصل لاخر نقطه معه وهنا اذا تم الترك نكون عارفين ان هذي اخر نقطه مثال بعيد لكنه يصف الفكره (عندك شنطه اشتريتيها عن قناعه وما زلتي تحبينها لكن مثلا صغيره ما تشيل كل اغراضك فتصبرين على صغر حجمها مقابل شكلها اللي عاجبك فتتمسكين بها شهر وشهرين وثلاثه وانتي متضايقه من صغر حجمها وعدم حملها لكل اغراضك وتقولين لنفسك ليش ما اغيرها مره صغيره لكن قلبك يقول لا شكلها حلو وعلموضه ولونها كذا ما بتركها لين تنقطع الشنطه باي شكل او يسقط منها شيء ثمين ويضيع منك وهنا ستتخذين قرار بتغييرها وانتي واثقه انه القرار الصح في الوقت المتأخر ولكنه اكيد صح ( الان ) وربما اقول ربما يكون زوجك جيد لو تغيرتي انتي وربما لا انا لا اعرف انتي وحدك من يقيم الوضع نحن خارج الدائره ونرى النظره الكليه من بعيد امر اخر (ليس فيه عصبيه قبليه لكن مجرد تحليل) ربما زوجك يشعر لكونه من غير جنسيتك ويعمل في بلدك بشيء من الدونيه عنك؟؟ حتى وان كان طبيب او ما شابه البعض يكون عنده كل شيء لكن نفسه صغيره محتقرها من الداخل فيرى انك قويه بشخصيتك وببلدك واهلك فيحاول ان يضعفك ليشعر بالقوه عليك؟؟ اقول ربما وانت من يقرر صحيح او غلط كلامي كلامي اراحك لانه لامس فيك شيء اختي كلنا نمر بصدمات في حياتنا منها في الطفوله او في الكبر نسيناه او تذكرناه في العقل الواعي والعقل اللاواعي كل انسان عنده ثلاثة اجساد جسد فكري (وهو العقل واعي وغير واعي) جسد مشاعري (النفسيه) جسد طاقي اثيري كل جسد منها تعتريه اوساخ ( صدمات) لابد من تنظيفها وازالتها شوفي في اليوتيوب طرق عديده للتنظيف وابدأي بدون تردد "بالتنفس عن طريق البطن" (التنفس اسهل طرق التنظيف ) التنفس عن طريق البطن مفعوله عجيب وهو المسعف الاول لكل موقف كل صباح اجلسي في مكان تهويته جيده في حوش او عند شباك يدخل لك هواء الفجر النقي البارد اجلسي مع نفسك ربع ساعه او اكثر تنفسي عن طريق البطن (شهيق عميق الى ان يمتلىء وينتفخ بطنك بالهواء ثم زفير عميق عن طريق الانف الى ان يخرج جميع الهواء) اول مره يمكن ما تقدرين تتنفسين الا دقيقه او دقيقتين بعد كم يوم بتلاحظين وقت التنفس زاد قد تبكين بعد او مع التنفس او تشعرين ببعض الالام في جسدك كل هذا طبيعي ويعني ان التنفس عمل مفعوله في التنظيف لا تمنعي نفسك من البكاء واعطي نفسك الوقت للتعبير عن المها ورغبتها ( وهذا في جميع الاوقات) بعد التنفس استلقي او اجلسي جلسه تريحك واغمضي عينيك واطلقي نية التغيير قولي انا انوي ان اتغير بكل حب ويسر وسهوله ( النيه مفعولها عجيب) وسوف تختبرك الحياه في صدق نيتك هذي من كذبها فكوني جاهزها لاختباراتها وتقدرين تنوين عدت نوايا مثلا ( انا انوي ان تتغير شخصيتي للافضل بكل حب ويسر وسهوله انا انوي ان استمتع بيومي بكل حب ويسر وسهوله انا انوي الشفاء لجميع اجسادي بكل حب ويسر وسهوله وخذي نفس عميق ونامي او افعلي ما تشعرين انك تريدين فعله لا تتقيدي بوقت ولا واجبات ولا مسؤوليات (رددي مع نفسك هناك وقت لكل شيء) واذا تقدرين تقولين لزوجك ناخذ فترة هدنه نضع فيها الاسلحه وكلن يروح بحاله هدنه ترتاحين فيها وتتنفسي وتغيري جو لو اسبوع تنفسي فيه كل يوم زي ما قلت (وطبعا يصير التنفس عاده يوميه لك بعد ذلك) ان قدرتي تسافري سافري ما قدرتي ف حيث ما تكون راحتك كوني هناك ارقصي وغني وجني لاقصى حدك ارجوك ضعي المثاليه تحت اقدامك وارقصي عليها ارفعي صوت الاغاني لاخر حد وانتي ترقصين وتضحكين وتصرخين ( ارجوك ارجوك لا تقولي الغناء حرام خلاص خلاص ارحموا انفسكم من هذي الترهات والتعقيدات التي ما انزل الله بها من سلطان) ولو اردتي تجاوز هذي النقطه فهذا لك انا سأقول لك كل ما لدي وانت حره واي اي اي مشاعر تظهر لك حينها او باي وقت اسمحي لها تظهر لا تكبتي شيء فجأه ستبكين ابكي لا عليك طبيعي فجأه بتضحكين اضحكي وسمعي الجيران ضحكك انتي متضايقه وما تبغين تطبخين لا تجاملي وتقولي انا جيده وسأطبخ ( لعيون اي احد) لا قولي مالي نفس اطبخ اليوم بختصار (( طابقي الداخل مع الخارج )) لا تتناقضي مع نفسك فتقدم لك الحياه المتناقضات لا تدعي المثاليه فتقدم لك الحياه اشخاص يريدونك دائما مثاليه لانك انت قدمت نفسك للحياه على انك مثاليه تعرفين حتى شكلك واناقتك لا تتحري فيها الدقه والمثاليه اسمحي لنفسك تغلط وتطلع يوم والالاينر عين مزبوط وعين شوي مخربط So what ?! شعري شوي منكوش ( It’s Ok )!! الكل راح يزور فلانه في يوم محدد لمناسبه معينه انا بتأخر وبزورها بوقت اخر بعدين وش بيصير؟! مو لازم اكون مثاليه واروح مع الجميع! وهذي الاشياء زي التمارين البسيطه لنفسك حتى تتعود تطلع شوي شوي من زاوية المثاليه اللي جالسه فيها من سنوات بخصوص المصادر عزيزتي انا والله من كذا مصدر واغلبها في اليوتيوب حسابات تتكلم عن الجسد المشاعري وكيف انه الاساس اذا كان بحاله جيده صارت باقي الاجساد بأحسن حال وهكذا اتنقل من فديو لاخر لين فهمت وضعي زين اول ما اتذكر شي معين بقولك عليه |
رد: البخل دفعني لطلب الطلاق !
والله يا صاحبة الحظ الحلو كلامك جميل ومنظم وواقعي لكن الانتفاضة على الامور المسلم بها ارجو ان تراجعيها
معلوماتي الدينية قليلة وعلى قدي لكن ما اعرفه ومتاكدة منه انه التوفيق من عند الله وبطاعة الله وتجنب معاصية وهذا لا يعني اني مرات لا احن واستمع قليلا للغناء لكن اندم واستغفر وابفى لمدة لكن اعرف انه حرام حرام الله يغفر لنا جميعا |
رد: البخل دفعني لطلب الطلاق !
