رد: أنا أنتهيت أعمل أيه أبو حكيم و soqya
 

انا برده مفهمتش السؤال اوي او فاهماه بس مش عارفة احكي ايه ولا ايه ممكن حضررتك تقولي

رد: أنا أنتهيت أعمل أيه أبو حكيم و soqya
 

السؤال بطريقة أخرى ..
هل كل السلبيات التي ذكرتيها والموجودة بشخصيتك ( بغض النظر عن إشكالاتك مع زوجك )
كنت تشعرين بوجودها - كلها أو بعضها - بحياتك من قبل الزواج ؟
أم استجدت - كلها أو بعضها - بعد الزواج ؟
بمعنى ما هي السلبيات الموجودة بحياتك من قبل الزواج ؟
وماذا أضيف عليها بعد الزواج ؟
وهل المسكن كان له دورا بارزا فيما وصلت إليه ؟
صفي لي شخصيتك قبل الزواج كيف كانت , وكيف أصبحت بعده ؟

رد: أنا أنتهيت أعمل أيه أبو حكيم و soqya
 

السلام عليكم ورحمة الله وبركاته
1ـ اكيد كان فيا سلبيات قبل الجواز بس زادت اكتر بكتير بعد الزواج.
اولاـ شخصيتي قبل الزواج كنت متفائلة نشيطة بحب الحياة جدا كنت بحلم اشتغل واكون نفسي وابقي سيدة اعمال كبيرة زي ماما بس ابقي اكبر منها كنت بحب دايما اقعد العب واضحك واهزر مع اخواتي ومامتي برغم اني كنت خجولة اوي لدرجة معرفش اروح اشتري حاجة من السوبر ماركت وانطوائية وماليش اصحاب نهائي وحتي اهلي عمرهم ماكانو يعرفو كل اللي جوايا كنت متدلعة اوي وبصلي وبحاول اطبق حدود ديني بس برده كان عندي احساس بعدم الراحة اتخطبت وخدت المسكن في اول خطوبتنا كنت عادي بخرج كل يوم ومبسوطة وفرحانة ومتفائلة بس اكيد كان في مشاكل بتعدي في حياتي بس كله بيعدي كنت قوية وبعشق الحرية ماحدش يقدر يجبرني علي حاجة حتي اهلي وكنت واثقة في نفسي لاني جميلة ومستوي ويكفي شخصيتي كنت كده.
ثانياـ بعد الزواج اتزوجت بعد خطوبة سنتين كنت باخد المسكن عادي حباية ف اليوم وزوجي كان بياخد اكتر من نص شريط وحاجات تانية كترت بيننا المشاكل ولا سفرني ولاخرجني في اول زواجي واستحملت وكنت بحاول اشجعه يبطل منفعش كانت خناقتنا بمد ايدي عليه واكسر حاجات ف الشقة لاني عصبية اوي من زماااااان وانا كده وكان بيمد ايده عليا مرتين تلاتة بس بصراحة بعد ما ببهدله واستفزه واشتم واكسر مكنتش بقدر ابعد واخد موقف لاني كنت مذلولة ليه بالمسكن هو الوحيد اللي عارف وبيجيبلي كنت غيورة زيادة من المغنيات اللي بيعجبوه وكنا بنتخانق مرة قررت ابعد وماما جت خدتني بعدها بكام ساعة قالي انزلي نزلت وروحت معاه بسبب المسكن يعني برده الذل استغل مررضي وانا عشر سنين. بكهربا زيادة ف المخ وبقي في خناقتنا يقولي ما انتي مجنونة وبرده استغل غيرتي عليه وقال نفس الكلمة عشت وخلاص لا اصحاب ولا اي حد واهي عيشة والسلام ولا كنا بنخرج ولاا اي حاجة كان تايه كنت حاسة اني عايشة مع جماد دايما مسطول وتايه مكنتش بحب اتكلم معاه وولا اشتكيله لانه هيرد انتي مجنونة وبتوهمي نفسك لحد ما زهقت بس ماكانش بيخرج ويسيبني مرة في العيد صعبت عليه قالي هخليكي تجربي مخدرات وانا كنت بشرب سجاير. جابلي معاه وبقيت زيه لحد ما انتهي كل احساس جوايا بالحياة اما بطلت رجعت اتفائل واحس اني عايشة وواثقة في نفسي وهو اتغير للاحسن ف حاجات كتير كل ده اثر فيا لحد ماجيت وكتبت هنا والباقي كله حضرتك تعرفه وطبعا المسكن والمخدرات السابقة اثرت في نفسيتي كتير بس بطلتها من زمان والمسكن حضرتك عارف الحب والمخدرات والخوف من البعد والغيرة كل ده ذلني

انا بقي للاسف مش عارفة احدد سلبياتي وشخصيتي ونفسي افهم نفسي ممكن حضرتك تفهمني واسفة لتعبك معايا بس يعلم الله ماليا غيرك بعد الله اقدر الجأ ليه ربنا يكرمك ويسعدك دنيا واخرة ويرزقك الفردوس. الاعلي مع من تحب اميييين يارب

