|
بالتوووووووفيق يارب |
البليغ باقي تقريبا اسبوعين
درة الخليج خطتك بطبقها اليوم لاني من جد تعبان وبزودها حبتين واشوف وش ردة فعلها الله يعيني بكره بسحب على الدوام واتحمل عواقب الغياب وخلوني اشوف تعطيني وجهه ولا لا OnlyHuman9 ما ادري فكرت تكون البنت معنا بس اذا كانت معنا بعطيها فرصه تنشغل بشي وانا ما ابي يكون فيه شي مشغلها وتتهرب ابيها فاااضيه ما عندها شي واتونس عليها اذا انحرجت بعكس اذا كانت البنت فيه ساهر اي كلمه اقولها الله المستعان وانا مافي ركبت براسي غرفه وحده اذا كانت تالا معنا باخذ غرفتين غصب ولا وين احطها الله ياني متحمس احشرها بزاويه ودي اشوف وجهها لما نوصل وتكتشف ان مافيه الا غرفه وحده تتوقعون وش بتسوي >>مجرررم بس تبون الصدق صرت استانس على حركاتها عكس قبل صح كانت تعجبني بعض تصرفاتها بس اللحين غيييير |
مسألة انك مستمتع بالوضع فهذا يعني انه النتائج كويسه وانك مرتاح وحاس انها قربت منك
طيب فيه اي تغيرات يعني لبسها كلامها ؟ اي شي ؟ |
بصراحة مشكلتك حلها سهل
تقرب من بنتك وحسس زوجتك باهتمامك ببنتك وشاركها رعاية البنت هذا هو المفتاح اطلب منها تنام هي والبنت معاك ونومها بينكم يعني حاول تتقرب من زوجتك عن طريق البنت استعطفها وبينلها رضاك عن اهتمامها بالبنت وحاجتك وطمعك لاهتمامها حاول تستبعد حقك بالفراش مؤقتاً ومع الوقت تبدأ تتعود عليك |
كيف حاسس مشاعرها حركاتها كلامها بالبيت
|
فيه شغله اتمنى انك تسويها
يعني اذا رحتوا تنامون ونامت بنتك اتصل عليها قبل ماتنام وقعد سولف وكذا يعني ونتم كلكم بتنامون :22: وذا قالت لك ابي انام قلها نوميني بالجوال سولفيلي لين انعس :o ولاتنسى الكلام الحلو |
لا لبسها زي ماهو نفس الايام اللي قبل
كلامها تحاول تسكتني بس اني اعلق فتسكت وهي مكشره وتناظرني بنص عين ومن هالحركات فيه تغير بحركتها بالبيت تجاهل تااااام لي وانا اللي ابدا صارت ما تحب تجلس قدامي او تروح وتجي في المكان اللي انا فيه لاني اقعد اتابع كل حركه وهي تنزعج فعشان كذا ماهي زي اول عادي عندها تروح تجي ولا كان فيه احد نشبت لها قبل شوي وهي تغسل بالمواعين يقالك بساعد وامسك يدها اخر شي حطت الكاسه وقالت غسل وحدك زين واسحبها قلت حرام تكملين معي وارشها بالمويه واعطتني المقسوم ومن هالعلوم انا بطلع بعد شوي انا وهي والبنت بنمشي >>عجبه المشي بخلص من كثر ما امشي وبعدها باروح امسك الفراش ماني بقايم تعباااان |
اقتباس:
:d:d:d الله يسعدكم يا رب بس عاد لا تتوقع إنها بتجي تجري من أول مرة تقول تعبان لا خليك ممثل بارع حتى إذا ما التفتت لك واااصل تمثيلك واحفظ ايش اللي يوجعك بالضبط مو كل شوي تقولها حاجة مرة راسي مرة بطني ترى بتكفشك وقتها وكأنك يابو زيد ما غزيت :25: وحلوة فكرة OnlyHuman9 إذا ما جاتك بالغرفة سولف معاها عالجوال قولها حتى لو ما تسولفين صوت أنفاسك يكفي :18: :: |
اخي نايف
