|
رد: طليقتي تزوجت
وع كلامك بيقبلون فيني بنات الناس او لاء
انا مطلقة ولو جيت وخطبت ما وافقت وش الرجل اللي ناطل عياله عند زوج امهم وهم كبار اعتقد هذي تحسب عليك مو لك واللي مافيه خير لعياله مافيه خير لبنات الناس |
رد: طليقتي تزوجت
...............
وبعدين الرجال ما سوا شي غلط ، نفسيا مو مستعد غصب هو وبعدين هو ولا طليقته واحد كلهم أم وأب للأطفال وترى الأم هي اللي تربي وقاعدة معظم الوقت بالبيت وتشوف عيالها وتخاف عليهم أكثر من نفسها وتطبخ لهم وتدرسهم وتغسلهم .. يعنيً مافي مثلها لو يدور العالم . فكويس ان طليقها رضي بالعيال والله يحفظهم ان شاءالله قل لن يصيبنا الا ما كتب الله لنا . اخ ساري الله يعوضك خير ،، وانتبه في زواجك الجديد ، (وعامل الأنثى على انها انثى ) تحتاج الى ((حب)) وصبر واحتواء وعطاء. |
رد: طليقتي تزوجت
مافي شك أن الأم أفضل لكن تزوجت رجل عنده أولاد
وماندري كم أعمارهم كيف يعيشون بناته مع اولادغير محارم لهم ما يخاف عليهم من التحرش الله يستر عليهم ويحفظهم |
رد: طليقتي تزوجت
أخوي اشغل نفسك بأي شي ينسيك ، واستفد من أخطاءك
|
رد: طليقتي تزوجت
الأخ ساري الليل واقع تحت الصدمة وهذا لا بدّ يؤثّر على قراراته ونظرته للأمور الحالية والمستقبلية الطلاق بالنسبة له كان أمرا مستبعدا بل كان يراه مستحيل الوقوع ثم أصبح واقعا تصحبه آمال كبيرة بالعودة لكن تبعه بسرعة ما لم يكن يخطر على باله وهو زواج طليقته,,,, يحتاج وقتا تهدأ فيه نفسه ويراجع فيه كثيرا من حساباته ويخطّط بتوازن أكثر لا بدّ له من مراجعةِِ لنظرته للمرأة وللزواج وللمسؤولية بصفة عامّة, كان الله في عونك يا أخي. |
رد: طليقتي تزوجت
أخ ساري أنت تقول انك بعد سنة بتتزوج بإذن الله
طيب ايش المانع تاخذهم بعد سنة ليه تأجل أخذتهم سبع سنين؟ وعن طليقتك وليش فكت الحظر فلأنها تبي تشوف ردت فعلك بموضوع زواجها السريع بداخلها انها انتصرت عليك لأنها تزوجت قبلك فتوقعت انك تبي ترسل لها شي عشان تحس بالنصر أكثر هذا رأيي والله أعلم |
رد: طليقتي تزوجت
اقتباس:
او جايه تنتقديني بهالسرعه ؟ بناتي مو كبار . وحده ٦سنوات والثانيه ٥ سنوات وياسبحان الله . لو اخذت بناتي وجبت لي شغاله . قالو الناس هذا مافيه خير اخذ بناته وهم صغار ولاخلاهم يتربون عند امهم وبعدين ياخذهم . قبل يومين حضرت زواج وكل من حولي والله انهم قالو ابيض وجه انك ماحرمت اطفالك من امهم . وفيه معلومه حاب اضيفها وتأكدت منها . قبل ساعه اتصل بي ابو طليقتي يسلم علي . وقال ياابو ؟ ترى يبقى بيننا الطِيب والعشره . قلت لاتشيل هم . نعم يبقى بيننا الطِيب والتقدير والحشمه وانتم اجداد وأخوال اطفالي . ولاهو انا اللي اجحد العشره الحلوه اللي بيننا . هذي اقدار مكتوبه . والمسلم يرضى ولايعترض على اقدار الله . طبعاً يااخواني وأخواتي اللي تزوجها عنده ٣ بنات وولدين . والوالدين اعمارهم ٦ سنوات وخمس سنوات والبنات صغار .وزوجته الأوله معاه . والرجل على ماسمعت انه مو حق خراب او غيره . واكد لي الخبر اخوال اولادي نهاية كلامي / انتم اخواني واخواتي . فوالله مايجي الواحد هنا بالمنتدى ويفضفض ويشكي همومه إلّا انه هدفه يبغى يستفيد منكم . وانتو ماتشدون على بالنصايح والارشادات إلّا لمصلحتي وأنا عارف . ولكن فيه اعضاء يكون كلامه حارق وجارح . فأقسم بالله هي لو فيها خير . ماكان انا قررت على طلاقها . فوالذي نفسي بيده انها من يوم خرجت من حياتي وتأكدت انها تزوجت . كأنك اخذت مويه وأطفأت بها نار قِدامك . انا ارتحت نفسياً وانشرح صدري . ورب القرآن احس براحه وكأن صخره انزاحت من قلبي . نعم انا اعترف غلطت عليها . وأستفدت كثير وكثير وكثير من هذي الأخطاء ومستحيل وألف مستحيل اغلط على الزوجه الجديده . خلاص انا تعلمت من اخطائي ومستحيل يتكرر الخطأ . وخاصه انا استفدت والله كثير من نصايحكم . والله يجعل كل نصيحه منكم بموازين حسناتكم . فالمسلم مايخذل اخوه المسلم وانتو وقفتو معاي بتوجيهاتكم وانا استفدت . انا من الرجال الكتوم . اخفي همي بصدري. مااحب كثر القرقره تؤمنون بالله ورسوله .