|
رد : صعوبة ايجاد زوجة مناسبه لي !
والله الحريم مليان يا متفائل لكن سبحان الله
هي مسألة توفيق و ان شالله ربي يبي يوفقك مع اللي تملا عينك احسن شي انك تدور من الكويت لان اتوقع بعض اهل البلد يستصعبونها ان بنتهم تبعد مع اني اعرف كذا وحدة تزوجت كويتي و عايشين مبسوطين بالكويت وحدة من اقاربي خطبها كويتي مقيم بس اهلها رفضوا لأنه قد يعود في المستقبل البعيد لموطنه الأصلي و ما ينلامون والله على هالتفكير الغربة شينة و البعد موجع لكن اهل ديرتك اتوقع فيه امل ان وحدة فيهم ترضى لانها من نفس منطقتك انت لا تكل و لا تمل دور عند اخوياك جيرانكم القدامى رفيقات اخواتك انت طيب وربي بيرزقك ان شالله بقولك شي اعجبني فيك ماشالله حبيت انك مهتم بالاطفال الصغار مررررة الله يفرح قلبك زي ما تفرح قلوبهم يارب |
رد : صعوبة ايجاد زوجة مناسبه لي !
اقتباس:
والله يا اختي من طلعت الدنيا والحرمة تتبع زوجها وين ماراح بنات ملوك وامراء ورؤساء عرب وغرب راحن مع ازواجهن في محل اقامة الزوج ومن زمان نسمع ان الحرمة الصالحة هي اللي تتبع زوجها وين ماراح!! وشو الاهم لبنتهم زوج صالح والا مكان قريب؟ ثم اني في السعودية والا الكويت والله وسائل المواصلات متوفرة وسهلة وما نقطع الارحام ابد وبنجدول ايام الزيارات وما بيسحسون ان بنتهم ف غربة ثم في النهاية اهلها ماراح يدومون لها!! اهلها زوجها وهاذي الحقيقة انا ما اشرة على الحريم هن يفكرن بعاطفة اشره ع الرجال اللي مايتحرون مصلحة بناتهم في زوج صالح اما الاطفال ف والله انهم اكسجيني بهالدنيا .. |
رد : صعوبة ايجاد زوجة مناسبه لي !
اقتباس:
يا اخ متفائل وش الي يضمنهم ان الشخص المتقدم يصون بنتهم وهي في بلد ثاني وخصوصا اذا كان غريب عنهم ممكن اذا قرايب وعارفين بعضهم المشكله انك رجل بالسعوديه ورجل في الكويت لا السعوديه قادره تاخذ غريب ولا الكويتيه راضيه البعد ، انت بعد ما استقريت تمام رتب وضعك وامورك بعدها الله بيسهل لك الزوجه الصالحه |
رد : صعوبة ايجاد زوجة مناسبه لي !
اقتباس:
ثانياً السؤال عن الرجال عند ربعة وجماعتة ومسجد حارتة ومقر عملة ثالثاً الاستخارة وكفى بالله وكيلاً |
رد : صعوبة ايجاد زوجة مناسبه لي !
بالمناسبة يقولي احد اصدقائي المقربين وهو سعودي صيدلاني ويداوم في الارطاوية
ان جالهم شخص من المدينة المنورة الى الارطاوية بس عشان يسأل عن موظف عندهم خطب بنتة!! ويقولة والله سألت عنة ف منطقتة وف مسجد حارتة وربعة ومالقيت علية الا كل خير!! بس ناقص مقر عملة المسلم يجتهد ويستخير ويتوكل ع الله |
رد : صعوبة ايجاد زوجة مناسبه لي !
متفائل بالله انت معايه بالشي ذا
ترا تحصل بعض مرات ان الاهل يسألون و السمعه تطلع ذهب المسجد و الاصحاب و القبيله و العمل و بعدين تاكلها البنية صارت كثير يجيك مع الرياجيل رجال وش زينه وش معدنه و مع زوجته يفتح الله .... هذا شي مو بيدنا كله نصيب لكن النصيب لما يكون قريب و مر أهون من بعيد و مر تفرق اكيد انا اشوف انو مافي زي الاقارب خصوصا في مثل وضعك لان مناسباتكم مع بعض تلزمكم تروحون مع بعض كل مكان |
رد : صعوبة ايجاد زوجة مناسبه لي !
اقتباس:
بس ثقي وامني بالله انهم ما اجتهدو بالسؤال وماتوكلوا على الله بالشكل الصحيح فيه طرق كثيرة نقدر نطلع فيها خبايا كل رجال ونعرف هو زين والا شين!! مانحتار والله الله يرزقنا والمسلمين كل خير |
رد : صعوبة ايجاد زوجة مناسبه لي !
|
رد : صعوبة ايجاد زوجة مناسبه لي !
السلام عليكم .. ماأعرف أستاذ .. أقربائك فين عايشين في السعودية لكن عندنا في القصيم عوائل كثييييره لها نسب وقرابة مع عوائل في الكويت وربما من نفس قبيلتك لان أغلبهم مرجع قبيلتهم واحدة .. ممكن تسأل وتبحث هناك وأن شاءالله بتحصل الزوجة الصالحة والنسب الطيب , والصراحة كل الي أعرفهم وبينهم وبين الكويت دم ونسب هم أهل خير وطاعة وأخلاااق حتى المهر رغم أني كنت أسمع أن مهورهم غالية طلع غير صحيح هالكلام والمهرعلى قدرة الرجل والصراحة يزوجو الرجال بدون شروط تعسفية ستر البنت عندهم أهم شيئ ربي يبارك لهم .
أخي المتفائل بالله .. الله يكتب لك الخير حيث كان ويرضيك به . |
رد : صعوبة ايجاد زوجة مناسبه لي !
اقتباس:
والله شيء يدعوا للتفاؤل .. انا جماعتي في السعودية محصورين بـ حفر الباطن ، الخفجي ، قرية العليا ، وماهم كثير لكن اغلبية الجماعة موجودين بالكويت .. اما اهل القصيم والله ونعم فيهم وفي تقديرهم لستر بناتهم .. ثقي أني لو ابخص منهم احد ماتركتهم.. شكراً لك.. |
| الساعة الآن 02:00 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©