|
رد: تتأفف من الطبخ و الغسل
انتبه تطرد وراها بيكبر راسها وبتصر
على طلبها ولكن اذا تركتها عند اهلها فترة راح تشعر بالفراغ وتبدا تراجع حسابتها وانا مستغرب من امها بصراحة تشوف بنتها تطلب طلب مالة داعي وساكتة المفترض الزوجة تقرب من زوجها بخدمتة مو تطلب شغالة بس بصراحة زوجتك جاهلة ولاتعرف مصلحتها..الله يهديها ويصلحة |
رد: تتأفف من الطبخ و الغسل
خلها تشيك على الغده تجيب ارهاق وتعب
وش تبي بالشغاله انا عكس زوجتك زوجي يبي يجيب خادمه وانا لا مو ناقصه غثاء حتى بوجود طفلتين قايمين ببيوتنا الحمدلله حتى لو في تقصير مو يوميا ولظروف حمل او تعب اما انها لا تطبخ ولا تنظف ورجل على رجل هذي صراحه غريبه ليش تزوجت تيب حق عليها بما ان الزوج اكرمها وفعل لها وانفق عليها انها تطيعه وتقوم بواجباته اول ماكانت الزوجه ملزومه ب الخدمه لزوجها لان كان في جواري قلها ابجيب زوجه تخدمني وتخدمك ولها حق بالمبيت زيك ان تطمر تشتغل ليل نهار .... والله اغضب من بعض نساء مجتمعي تزعل من سبب تافه .. وملزومه فيه اجل لو جت على المشاكل الحقيقه ايش حتسوي نصيحتي لا تقولها بساعدك عصب عليها مرا ولا تساعد مستقبلا الا اذا رأيت تحسن واذا كانت تبي معامله نديه اجل انتا لا تودي ولا تجيب ولا تسفر ولا شيء تبي نفقه عطها 200 شهريا وقترررر باىنفقه وخلها ببيتها وافصل النت وعطل التي في باقي تقفل الكهرب ههههه بس مو هي تقول مو من واجباتها حتى انتا مو من واجباتك الا النفقه وانك توكلها لا تنسى الخبز والمويه وعب ثلاجتك وخلها تشوف كيف حياة الواجبات ... |
رد: تتأفف من الطبخ و الغسل
واضح الغلط عليها 100% لكن حاول تقنع أمها تفهمها وتشوف حل لبنتها ولايمنع تهدد بالطلاق فقط مجرد تهديد دون تطبيقه لأن الموضوع لا يستحق الطلاق اصلا وبالتوفيق
|
رد: تتأفف من الطبخ و الغسل
نوني الحزينة
ياليت تفصلي اكثر في الغدة الي تجيب ارهاق وتعب |
رد: تتأفف من الطبخ و الغسل
اقتباس:
والنفسيه مرا مو اكيه واذا صار فيها زياده بالنشاط تنحف الوحده وتصير تفكر ب امور كثيىه مخها مايوقف يشتغل 24 ساعه قلق ووسواس وقلة نوم وفقدان شديد بالشهيه وبرضو تعب وخمول غالبا تجي النساء المتزوجات بالحمل او بعد الولاده تجي من شدة الحزن او الضغوطان النفسيه او ك اظطراب عارض وتجي النساء الكبيرات بسن اليأس بعد حبوب منع الحمل تسبب لهم اظطراب على المدى البعيد يقدر الاخ يلحث عنها اكثر في عم قوقل |
رد: تتأفف من الطبخ و الغسل
هي الخسرانه وراح تدمر بيتها
مع أن عمرها 26 لكن زوجتك جاهله ولا عندها ثقافة في الحياه الزوجيه وحسن التبعل الله يعينك |
رد: تتأفف من الطبخ و الغسل
26 سنة متعودة على طبع وماتشتغل ببيت أهلها وتبيها تتغير في 9 أشهر !!!
