|
رد: عزم ان يطلقني!
يازين
ترى القرصه هذي لاااازم تصحيك وتوعيك تراها لصااالحك غيري من نفسك حبيبتي انا نفس الشي عندي مشكله ويبيلي اني اتغير والقرصه هالمره جاتني جامده خلينا نحاول بإذن الله بننجح دعواتي لك من أعماق قلبي الله يوفقكم ويجمع بينكم على خير ويسخركم لبعض يارب |
رد: عزم ان يطلقني!
ليه موضوع الاطفال مؤجل
منتي صغيره ولا هو اول زواج لك ولا هو صغير تغيري اول وتعلمي البرود وبعد فتره اطرحي موضوع للاطفال يعني لا اطفال ولا دراسه |
رد: عزم ان يطلقني!
الله يهدي بالك زين ويبدل همك سعادة وفرج
اللهم امين ان شاء الله بتفرج وبتزين امورك |
رد: عزم ان يطلقني!
سلبيتك وخوفك انه يتركك وضعفك عارف بالضبط كيف يستغلها ويشتغل عليك ويضغط فيك من هالجانب،،ومع كل مشكله يخوفك من الطلاق والهجران يدري انه نقطة ضعفك ،،تعلمي فن التطنيش،،سوي نفسك مو هامك ولاتفتحين معاه هالسيره ابد لما يجي يتغدا خليك انسانه طبيعيه ومو واضح عليك شي سوى الغموض والصمت،،نظفي بيتك وسوي غداك ووقت جلستكم افتحي التلفزيون على اي برنامج وسوي نفسك تنتظرين هالبرنامج ومتحمسه معاه...
|
رد: عزم ان يطلقني!
كلامي بيكون قاسي زين
تتوقعين ان ماتقومين به سيجذب انتباهه وسيرققه بينما هو صادم ومنفر لزوجك غيري طريقتك كلمة انهرت وسقطت وما الى ذلك سيناريو ممل حد الاختناق بالنسبة لزوجك ليست هذه الطريقة التي يميل بها الزوج الى الزوجه كلما اصبح الزوج هدف الزوجه ازدادت اضطرابا وتنفيرا للزوج في الواقع الامر الوحيد الذي يجعل الزواج ناجحا هو فهم الهدف الرباني من الزواج لا ان نضع له مفهوما من تصوراتنا ونرسم خططنا لانجاح الزواج من خلال اهدافنا منه لن ينجح بل هذه المراه تذهب الى قمة الفشل ثم انك لست بحاجه لدورات للانشغال عن الزوج انت لا تفعلين الامر لتنشغلي عنه بل لتوسعي دائرتك بالوان النعم الربانية التي متعك الله بها من حب الاستطلاع والتعلم والتوجه الفطري لمعرفة الله والميول الابداعيه والحاجة النفسية للتامل والتفكر والصمت وما الى ذلك من حب العطاء مؤسف للغاية حصر نفسك في دور زوجه فقط ممل وقاتل ومغبر وضيق لدرجة الانهيار |
رد: عزم ان يطلقني!
باقي ساعة إلا ثلث ويرجع زوجي من المسجد
قبل لا يروح المسجد كلمني اذا ناقصتني اشياء قلت له الاشياء اللي ناقصه ومن ضمنها بفالو صوص توقعته ما يهتم بس قال لي هذا الصوص الحار ؟ قلت له اي قال ما بجيبه بتمرضين .. المهم رجع عطاني الاغراض قربت منه باودعه " كالعادة / قلت ما بغير برنامجي معاه بمشي مثل قبل " بين على وجهه ان ما يبيني اقرب له اذا رجع اتعامل معاه مثل كل يوم ؟؟ واضح انه مو متقبلني .. ومو متقبل مني شيئ من اللي كنت اسويه له قبل أو اتعامل معاه برسمية ؟؟ اليوم اشعر ان انه اقوى من البارحة بس اخاف اذا شفت تعامله البارد ابتدي اضعف |
رد: عزم ان يطلقني!
اقتباس:
هذا اللي دايما اقوله له .. ما فيه حياة مثالية بدون اي غلط اقتباس:
اقتباس:
ان شاء الله الله يرده لج وتقر عينج برجعته احسن من اول اعيش مثل مخاوفج يا بائعة اخاف ان ما يرجع مثل قبل ان شاء الله يكون درس وتعلمنا منه من لما نزلتي موضوعج افكر فيج.. وادعي لج الله يهونها علينا حبيبتي وترجع اوضعنا احلى من قبل jyh |
رد: عزم ان يطلقني!