عزيزتي امال عظيمه
هذي بعض الفديوهات لوحده اسمها منال موسى انا استفدت منها لعلك تستفيدين * العلاقات وقانون الانعكاس لمنال موسى *حقيقة فك التعلق لمنال موسى *طريقة فك التعلق لمنال موسى *اسباب المعاناة في الحياة لمنال موسى *العطاء متى اكون معطاء ومتى اتوقف عن العطاء لمنال موسى *لماذا تعاكسك الحياه لمنال موسى واحدث فديو لها اسمه *شعور الاحتياج وتطرقت فيه عن المثاليه وانو اللي يعطي طلبا للمثاليه ما راح يلاقي شي لانه اعطى عن "احتياج " للمثاليه وليس عن "حب خالص" نسيت في ردودي السابقه اقولك لازم لازم تحبي كل صفاتك حتى السيئه عشان تتخلصي منها صفة المثاليه فيك حبيها واعترفي فيها وتقبيلها قولي مع نفسك نعم انا مثاليه اعترف واتقبل هذي الصفه واحب نفسي بهذي الصفه الصفه اذا تقبلتيها يقل الحاحها عليك ويسهل التخلص منها اسمعيها ستتضح لك الصوره اكثر واي شي ما يناسبك تجاوزيه وخذي اللي ينفعك تمنياتي لك بحياه سعيده |
رد: البخل دفعني لطلب الطلاق !
اقتباس:
اعلم ان مناقشة المسلمات وخاصة " الدينيه" امر صعب صعب والبعض مستحيل معهم اعلم هذا جيدا فانا منكم وفيكم لذلك لن اناقشك واضيع وقتك الثمين ووقتي خذي من اي مكان ما ترتاحي له واتركي ما يريبك لمن عنده الجرأه ان يأخذه ويقلبه ويتفكر فيه فمعه رب سيهديه وينير بصيرته بنوره الالهي سلامي لروحك❤ |
رد: البخل دفعني لطلب الطلاق !
عندي فقط تعليق على موضوع انك لا تعيشي وضع الضحيه ولا تحبيه
قولك ان قسوة امك افضل من اهانه زوجك هذي اشاره لعيشك وضع الضحيه قولك قدمت وقدمت وكنت وكنت ومالقيت نتيجه ايضا جزء منه اقتناعك بانك ضحيه ولا انكر انك ضحيه لكن انك تربطي كل شي بحظك السيء وعدم حصولك على التقدير وتتبعك لردات فعل الاخرين واهتمامك براي صديقتك وزوجها اهلك حتى صديق زوجك كنتي ستتواصلي معه ليقنعك بالبقاء مع زوجك انتي تتنظري فقط اعتذار فقط من زوجك تحسين بصدقه لتعودي انتي عايشه دور الضحيه بجداره ويمكن ضعف شخصيه تتنظري الاشخاص والايام تتخذ قرار لك لا يختي ابحثي عن عمل حقيقي معاك ماجستير لا تضيعي وقتك بعزايم وطبخ وارضي فلانه وعلانه واحس تفسي عاله على اهلي واعوض بطبخ وكرف دوري عمل وادرسي ان رغبتي بحلقات وخلي يصير عندك مصدر دخل وابحثي عن سكن قريب لك وابحثي عن خيارات حقيقه وقويه بالحياه اطلعي من قوقعتك واضربي براي الناس الحائط محد بيمد لك ريال ولا بيسهر الليل شايل همك دامك ماتخالفين ربك مايهمك الا سعادتك سؤال غريب شوي انتي من الجنوب والي اعرفه اهل الجنوب متشددين وانتي شخصيتك مثاليه ولا تحب تخرج عن قيود المجتمع وامك شديده كيف اخذتي شخص خارج من جنسيتك مو بس قبيلتك هذي من التناقضات الي مافهمتها خاصه انه زواج تقليدي ليس عن حب تحاربي من اجله كيف ضربتي بالمجتمع عرض الحائط واصريتي على ابو بناتك مع علمك بنظره المجتمع وتعصبهً |
رد: البخل دفعني لطلب الطلاق !
اقتباس:
المعذره |
رد: البخل دفعني لطلب الطلاق !
مستجداتي على عجالة ب اكتبها
- اليوم تهاوشنا انا و اخوي الكبير بسبب موضوعي مع زوجي ( طلب مني اشيل الحظر و اكلم زوجي كلام حلو ) و رفضت - لازلت انتظر جلسة الصلح الروتينية في المحكمة - رفض يدفع رسوم مدرسة بنتنا - اصابتي في ركبتي كانت لصالحي الحمدلله اهلي اعفوني من المطبخ و يفكرون يجيبون خادمة و اعطوني هدايا و ورد - طلبت من ابوي يعطيني شقة من الشقق اللي مأجرها - رجعت لحلقة قران الاطفال اللي كنت ادرسهم و اللي كانت سبب سكينة قلبي بعد الله |
رد: البخل دفعني لطلب الطلاق !
مستجدات كويسه
الله يكتب لك الخير يارب |
رد: البخل دفعني لطلب الطلاق !
على ما يبدو لي زوجك قدر يلف راس أخوك وانتبهي منه لا يستخدمه زوجك ضدك بالمحكمة
وتذكري بأن لنفسك عليك حق ولا تقدمين شي فوق طاقتك ترى أهلك يحبونك ويعزونك وما يرضون عليك شي تصرفاتهم اتجاهك وبتربيتك من جهل كبير منهم وليس عن قصد ايذاءك أمك مثل أمي تبينا مثاليين وأحسن الناس ونظرتها ان التربيه بالنقد والمقارنات هي الوسيله الصحيحة لتحقيق هالشي وما انكر انها تحبنا وتبي لنا الخير لكنها حطمتنا من الداخل بدون قصد |
رد: البخل دفعني لطلب الطلاق !
اقرا الموضوع وادعيلك واليوم مستجداتك مبشرة جدًا ♥
الحمدلله والدك بصفك والله يديم عزه ويحفظه لكم يارب ، استمري بمطالبتك بالشقة المستقلة، زي ما أسلفتِ سابقًا تتدربين للقيادة ومستقبلاً يكون لك سيارتك الخاصة وتتوظفين وتصرفين على نفسك وتربين بناتك التربية اللي تشوفينها صحيحة وربي بيعينك . الاستقلالية هي طريقك بعد الله للسعادة ، اسعي للشقة وللوظيفة .. بالنسبة للرسوم المحكمة تجبره وتستقطع من راتبه ( بشكل إجباري ) وتحوله ع حسابك الخاص . استمري بالقضية وأرفقي المستجدات ( حرمان الطفلة من التعليم ) لأن المدارس الحكومية ترفض غير السعوديين حسب علمي، فهو مجبر بالدفع للمدارس الخاصة.والا يُعتبر حرم الطفل من التعليم وهذي جريمة يعاقب عليها القانون السعودي . موضوع زوجك وتدخل أخوتك للأسف هذي ضريبة استشارتهم من البداية ، ارفضي الكلام قطعًا بالموضوع ولا تاخذين ولا تعطين ولا لأحد منهم كلمة عليك ، أنتِ لازم تقوين شخصيتك لأنك من اليوم ورايح مو مسؤولة عن نفسك وبس لا مسؤولة عن بنتين .. فلازم تكونين أقوى . الله ييسر لك يارب |
رد: البخل دفعني لطلب الطلاق !
أفرح يا غادة لما احد يدعي لي ب ظهر الغيب
اسمحي لي لو اقولك مرات أكثر كلمة تبكيني .. لما احد يدعي لي و هو مايعرفني استشعر ان الله عطاني نعمة ان احد يحس فيني ، في مكان ما في بلد ما في وضع ما قد يكون مختلف عني لكني لامسته و تذكرني الله يجزاك خير و كل من ذكرني ب دعوة في هالمكان الطيب |
رد: البخل دفعني لطلب الطلاق !
هذا تبرير لعدم ردي على بعض الردود .. و اعتذار مبطن مع خالص التقدير
تمر علي أوقات كثيرة أحتاج أبكي فقط على صفحات المنتدى أوقات فقط أغصب نفسي اكتب على عجالة أطمنكم علي احتراماً لكم .. و أوقات أقدر أرد و افتح صدري و عقلي لكافة الاستفسارات و أناقش ف اذا انسحبت عن الرد ، لم اتجاهل ، دائماً لي عودة لكني أكون أمر ب وقت عصيب أفكاري الداخلية تعصف فيني حزن عميق يسيطر علي أشياء كثيرة تجرحني و تبكيني من أبسط التفاصيل لأكبرها " فلا تذروها كالمعلقة " انا الآن معلقة و يكفي حالتي الاجتماعية هذي فقط انها تستنزف روحي .. انا لله و انا اليه راجعون |
رد: البخل دفعني لطلب الطلاق !