1)رجاء لاتستعمل البنت وتحاول تجلب زوجتك للنوم بالفراش مااضنه حل لاتكون اناني خلي البنت بعيدة عن محاولاتك ان زوجتك تنام معاك مثل ماخبرتك الافضل للبنت تستقل بالنوم لحالها بغرفتها وعوضها بلعب جديدة 2) رتب لسفروخوذ راي اخي البليغ في الخطوات الي لازم تخطيها بعد المهلة الي اقترحها عليك 3)من رايي ان البنت ماترافقكم في هذه السفرة لان من اهداف الفرة تتقرب منها وتتقرب منك اكثروماتنشغل بالبنت او تتحجج بيها بس كي تتقبل فكرة السفر معاك بدون البنت وتقبل تنام معاك بغرفة واحدة وعلى فراش واحد هذه خطوات مهمة لازم تكون مدروسة ومحسوبة نسق مع اخي البليغ لانه عنده حكمة وراي سديد وان شاء الله يصير خير |
ما قريت الموضوع كله بس خطر على بالي
انت ساكن بنفس المكان الي كنت ساكن فيه مع اختها |
اقتباس:
لا .. الأخ غيّر الشقة وغيّر الأثاث :) |
ادخل كل مرة وأبحث عن موضوعك لأقراء آخر المستجدات وما صار لك وإلى أين صرت.. ففيه نوع من التشويق والإثارة.. حاولت أبدي رأئي في بعض المواقف فكانت ردود أخوتي رفقاء المنتدى تسبقني فأكتفي بالقراءة والدعاء لك في ظهر الغيب.. يعلم الله بأننا أسرة واحدة وكيان.. نتواصل ولا يعرف أي منا عن الآخر سوى اطروحته.. ولأن الكلمة أمانة فأنا مطمئن تماماً بما يكتبه الأخوان من حلول من واقع تجاربهم.. .. والله الهاديء إلى سواء السبيل وطمئني عنك.. أخوك/ أنا مندهش |
هههههه الله معك اخي نايف وتنجح خططك كلها يااارب ويجمعكم علي خير ونسمع خبر حلو قريب إن شاءالله
|
-ما شاء الله لا قوة إلا بالله. -أخبار طيبة، وتقدّمات رائعة. -اثبت يا رجل، وزد العيار قليلاً كما قلتُ لك؛ لأني أرى علامات اللين ظاهرة، وإن كانت مخفيّة تحت طابع عدم التقبّل؛ لذا لا عليكَ واستمر في دربك المرسوم، والله يسهّل أمرك. -المشي جميل جداً، ويبعث على الارتياح، والاستئناس في الحديث، وهو علاج فعّال ضد الاكتئاب، ولو جعلت معه عصيراً جميلاً طازجاً لكان أروع. -أقترح ما يلي: 1) الاستمرار على نفس المنهج السابق، مع زيادة العيار قليلاً. 2) أن تذهب لعملك غداً، وتجعل إجازتك يوم الأربعاء؛ لكي يصبح لديك 3 أيام متصلة تعيش فيها جوّك كما تريد. 3) لا يمنع أن تقدم لها هدية مثل ورد أحمر مغلّف بطريقة جميلة. 4) جرّب معها بعض العصيرات الطازجة+تناول معها المكسّرات بعد صلاة المغرب+اجلب بعض الألعاب إلى بيتك للعب معها ولا بأس. 5) اتصل غداً على أم زوجتك عندما تكون زوجتك بجانبك، واطمئنّ عليهم...خلال الحديث ستسألك أمها - بالطبع- عنها، فقل لأمها: يا خالة! أنا وابنتي بدون فلانة -واذكر اسمها- لا شيء، ولن ننسى فضلها بعد الله علينا، وهي نور بيتي، وتاج رأسي... صدقني لهذا الفعل مفعول عجيب. 6) ادعها الليلة أو غداً كي تصليان جميعاً ركعتين قبل نومكما، وادعي في هذه الركعتين بعد القيام من ركوع الركعة الثانية، واجعلها تؤمّن على دعائك، وقل "اللهم احفظ لي زوجتي فلانة –واذكر اسمها-، وأصلح شأني وشأنها، واجزها عني وعن ابنتي خير الجزاء، واحفظ لي ابنتي –فلانة- يا حيّ يا قيّوم". ملاحظة: المرأة تقف خلف الرجل في الصلاة، واحذر أن تقف بجانبك؛ لحديث أنس بن مالك قال: " صليت أنا ويتيم في بيتنا خلف النبي وأمي أم سليم خلفنا " رواه البخاري ومسلم، ولإجماع العلماء على هذا الأمر. 