|
رد: تأخر الشباب في الزواج وآثاره - نقاش
اقتباس:
لفت نظري رد هادي. انه حنى المجتمعات الغربية. رغم ان مافيه مهر و غيره. نسب الطلاق مهولة. ما رأيك؟ |
رد: تأخر الشباب في الزواج وآثاره - نقاش
كل واحد يمد رجوله على قد لحافه
اللي معاه قرش يسوى قرش واللي ما معوش ما يلزموش. ميزانيتك ضعيفة طق باب الناس اللي ما عندها مانع بذلك ميزانيتك عالية طق باب الناس اللي تناسب احلامك. بس انتهت المشكلة. |
رد: تأخر الشباب في الزواج وآثاره - نقاش
اقتباس:
ماراح اتكلم عن عمر الزواج وارتفاع العنوسه لكن ابتكلم عن تآخير الزواج بشكل عام.. ، بالنسبة للرجل لا احد يلزمك ان تتزوج من عائلة متطلبة ،اذهب للمناسب لك .. اما بالنسبة لعمر الزواج ، وارتفاع العنوسة، فليس سببه التكاليف الناهضة من الزوجة واهلها ف بالنسبة للمهر ، بإمكانك ان تقدم ثلاثين الف ! ، المهر على كيفي؟ اللي يحددون المهر اهل البنت،، بتقولين لا احد يلزمك ان تتزوج من عائله متطلبه؟ طيب انا ابحث عن بنت اطباعها من اطباعي وكل بنت تنساب اطبعاها اطباعي تكون من عائله متطلبه، وش اسوي؟ واذا كنت اببحث فقط عن عائله ماتتطلب فيه احد العضوات ذكرت ان المهر في دولتها وبالتحديد مدينتها تقريباً ٧ الاف ريال وهذا شي كل الناس تعرفه. فليش ماروح لهم؟ لان كل شخص مايرتاح الا مع الناس اللي من طبعه. اطلعي برا المملكه شوفي الطلاب المبتعثين ومن اصدقائهم كلهم او اغلبهم من دول الخليج واذا رحتى لمكان فيه طلاب مبتعثين كثيرين بتشوفين ان كل منطقه تقريباً عندهم تجمعاتهم لحالهم وهذا شفته بنفسي اهل الوسطى لحال واهل الشرقيه لحال واهل الغربيه لحال واهل الجنوب لحال. كما ان المشهور ان اغلب الرجال الشباب اذا طلقة توجهو لبكر ودفعو مهر يمكن اكثر من الاول وهم مايشوفون الجادة ، وهذا خير دليل انه معهم موب ماعندها شيء بداية حياة الشخص الوظيفيه مو مثل مايكون له ترقيات وعلاوات وزياده بالراتب. لو اتوظف معيد بعد خمس او ست سنوات راتبي بيزيد بشكل كبير.. بدال مايكون ٨ بيصير ١٢ تقريباً وبيكون عندي شقه جاهزه بس اجددها وماقد شفت احد من مجتمي يتزوج بكر بعد طلاقه الا واحد اما حفل الزواج ، يستطيع الخاطب ان يقول أنا من ناحيتي سأقوم حفل رجالي فقط وبسيط ايضا ، وان ارادت الزوجة في هذه الحالة فسيتكفلون بحفل النساء اَهلها . ياسبحان الله قبل فتره كلمني اخوي عن قريبه لنا وان الزواج كان بينلغي لان الرجل كان بيخليه عائلي او رجال او يكون النص بالنص. فهذا شي صعب الرجل يحدده اذا كان بيتزوج من مجتمع عنده عادات معينه مع العلم ان الرجل من نفس منطقتنا وابوه صديق لابو البنت. ما الاثاث ليست الزوجة ولا وليها تجار الاثاث ولا تجار العقار ، وهذه مشكلة تواجهها الزوجة ايضا في تجهيز نفسها للعريس الذي دفع دم قلبه ... جميل يعني انا كرجل مسؤول اجهز الشقه وعن تكاليف تجهيز العروس بالعامي عن كل شي؟ و في الحقيقة أنتم الرجال غير مهتمين إطلاقا بمشكلة العنوسة الا اذا برزت لكم فيه مصلحة ، والمصلحة الان تخفيض المهور ع أساس انها هي العائق عن الزواج مع أني ارى انها اقل من معقول، وايضاً التعدد هذه مصلحة ثانية، اولاً، النساء امهاتنا واخواتنا وبناتنا فليش مانهتم لهم؟ بالنسبه لاعمامي وبعض من خوالي يمشون على حديث النبي صلى الله عليه وسلم "أَعظم النساء بركة أَيسرهن مؤنة" لكن اشوف كثير يغالون بالمهر وتكاليف الزواج وتصعيبه وشخصياً مافيه احد من عمري او اصغر مني منهم ولا كان خطبت منهم. بالنسبه للتعدد المجتمع اللي انا فيه مافيه منهم معددين الا اثنين لان التعدد منبوذ عندنا الا بالحالات القصوى ردي عليك مو للعنوسه لكن لتآخير الزواج خليني اكلمك عن نفسي وانتي احكمي بعقلانيه لاني اشوف من ردودك انك تدافعين عن المرأه بزياده عمري الحين ٢٥ سنه وابتخرج بعد سنه ونص ان شاء الله اذا رجعت لديرتي الوظيفه مو مضمونه وكثير من زملائي الخريجين شفتهم قاعدين فتره على ماحصلوا الوظيفه. - خلينا نقول رجعت وحصلت وظيفه على طول.(مع العلم ان معادلة الشهاده وانهاء اجرائات التخرج بياخذ مني اقل شي شهر ونص )وراتبها متوسط مثلاً معلم سمعت انه ٨٠٠٠ ريال وماني متأكد لكن متآكد انه بهالحدود. -على الاقل اول ثلاث اشهر ماراح اقدر اجمع ولا ريال. لان ابي اهدي امي واخواتي واخواني والناس اللي وقفوا معي لين تخرجت. - مصاريفي الشخصيه خلينا نقول ٢٠٠٠ ريال فاتورة جوال على اكل على بنزين على روحات وجيات والتزامات وملابس، علشان اضغط على نفسي واجمع مبلغ اشتري لي سياره وحالياً الاكسنت واللي تعتبر من ارخص السيارات قيمتها ٣٨ الف ريال يعني لازم اصبر تقريبا ست اشهر -الحين ابجمع مبلغ ٦٠ الف ريال مثل ماذكرتي في ردك انه مبلغ لازم الرجل يقدره وانه مناسب وهذا بياخذ مني عشرة اشهر -بعدها ابجمع مبلغ لتكاليف الشقه وخلينا نقول ٤٥ الف ريال مع اني اشتريت لاهلي براد وفريزر وغساله ب٢١ الف ريال قبل فتره سنه ونص يعني هالمبلغ راح نصه على اشياء بسيطه باقي غرفة النوم ، الصاله ، المجلس ، اغراض المطبخ ، والكماليات. مع اجار الشقه خلينا نقول ١٥الف ريال يعني لازم اجمع عشر اشهر -شهر العسل وخلينا نقول وديتها لدبي وبيكلف ١٠ الاف وليلة الزواج سويت شي متوسط ٥٠ الف ريال شامل كل شي. وبكذا لازم اجمع لي مبلغ ٦٠ الف ريال لمدة عشر اشهر. -باقي الهدايا والخرابيط الثانيه وخلينا نقول تكاليفها ابدفعها من الراتب لاني كنت مجمع الباقي. احسبي لي كم المده اللي ضغطت على نفسي. ماشتريت سياره مناسبه لعمري ووظيفتي. ولا فكرت اشتري جوال جديد او لابتوب جديد او اسافر مع اصدقائي او مع اهلي. او اسوي عزيمه او اهدي امي واخواتي. يعني انا ضغطت على نفسي لمدة ثلاث سنوات بس علشان اتزوج بهالحاله عمري بيكون ٣٠ سنه كل هذا بسبب تكاليف الزواج العاليه. بداية من المهر ونهاية بقاعة الزواج. لا تقولين لي اللي مو قد الزواج لا يتزوج.. اجل وش تبيني اسوي؟ لا تظنين ان كل الناس اهلهم يساعدونهم بزواجاتهم ولا تظنين ان كل الناس وارثين. مثال الوالد الله يرحمه توفى وكل املاكه متنازلين لها لاخواتي بحيث يكون تأمين لهم بعد الله. واخواني كل واحد مشغول بحياته وهم مو مكفولين فيني. يعني بدال ما اضغط على نفسي ثلاث سنوات اجمع لي على هداوه وافلها واستانس واتعرف على فلانه واطلع للشارع الفلاني واسافر للدوله الفلانيه. وانا متأكد انك شايفه او سامعه عن سهولة الانحراف في وقتنا. والحين البنات هم اللي يتحرشون بالعيال. لكن انا مابي هالطريق انا شخص ابحث عن الحلال. وبدال مايكون سهل يتم تصعيب الموضوع وتسهيل الحرام. الحين الواحد اذا شاف ولده طالع مع بنت او ممسوك مع بنت مايسوي له شي. والبنات اخر مره ارجع السعوديه رحت للسوق مع امي شفت شي يشيب الراس وهم مع اهاليهم. |