أنا في دوامة جديدة أتمنى تنصحوني
أفكر أرجع له جدياً بس بعد ما اضيف شرط الوظيفة و أجمع فلوس على جمب و اشتري لي شقة بحيث لو طلقني اروح لها اخوي الكبير تهاوش مع زوجي و حظره " وهذي موضوع طويل " لكنه من اول يوم جيت فيه و الى وقت قريب ينصحني بالرجوع مهما كانت مساويء زوجي بسبب الوالدة و انا ما كنت مقتنعة ابدا ب كلامه لكنه ارعبني انا درست بكالوريوس و ماجستير و تغربت بعيد عن اهلي بسبب امي أثرت على قراراتي بشكل كبير حتى زوجي قبلت انه يكون ب منطقة بعيدة عشان ابعد عنها و ترتاح نفسيتي الان اشوف اختي الصغيرة و كيف طاحت في اكتئاب قوي من عامين تقريبا بسبب امي زوجي ماعاد عندي ثقة فيه ابدا لكن حياتي اليومية معاه " قبل ما اكتشف كم راتبه " كانت هادئة جدا اذا مافيه مشاكل كبرى هادئة ما يجرحني مش عارفة انا أمر ب عواصف داخلية قوية خاصة ان امي تتدخل في أمومتي و تحاول تسيطر انا اكتب على عجالة لاني داخلة من الجوال فيه اشياء كثيييرة افكر فيها من ناحية امي و زوجي زوجي .. زواجنا اشوفه انهار لكن لو ب القى مأوى مريح عنده طبعا افضل الشقة طلبتها من ابوي ما وافق او رفض لكن اتوقع امي ترفض بحكم بيخسرون ماديا و تأثر عليه انا ماحب اتكلم عن امي ب سوء من باب البر و الاحترام لكن قاعدة اشوف الامور تسوء و نفسيتي للصفر و أسوأ حتى يوم تعبت من ركبتي اخواني كلهم رفضوا اني اطبخ مرة ثانية الا امي يارب دبرني نفسي اكلم طبيب نفسي او مستشار متخصص يساعدني |
رد: البخل دفعني لطلب الطلاق !
الطريقة الوحيدة للخلاص من علاقتي السامة مع زوجي بدون خلع و مرمطة
اني استمر في قضية النكاح لان عندي سبب قوي هالمرة الطرد لكن بنفس الوقت ماني مرتاحة ابدا كل يوم احس اني على اعصابي عايشة متوترة جدا جدا ما ارتاح الا وقت النوم وقت انفصل عن العالم كذلك خيار الجلوس في بيت اهلي فيه تنغيص يومي لكن احتمال يفتح لي آفاق اوسع لكن مصلحة بناتي مع ابوهم والله اعلم لان الهدم النفسي و التقييد هنا اكثر مو قادرة حتى احضن بناتي او احبهم او استمتع بطفولتهم اخاف من نقد امي و صراخها يرهق اعصابي نفسيا |
رد: البخل دفعني لطلب الطلاق !
اهلا ابنتى الصالحة يسر الله آمرك نصرك الله ثبتك الله وفقك الله سخر لك عبادة الصالحين اصبرى واحتسبى وثقى ان النصر قريب هذه كلها اختبارات من الله وانتى لها بإذن الله طالما الآمور وصلت لهذا اذن لماذا لا نضع حل الرجوع الى زوجك من ضمن الحلول واضح جدا ان سبب كل مشاكلك مع زوجك هو اقترابك من المنطقة الحمراء لدية وهى النقود هو يعشقها ويعلم ان وقت حصوله على هذه المبالغ بسم الله ما شاء الله لا قوة الا بالله هو وقت مؤقت وسيعود الى سابق عيشة والى الحرمان مرة آخرى فيريد ان يأمن مستقبله على قدر المستطاع اذن الحل هو الجلوس معه وحاولى بالود ان يوافق على شروطك وخصوصاً المادية حاولى ان يحدد لكم مبلغ مناسب كمصروف لك وللاطفال وكذلك يتحمل مصاريف المدارس وارجوا الا تصرى على مدارس عالمية يا آختى كثير من اهل بلدك فى المدارس الحكومية والتعلم لديكم جيد جدا طالما ان الفلوس هى السبب الرئيسى والوحيد لمشاكلك معه وهو بخلاف هذه النقطة زوج طيب ومناسب اذن استخيرى الله وتوكلى على الله وافتحى معه باب مناقشة ولينى له فى الكلام وحاولى تآخذى كل ما تستطيعى فى حدود المعقول بالنسبة له وعودى الى بيتك وزوجك وتفادى كل ما يثيرة ويخرج عاصفة جنونه اكثرى من الاستغفار والصلاة على الرسول الكريم صلوات الله عليه ومن قول لا حول ولا قوة الا بالله |
رد: البخل دفعني لطلب الطلاق !
السلام عليكم و رحمة الله و بركاته
لا توجد مستجدات ، غير الأفكار اللي تعصف فيني من داخل أنا في مرحلة " اخواني اقرب الناس لي " يهاجموني .. بغرض انهم يصّحوني من كوم الأفكار الغريبة اللي تخليني أنهار بالدموع يوم بعد يوم .. دخلت الموقع حتى ماقريت الردود من قبل ،، ولا ادري ايش كتبتوا لي دخلت أبغى اتكلم عن العالم الداخلي اللي اعيشه عالم أشوف فيه حياتي بلون واحد هو اللون الأسود أحس ب فزع خوف هلع .. من ايش والله مدري كل يوم انام فيه و أصحى افتح عيوني اشوف جدار غرفتي في بيت اهلي احس ب خوووف و رعب : انا ايش جابني هنا !! مو انا لي بيت ! مو لي مملكة كاملة مو كنت مستقلة حتى من قبل زواجي كنت بسكن الطالبات لي شقتي ٧ سنين بكالوريوس و ماجستير الحين رجعت مع طفلين مالي سيطرة الا على غرفة وحدة وحتى هالغرفة اكون فيها متوترة : اسكتوا جدو نايم اسكتوا خالو نايم وطّوا اصواتكم عيب خالو بيزعل و يتضايق كل يوم تسيطر علي فكرة جديدة غريبة تخنقني أعيش في حالة اسمها "إدمان الأمل" و لي من اسمي نصييييييب .. كل يوم افتش على ابرة في كومة قش اللي صار لي ابرة الأمل .. كانت ابرة الأمل اليوم صاحب زوجي الطبيب اللي تدخل للإصلاح كذا مرة في مشاكلنا و ارسل لي زوجي رقمه قبل شهر قال لي كلميه راح يفهمك موقفي لأنك مو راضية تسمعيني او تفهميني لكني رفضت ! اليوم قلت خليني اكلمه يمكن يقنعني ب زوجي ، يمكن يشوف فيه اشياء انا ماشفتها فيه و كمان كنت اقول يمكن بعد يقضي على البقية الباقية من الأمل في الاصلاح فيني ويقول لي كلام يقهرني كذب و بهتان و افتراء عني فيزداد اصراري على الطلاق راسلته و طلبت منه اني اتواصل معه بعد الاستخارة لكني ترددت .. بكييييت و حذفت رسايلي في المعهد اداوم .. ألقى صعوبة في استجماع ذهني و تركيزي مع الطاقم التدريسي أحاول اركز و اسرح كثييير في حياتي و اللي صار لي يوم الجمعة اللي راحت لأول مرة بحياتي من طلعت من بيتي يجيني شعور اني فقدت بيتي بيتي اللي هو الجدران و الاثاث اشتقت لهم صارت اصغر التفاصيل و اتفهها تعورني تعورني حيييييل .. احد يقول لي عادية هالمرحلة .. احد يقول لي بكرة بتضحكين من هالمشاعر و تنسينها احد يقول لي طبيعي تخبطك و توهانك زواجي كان مثل الشركة بالنسبة لي الشركة اللي بنيتها طوبة طوبة احتسبتها لله قريت كتب كثيييرة ، دخلت دورات كثيييرة اللي تأهلني اقوم هالشركة فجأة اشوف هالشركة طاحت زواجي كان مثل الاختبار اللي درست فيه كل الكتب وذاكرت نماذج الأسئلة حق الاعوام اللي فاتت كلها وبدال ما اخذ ٩ من ١٠ او ٩ ونص من عشرة اخذت صفر مكعب صفر كبييييير اعرف انها اقدار و مكتوبة لكني حزينة موجوعة أدنى التفاصيل تبكيني كل شي يجرحني ان دخلت مواقع التواصل وشفت مصريين ابكي لهالدرجة وصلت .. تجيني افكار انو احب هالشعب لسه ، ليش اخدت منه هالآدمي او طحت عليه ليش ما اخذت واحد كويس حتى زواجات الناس المختلفين عرقياً لما تجي عيني عليهم كنت اتمنى و أتأمل ب زواجي ينجح نجاح باهر زيهم و اتعايش مع ثقافة ثانية و بلد ثاني و نتواضع لبعض و نكمل بعض و تكون لي اسرة ثانية في قارة ثانية مو يفشل فشل ذريع .. انا لازلت اتعلم دروس القيادة و لازلت اداوم بالمعهد ولازلت مستمرة مع حلقتي ولازلت مداومة على وِردي من القران غير كذا انا مدري انا وين ، و ايش قاعد يصير معاي احس اني في دوامة و عالم غريب اذا غمضت عيني ابي انام و ارتاح حلمت فيه والله اني اشوفه كل ما انام كوابيس و احلام مفزعة مفجعة ما اذكر منها شي لكن اصحى من نومي متكدرة تعبانة جسمي مكسر ماني متخيلة ان هالانسان بيطلع من حياتي ويصير لاشيء مع انه في نفس يوم مشكلتنا الاخيرة قال لي قبلها ب ساعات : ما استغنى عنك ولا اقدر اعيش بدونك * هذا الرد و الردود ربما اللي بعدها فقط فقط .. فضفضة و دموع مكبوتة ! صبّروني ان قدرتم |
رد: البخل دفعني لطلب الطلاق !