7) التزم بالأوراد التالية: -( وَمِنْ آيَاتِهِ أَنْ خَلَقَ لَكُم مّنْ أَنفُسِكُمْ أَزْوَاجاً لّتَسْكُنُوَاْ إِلَيْهَا وَجَعَلَ بَيْنَكُم مّوَدّةً وَرَحْمَةً إِنّ فِي ذَلِكَ لآياتٍ لّقَوْمٍ يَتَفَكّرُون). -(هُوَ الّذِي خَلَقَكُمْ مّن نّفْسٍ وَاحِدَةٍ وَجَعَلَ مِنْهَا زَوْجَهَا لِيَسْكُنَ إِلَيْهَا فَلَماّ تَغَشّاهَا حَمَلَتْ حَمْلاً خَفِيفاً فَمَرّتْ بِهِ فَلَمّآ أَثْقَلَتْ دّعَوَا اللّهَ رَبّهُمَا لَئِنْ آتَيْتَنَا صَالِحاً لّنَكُونَنّ مِنَ الشّاكِرِينَ). -(وَاللَّهُ جَعَلَ لَكُمْ مِنْ أَنفُسِكُمْ أَزْوَاجًا وَجَعَلَ لَكُمْ مِنْ أَزْوَاجِكُمْ بَنِينَ وَحَفَدَةً وَرَزَقَكُمْ مِنْ الطَّيِّبَاتِ أَفَبِالْبَاطِلِ يُؤْمِنُونَ وَبِنِعْمَةِ اللَّهِ هُمْ يَكْفُرُونَ). -(رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا). -(اللهم لا سهلَ إلا ما جعلته سهلاً، وأنت تجعل الحزنَ إذا شئت سهلاً)...واجعل نيتك هنا أن الله يسهل الأمر بينك وبينها. ::: سأكون بانتظار جديدك يا نايف. أخوك في الله/ حاتم بن أحمد |
الرد رقم 247 يدل انها احست انها بمنطقة الخطر
والحياء بدا يسيطر عليها والخوف من المستقبل القريب احست انها بدت تدخل في القفص وانت تضيق عليها الخناق ارسل لها مسج وقل : انتي الهوا وانتي الروح وانتي لدوا لكل الجروح انتي الدمع المالي العيون وانتي الامل لباقي الروح ترا والله من تأليفي ما اعرف كيف طلعت معي ما حدا يسرقها فقط لعريسنا ابو نايف يا الله ساعجونا شويه ببعض المسجات الخفيفه المبطنه مع انو انكشفت القصه اهم شي ما تتركها تبعد ابدااااااااااااااااا لحين يحصل ان شاء الله |
اخوي نايف ..
ماشاء الله عليك .. فيه تطور واضح .. بصراحه ودي اسألك مع انه فيه تدخل .. انت تقول عطتك المقسوم بعد مارشيتها بالماي.. يعني هي رضت لك تلمسها؟ طمنا عن جديدك.. وحلو فكرتك تسفرها معك وتاخذ غرفه وحده.. |
أتوقع أعطته المقسوم من التهزيء يعني :d :: |
:* سؤال خاص والمعذرة منك هل مازالت زوجتك عذراء..؟!! أم تجاوزتم هذه المرحلة وبعدها تم إبعادك ورفضك..؟!! :* |
الأخ البليغ
لو سمحت سؤال .. وش سر العصير الطازج ؟؟!! مرتين اقرأ لك نصح بالعصير الطازج |
هههههههههههههههههههههههههههههه
انا توي راجع البيت البليغ يا خوك بكره بسوي حركة الصلاه اليوم تعبااان>>كذب الكذبه وصدقها هههه اقصد بعطتني المقسوم يعني رشتني زي ما رشيتها ايه سحبتها بيدها وسكتت لاني غيرت السالفه وكنها بالغلط سيدة الموقف لا باقي عذراء قرين تعجبني ردودك انا مندهش الله يخليك لعين ترجيك واشكرك على الدعاء والله يسر امرك Arab-pearl امين الله يسمع منك وتنجح الخطط كانت الطلعه سوالف واستهبال على تالا وقعدنا نضحك عليها ومن هالكلام سويت نفسي تعبت واني حاس بسخونه ومدري وشو ردة فعلها عاديه ما اهتمت قالت سلامتك وبس بعد شوي بروح امسك الفراش واشوفكم بكرررره |