رد: أنا أنتهيت أعمل أيه أبو حكيم و soqya
 

من الواضح أختي الكريمه أنك عشت عيشة سعيدة عموما قبل زواجك
ولم يكن لديك أزمة ماديه , وإلى الآن لا ألاحظ أن لديك شكوى حقيقية من قلة المادة
ولكن الذي قلب كيانك رأسا على عقب وجعل منك شخصا آخرا بعد الزواج هي المسكنات
وباقي المواد التي كنت تتعاطينها .
المخدرات تذل الإنسان والعياذ بالله أيا كانت قوته وجبروته , ولا تجعلك تفكرين بما يهمك
حيث يكون التفكير منصبا على أخذ الجرعة وحسب , لاستدراك الراحة الوهمية .

الحل هو أن تتركي هذا المسكن عاجلا حتى لا يكون أداة لإذلالك مجددا
لتستطيعي الالتفات الحقيقي لنفسك وتطوير ذاتك , بمعزل عن أي آثار جانبية
تقيدك من أن تعودي كما كنت سابقا .

رد: أنا أنتهيت أعمل أيه أبو حكيم و soqya
 

جزاك الله كل خيرا كلام حضرتك مظبوط بس انا خلاص بطلت كل حاجة وبقيت عادي ليه مش عارفة اعيش عادي ليه مش قادرة اسيطر علي نفسي ولا افهمها ولا اعرف عايزة ايه الحمدلله. حالتي المادية قبل الزواج كانت كويسة وبعد الزواج دخلنا كويس بس كله كان رايح ع المخدرات وبناخد من اهله بقيت الشهر انا من يوم ما اتجوزت ما اشتريتش حتي ايشارب ولا شوز ولا اي حاجة مامتي بس اللي جابتلي بعض لهدايا وده طبعا بسبب اننا كنا بنصرف الاف علي المخدرات شهريا وبعد التبطيل اللي حصل جديد اننا بس مابقناش ناخد من اهله زي الاول بس علي كلامه ان حالتنا لمادية هتبقي احسن وهيجيبلي كل حاجة بس انا كل ده مش فارق معايا وعمري ماطلبت منه اي لبس اوحاجة الا قليل وحاجات بسيطة عشان كده مابقاش فارق معاه احتياجاتي وبصراحة كنت اتكسف اطلب. حاجة بعد المصاريف اللي كان بيصرفها عليا ف المخدرات انا بعت دهبي وبعنا حاجات كتير بسببها بس الحمد لله ربنا ساترها معانا بس انا برده مش راضية عن عيشتي. وهو رافض شغلي.ورافض خروجي ورافض يبقي ليا اصحاب وهو مش بيخرجني كل اللي عليه بكرة هيبقي احسن وبكرة مابيجيش حضرتك الوحيد اللي سامحلي اتكلم معاه بس طبعا هو مش بيقرأ الكلام المهم عندي عايزة حضرتك توصفلي شخصيتي انا اييييه؟

رد: أنا أنتهيت أعمل أيه أبو حكيم و soqya
 

- أنت حزينة على نفسك حزنا عميقا بسبب ما آل إليه حالك من ذل وهوان
واضطرارك الخضوع لزوجك الذي لم تكوني على وفاق معه .
- لديك شعور عميق بأن زوجك استغل ضعفك وحاجتك استغلالا سيئا واضطررت مرغمة
ألا تكوني أنت كيانا وشخصية .
- لم تتمتعي بحياتك كما كنت تتمنين خصوصا في أول زواجك .
- حتى عندما تركت زوجك ذات مره , لكنك خضعت له مباشرة عندما طلبك وأعادك للبيت .
- مشاهدة المغنيات والمشاهد المحرمه , لم يكن باستطاعتك أخذ موقف حازم منها .
- في أغلب أحوالك .. لم يكن أمامك سوى الاستسلام لزوجك في كل شيء والرضا بسلب إرادتك .
- قيسي على هذه الأمثله الكثير من الأحداث الأخرى التي وقفت منها موقف المتفرج
مسلوبة القدرة الحقيقية على الاحتجاج , عاجزة عن التعبير عن سخطك وألمك .
- كل هذا بسبب المسكن الذي كان يوفره لك ولا أحد يعلم بأمرك .
- لا أستبعد أنك تكرهين زوجك جدا .
- الإكتئاب نتيجة طبيعية لكل هذا بالإضافة لطريقة حياتك الرتيبه
لا خروج ولا ترفيه ولا صديقات ولا ولا .... الخ , فقط أهلك وأهله والبيت
حتى النت ممنوع ما عدا هذا المنتدى وأنا !

أختي الفاضله .. لا أستطيع تبرئتك تماما من كل شيء وإلقاء اللوم على زوجك بالكامل
فلو لم يكن لديك الاستعداد النفسي والرغبة في المغامرة والتجربة , لما استطاع زوجك
إقناعك بكل ما فعلت من أخطاء , ولكن أستثني الترامادول حيث كنت تجهلينه .