اقتباس:
ولا حتى خاصة ولا اي شي ابغى بنتي بس تحفظ القران كامل و نعيش عيشة كريمة مستورة ابغى الكفاف و الستر والله هو اللي كان يقول لي مضيق عليكم كل هالسنين عشان اجمع لبناتي للمدارس العالمية عشان كذا اطالبه انه يثبت لي صدق كلامه فقط مش هذي رغبتي ولا طموحي خاصة ان كثير منها "وهذي قناعتي الخاصة" تقضي على اللغة العربية و المواد الدينية ـ ايوه الفلوس هي مشكلتنا ترا يا ابو مريم غيرت شروطي و حذفت المدارس العالمية اصريت على رفع النفقة و الرضوة "انت نصحتني اطلب راتب شهرين او ثلاثة" انا طلبت راتب شهر هذي طلباتي المادية فقط بالاضافة لتوثيق الزواج رفض الرضوة بهالمبلغ و رفض رفع النفقة و توثيق الزواج قال لي ارجعي لي و اوثقه بعد سنة غير كذا شروطي كلها معنوية انه ما يمد يده و و و الخ موافق عليها يا ابو مريم نفسي ارجع له لي اسبوع احس ودي ارجع له لكني خايفة جداً من تحذيرات اهلي و كل اللي حولي انا عاندت الكل و اتبعت احساسي الداخلي و اصريت عليه و تزوجته رغم ان ابوي ماكان مقتنع ولا اخوالي و لا اعمامي و الان اخاف ارجع له و نفس الشي امشي ورا احاسيسي و اضيع نفسي زيادة ماعدت فاهمة نفسي ولا فاهمة ايش ابغى ولا فاهمة ايش هو طول حياتي احسه طيب لكن لما اكتشفت راتبه وراني الوجه الثاني منه و قلب علي ٤ شهور كاملة كرهني ب عيشتي بعد كذا قال لي صاحبه "عن طريق زوجته" انه صار يحس ب رعب مني لما عرفت راتبه يخاف اسرقه او اخلص فلوسه مع اني صحيح زعلت مبدئيا لكن بعدها رجعت له و قفلت عالموضوع و تعايشت معه لكن هو كان متوتر جدا |
رد: البخل دفعني لطلب الطلاق !
مبتعثة
اقتباس:
يمكن يكونون متشددين لكن اسرتي غير متشددة لكنها مُحافظة جداً على القيم و الدين "بمعنى الاعراف مو متمسكين فيها كثير" لا احب الخروج عن قيود المجتمع فيما يخص القيم و الاخلاق و الاداب و الدين فقط لكن أي شيء آخر عادي زي مثلاً اني رحت سكن الطالبات و تغربت بعيد عن اهلي لكنت كنت ما اسافر لوحدي "غالبا انتظر ابوي او اخواني يجوني" زي ماقلت لك محافظين فيما يخص القيم و و لكن غير متشددين فيه اسر الى الان ترفض تعليم البنت في منطقة بعيدة لحالها كذلك القيادة عندنا عادي ، لكن انا حاطة لي حدود و و ـ امي شديدة فقط بالنظافة .. الله يسعدك ضحكيتيني ـ زوجي جاني في فترة كنت فيها قبلها ب اعوام طويلة بنت مراكز "تعرفين ايش يعني بنت مراكز .. يعني طول عمري في دور التحفيظ " و اللي متعود على المراكز في السعودية يعرف اي جنسية متفوقة فيها عدداً و تميزاً بعد الجنسية المصرية الله يحفظهم انا طول عمري اشوف هالفئة المحافظة المتميزة من المجتمع المصري ماعندي اي فكرة اخرى عن هذاك المجتمع ولا عمري رحت مصر ولا شفت مسلسلات او افلام تمثل لي الواقع او تنقله بطريقة اقرب للواقع "ليش ذكرت هالسطر .. لان فيه كثير من مشاكلي مع زوجي خليني اقول بنسبة ٦٠ بالمئة ممكن اختلاف ثقافات و هالامور كنت اجهلها تماما .. و كنت احكيها لـ ٢ من صديقاتي يقولون هذي الامور معروفة وشافوها بالمسلسلات" يعني انا دخلت بتصورات ملائكية غير منطقية عن المجتمع هذا "من الفئة اللي كنت اشوفها بالمراكز" وهو زي مجتمعنا طبعا فيه الصالح و الطالح قبل خطوبتي من زوجي ب سنة كنت ادعي الله بين الأذان والاقامة اتزوج مصري : ) والله صدقاً اقولها ماعرف كيف اشرح لك .. لكن الملابسات اللي بعد كذا تبين لك انه نصيب فقط لا غير مكتوب في اللوح المحفوظ من قبل اولد خلاص في بالي انه اكثر ناس يناسبوني هالشعب "يحبون العلم ، متفوقين دراسيا ، ملتزمين ، مرحين وخفيفين دم" انا ابغى كذا هذا اللي يناسبني "كما كنت اقيم نفسي .. " في نفس هذيك الفترة اللي قبل خطوبتي من زوجي يتقدمون لي اشخاص من محيطي ضعيف دينيا "بمعنى ما يصلي مثلا " ضعيف دراسيا و انا محيطي مافيه هذاك الاهتمام بالعلم الكثير غير ابوي و اعمامي باقي الجماعة لا دراسة فقط و تحصيل شهادات ممكن و لحد معين مثلا ثنوي لكن حب العلم لمجرد العلم و نشره و و التطور فيه ماشفت هالشي و اقصد بالعلم الشرعي و الدنيوي العادي ماشفت نموذج ابداً ابوي يفهمني كثير و علاقتنا قوية من زمان كل ما تقدم لي واحد و جلس معه قال لي ما يناسبك ماراح تصلحون ، و ذكر لي العيوب .. لكنه يشعر ب قرارة نفسه ايش يناسبني لما تقدم لي زوجي عن طريق معارفنا تقدم و في باله انه ابوي ماراح يرفض "بحكم ان ابوي شيخ في القراءات العشر في منطقتنا " و يعطي اجازات لمصريين و عرب و و يحتك فيهم كثير و اكيد مسيطر عليه الجانب الديني في اول مرة دخل بيتنا كان مجلسنا غير مكتمل و الصدفة اللي دبرها الله عز و جل انه زوجي جلس في الصالة و انا سمعت الحوار كامل لأول مرة بحياتي اسمع الحوار كامل لأحد جاء و تقدم لي صدمني صدمني .. طريقة تعريفه عن نفسه ثقته بنفسه كلامه عن هدفه من الزواج كأنه نسختي الثانية في هذي الدنيا انصدمت و سكت ناداني ابوي .. قال لي تقدم لك طبيب مصري و انا رفضته و قلت له انت اخوي في الله و حبيبي لكن صعب بيننا اختلاف في العادات والتقاليد لكن الشهادة لله انه اكثر واحد مناسب لك !!!! بعد كذا تقدموا لي بعده ارجع