ماشاء الله عليك الله يتمم امورك ويختمها بخاتمة حسنة وتفوز بزوجة صالحة محبة لك وتنجب لك الابناء
اشتر لها هدية قطعة ملابس داخلية من نعومي او ايتام او غيرها وغلفها لعل ذالك يوقظ رغبتها |
كاني اتفرج على فيلم
بس يارب ما يطول وتجي الحلقة الاخيرة استمتعت كثيرا بالمشاهدة افكار الاعضاء رائعه جدا الله يسعدك ويوفقك يا نايف |
عن جد الله يعطيك الصبــــــر
والله المعيـــن معاك للنهايه ومتابعه احداث القصه بشغف |
عندي فكره احلى
لما تكون حولها سو كانك بتشيل شغله ولا بتضبط فيش ولا اي سبب يخليك تدنق على الارض ثم اصرخ وقل اااااااخخخخخخخ ياظهري ونادها باسمها قل شد عظلي شد عظلي شدي علي من هالجهه وهي تمسك مثلا ظهرك من الروعه قلا لا مو هنا يميين لاا يسار شوي ثم قل هاتي لزقه الظهر الزقيها لي هاتي الكريم المسكن الله يعافيك ولا تتنسى ااااااااااااه كل شوي وانت معفط وجهك ومطير عيونك وبالنسبه لي ارى ان البنت بدى ينطحن الحب الي براسها واعتقد ان مكالمات اخوها يعني بها يلله يارجال شد حيلك معادهيب حاله يلله ور اختي شغلها((عساك فهمتني )) يااااااااارب ياكريم ياحي ياقيوم انك تيسر لاخوي نايف امره وتجيب الاخبار المفرحه يااارب والله اني اكتب وانا اضحك احس اني شريره |
اقتباس:
انتبه اخوي لهالحركه |
من المتابعين بصمت .. كثرة المشاكل بالمنتدى وبالحياة تخلي الواحد يتشجع لكل موضوع فيه نجاح وامكانية النجاح مثل موضوعك
بخصوص ركعتين الصلاة والدعاء أتوقع أنك تشمل زوجتك المتوفاة بالدعاء أيضا .. ما رأيك أخي البليغ ؟ كما أرى أن تتابع أخونا البليغ بهدوء ودون تسرع .. كم يوم مضى من وقت نزلت الموضوع وابتديت ؟؟ شعوري بأنها لم تعد تنفر منك بشدة كما السابق لكن لازال من المبكر أن نقول بأنها ملكت لك مشاعر بقلبها نستطيع أن نعتمد عليها لخطوة أكثر جدية |
اقتباس:
>> مت ضحك لقطيتها ما شاء الله عليك لا تنسين المكسرات و الأكلات البحرية كلها النفعول نفسه :25: |
اقتباس:
صارت بي مفعولها قوي !! |
الخالة الكريمة/ بيتا من وجهة نظري القاصري أنه إذا أراد أن يدعو لزوجته المتوفاة فليدعُ لها بينه وبين نفسه، أو إن كان خالياً لوحده للسبب التالي: وهو أن الأخ نايف الآن في مرحلة تعويد أختها –زوجته الحالية- على نمط جديد، واستدعاء ذكرى أختها في الدعاء قد يعيدنا إلى قريبٍ من نقطة البداية من حيث إثارة الأمر داخلها بشكل كبير، وكأننا نرجع خطواتٍ إلى الوراء، والله أعلم. ::: بالنسبة لموضوع الأخ نايف فإني أرى علامات النجاح ظاهرة إن شاء الله، وما زال لدينا حلول أخرى بإذن الله. |
اقتباس:
|
الله ييسر لكم اموركم ويحفظكم من كل مكروه ياارب ..
متابعه لك .. وخذ كلآم الاخ البليغ ماشاءلله عليه كلآم من ذهب الله يجزاه خير =)) |
-نعم! تستحقين منا أن نناديك بالخالة الكريمة؛ فلكِ وزنك، وقدرك، ومكانتك كأخت كبرى نستفيد منها، ونقتبس منها خبرة الحياة، وأنتِ والدة الكل مع GREEN.
