|
رد: يزعجني النداء ب "يا خاله"
اقتباس:
حتى لو هي زوجة جد جدك خلاص المعيار هو الشكل او السن يعني حتى لو الوحده كبيره واشوفها مهتمه بنفسها ما اجي احطمها بيا خاله ويا جده الا لو كبيره مره مره |
رد: يزعجني النداء ب "يا خاله"
اقتباس:
هم قالوا اللي يشوفونه انك خاله وبس هههههه امزح والله امزح😅 الله يسعدك لا محد قد قالها لي وان بسن العشرين ابدا يمكن رحمه من ربي حتى ما تجيني جلطه او سكته قلبيه |
رد: يزعجني النداء ب "يا خاله"
اقتباس:
خليني كبيره ومهتمه بنفسي ومو مبين عليه العمر ولا العكس انا تزوجت بسن 25 وادري يا مهره ان بعضهم بسن عيالي لكن هم ما ابي اسمعها منهم اتقبلها الى سن 13 14 اما اللي بالثانوي وفوق ما اتقبلها منهم طيب ايش رايك عندي اخت اصغر مني عمرها الان 40 وباقي ما تزوجت وينادونها خاله تحزني والله عاد باقي ما عرفت العيال وينادونها خاله تهون عليه مصيبتي يوم اشوف وضعها |
رد: يزعجني النداء ب "يا خاله"
اقتباس:
ال30 يعتبرونها مدحدره خلاص اما الاربعين فهي بنظر البعض عجوز في الغابرين😂 والرجل بختصار " ما يعيبه الا جيبه" الله يعين |
رد: يزعجني النداء ب "يا خاله"
اقتباس:
المشكله حسيت من كلام البعض هنا اني لو سويت كذا بطيح من عينهم وبظهر بمظهر المتصابيه اللي تنكر عمرها😅 والله ما انكر عمري وكلهم عارفينه بس تشوفيني شباب ومهتمه بنفسي وع الموضه وتجين تناديني خاله😅 طيب راعي الاناقه والانتكه اللي شايفتها واللي بعض بنات العشرين ما يطولون نصها😑 نحتاج تثقيف للمجتمع بهذا الخصوص🤒 |
رد: يزعجني النداء ب "يا خاله"
اقتباس:
ااااه تعب الكلام من الكلام مالنا فكه من الخاله ذي لكن اتوقع والله اعلم ان كلمة خاله مرتبطه بعقلي الباطن"خليني اتكلم عن نفسي" امراة كبيره بالسن وغير متعلمه وحالتها الماديه ضعيفه ولباسها متواضع وووو فصارت كلمة خاله تترجم في عقلي بهذا الحال الذي واقعي عكسه تماما!! تفسير شخصي توصلت له!!! |
رد: يزعجني النداء ب "يا خاله"
مهرة ☺ واضح ان الصحوبية اللي بيننا حتنتهي يختي .. 💔
كوكتيل .. هم شافوني من ورا وشكل الجسم ما يعطي عمر ☺ وبما اني متنقبة .. فيقدرون يشوفون عيني واصلا حتى شكل الجسم يوحي بإن العمر صغير أو كبير استغفر الله بس 🤔 شنقول العمى عمى البصيرة مو عمى البصر 💔 ☺💔 أمي نهاية الاربعين وما يقولون لها خالة ، وانه البنت الصغيرة جداً جداً قالوا لي خالة اكتشفت ان المحيط يؤثر في نظرة الشخص للعمر مثلاً محيطي ينظر للثلاثين انهم كبار! فما بالكم بالعشرين! وهالشيء يقهرني .. دايماً اسمع كلمة خل نلحق نجيب عيال قبل الثلاثين 😂 ماذا عني يا اخوات العرب عمري 27 وما عندي عيال راعو مشاعر قلوب الصغار المشكلة ان انه نفسي كان ودي اجيب عيال ببداية العشرينات عشان يكون الفرق بيني و بينهم صغير 😂😂😂 طبعا عيالي بالنسبة لزوجي عبارة عن احفاد .. الموضوع يا كوكتيل ذو شجون 😂 هههه ترى مزحتج غصيت فيها بس بلعتها 😂😂 |
رد: يزعجني النداء ب "يا خاله"
اقتباس:
بس زين انك بلعتيها يا حلوتي😅 سامحيني على المزحه الدفشه😅 ما تنلامين في حب سن العشرين هو فعلا احلى سن سواء للرجل او المراة الله يطول وجودك بسن العشرين لييييين تملين منه كيف مدري😅 وعن نفسي اعارض فكرة الانجاب مبكر جدا علشان يصيرون عيالي قريب من سني!! ايش الميزه يعني؟! واذا صاروا قريب من عمري بيزيد بعمري لا الا بيعدمون جسمي من بدري هذي الميزه الوحيده🤔 خليني اعيش شبابي واتهنى واجيب عيال على ال25 وفوق اما من امسك خط العشرين وانا حامل ويييع😝 تهني بالجسم البناتي الى سن 25 ثم فكري بالخلفه يعني انتي الان صح عليك تهنيتي بعمرك والحين جا دور التفكير بالحمل وحتى يصير حمل استمتعي باحلى عمر انتي فيه الحين تراه يمر بسرعه بسررررعه😂 لا تضيعين جماله بالقلق على الحمل يا زينه حتى لو حملتي على الثلاثين برضوا لحقتي خير ما فاتك شي وخفي على زوجك يا زينو بفارق العمر بلا دلع😂 |
رد: يزعجني النداء ب "يا خاله"
مااوافقكم
ان سن العشرين اجمل شكليا من سن الثلاثين انا بسن الثلاثين اجمل من كل النواحي من العشرين سواء فكريا او شخصيه او ذوق او شكل ماكنت الفت الانتباه في العشرين كثر الثلاثين ومتطلعه بحب لسن الاربعين وعندي خطط كثيره ان شاءالله وبعتني بنفسي اكثر وخل يقولون عجوزه خاله بالنهايه الي يحكم شكل الشخص وادبه وثقافته وصحته ولياقته |
رد: يزعجني النداء ب "يا خاله"
اني فكرتي غير عنك يا كوكتيل
اشوفك فعلا حساسة 🤔 انا لا أتقبلها ممن هم فعلا ليسو بعمر بناتي فأنا ثلاثينية لكن صديقات بنتي و اللي اكبر منهم بسنتين كذا يسموني و عادي و عادي لو وصلت لسن اكبر و نادوني خاله ممن يصغرني بعشرين سنة يعني لو بكون بنص الأربعين. بتقبلها من بنات بداية العشرين. و هكذا وما احس له دخل بالأنتكة و الاناقة و الاهتمام🌹🌹يا خالة يعني يا مقام امي. مو يعني مبهدلة وما تفهم. شدعوة😅 |
| الساعة الآن 05:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©