رد: صار دقيق ويحاسب على كل شيء..
 

عندك حق ياملكة .. وأنا استاهل.. عموما راح أحاول قصارى جهدي أرجع الامور مثل ماكانت وأفضل وبالافعال مو بالاقوال..

الله يجزاها خير روح دلتني على مقاطع يوتيوب لاستشارية رائعة .. تصدقي اول مرة أعرف اشياء عن علاقة الرجل بالمرأة .. أشياء جديدة ماكنت أعرفها من قبل واولها إن المرأة كي تحصل على الاهتمام من الرجل وهي اول حاجاتها على سلم الحاجات لابد تشبع ثقتها في الرجل .. وهالثقة تعتبر أول سلم في حاجات الرجل من علاقته بالمرأة.. راح أسمع وراح اتعلم ..

رد: صار دقيق ويحاسب على كل شيء..
 

وفقك الله يا اختي !

رد: صار دقيق ويحاسب على كل شيء..
 

اتمنى يصير التغيير ع ارض الواقع وليس فقط خريطه ع ورقه
الكلام سهل بس المهم التغيير
تغيري تدريجيا عشان تقدرين فعلا تتغيرين
والله العظيم حرام تخسرين شخص زي زوجك
تراك في نعمة بس مو حاسه بها

رد: صار دقيق ويحاسب على كل شيء..
 

الله يسعدك لست كغيري ..

.
.

شوفي كمان للأخصائية هذه المواضيع :

أمسية الحوار الزوجي
أخطاء في التعامل مع الرجل
أسلوب الحوار
أسرار الحوار الزوجي
لغة الحب

و تابعي سناباتها ..

أخصائية رائعة و متخرجة من جامعة أجنبية بمرتبة الشرف ماشاء الله ..
أنا فعلا استفدت من كلامها في ( أمسية الحوار الزوجي ) <--- ضروري ضروري تسمعيه اليوم ..

رد: صار دقيق ويحاسب على كل شيء..
 

لست كغيري

هل مرت عليك فترات بعدتي فيها عن زوجك شوي وخففتي عنه الاهتمام بدون مايكون بينكم زعل؟

رد: صار دقيق ويحاسب على كل شيء..
 

لا ماأتذكر .. أصلا هو أيضا مايحبني أغيب عنه لما نكون متصافين..

رد: صار دقيق ويحاسب على كل شيء..
 

ماني عارفة .. أحس زوجي متغير مرة .. أحسه كارهني ... حتى جواله نسيه لما طلع العصر حصلته حاط له رقم سري عمره ماسواها .. أنا مو شاكة فيه بس هالتصرف جديد عليه مدري وش يقصد منه .. حآسة بخيبة أمل وضيقة نفس.. ماأعرف وش التصرف الصحيح هل أطنش أم أفرض نفسي عليه بالقوة ولا أيش!!!!

رد: صار دقيق ويحاسب على كل شيء..
 

كيف تقييمك لاهتمامك بنفسك

رد: صار دقيق ويحاسب على كل شيء..
 

أهتم في نفسي .. واليوم بالذات واضح اهتمامي في نفسي ... لكن أحيان أيام الدوامات أهمل نفسي شوي..

رد: صار دقيق ويحاسب على كل شيء..
 

كيف تفرضين نفسك بالقوة؟
ماتقدرين تفرضين نفسك بالقوة،
وفرضاً فرضتِ نفسك بالقوة ماراح تستفيدي شي غير زيادة نكد ومشاكل..

برأيي طنشي،وحاولي ترجعي المياه لمجاريها وهو من نفسه راح يشيل القفل من الجوال.


بالنسبة للإهتمام اهتمي بنفسك دايماً الإهتمام الغير مبالغ فيه الإهتمام الطبيعي، ماعندك شي يمنعك والدوام ماعذر.

رد: صار دقيق ويحاسب على كل شيء..
 

بالنسبة للاهتمام الطبيعي حاصل دايم .. أنا قصدت الاهتمام الاوفر..