اسأل ابوي شرايك بهالرجال و انطباعك عنه : يقول انسبهم لك الطبيب المصري لكن صعب اوافق زوجي بعد فترة رجع كلم ابوي مرة ثانية على استحياء و قال له نصاً : اجعلها لله و زوجني بنتك و ان شاء الله ما تضيع معاي "رسالته الى الان احتفظ فيها " نفس الشي ابوي استمر بالرفض هنا انا كلمت خالي " اعز انسان على قلب ابوي و اكثر شخص مؤثر " وطلبت منه يقابل زوجي و ينقل لي انطباعاته وفعلا شافه و تكلم معه و رجع يقنع ابوي استمرينا كذا ٦ اشهر كاملة الى ان وافق ابوي و صارت النظرة الشرعية بقية الاخوال و الاعمام كلهم رافضين حتى ان اكبر اخوالي قاطعنا يوم عقدي و رفض الحضور صارت النظرة و تأكد احساسي اكثر "في هذاك الوقت " كلامه ماكان عاطفي ابدا لكنه يحمل نفس تصوراتي عن الزواج تكلم و تكلمت معه شفته مرتين بحكم انه غريب عني كلياً بعد ابوي سمح لي اتواصل معه تليفون قبل العقد نتفاهم مع بعض " وهذا يأكد لك احنا محافظين عالقيم و الاداب و و لكن الاعراف قد نكسرها " في هذيك المكالمة حطينا شروطنا شرط علي أمه تعيش معاي طول عمري و انا شرطت عليه هذا الكلام نصاً : قلت له احنا مختلفين ومن بيئات مختلفة اكيد بيكون بيننا تضارب و اختلاف كثيرة لازم تكون بيننا ارضية مشتركة للتفاهم قال لي ايش قصدك قلت له : ترضى ب الله و رسوله يحكم بيني و بينك في حياتنا كلها من ادق التفاصيل لأكبرها ؟ ان رضيت فهذا شرطي الوحيد التحاكم لشرع الله في كل شيء خاف و تردد و قال انا ماوصلت لهالمرحلة من تحكيم الله في كل امور حياتي بعدين استخار و رجع اتصل و قال موافق وطبعا ما يحتاج احكي ايش صار بعدها .. لا تحكيم ولا شرع و لا اي شيء وهالشي بان فوراً من الاشهر الأولى .. ابن بيئته و بس // خلاص استمرينا مخطوبين سنة و نص انرفضت اوراقي من الامارة و و يوم العقد جابوني وقعوني على ورقة ب عدم المطالبة بالجنسية لأبنائي و خلوا ٢ من اعمامي يوقعون ك شهود مغامرة كبرى مجنونة صح ! غامرت كل هالمغامرة عشان على اساس ب احصل الدين و الخُلق و التوافق الفكري و و كنت اقول عادي ربي ماراح يضيعني كلها لله عز و جل انا مشيت على قول الرسول صلى الله عليه و سلم "من جاءكم من ترضون دينه و خلقه " ابوي كلم ناس يسألون عنه ب مصر سألنا عنه كويس شافه اكثر من واحد من اهلي بذلت كل الاسباب العقلية و الشرعية مالي دخل بالاعراف و لا ب سايس بيكو "هذي صدقاً كانت افكاري الداخلية " .. سياق قصتي بعدين بيوضح ليش انا سكت على ضربه لي من ثاني شهر رغم اني تربيت على عزة النفس ولا كنت داخلة ب انهزامية او ضعف شخصية " كل الملامح هذي اللي ممكن تقيميني عليها بناء على ردودي الفترة الاخيرة هذي " ماكانت فيني ابدا دخلت الزواج انسانة متفائلة سليمة نفسيا ودودة محبة و و انا انتظرته سنة و نص و انا ما اتعلق بسهولة قبل العقد ب ٦ اشهر يمكن بديت اتعلق فيه جداً وشخصيته اصلاً تسحر .. من ناحية الكلام و اللباقة الى آخر شهر كنت فيه معه و انا اقول له انت تسحرني لا تكلمت ب منطقك و عقلك دخلت الزواج و انا متعلقة فيه و اشوفه حلم و لقيته و فاجئني لما مد يده علي لخبط كياني كله عندي باكيج بأخطاء الزوج المتوقعة في اول سنة مثلا من خلال انطباعاتي عن بيتي ماكان من ضمنها مد اليد هذا غير موجود عندنا ابدا "اتكلم عن محيطي " ف اعترف اني انكسرت و انصدمت و تفاجئت و بنفس الوقت كنت لسه مبهورة فيه ف كذبت نفسي واللي صار لي عشان تستمر القصة الحلوة لكن عاهدت نفسي ان عادها مرة ثانية اني انفصل منه فورا كذلك هو ساهم في اني ما اتخذ موقف قوي و هالشي اكتشفته بعد سنين " اول ما يشوفني ب اتركه " يدخل في دوامة بكاء " تفجعني اول مرة سواها لما مد يده علي طردني على طول و انا لميت اغراضي بعدها ب فترة و خلاص فعلا ب اروح شافني كذا صار يبكي و يترجاني انصدمت اول مرة اشوف رجال يبكي و بهالطريقة زي الاطفال صرت ابكي معه و اهدّيه " والله اني على نياتي كنت جداً " فجأه قلب علي صار يصرخ يقول ايه ماغيرتي موقفك الا لما شفتيني ابكي و زعل مني و انعكس الموضوع خلاص كل فترة اول كل سنة يسوي مصيبة اقرر قرار قوي " يشوفني جازمة " يبكي مرة ثانية و ينهار ان دخلت معه بنفس المود و هديته و تعاطفت يقلب اكثر "هذي كانت ردة فعلي بكل مرة لاني فعلا اصدقه و اظن انه يحبني و و و ندمان و و " آخر مرة قبل شهر رجعنا لموضوع البكاء لكن هالمرة ما تجاوبت ابدا وحسيت انه فيلم ف زي ما قلت لك : ظروف خطوبتي اعمامي و اخوالي اللي كانوا ضدي جزء مني ماكان يبغى يتفشل منهم و اكلمك صدق بدون مواربة ماكنت ابغى ارجع مطلقة و يقولون شفتي قلنا لك ! حاولت اطول الموضوع قد ما اقدر و اكافح في زواجي قد ما اقدر وهذا انا الان لي ٥ اشهر كلهم يقولون لي نفس الكلمة اللي خفت منها : شفتي قلنا لك ! و اولهم ابوي .. اللي كان اشد الرافضين لهذا الزواج مع انه اكثر واحد قال انه مناسبني هالشخص ك عقل و تفكير ! |
رد: البخل دفعني لطلب الطلاق !
أداريك يا قلب تحبّ الوفا و اللين
و أنا خابر إن الوقت يخلف مواثيقه عرفنا و جربنا التجارب و جرح البين و لا همّنا إلا عفو ربي و توفيقه |
رد: البخل دفعني لطلب الطلاق !