-لا أرى أن هذا وقته في عمل شيء يدل على وفائه لزوجته بل يتريّث؛ كي يأخذ مكانه في قلب الزوجة الحالية، وبعدها لكل حادث حديث. -كلنا متعطّشون للوصول إلى خط النهاية مع الأخ الكريم نايف، لكن الصبر جميل ومحمودةٌ عواقبه. |
اقتباس:
هل سؤالي فيه خطأ ؟ هل لي الحق باستفسار عن شيء طرحته او نصيحه نصحت بها ؟ إذا لم يكن هناك خطأ فلما التجاهل ؟ |
الأخت الكريمة/ ذكريات لا تغيب -ليس الأمر تجاهلاً يا رعاك الله. -باختصار شديد أقول: إن شرب العصيرات الطازجة أمر صحي للبدن بلا شك، وبعضها محسّنة للمزاج، وهي تعطي شعوراً بالارتياح مع المشي؛ للاندماج في الحديث مع الشخص الآخر، وتبعث على الإحساس النفسي بالتشارك في أمر مشترك، والله أعلم. -بإمكانك تجربة هذا. -بعض أنواع العصيرات ربما أنصح بها الأخ نايف إن شاء الله، لكن ليس الآن وقتها أبداً. |
اقتباس:
أفلقني أن مشت عليها :d الله يسهل أمورك يا رب |
الله يسهل أمرك
|
خخخخخ
ياني ضحكت على سؤالك اخت افاق الله يسعدك :) ورحمت البليغ حسيت كل كلمه محسووبه عليه هع اخ نايف اكيد بتقولك سلامتك وانت ماطلبت منها مساعده انسى تسوي شي انت ماتطلبته الا اذا كان مرررض عضاااال بعيد الشر عندى اقتراح خلنا نكمل تمثيل تعبك الى بكرا مثل انك مانمت زين من التعب وقل لها المسي جبيني فيه حراره ولاتترك المسجات ابد |
امس كان شي ثااااااااااااااااااني
فلم عناد وطرف معصب >>هي وطرف يضحك>>انا اول شي بعد ما طلعت من المنتدى رحت ولا عد طلعت من الغرفه وخليت الباب مفتوح وقعدت تقريبا للساعه عشره مربوط بدون فايده شوي الا وتجيني تالا بابا يلا عثاء >يعني عشاء قلت تعبااااان يابابا مقدر اقوم وامكسني تحقيق نص ساعه وليش وكيف ولماذا ومتى ماصدقت خلصت وطلعت شوي الا وتجيني من بعييييييد من باب الغرفه اش فيك قلت تعبااان احس اني مسخن قالت اها سلامتك اجيب لك العشاء عندك قلت ما ابي اتعشى وحدي قالت طيب انت وتالا قلت وانتي قالت بتعشى بالصاله وراحت جابت لي العشاء وحطت لاختنا في الله معي وبعد العشاء بشوي جابت لي حبوب ومويه وحطتها على التسريحه قالت اذا تبي تاخذ حبوب عشان تخف شوفها هنا ويالله انا بروح انام ياولد والله من جدها ماهي ساله ونمت صحيت ع الساعه 2 هدوووء مافيه ولا حركه بالبيت وقتها غسلت يدي منها ورحت للبنت لقيتها نايمه واروح عند امها وكمان نايمه وافكر لما قلتو زيد العيار واروح اخذ لي فراش وبطانيه ومخده واروح المجلس ومن زود القهر لانها ما سالت والبق فراشي جنب فراشها واصكها نومه ما قمت الا على صوت المنبه تبعها وافتح عيوني لاني عرفت انها بتقوم وانا متحمس اشوف وش بتكون ردة الفعل قامت اخذت جوالها طالعت فيه وجت بتقوم الا تصيح صيحه خفيفه يمه بسم الله وتروح تفتح النور تاكدت انو انا طلعت برا المجلس وانتظر انتظر سحبت معد رجعت واطالع بالساعه واقوم ورحت صليت بالمجلس ورحت الا وهي في المطبخ قلت صباح الخير ما ردت قلت ترا نحنا هنا قالت لا ياشيخ وش يعني اقفل المجلس مثلا قلت ليه >>مسوي بريء قالت مدري عنك ليه قلت قصدك عشان نمت جنبك قالت ايه قلت طيب عادي اظن اني ماسويت شي حرام نمت وبعدين كنت تعبان وبيني وبينك غرت من خويي يقول ينام جنب زوجته وانا لا ماترضينها لي صح قالت الله يخلف على امك وتحط لي الفطور ورايحه على المجلس ووراها قلت وين تعالي افطري معي قالت مابي مالي نفس قلت وخري شوي وخرت واسحب المفتاح واخذ مفتاح مجلس الحريم وغرفة النوم وتقول جيب المفتاح ليش تاخذه قلت حتى لو ليته وش بتستفيدين منه قالت كذا ابيه وبقفل الباب قلت طيب احتريني لين اعطيك بعدين شوفيك حيه ترزقين ما اكلتك يوم نمت معك تريني ما اعظ ولا اكل بسم الله على قلبي مسالم ولا انتي شكلك خوافه تخافين مني قالت احلف قال اخاف قال اقول اخلص ترا وراك دوام وصلت معها قدها بتبكي بس ماسكه نفسها غصب عاد سويت نفسي حنون وقلت لها خلاص خذي المفتاح كله ولا زعلك كنت بمزح معك وانتي عصبتي وقعد استهبل واتريق لين ضحكت وطلعت وارسلت لها مسجين حلوين بس صريحه واحد وسايط والثاني احبك على بلاطه اخربتها توقعت تكون ردة الفعل اقوى من تسذا |
استمرررر على هالطررريقه
وتراها يوم كانت بتبكي اتوقع مستحييه :) يلا الله يسهلل |
كمل طريقك مع البليغ
وان شاءالله تنحل مشكلتك |
| الساعة الآن 06:25 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©