ماأعرف ياأم دان حتى هو نفسيته جدا سيئة .. حآسة فيه حزين ومتضايق .. وين زوجي اللي دايم يضحك ويسولف .. حتى صار يهتم إنه مايوسخ إذا أكل .. إذا أخذ شيء رجعه مكانه .. إذا طاح شيء منه ينزل يلمه .. قبل كان عادي

رد: صار دقيق ويحاسب على كل شيء..
 

حزنت لوضع زوجك
للاسف انتي جالسه تلوين يد زوجك بسبب الماده
الماده خذلته وانتي اخذتيها ورقة لصالحك
رحمته انه صار ينظف ويلملم وراه
مايكفي انه شايل مصروف البيت والسايق حقك وسكر
للاسف انتي مو زوجة يتمناها اي رجل حتى يرتاح
لانك مو متقبله وضعك كزوجة تبين تكونين دايم مدلـله ويهتم ويطبطب ويرحم ويشيلك ويوديك
وانتي بكم الف تحسبين انك شريتيه وانتي بس كسرتي حبه لك
لاتتوقعين ان المشاعر ماتتغير بالعكس لو تغيير الحب وانفقد صعب يرجع
اذا انكسر صعب يتصلح
زوجك حاس بالذل منك ويتحاشاك ويتحاشى المشاكل معاك
انتي حابسته حتى ببيته ليه اكلت وليه حطيت هالصحن وليه وليه
حرام عليك

رد: صار دقيق ويحاسب على كل شيء..
 

آه ياملكة والله عمري ماقصدت أذله أو أهينه لكن هي الاحداث جات كذا .. يشهد الله إني أحبه من كل قلبي ويكفيني وجوده بالدنيا ووالله إني دايم أدعي إن ربي لايحرمني وجوده ويجعل يومي قبل يومه .. عارفه إني ماني الزوجة اللي يتمناها..

رد: صار دقيق ويحاسب على كل شيء..
 

مو انتي اللي حكيتي عن الموقف التالي: زوجك كان ياكل وهو حاط صحن كبير وزعلتي انه ماحط سفره عشان ماتضطرين تنظفين الصحن؟

اذا انتي صاحبة الموقف معناها زوجك من النوع اللي ماينسى

وفي هذي الحالة الله يعينك لأن كل ماله وهو يشيل في قلبه عليك

رد: صار دقيق ويحاسب على كل شيء..
 

من ردودك واضح انك طيبة وقلبك ابيض بس حساسة ومتسرعة
ومرات ما يكون عندك حسن تصرف
الله يصلح حالك انت وزوجك ويرزقكم الذرية الصالحة ويبدل حالكم لاحسن حال يا رب

رد: صار دقيق ويحاسب على كل شيء..
 

ماودي أضيق صدرك بس من وصفك لزوجك كأنه مثل ماوصفت ملكة الاحساس صار يسوي اللي تبينه من باب انه يتحاشى المشاكل معك

رد: صار دقيق ويحاسب على كل شيء..
 

أنا ماأبي توصيف جزاكم الله خير .. أنا أبي أعرف وبعدين .. كيف استرجعه!! ماأبي أضيعه وماأبي أفقده..وكيف أريحه.. كيف أتصرف الان!!!

رد: صار دقيق ويحاسب على كل شيء..
 

مو انتي لازم تعرفين سبب تغير زوجك عشان تعرفين كيف تسترجعينه

ما رأيك بجلسة مصارحة معاه؟

رد: صار دقيق ويحاسب على كل شيء..
 

هو أكيد زعلان لاني كلمت أخوي ورحت معه .. زعلان لاني قللت أحترامه لما قلت له الا في مدرسة غصبن عنك لما قالي ماعاد في دوام .. عارفة أن هالشيء مزعله .. اعترف إني غلطت بس دايم أقوله أنا بس كلام ولا قلبي يحبك واحترمك وماأيوي الا اللي يرضيك ..

جلسة المصارحة لازم بيجي وقتها بس في ساعات روقان أبدا مو والوضع متوتر بيننا لأنه ممكن تزيد الطيبن بله..