أحس إن ربي نزّل علي سكينة و هدوء الحين .. الحمدلله على واسع نعمه
و بدت تهدا مشاعري و أفكاري و أسلّم أمري لله سواء في اذا في رجوع او انفصال و انفتح فكري و عقلي على جميع الاحتمالات و بإذن الله كلها خير و ببدأ بالأخف ف الأخف ماراح أخطي خطوات قوية ب اسوي اهداف مرحلية .. الحمدلله بدأت اليوم لأول مرة ـ ما بعد اهلي جابوا عاملة و لسه انا اللي اطبخ و اعاني من ركبتي و جسمي تعبان بسبب الانفلونزا و أبغى اطلع من دور الشهيدة خلاص كلمت امي و اختي ـ بحكم انهم اثنينهم موظفات قلت لهم حالي من حالكم نقسم الطبخ بيننا انا تعبت و صحتي على قدي هالفترة و عندي بنتين و اداوم مثلي مثلكم يومين علي يومين على اختي الصغيرة يومين على أمي و الجمعة اجازة و اللي ما تبغى تطبخ ب يومها تتصرف الين تجي العاملة تساعد حطيت لهم هالفكرة و من بكرة ب اسحب نفسي و بحاول ما اتوتر او اخاف من المشاكل او انفعالات الوالدة الله يحفظها و أكبّر راسي لأن خوفي من حدوث المشاكل خلاني اشيل الحمل كله علي و اطبخ لهم طوال الاسبوع لوحدي ولأني جيتهم و انا افكر لازم اقدم و اعطيهم انا ما اشتغل و جالسة وهم كلهم يشتغلون و انا عندي وقت فراغ كذلك كنت افكر اني لازم ما اطالب ب حقي بالتقسيم العادل لان هذا ممكن يسبب توترات و انا لازم احمد ربي اني لقيت لي مأوى لكن الآن تغيرت افكاري الحمدلله و تكلمت و وافقوا و حتى لو ما مشوا عالجدول اللي حطيته انا ب اسوي اللي علي و بس و بحاول اريح اعصابي و ما اخاف هذي اول خطوة خطيتها و مرتاحة كثير الحمدلله ثاني خطوة بديت اشتغل عليها من امس ب اجهز غرفتي في بيت اهلي و ب احط تلفزيون و ثلاجة و و ب اجرب اول اسوي لي عالم كامل في غرفتي و اجددها قبل افكر ب خيار الشقة يمكن ارتاح كلياً لما اختار الاثاث على كيفي و اغيرها و اجهزها لبناتي ثالث خطوة ب اسويها بكرة باذن الله ب ارفع عليه قضيتين نفقة و حضانة النفقة عشان اضمن حقي حتى لو صار فيه رجعة بحكم انه رفض شرطي ب زيادة النفقة و الحضانة عشان اعطيه البنات كل اسبوع وما احس اني ظلمته و قلبي بارد لانه لو تأخر علي ساعة بعد ما اكسب الحضانة بيجيه ايقاف خدمات فوراً ، بتروح مخاوفي من انه يهرب فيهم |
رد: البخل دفعني لطلب الطلاق !
سبحان الله على إن زواجي مر توترات و قفزات كبيرة
لكني كنت دايم استشعر و انا مع زوجي عظم نعمة الزواج نعمة عظيمة عظيمة على اني مؤخراً معه كذلك كنت مقهورة جداً من بُخله لكن قبلها كنت عايشة معاه سنوات اشعر ب استقرار نفسي و روحي بحياتي ماحسيت فيه وقت ماكنت عند اهلي رغم اني عند اهلي كنت عايشة حياتي بالطول و العرض لكن سبحان الله كنت احس نفسي غير مستقرة عاطفيا او نفسيا و زوجي رغم انه كمان شخص غير عاطفي كثير لكن حتى مع قلة المشاعر اللي كنت احصل عليها لكنها كانت تريحني و تبسطني احساس الأسرة و وجود الكيان هذا كله كامل معك و انك انت اللي شيدته و تشوفه يكبر قدامك و الافراد يزيدون و انت ترعاهم و تهتم فيهم عرفت ان هذا الامر هو اقرب الامور لفطرتي و طبيعتي و لامسني جداً عشان كذا ظليت الى آخر نفس ب انفاسي اقول لو فيه امل بالإصلاح والله اتمناه من كل قلبي و أسأل الله انه ينولني اياه ان كان فيه خير لي و صلاح لنفسي و قلبي و ديني قد اشتغلت و قد درست وتعلمت و تطوعت و عشت ادوار كثيرة بحياتي سبحان الله من اقربها لنفسي و روحي تربية بناتي ، و العلم و التعلم لقيت نفسي في هالشيئين انا زوجي خطف قلبي لما تقدم لي لأنه لامس اعظم اهدافي بهالدنيا "تربية الأبناء" وقال نفس الكلام اللي اشعر فيه و حاطته هدف لي قال "ابنائي هم مشروع حياتي الاكبر و الاعظم و ما راح ينجح هالمشروع الا مع الأم اللي ب احاول احسن اختيارها" نفس افكاري بالضبط عشان كذا ابوي قال هذا الشخص يناسبك جداً لأن اللي قبله كانوا يقولونها صراحة : ابغى وحدة تدلعني ، ترقص لي ، تهتم فيني ماشي كل هالأشياء الحلوة و مهمة لكن وين رسالتك بالحياة و هدفك الأسمى من الزواج .. ؟ شعرت ان ماعندهم بصيرة + اضيف على هذا كله انا في آخر الاشهر اللي عشتها مع زوجي حاولت اصبر على بُخله بكل شي وحطيت لي حد ادنى قلت بس لو يكرمني و يدفع من ناحية دعم ذكاء بنتي الكبيرة "ب اصبر على بقية الامور كلها " لقيتني صار بيني و بينه اكثر من موقف منها مثلا رحنا تسجيلات اسلامية و اخذت لها كتيب اذكار عشان تتعلم منه ب ١٧ ريال تهاوش معاي و قال لي غالي و اكيد فيه مكان يبيعه ارخص و رفض يشتريه هنا حسيت انهارت كل آمالي و احلامي، و غيره اشياء مشابهه كثييير بآخر الاشهر كان هدفنا مشترك و مشروعنا واحد عرفت انه آخر حصوني مع هالشخص انهارت و تحطمت مو مستعد يدفع حتى مبالغ زهيدة على بنته ! وهو اللي الى هللحظة لو اي احد من طرفي واجهه : ليش بخلت على زوجتك بيقول نفس الاسطوانه المشروخة : اجمع عشان تعليم بناتي رغم انه واقعيا كان بالفترة الاخيرة يبخل ب أي شي بسيط ينميهم " و للأسف ماكان كذا سابقاً كان بخيل و ماسك صحيح و يخنق بس مو لهالمستوى من بعد ما اكتشفت كم راتبه زاااااااااد جداً " الله يدبرني من عنده سلمت لك أمري و لك في حكمتك مقصد ياخافي اللطف الذي ما في لحكمه رد |
رد: البخل دفعني لطلب الطلاق !
مايخيفني رفضه للشروط الماديه
طيب ماهي الامور الماديه الي هو موافق عليها كم النفقه الشهريه الي يشوفها مناسبه وكم الرضوه مده اليد والطرد امور مش هينه ويبلها فعلا يتادب عليها ان عزمتي الرده والواضح الشي الوحيد الي يعوره ويخليه يفكر الامور الماديه ولا الباقي عنده سهالات الله يكتب لك الخيره يارب نصيحه ابحثي عن وظيفه |
رد: البخل دفعني لطلب الطلاق !