مدة زواجكم بسيطة.. أعطها حلول: مثلا اطبخي يوم وناكل منه يومين. الجمعة إجازة من الطبخ غرف الضيوف تنظف مرة كل أسبوعين. غرفة النوم والمعيشة تنظف مرتين بالأسبوع أحضر لها خادمة بنظام الأجر بالساعات تساعدها في إنجاز بعض الأمور بحيث يصبح الطبخ أسهل.. مثل تقطيع الدجاج وتفريزه..تقطيع البصل وتفريزه..طحن الثوم وتفريزه.....الخ من المهام الأساسية.. أجلب لها غسالة صحون فالغسالة تخفف عنها الكثير... إذا تحب زوجتك ومقتنع فيها من جوانب كثيرة خذ بيدها لبر الأمان.. أنت جالس تعاقبها على ذنب مو ذنبها.. الخطأ أن أمها لم تحملها المسؤولية وتعلمها شغل البيت.. إذا تريدها زوجة ارفق بها واستخدم كل الحيل التي ترغبها في شغل البيت.. |
رد: تتأفف من الطبخ و الغسل
الله يصلحه ويهديه ويحبب لها شغل بيتها والطبخ لزوجها والتفنن فيه
ويرزق ولدي الي تسر خاطره وتسعده وتشرررفه وتقوم بخدمته عن حب لما اقرأ مثل هالقصص اخااااف تجي وحده وتحسر بولدي وتغثه 😣 |
رد: تتأفف من الطبخ و الغسل
السلام عليكم ورحمةالله وبركاته
أخي الفاضل هادي زوجتك لازالت صغيره في "فهمها"لحياه زوجية جديدة حاول تبسط لها الأمور في عاملات بالساعات تجيبها مرتين او3 مرات بالشهر ،،،مثلا تغسل الملابس وبعضها انت تكويها برا واذا جبتها تبخرها زوجتك وتصفففها بالدولاب ،،الطبخ مافي اسهل منه خصوصا أنكم شخصين اذا طبخت شي لو بسيط امدحها وشجعها اذا دخلت والبيت مرتب ونظيف امدحها لاتهدد بالطلاق على موضوع تافه لا تعطي الشيطان مجال،،وضح لها بأن الحياة ليست حقي وحقك بل أن أسعى لراحتك وتسعين لراحتي وبسط لها الأمور وقول لها أنتِ بنت الرجال ومن أسره والنعم فيها وأكيد ما يرضيك شكل بيتنا ومملكتنا يكون كذا وأظن فيك الخير ، أسأل الله ان يوفقكم ويصلح شأنكم |
رد: تتأفف من الطبخ و الغسل
كلام اختي مكلومه صح
الشركه السعوديه للاستقدام تأجر شغالات 4 مرات بالشهر بمعدل يوم بالأسبوع ب 450 ريال فقط شهريا صراحه تساعدني بااكوي والتنظيف ومو عاله على القلب تجي 5 ساعات بس وتطلع ... بس المواعين والغسيل عندي غسالة مواعين وغسالة اوتاميتك للملابس مريحه جدا احط الملابس واختار الخيارات واخليها حتى اطلع وارجع وهي غاسله ومنشفه الملابس ... وتذكرت نفسي بالبدايات والله ماعرف اسلق بيضه والملابس اختي علمتني كيف اغسل يعني والله البدايات صعبه للي عندهم خدم وماقد اشتغلو ابد والله تعبت واول مارجعت بيتي من شهر العسل وقفت على حوسة الشنط وجلست اصيح مدري من فين ابداء ومن فين انتهي ... وبس حبه حبه وبمساعدة زوجي ومرات يشد ويعصب ومرات يلطف الجو يقول اذا طبختي لي كبسه طلعتك نتمشى ههههه يقايضني .. وبالنسبه النظافه الشخص مايقدر يعيش الا بغرفة مرتبه وصاله مرتبه شيء غريزي وراح تتعلم من نفسها تنظف لما تدخل وتمدح ريحة البيت ورائحة المطهر بالباث والارضيات وكذا خصوصا اذا زوجتك كانت مهتمه بنفسها ونظافتها اما اذا مو مهتمه بنفسها ف والله الأمل ضعيف لان اللي يهتم بنفسه عنده النظافه شيء غريزي رتح تجبرها نفسها تنظف غصب ... اما اخر شيء الكوي الثياب والشمغ ترى صعبه للان انا اغسلها بس وزوجي ياخذها الكواي غالبية البنات الثياب والشمغ برا البيت يكووها .. الأبيض الداخلي والكاجوال والباقي سهله كويها بالبيت ... اكتب لها بمسج طلباتك حرفيا وانك زوج وهذي من حقوقك وشةف ردها وحبذا تكلم امها وتكبر راسها وانك ماخذها من بيت سنع كيف هي كذا يعني الام بتتفشل وتسنعها ماعليك .... كل هذا بعد ماتتأكد ان ماعندها غده او اظطراب داخلي يخليها كسوله وترى احتمال كبير تكون حامل خلها تشيك الحمل انواع النفسيه والكسل والخمول ... |
| الساعة الآن 01:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©