اقتباس:
بعدها صرت انه ابي وهو قال تعرفين ان ابي عيال منج وهذا الشيء قلته لج من النظرة الشرعية ان ابي عيال ولا تتوقعين لان عندي عيال فما ابي اجيب منج بس كفاية عندي عيال " من زوجته الاولى " عايشين وضع مأساوي ليش ارجع اجيب عيال معرضين لنفس الموقف .. قال خل وضعنا يتعدل اول وبعدين نجيب .. يا رب تزين.. اقتباس:
فرحتني دعوتج ولج بالمثل حبيبتي |
رد: عزم ان يطلقني!
مشكلتك الاساسيه تكمن في ( تعلقك الزائد بزوجك) متى ماخف التعلق انحلت مشكلتك معاه ..
تعلقك يخليك تدققين بكل تصرف منه وتحسسين من اشياء وبصراحه زوجك متعب والله يكتب لك الاجر على هالجهاد ... اقنعيه بضروره وجود اطفال لان وجودهم راح يشغلك عن التعلق به و غير كذا من حقك تشبعين غريزة الامومه .. لكن مساله انه يبغاك كامله بدون اخطا وعليها يحرمك من الاطفال مو من حقه هالشئ.. كلميه عن موضوع الاطفال بس مو بالفتره الحاليه |
رد: عزم ان يطلقني!
اقتباس:
ويضغط علي به .. حتى لو ما كان قصده سيئ وهالشيء واثقه منه بس لا شعوريا يضغط علي بهالموضوع ... اقتباس:
والأمر فجائي اشعر بالدوار واطيح .. من قوة الضغط النفسي اللي احس فيه وكنت افكر ان هالأمر قد يجذبه .. قد يحنن قلبه علي وفعلا اشوف ان تخليه ينفر مني.. يا انلمتيد من بعد كلامي معاج في ساعدني صرت كل شيء اسويه له حتى الابتسامة انويها قربة لله تعالى وحاولت اخلي تفكيري ان هذي العلاقة تقربني من الله ونتشارك اعمال الخير .. ومتفقة وياه ان من هالأسبوع يوم الخميس نصوم كل خميس هو معاي فيه من الحين لين شهر رمضان .. اشعر ان شخصيتي تُلغى لازم اغير نفسي ككل بس عشان ارضيه .. لازم انصهر عن نفسي وانسلخ عن اطباعي عشان هو يرضى دايماً اتسائل ليش ما يتقبلني مثل ما آنه ؟ اوكي ( بحاول ) ان اخفف من بعض الامور بس بدون ما الغي كل شخصيتي اخاف اقول له هالكلام ... ويقول بيطلقني..! اشعر بالإذلال ان لازم لازم اكون تماما مثل ما سي السيد يبي لوحة مرسومط ومخططة بالملي .... واذا ما صرت جذي فمصيري الطلاق ما اقدر اقول له هالكلام .. لان بيقول دامج تعبانه مني هالكثر انا بريحج وتطلقي مني.. اهل منطقته على طول يتصلون فيه حق الصلح بين الازواج او بين المتخاصمين او او او ودايماً اسمع في مكالماته تريث ولا تطلق والطلاق مو لعبة .. عيل ليش هو الحل لكل مشاكلنا يا ان نتطلق أو ان اتغير تماما وهو سلام الله عليه اللي ما يغلط ! بس آنه اللي اغلط .. يعتقد ان بس هو اللي متأذي مني ما يعرف شكثر متأذيه منه ومن عصبيته ونرفزته على أقل شيء بس الفرق بيني وبينه ان ما اتكلم ما اقول له متضايقة منك ومتأذية منك خوفاً على مشاعره يرفع صوته علي عادي .. يخلي أمة لا إله إلا الله تسمع صوته عادي وآنه صوتي ما اقدر ارفعه بوجهه .. ما ابي اقلل من هيبته واحترامه.. بس هو اللي صح هو اللي مستحييييل يغلط وآنه اللي ابدي بالغلط ولو لا سمح الله هو غلط .. فأكيد بسبب ان انه غلطت وياه دايماً عنده تبرير حق نفسه ولما احشره بزاوية واقول له لو يوم من الايام انقهرت منك يحق لي ارفع صوتي عليك ؟؟ تنرفز وعصب وقال ما احب احد يحاسبني.. طبعاً لأن هو الوحيد اللي له حق يحاسب الاخرين.. هو الوحيد اللي عنده الصلاحية أما آنه فـ لا .. ليش منو آنه عشان احاسبه ولا اقول له انت غلطت او اناقشه بتصرفاته ؟! حشى لله .. معقولة هو على سن و رمح آنه او غيري نقدر نحاسبه ؟؟! مضطرة اكون مثل الطين يتشكل له شلون ما يبي عشان لا يعصب عشان لا يقول بطلقج عشان يحبني ! هو يحصرني في زاوية معينة بس هو فيها ويقول لي تحرري مني! اشعر بالظلم .. وما اقدر اقول شيء .. تكميم افواه وحبس حريات عشان لا يطلقني |
| الساعة الآن 01:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©