اقتباس:
وافق على انه يشتري للبنات غرفة نوم + يغير ملابسه النفقة الشهرية اللي يشوفها مناسبة : الحقيقة ما سألته كم بيعطيني لو عطيته المجال ب يعطيني أصغر رقم شرطت عليه يعطيني الفين لي و الف لكل بنت الرضوة بعد شهرين من مشكلتنا تواصل معي عن طريق زوجة صاحبه و شرطت عليه بس يعطيني 10 الاف و ايفون و بعدها نتفاهم عالرجوع و رفض مع ان راتبه زي ماكتبت فوق 42 يعني اللي طلبته ولا شي لكن لاني أدرى الناس ب طبعه اعرف ان 10 بالنسبة له مثل مليون عند غيره و ماكنت بعد ابغى الموضوع يكبر و ابغى أسهل عليه شفته رفض و بعد ما وصلنا للمحاكم رفض يرفع النفقة قال مانتي ماشية على اعراف مجتمعكم قلت له خلاص ب امشي على اعرافنا دامك تبيها الرضوة 50 الف " وهذا كان راي اهلي من البداية " يعني ما يقارب راتب شهر يوم شافني رفعتها قال خلاص ب اعطيك 10 رفضت و قلت 50 تحولها علي و بعدين نتكلم و طرحت الرقم على محاميين هل هو يعتبر مبلغ فلكي؟ و كأني هدمت بيتي ؟ قالوا لا جداً عادي خاصة قياساً على راتبه و قياساً على اخطائه بعد انا رفعت المبلغ بعد لانه أذاني بعد الطردة سبني و سب اهلي و احتجز اوراقي الرسمية و انكر قدام الشيخ الطرد و كل شي و كتبته له ب رسالة هذا المبلغ رفعته لانك سويت كذا و كذا و لانك رابع مرة تطردني / فعلا اليوم لما صحيت في بالي فكرة الوظيفة لكن بعد ما اخلص المعهد و ارتب اوراقي و اعرف اصلا هل فيه رجوع او طلاق نهائي عشان اعرف اقدم وين لان اهلي في منطقة و زوجي في منطقة |
رد: البخل دفعني لطلب الطلاق !
اقتباس:
لا حول ولا قوة الا بالله معقول فى حد بالصفاء النفسى ده والطيبة والبرأة ده وخصوصاً فى هذا الزمن والله ثم والله ا ابنتى لن يضيعك الله تبارك وتعالى ابداً ابداً ابداً ان شاء الله هذا يقينى وحسن ظنى بالرحمن الرحيم الحنان المنان الحى القيوم الجبار مالك الملك فاطر السموات والارض بصراحة اشعر انك احق بزوج مثلك تستحقى رجل بكل معانى الكلمة اما هذا الرجل لا يستحقك ابداً هل يعقل ان الله يرزق رجل بمن هى مثلك ولا نذكيك على الله ويفرط فيك بكل هذه السهولة ومن آجل ايه من آجل نقود ليس لها اى قيمة ولا تساوى شىء امام جوا الاسرة والاطفال والزوجة الصالحة بسم الله ما شاء الله لا قوة الا بالله لا يوجد رجل متزن عاقل يفعل هذا ابداً انت ما شاء الله ملكة متوجة والله حسيبك مع الاسف انسان سىء ومثال سىء ولا حول ولا قوة الا بالله احزنى جدا كلامك لما قلتى له ترضى ان يكون الله ورسوله الفيصل بينى وبينك وقبل بهذا وبعدها يفعل بك كل ما فعل فى رجل عاقل يضرب زوجة ومتى بعد شهر من الزواج لا يوجد رجل بمعنى الكلمة يضرب زوجة اصلا ابناء الشوارع فقط من يفعلوا هذا فى بنات الناس اما ابناء الاسر المحترمة فلا يمكن ان يمد يدة او يسب او او او الحمد لله رب العالمين واين هو من وصية الى والدك حفظه الله عندما قال له زوجنى ابنتك ولن تندم سبحان ربى العظيم وصدق رسوله الكريم عندما اخبرنا عن صفات المنافق اذا حدث كذب واذا اؤتمن خان واذا خاصم فجر استمرى فى استخارة الله وانا هنا اقول لك بعد كل كلامك هذا لا ترجعى له الا اذا وافق على شروطك ولا تتنازلى عن اى منها ان قبل اذن توكلى على الله وارجع وانت على ارضية صلبة ان شاء الله ويكون هذا الانسان قد تعلم درس يجعله يفكر بدل المرة مليون قبل ان يتجاوز حدوده معك لانه واضح انه لا يلتزم بعهد ولا يخاف الله ولا يعلم شىء عن الدين الا الكلام وارجوا منك ان تنسى كلام المشاعر والعواطف وهذه الاشياء التى لديك ولا تصلح مع شاكله هذا الرجل انسى بيتك ومملكتك وووو فقط فكرى بعقلك حتى تنجحى بقدر الله تبارك وتعالى هذه المرة المرة الاولى كانت العاطفة والصورة المثالية من تتحكم فيك ومع الاسف كان هذا قدرك وقعتى فى انسان بعيد كل البعد عن كل ما ذكرتى انه يميز المصريين لانهم فعلا وبحمد الله هناك رجال مصريين كثر وبفضل الله مثل ما ذكرتى واحسن بفضل الله ولكن هذا قدر الله احمدى الله وثقى بالله ولا تتراجعى عن اى من شروطك سواء المادية او المعنوية ان قبل بها فنعم وان رفض يبقى هذا من بركة الاستخارة وتكون صفحة تقلبيها وتنظرى الى المستقبل اما بناتك فلن يضيعهم الله ماذا كنتى ستفعلى لو مات ابوهم واصبحوا ايتام كم من الايتام توالهم الله واصبحوا رجال ونساء يشار لهم بالبنان ويجب ان تعلمى انه هو من فرط فى هؤلاء الزهرات وليس انت فلا تتحملى انت بمفردك الذنب لهدم هذا البيت انت تحملتى من لا تتحمله من بنات بلده والله ثم والله لو حدث هذا فى زوجة مصرية مثله ومد يده عليها بعد شهر لمسكه اخواتها واهلها ضربوه ضرب يصيبه بعاهة مستديمة وهو يعلم هذا جيداً المهم اياك وجلد الذات انت فعلتى المستحيل وهو من فرط وتنازل ويستحق كل ما يأتيه انهى كلامى بدعائى لك ثبتك الله ثبتك الله ثبتك الله نصرك الله نصرك الله نصرك الله وفقك الله وفقك الله وفقك الله والله تعالى اعلى واعلم وصلى الله وسلم وبارك على الرسول الكريم وعلى آهله وصحبه وسلم |
رد: البخل دفعني لطلب الطلاق !
ابنتى الطيبة يسر الله آمرك الليلة ليلة جمعه لا تنسى الدعاء والتضرع الى الله فى الثلث الآخير من الليل ولا تنسى ابو مريم من دعوة طيبة غفر الله لى ولك واكثرى من الصلاة والسلام على الرسول الكريم صلوات الله عليه ولا تنسى قرأة سورة الكهف تقبل الله منا ومنك صالح الاعمال |
رد: البخل دفعني لطلب الطلاق !
ان شاء الله
ابشر الله يجزاك خير انا كنت في المكتبة قبل دقائق اشتري رواية بين القصرين اللي قلت لي عليها . |
رد: البخل دفعني لطلب الطلاق !
ربى يحفظك ويسعدك
يا ست البنات طيب اقرا الرواية وأعطيني انطباعك على سى السيد مثال سىء للرجل مع الأسف |
رد: البخل دفعني لطلب الطلاق !
ان شاء الله ابشر ..
|
رد: البخل دفعني لطلب الطلاق !