رد: صار دقيق ويحاسب على كل شيء..
 

تنصحوني أرسل له رسالة تعبر عن احتياجي وحبي له؟

رد: صار دقيق ويحاسب على كل شيء..
 

لا

لا ترسلي شي

رد: صار دقيق ويحاسب على كل شيء..
 

ما أتوقع موقفك الأخير فقط سبب زعله

الظاهر فيه تراكمات

ما أنصح بأسلوب الرسائل وانتم في بيت واحد

برأيي لازم تجلسون جلسه وكلا يصارح الطرف الآخر بما يزعجه (ولا تنسين تنزلين كم دمعه وتوضحين لزوجك حبك له وسوء تصرفك تجاهه)

قوليله نفس الرد اللي رديتي به على ملكة الاحساس

رد: صار دقيق ويحاسب على كل شيء..
 

ماأتوقع يتقبل الجلسة ولابيتقبل كلام مني .. ودي أرسله هالكلمتين اللي قلتها لكنافة يمكن إذا قرأها يلين قلبه ويحن علي ووقتها ممكن نجلس جلسة مصارحة وحنا مرتاحين .. وش رأيكم؟

رد: صار دقيق ويحاسب على كل شيء..
 

وش الكلمتين اللي قلتيها لكنافه؟

رد: صار دقيق ويحاسب على كل شيء..
 

أقصد لملكة الاحساس.. صايرة متلخبطة هاليومين المعذرة..

رد: صار دقيق ويحاسب على كل شيء..
 

أنصحك تنتظري كم يوم

عشان تتأكدي من انه فعلا ماخذ في خاطره منك

رد: صار دقيق ويحاسب على كل شيء..
 

يمكن ضايق صدره من شي ثاني انتي مالك علاقة فيه

رد: صار دقيق ويحاسب على كل شيء..
 

مايضيق صدره الا اذا صار زعلان مني .. لو شيء ثاني كان قالي .. واصلا ماعمره يظهر عليه إنه متضايق من شيء حتى لو صار متضايق عشان مايضايقني معه .. هذأ أسلوبه

رد: صار دقيق ويحاسب على كل شيء..
 

اتركيه براحته و اشغلي نفسك بشي مفيد

انت كذا تشعريه بالإختناق ، فترفعيه السماء .. و بعد شوي ترميه لسابع ارض

بعدي عنه شوي

رد: صار دقيق ويحاسب على كل شيء..
 

انا برضو من رأيي تتركيه هالفتره
لو شفتيه استمر اسبوع على هالحال
هنا اجلسي معه وتناقشوا
لانه احتمال يرجع من نفسه
اكيد راح يمل من هالشي
لا يضيق صدرك.. عادي
فتره وتعدي



اختي روح الطير
ياليت تردي بموضوعي
ماشاء الله ردودك حكيمه

رد: صار دقيق ويحاسب على كل شيء..
 

بسوي بنصايحكم وبطنش ..

رد: صار دقيق ويحاسب على كل شيء..
 

احبه ... تغيري ياعزيزتي قبل مايفوت الفوت ...
عملك اتمنى جدا لما تستقروا بمنزلكم انك تجلسين بالبيت !

رد: صار دقيق ويحاسب على كل شيء..
 

مدري صرت أحس من ردودك إنت حابة تمتلكين زوجك .ماتبين تخسرينه لمصلحتك، ومشاعرك نحوه مو حب حقيقي ..
مع كل محاولاتك للتسلط والسيطرة مايزال زوجك يحتويك ويداري ويراعي خاطرك،لكن للأسف إنت مو حاسة بشي.

السؤال ليش منت حاسة بكل ماقدمه ويقدمه لك؟

رد: صار دقيق ويحاسب على كل شيء..
 

والله العظيم حاسة .. ودايم على لساني أدعي له ان الله يجزاه خير ويطول بعمره .. رجاء لاتقولو شيء من مجرد استنتاجات .. ربي يعرف اللي بداخلي وقد إيش أنا أحبه

رد: صار دقيق ويحاسب على كل شيء..
 