رد: تأخر الشباب في الزواج وآثاره - نقاش
اقتباس:
يا شيخ ينصرلي والدينك.. اخيرا كل الي في قلبي طلعته لي بطريقة دبولماسية... مدري كيف يبون الشاب الي راتبه لا يتعدى عشرة الاف ريال في بداية وظيفته . يتزوج بالمصاريف هذي كلها.. لما الشباب يطولون بالعمر عزاب طبيعي يصير فيه عنوسة.. لأن ما احد يرغب الا بوحدة في بداية العشرينات.. المشكلة هذي حقيقية وشي يصير في المجتمع لكن الجميع غير واعي بحجم المشكلة وماهيتها.. حتى ان الكثيير من شيوخ بعض القبائل قامو بتحديد المهور والغاء الحفلات والاشياء ذات المصاريف .. وعلى حسب ما سمعت انهم حددو المهور ليس لمساعدة شبابهم ! .. لكن حددو المهور لأن كثيير من نسائهم كبرو وماتزوجو فقامو يلحقون على المشكلة.. |
رد: تأخر الشباب في الزواج وآثاره - نقاش
لوهلة اعتقدت المهور لديكم 100 الف وطالع اخي ستيودنت من الاخر
اذا كان مهر الفتاة هو العائق امام زواج الشباب ، وهو كما ذكرت في الموضوع الاخر 50 الف تزوج امرأة سبق لها الزواج ب 20 الف وسنها صغير وماعندها اولاد ومن دور بقا .. هذا اذا كان فعلا مشكله الخمسين الف عظيمة عندك |
رد: تأخر الشباب في الزواج وآثاره - نقاش
اقتباس:
اصبري بعد حتى تتزوجي ممن ترضي به عن حق و يرضى بك ايضا |
رد: تأخر الشباب في الزواج وآثاره - نقاش
اقتباس:
(يذكر أن دراسة سعودية صدرت مؤخرا ، أشارت إلى ارتفاع نسبة العنوسة في المملكة العام الجاري إلى 4 ملايين فتاة، مقارنة بقرابة 1.5 مليون فتاة في عام 2010م، في وقت أرجع اختصاصيون اجتماعيون ارتفاع النسبة إلى غلاء المهور، وتكاليف الزواج الباهظة.) يعني زادت النسبه ١٥٠٪ |
رد: تأخر الشباب في الزواج وآثاره - نقاش
انا سجلت في المنتدى ارد على موضوعك
اولا : العمر وعمر البنت والعنوسة لما اصبح كاابوس مرعب للبنات تقول تعدت 25 غير مرغوبة "لفارس الاحلام " اصبحت عجوز والي تعدت 30كاهله في العمر فندت وقسمت انا ماراح اذكر مميزات والبنت الصغيره والكبيره مااعندي ايمان بكل هذا كلهم بنات ومادات "بكر"مهما كان عمرها والسنوات التي قضتها في الحياة ماايحق لك تفند وتقسم التقسيم المشين ولو نقسم احنا من باب العدل الشاب يااخذ بنت في عمره الي عمره ثلاثين يتزوج بنت من جيله وكذالك العشرين او الفرق سنتين او ثلاث لكن عمره كبير ويجي بكل قوة عين يخطب بنت اصغر منه بعشر سنين وفرحان على ايش !! انجاز خذت بنت اصغر منك بعقد وانت شايب عندها عموما الزواج "قسمه ونصيب" يقولون الله المزوج والفتاة تأخرها لايقلل من قيمتها ابدا هذا نصيبها واعرف بنات متأخرات قمه في الخلق والدين شابات تقيات من انت حتى تقلل قيمتهم وغير مرغوبات اعداد مو قليلة بنات كلهم تزوجوا فوق 25 وخيرة الشباب هذا نصيب وش ذنبها في التأخر هل تطلع تبحث لها عن زوج !! او الاهل يعرضون بنااتهم سلع !! بناتنا مكرمات معززات وانا مع تشديد الاباء في المهور والتكاليف التخفيف ماايزيد الا حالات الطلاق والاستهتار انا زمن قاااسي على الفتاة تأخرت بايرة تزوجي اي شخص لو بريال واذا تطلقت مطلقه وعبارات مهينه وقذف رفقاء بالقوارير ثاني شي الشاب المسكين المعذب تكاليف يتحمل تكاليف بعدين يتزوج عجوز وكبيره لازم يتزوج باقل