السلام عليكم و رحمة الله و بركاته
اليوم كان من خططي إني أرفع على زوجي دعوى نفقة و حضانة و اتفرغ لها صحيت جداً متأخر اليوم على غير عادتي صحيت متكدر خاطري .. بعد أحلام كثيرة متتالية متخربطة اشوفه فيها كعادتي شفت اني مسافرة معاه و خايفة يغدر فيني و فجأة اشوف نفسي ابكي لأنه جوعني ما رضى يشتري لي شي "احداث كلها مرت فيني زمان معاه اشوفها الحين بأحلامي" أنا ما اذكر قد ذقت الجوع معاه الا ب مصر سبحان الله كنا نمر عالمزارع و الخير و استشعر قول الله عز و جل "اجعلني على خزائن الارض اني حفيظ عليم" و اقول بخاطري خزائن الارض انا امشي عليها و انا جوعانة ! سافرنا اول مرة لشقتي هناك و ماعندي مطبخ و الشقة عظم و المنطقة اللي هم فيها مافيها هذيك المطاعم كنت حرفياً اموت جوع اقضيها من المخبز كعك محشي ب تمر او من البقالة وهو يطلع من الصباح لليل و يخليني لوحدي ادبر عمري مرت السفرة الأولى شهر كامل بحلوها و مرها و سترت عليه و لا علمت اهلي عن أي شي صار ضايقني وبالعكس وصّلت لهم فكرة حلوة و اني استمتعت و و بعدها عاهدت نفسي اعطيه فرصة اخيرة و اسافر معه وهو وعدني و اعتذر لي رحنا المرة الثانية و قبلها ب شهر سحبت من البنك من حسابي ٥٠٠ ريال بدون ما يدري خفت يجوعني وحطيتها بمحفظتي كاش طلبت منه قبلها يعطيني كاش اي مبلغ قبل نسافر ما رضى ابدا و كعادته كلمته المعتادة : اطلبي اي شي يجي لك و كنت خايفة يغدر فيني وفعلاً كملنا اسبوع حلوين كنا ننعزم عند اقاربه بعدين رجعنا لفقرة الجوع و السنة الثانية ما كمل المطبخ لسه ماعرف ليش يسوي فيني كذا ويبهذلني طلعت فلوسي بدون ما يدري و كلمت وحدة من صديقاتي تصرفهم لي جنيهات من البنك وفعلا كنت كل يوم اطلب لي من المطعم "فتحوا مطعم بمنطقتهم فخم و محترم على السنة الثانية من جيتي" كنت كل يوم اطلع بنفسي اجيب لقمتي احس ماوراي رجال اطلع انا و بنتي نمشي على رجولنا الين نوصل المطعم نطلب كثير اكل يقضينا لليل و يجي هو نهاية اليوم مرات كثيرة ياكل معانا المرة الثانية و البهذلة الثانية هذي ماسترت عليه فيها و علمت ابوي و انا ابكي قلت له انا اطلع ب حجابي و ستري و عبايتي ومعاي بنتي نجيب لقمتنا يوميا وهو يطلع من الصبح لليل مع امه ماشوفه الا نهاية اليوم يجيني دايخ ينام ابوي انجن انجن قال لي ماعاد تسافرين معاه ابدا السنة اللي بعدها جات كورونا و تقفلت المطارات و اللي بعدها فعلا سافر لوحده بس مو عشاني و لا عشان كلام ابوي عشان امه طلبت منه انه يجي بدوني تبهذلت مع هالانسان و هالعيلة لكن الغريب فيه افكار متضاربة لسه ب مخي فتحت صفحة ناجز ب ارفع عليه دعوى بعد الاستخارة والله ماقدرت مشاعري غلبتني |
رد: البخل دفعني لطلب الطلاق !
صحيت اليوم و فيه فكرة مسيطرة علي
افتقدت حسه و كلامه خاصة بأيام اجازة نهاية الأسبوع لما يفضى علي الجو ، و يفضى علي بيت اهلي و كل واحد ينشغل ب عالمه القى نفسي لا دوام و لا شي تهزمني افكاري تهجم علي هجمة الأسد المفترس ،، و تآكلني حرفيا من داخل كنت افطر و احس نفسي مخنوقة افتقدت الشخص اللي كنت اصبح عليه افتقدت سواليفه و كلامه افتقدت احاديثنا المطولة مع بعض و اجوائي معه الخاصة في نهاية كل اسبوع خاصة يوم الجمعة اكثر يوم يجرحني من كل اسبوع اكثر يوم افتقد فيه بيتي و حياتي السابقة و يعورني "كتبت هالسطر و بكيت " كنت اصحى الصباح بدري اسوي له فطور محترم و اخبز له و أبخر البيت و اشغل التلفزيون على خطبة الجمعة من الحرم بعدين يجي من الصلاة يلقاني لابسة و بناتي نفس الشي استشعر انه عيد المسلمين الأسبوعي و احاول اخليه يوم حلو و مبهج قدر المستطاع حالياً اصحى متأخر ابغى اليوم يفوتني ابغاه يخلص قدر المستطاع كأني اهرب منه ، و المشكلة اني اهرب من عمري و وقتي و حياتي اللي تنسرق مني اصحى ماقدر اسوي فعاليات ولا شي اعرف يقيناً اننا وصلنا لنقطة اللاعودة لكني افتقده بشدة زوجي أسرني و سحرني ب شي واحد خلاني اصبر فيه على كل اللي سواه معاي و اعديه و اتحمله نضجه الفكري و سوالفه و احاديثه احنا كمجتمع شرقي نفتقد لغة الحوار الهادف الممتع في بيوتنا تربينا عالصراخ او الجدل او المقاطعة او او قليل نلقى اسر يتحاورون الام و الاب ب كل رقي" الله اعلم لكن هذي افكاري" يمكن لأني شفت نماذج كثيرة حولي كذا الزوج مهما يكون شهم كريم محترم الا انه صامت مع زوجته و يفضل اصدقائه عليها لكن انا زوجي كنت انا صديقته الوحيدة و انا كنت رغم كثرة صديقاتي اكتفيت فيه وما اشعر ب شوق او فقدان او حاجة ملحة للصداقة نمشي ب زحمة شوارع الرياض الساعة و الساعتين ماحس بالوقت من حلاوة سواليفه حتى انه تعب نفسيا لما سافر لوحده بدوني مصر آخر مرة انا ماعرف ليش و كيف صار كل هالحاجز بيننا صحيح انا كنت نافرة منه ك زوج بسبب اهماله لنفسه لكن كنت اعشقه ك صديق لروحي اشبع فيني الجانب الفكري وانا مثلما كتبت عن نفسي بنت مراكز ف انا بنت منتديات .. اعشق الحوارات الهادفة و التحليلات لكل شي يصير و النقاشات في الجامعة كنت دايم اشترك بالنوادي الادبية و الفكرية لما جا زوجي سوّا لي اجمل و اروع نادي فكري بحياتي لأنه نادي يشبهني افكارنا وحدة و منظورنا واحد لكل القضايا و الامور وكل الاشياء اللي تستهوينا و نتكلم عنها وحدة كنا مرات نسافر مسافة ٨ ساعات اختم معاه كتاب بالطريق اقراه فقرة فقرة و نتناقش فيه كنت احس اني مو قادرة امسك نفسي من السعادة صحيح ضيق علي في اشياء و بهذلني و استغلني و بخل علي لكن في الوقت كان معاي كرييييم كان وقته كله لي و افكاره و ما يخطي خطوة الا ب شوري كان انسان متردد جداً اي شي يفكر فيه لازم يتصل علي حتى في امور عمله لازم ياخذ رايي اصحى من النوم مرات افطر و اجلس اكلمه ساعات قبل يجي ماكأننا عايشين مع بعض افتقدت صديقي جداً صار عندي شك بكل البشر شككني بنفسي شككني بكل الرجال و الناس مفاهيمي كلها مشوشة و احس ب خوف فظيع يجتاحني اذا كنا احنا اقرب صديقين لبعض ليش وصل فينا الحال لهالمستوى !! و ليش يطلعني من بيتي في الليل و معاي بناته احس متلخبطة اكتب و انا ابكي سبحان الله ماعمري فكرت بنقطة الصداقة و انا معاه لكني كنت اقوله دايم انا معجبة فيك جدا جدا لما تتكلم او تفتح اي موضوع هو اللي قال لي بآخر شهر قبل مشكلتنا اكتشفت ان ماعندي احد بالدنيا اتكلم معه غيرك وانك صديقتي الوحيدة اللي اثق فيها الحين انا ماعندي اي مخلوق اي احد يأيد رجعتي او اني اعطي فرصة حتى المستشارين الاسريين يحذروني انا زوجي و اقولها صدقاً خاطب عقلي و غازل فكري بشكل ماعمري لمسته من احد لا من اقاربي و لا اعمامي ولا صديقاتي ولا اي شخص خضت معه نقاش فكري قبل |
| الساعة الآن 02:17 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©