لي عودة بإذن الله بعد تعقيبك .

رد: أنا أنتهيت أعمل أيه أبو حكيم و soqya
 

كلام حضرتك صح انا. برده مش بخلي نفسي من المسؤليه انا كنت كتير بشجعة ايام التعاطي. اننا نجيب واقوله نبيع تليفون واقوله عايزة ومفيش مرة يقولي نجيب اقوله لا كنت بقوله ايام ماكناا بنحاول نبطل اني ماصدقت انه ضعف بس في نفس الوقت واحنا رايحين نجيب بالذات بعد كام شهر من بداية اني اتعاطي كنت ببقي جمبه ف العربية وقاعدة ببكي من غير ماهو يحس ببكي علي حالي واللي وصلت ليه واادعي ربنا عمري ما كنت مبسوطة بنفسسي ابدا والدليل ان في الاخر بطلت وكنت بشجعه ساعات وكنا كتير بنتكلم عن حياتنا واننا اتخنقنا منها
ممكن فعلا اكتئابي بسبب المخدرات بس برده حياتي ماكنتش مظبوطة قبل ما اشرب بسبب تصرفات زوجي. وشخصيتي العصبية واني كل حاجة بتاثر بيها اوي وبشيلها جوايا ومش بنساها وده من قبل زواجي وسبب مرضي بكهربا زيادة شدة زعلي واني حساسة زيادة ده رأي اهلي فياوشكاكة وكنت عصبية جدا مع اهلي كنت بحلم بحياة جميلة وحب كبير لا تشوبه شائبة لدرجة ان زوجي بيقولي المثالية اللي بتحلمي بيها مش موجودة ف الواقع بدل ما يحاول معايا نحققها .
بس مش معني كده انه وحش اه بكره تصرفات كتير ليه بس بامانة بيحاول برده. يسعدني بس بطريقته كل حاجة مؤجلة ومن وجهة نظره بككره يعملي كل اللي بتمناه مشكلته انه مش حاسس اني انسانة وليا طاقة ولاني كتومة وتعبت من الكلام معاه مش بقوله حاجة رغم انه ساعات مش بيراعي احساسي وبيعمل حاجات تضايقني وهو عارف اني متضايقة بس بسكت واشغل نفسي زي ماحضرتك قلتلي
انا نفسي حضرتك تحلل شخصيتي عايزة افهمها فهم دقيق
واسفة بجد لو بتعب حضرتك وبوجع دماغك بمشاكلي وارجوك لو حضررتك اتضايقت مني ف اي وقت قولي وانا مش هزعل والله وهقدر ده لان لكل انسان طاقة وانا هنسحب
ربنا يجازيك كل خير ويسعدك دنيا واخرة ويرزقك الفردوس الاعلي مع من تحب

رد: أنا أنتهيت أعمل أيه أبو حكيم و soqya
 

أهلا بك ..
إذا كنت تقصدين بتحليل شخصيك .. أن تتعرفي على مميزات وسمات ونمط شخصيتك
يمكنني بإذن الله حسب علمي المتواضع أن أساعدك , وآمل منك الإطلاع على هذا الرابط
وأخبريني إن كان هذا قصدك ..
http://www.66n.com/forums/showthread.php?t=257511

أما إن كان قصدك تحليل وتأهيل نفسي , فهذا لا أجيده .
______________

هذا الرابط عباره عن دردشة نسائية عامه .. ما رأيك بالمشاركة والتفاعل مع الأخوات ؟
ربما تجدين شيئا ينفعك ..
http://www.66n.com/forums/showthread.php?p=3222070#post3222070

رد: أنا أنتهيت أعمل أيه أبو حكيم و soqya
 

جزاك الله كل خيرا انا افضل تحليل زي الرابط الاول يعني من كلامي مع حضرتك وكده تقولي انتي كذا وكذا ....الخ وعايزة كذا كذا .... والمفروض تعملي كذا.... انا الاول وبعدين توصفلي زوجي واعمل ايه معاه
انا بثق في كلام حضرتك اوووووي ربنا يكرمك خايفة اكون بتعب حضرتك معايا
بالنسبة للرابط التاني الاخت سقيا كانت قالتلي عليه رحاولت ادخله لقتني مش عارفة اقول ايه ولا اعمل ايه لاني بحكم انطوائيتي ماليش اصحاب ومش بعرف اقول ايه
ربنا يسعدك دنيا واخرة ويرزقك الفردوس الاعلق امييييين يارب

رد: أنا أنتهيت أعمل أيه أبو حكيم و soqya
 

جزاك الله خيرا على ثقتك ودعائك الطيب .

ابحثي بقوقل أختي الكريمه عن كتاب " بوصلة الشخصيه " وحمليه على جهازك واقرئيه
ثم عودي هنا لنبدأ بحول الله .