التكاليف واجمل البنات واصغرهم !!! واذا قلنا راح تكون زوجتك وشريكه حياتك يقارنها بالاجنبية وتتزوج بخاتم الاجنبيه ناامت مع رجال قبله كل يوم لها صديق وراسها براسه في كل شي وبعدين كم التكاليف بقول لك اعلى التكاليف 50مهر 50حفله 20الف ذهب 30شقه 50ايجار 20سفره 220الف اعلى تكلفه !!! لو نقول راتب الموظف 8الف وتوظف في عمر 23 بعد الجامعه راح يوصل 26 مجمع مبلغ حلو وكافي للزواج لكن شاب كل سنة سفره للخارج واستراحات وهذا حال اغلب الشباب بعدين يوصل الثلاثين ويقول ضيعت عمري اجمع المهر !!!! والان بيتزوج ويتشرط على بنات الناس ولازم كل بيت يفتح له ابوابه وانا بشوف البنت اهو وامه وكل بيت يطقونه بدون حياء ومسكين دفع فلوس والان لازم يتزوج بنت في اول العشرين اخر العشرين والا الثلاثين ماتصلح !! رفقا بالقوارير البنت ملزومه تتحمل عاهات المجتمع وامراضه بناتنا بينفجرون قريت مشاركه البنت الي قبل وبنات غيرها كثير انا مااكتب خايفه على البنات من العنوسة الرزق مقسم من فوق سبع سماوات ومافيه انسان بيموت الا مستوفي رزقه واجله لكن اتمنى نكون مجتمع ارقى من كذا كفااية اهاانه لبناتنا مثل الشاب ماايتمنى البنت كذالك تتمنى ولها احلام انسانه مثله مثلها لا نحمل بناتنا شي مالهم ذنب فيه |
رد: تأخر الشباب في الزواج وآثاره - نقاش
اقتباس:
من وضع النسبة ومن اي عمر وكم عدد سكان السعودية وكم نسبة المتزوجين والاطفال والرجال والنساء !!! نسبة لايصدقها الا غبي او احمق هذا الهدف تسعون لهم مثل ماقال الاخ خل الاعلام يهول ويكبر الكل يخدم مصالحه |
رد: تأخر الشباب في الزواج وآثاره - نقاش
اقتباس:
اختي لو ترجعين لردي انا ماتكلمت عن المهور فقط. انا تكلمت عن تآخر الزواج بشكل عام. يعني الواحد مايدري هو يجمع للمهر او لتكاليف ليلة الزواج او تكاليف شهر العسل او تكاليف تجهيز الشقه والسياره الخ. واذا على التدوير انا قلت لك بردي عن الدوله اللي مهورهم ٧ الاف ريال وذكرت لك ليش انا مارحت لهم. واذا على بكر او ثيب.. بردودك مقومه السالفه ليش الرجل المطلق مايتزوج مطلقه مثله.. يعني انتي ترضينها على المرأه المطلقه تتزوج الرجل اللي غير مطلق لكن العكس لا؟ هذا اذا كان فعلا مشكله الخمسين الف عظيمة عندك خليني احسب لك التكاليف اللي ذكرتها بردي علشان "فعلاً" تعرفين كم يكلف الزواج وتعرفين "فعلاً" ليش الزواج مكلف بحكم اني ذكرت لك بردي وليش هذا الشيء يسبب مشكله في "العنوسه" -الاكسنت واللي تعتبر من ارخص السيارات قيمتها ٣٨ الف ريال - ٦٠ الف ريال مثل ماذكرتي في ردك انه مبلغ لازم الرجل يقدره - لتكاليف الشقه وخلينا نقول ٤٥ الف - اجار الشقه خلينا نقول ١٥الف ريال -شهر العسل وخلينا نقول وديتها لدبي وبيكلف ١٠ الاف وليلة الزواج سويت شي متوسط ٥٠ الف ريال شامل كل شي. ٣٨+٦٠+٤٥+١٥+١٠+٥٠=٢١٨ الف ريال ارجو اختي انك ماتفهميني غلط لكن من ردودك افهم انك حاطه في بالك ان الرجل غلطان مهما كان، سواء اللي يسويه صح او غلط فهو غلطان. بردي ذكرت لك تكاليف الزواج كامله واشوف انك رديتي علي بالمهر لحاله وكأن المهر لحاله هو سبب تأخير الزواج. فلا تاخذين من رد كامل جزء بسيط لمصلحة تفكيرك ودعم لنقطة نقاشك وتتركين الباقي. |
| الساعة الآن 12:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©