هذا الجنس

مايبغون اقوال
مايبغون قلب يحب

يبغون افعال

يبغون ايش ؟
يبغون افعال

رد: صار دقيق ويحاسب على كل شيء..
 

أنا كتبت كلامي السابق بناءاً على مالمسته من كلامك وأفعالك معه
تعاملك معه وقت الزعل مافيه التماس للعذر ولا رحمة ولا حنية ولا شفقة،
كل همك وقت الزعل تستأثرين لكرامتك وعزة نفسك
كل تفكيرك ومحاولاتك كيف تخلينه يخضع لك ومايتمرد عليك
مادمت تحبينه بصدق،،وصلي له شعور الحب الصادق بعيداً عن الماديات.
لاتزعلين مني فإني لك أخت ناصحة.

رد: صار دقيق ويحاسب على كل شيء..
 

لا أبدا حبيبتي ماأزعل منك وهذا اللي احتاجه الكلمة والنصيحة الصادقة .. بس كيف أوصل له شعور الحب الصادق وهو صاد عني حاليا!! طلبت منه العصر يخلص لي شغلة وبعد ماخلصه ارسلي على الواتس إنه خلصه .. وكتبت له الله يجزاك خير ومايحرمني منك .. ما رد .. جاب أكل وطبعا أنا قلت له ماأبي شيء باكل من البيت .. جاب اكل وقال يلا كلي .. قلت لا بالعافية ماأبي .. قال يلا كلي قربت اكلت قعدت أأكله بيدي وحنا على الصامت .. يدوب يرد على اسئلتي .. شفته ماله نفس للكلام فسكت ..

طيب كيف احسسه بالحب !! الاعضاء نصحوني أتركه لحاله .. تركته ماقربت منه .. كيف أوصل له هالشعور وهو بعيد عني وحاسة إنه بس يسوي واجباته وبس!!!

رد: صار دقيق ويحاسب على كل شيء..
 

استخرجي من القطعة السابقة الخطأ التالي:
جميع حركات التغلي التي صدرت من لست كغيري مع زوجها والتي ليست في وقتها .

س2 بعد استخراج الخطأ،،انصحي لست كغيري.

رد: صار دقيق ويحاسب على كل شيء..
 

مشكلتك تبغين حلول فورية وردة فعل سريعة ومباشرة!!

لو سويتي اللي قلت لك بموضوعك السابق واشتريتي كتاب الرجال من المريخ والنساء من الزهرة كان عرفتي اللي يمر فيه زوجك دورة طبيعية بحياة اي رجل مثل الدورة الشهرية عندنا
يكون ماله نفس لشيء مقفل..صاحب الكتاب يقول على الزوجة بهالحالة تبتعد تنشغل لحد ماتشوف انه من نفسه أقبل عليها وقتها ترجع تتودد له..

أنت تبغينه دااايم حولك دايم محتويك دايم يشبعك وتكررين دائما اذا مااحتواني من يحتويني وغيره من الكلمات..
السؤال المهم
ليش هوو بس بمحيط حياتك يعطيك الاشباع والاحتواء؟!
ماعندك صديقات والا اهل والا ع الأقل لك انشطة تحسسك بالسعادة والاكتفاء الذاتي لبعض الوقت؟
وبرضو اعيد لو كنتي شريتي الكتاب الثاني لنفس المؤلف لماذا الرجال من المريخ والنساء من الزهرة يشرح كميائية السعادة ويعطيك النشاطات اللي ممكن تعطيك شعور السعادة بحيث ماتكوني عبء على الزوج بالكامل..
وضعكم طبيعي جدا
وصحي جدا
زوجك انسان رائع ومحب ومضحي
مثل ماأنت محبة مضحية
ينقصك التوازن وفهم اعمق للرجل

رد: صار دقيق ويحاسب على كل شيء..
 

أي تغلي ياأم دان !! دعوت له وقلت له الله لايحرمني منك .. وأكلته بيدي وتقولي تغلي!!

طيب أمس قربت منه ودفعني ومايبيني ألمسه ..