(ونعم بالله) من يوم صارت المشاكل بيني وبينها قبل ٩ شهور وتطلقت وتزوجت وراحت والله يستر عليها . ماكلمت احد من زملاي بموضوعي ولااحد يدري عني اصلاً عن مشكلتي . اجي الدوام وتلاقوني اضحك صناعي . وأحاول ماابين نفسي . مااحد له صلاح بمشكلتي . وأنا اتكلم عن زملاي بالعمل . واحنا كرجال . مانحب نظهر نفوسنا ضعوف قدام زملانا بالعمل. انا ماني ضعيف اجلس اشتكي قدام زملاي . انا قررت اشكي همومي واحزاني وآلامي هنا بالمنتدى . لأني الشاهد الله جميعنا بالمنتدى اخ وأخت متعاونين ونسند بعضنا بالتوجيهات . والله العظيم ان لكم فضل بعد الله بأني استفدت كثير بتوجيهاتكم . لكن زعلي من بعض الاعضاء تكون الكلمه كأنها سهم تخترق القلب . خلاص انا غلطت . وانا بشر ماني ملائكه . فالنصيحه امانه تكون بذمتك . ماتكون كلمه جارحه وتطعن بها قلبي . والمشاكل اللي كانت بيننا . زي ماقلتو مو هذاك الغلط اللي هي بالغت فيه . فالحمدلله يمكن شر . والله اراد بي وبها الخير . فالحمدلله على كل حال |
رد: طليقتي تزوجت
اقتباس:
رحم الله والديك اشهدبالله انت جبتها عالجرح عشان كذا . ابغى الأمور تهدأ . وتأكدو إذا النفسيه اصبحت ممتازه وصرت مستعد للزواج فراح استشيركم بأمور زواجي وأمور اطفالي . وإحتمال كبير جداً جداً لو تزوجت الجديده ولو مثلاً بعد سنه الله رزقني بمولود . احتمال كبير زوجتي الجديده توافق اجيب اطفالي معاي وبجيب شغاله . احنا مانبغى نسبق الأحداث . هالحين ابغى استعيد قوتي ونفسيتي اللي تحطمت . زي ماقال اخوي العضو العقل نعمه . صحيح صدري انشرح وارتحت نفسياً . لكن ضروري اعطي نفسي سنه اقل شي لراحتي بعد المشاكل اللي قلبي انهار منها |
رد: طليقتي تزوجت
ابغى الأمور تهدأ . فلاتلوموني على القرارات . انا امر بصدمه . ومزاجي بعد زواجها اصبحت راااايق .وبعض الاحيان المزاج يتعكر عندما اتذكرها. لكن عندما تمر علي الذكريات الجميله . القلب يحن . غصباً عني . فلاتلوموني . حتى قراراتي مااقدر انفذها . اتراجع . عشان كذا انا جالس استشيركم . وتأكدو . كلامكم محل اهتمام وتقدير . لكن لاتلوموني ان حصل مني خطأ بردودي
تحملوني الله يسعدكم هههههه . عندك ١٠ سنوات بيني وبين طليقتي عشنا فيها الحلوه والمُرّه . الرجال ماينسى طليقته حتى لو تزوجت . حتى لو فيه مشاكل متراكمه . تظل الذكريات موجعه . الرجال ماينسى طليقته ولو يمر اكثر من ٣٠ سنه . انت عندك ذكريات وعندك اماكن تزورها وعندك اشياء تشوفها تذكرك بطليقتك . الرجال مايخف عنده النسيان والذكريات إلّا بشيئ واحد اذا تزوج ولقى زوجه تسعده . فأكيد راح قلبه وتفكيره يتعلق بزوجته الجديده . لكن مستحيل ينسى طليقته . تظل الذكريات الجميله لايمحوها الزمن. فمن ناحيت زواجي فيما بعد وموضوع اطفالي.. احنا مانبغى نسبق الأحداث . هالحين ابغى استعيد قوتي ونفسيتي اللي تحطمت |
رد: طليقتي تزوجت
ملاحظه/ معلومه حاب اذكرها لكم
زوجته الاوله واطفالها في شقه وطليقتي ومعاها اطفالي عايشه مع زوجها بشقه اخرى يعني كل وحده بشقه . هذا اللي اكده لي اليوم خال اطفالي وبعد سنه إن شاء الله اذا قررت الزواج . راح استشيركم وابشرو باللي تشوفونه لكن تظل نصيحتك امانه بذمتك . فلاتنصح إلّا وأنت متأكد من كلامك لأني راح اطبق مانصحتني به . والله يسعدكم |
| الساعة الآن 05:02 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©