|
رد : كيف ازيل هذه الجروح الاخ ابوحكيم/اخي في
يسر الله أمرك وبانتظار جديدك .
|
رد : كيف ازيل هذه الجروح الاخ ابوحكيم/اخي في
تخاصمنا ورماني على الكنبه بقوه بغى يطيح الكنب يقلي روحي لاهلك ماعاد لك جلسه هنا قلت له وديني لاهلي قال خلي اهلك يجوا ياخذوك كلمت امي قالت اجلسي في بيتك واذا مايبغاك يجيبك لنا
انا مو عارفه كيف اتصرف محد يبغاني ؟؟ |
رد : كيف ازيل هذه الجروح الاخ ابوحكيم/اخي في
ما هو سبب الخصام ؟
|
رد : كيف ازيل هذه الجروح الاخ ابوحكيم/اخي في
اخته زارتنا وجالس معاها في المجلس وانا لوحدي في الصاله ومر حدود ساعه ورحت اخذ بنتي من عندهم بغير ملابسها لما شفتهم فاتحين التلفزيون ويسولفون ارتفع ضغطي قلت انتم جالسين هنا ماتبغوني اسمع كلامكم ولا ليش؟؟ قال حديث خاص بيننا وسكت وطلعت ولحقني في الصاله احترمي ضيوفي زي مااحترم ضيوفك قلت وانا قلت شي ذحين طبعا مرره معصب شفته كذا قلت اروح غرفه ثانيه احسن لي قام رماني بقوه على الكنبه قال مانصلح لبعض انا وانتي ومالك قعده عندي طبعا بصوته كله واكيد اخته سمعت تكسفت قلت ماتبيني وديني لاهلي قال ماابي اوديك خليهم يجون ياخذونك وذي المره الثانيه يقول خليهم يجوا ياخذوك
انا ابغى اخرج من هالبيت ماني عارفه وييييييييين أروح ؟؟؟؟؟؟؟؟؟؟؟؟؟؟؟؟؟؟؟؟؟ طابت النفس ماااااااااعاد اقدر اللي قهرني ان بعد ذا كله رحت له لما راحت اخته قلتله تعوذ بالله من الشيطان وشفيك عصبت مااحسب ذا الشي يسويلك كذا ومن عالكلام وكالعاده اهين نفسي واذلها عنده كنت ابي اشرد من البيت لما رحت للمستشفى معاه بس خفت وتحسبت ودعيت وبكيت وأكلت تبن |
رد : كيف ازيل هذه الجروح الاخ ابوحكيم/اخي في
ليش ربي خلقنا كذا يهين الرجال فينا يظلمونا يبكونا يجرحونا يضربونا
نربي اولادهم وبدل مايحترمونا ويحبونا يهينوننا ويذلونناويحرمونا منهم ليش الحرمه مالها قيمه مالها كرامه فيه مسدس في الدولاب واحس بدت الافكار في راسي تودي وتجيب الله يكفيني شر نفسي دعواتكم |
رد : كيف ازيل هذه الجروح الاخ ابوحكيم/اخي في
دخل علي قلي اهلك بيجون ولا لا؟ قلتله اكيد بيجون وش تحسب انت
خرج دق على اخوي الصغير ترك ابوي واخواني الكبار قله تعالوا تفاهموا مع اختكم عجزت فيها قاله اخوي تعوذ بالله من الشيطان والموضوع مايستاهل ذا كله هي غلطت يوم قالت كذا ثاني مره قلها ان بينك وبين اختك موضوع يصير ماتزعل وانت دفيتها على الكنب وخاصمتها قدام اختك وطردتها بعد تعوذ بالله من الشيطان بينكم عيال والموضوع مايستاهل قام زوجي قال تعالوا نبي نتفاهم في اشياء ثانيه قال ايش وراح وقال المشاكل كلها اللي من قبل بيننا لاخوي طيب بالله اخوي لايحل ولايربط الهرجه عند ابوي او على الاقل اخواني اللي اكبر قال اخوي اتركها لين تجيك من نفسها اقنعه اني غلطانه طيب انا مادافعت عن نفسي ولا عرفت وش اللي كارهه فيني الحين جالس في المجلس لوحده من البارح ولايكلمني ولاشي ابو حكيم انا والله اني اعتبرك اخوي ابي مشورتك هل اخربها واتطلق وزي ماتجي تجي ولا ايش ؟ نفسيتي تعبانه يعرف اني اتعب نفسيا اذا سوى كذا وعايدي عنده مافكر ولااهتم وانا اخر همه واكيد ماراح يجي وراح تمر شهور وهو كذا الين مايذلني فوق الذل اللي انا فيه المشكله على ايش؟ وش سويت ؟ وش الجريمه اللي سويتها انا تعبانه حيل طيب غلطت انا غلطت انا بشر انا مو ملك نازل من السما اغلط زي كل الناس اللي تغلط ليش يسوي كذا ليش؟؟؟؟ ليش؟؟؟؟ قلتله انا غلطانه ماكنت احسب الكلام ذا بيزعلك كذا ولو ماني معتبره اختك مثل اختي ماكان زعلت وقلت تعالوا سولفوا معي؟؟ مايكلمني ولا يرد علي طول الوقت اتكلم معاه مايبي يكلمني ذليت نفسي بمافيه الكفايه اهنتها بمافيه الكفايه صرت احتقر نفسي لاني ماحطيت لي كرامه الرجال راميني على الكنب بغى ينقلب فيني ويخاصم بصوته كله قدام اخته وطاردني وفوقها اجي اعتذر منه ومايبي يكلمني |
رد : كيف ازيل هذه الجروح الاخ ابوحكيم/اخي في
السلام عليكم ورحمة الله وبركاته
نعم أنت أخطأت بهذا الموقف واعترفت بالخطأ واعتذرت ولست بحاجة للوم أو لتعريفك بالخطأ . لن أقف هنا كثيرا , وأتناسى مواقف زوجك السابقة معك وأنقلب ضدك ولكن قلت لك سابقا بالرد 53 ستتوالد المشاكل وتبقى , ما بقيت الأسباب وأسبابها بظني لا تزال موجوده , ولا أظنك طلبت تدخل والدته بعد . لا أنصحك بالطلاق أبدا ولا تقدمي عليه , على الأقل قبل بذل محاولات كافيه للتقريب بينكما ولذلك أنصحك بشده بإدخال والدته عاجلا لعل الله ييسر أمرك على يدها . |
رد : كيف ازيل هذه الجروح الاخ ابوحكيم/اخي في
وعليكم السلام ورحمة الله وبركاته
شكرا لتجاوبك معي اخي الفاضل اساله الله ان يوفقك في الدنيا والاخره انا كل مااجي بكلم امه اتردد مررره ماابغى اكلمها اخاااااف ماالقى نتيجه واني بس نشرت مشاكلنا غلى غير فايده بس بحاول اجبر نفسي اوعدك احيان اقول بدل مايأدبني ودي أنا اللي أأدبه وارد الصاع صاعين بهجرانه لي اصلا عايدي ماعاد يفرق معي خروجه من الغرفه مايكلمني واذا يبي شي كلم ولده او الشغاله مايطلب مني اي شي المشكله انه راح يستمر شهور على ذا الحال انا اعرفه ومتاكده انسان حقود ومايسامح ولايعذر ولايغفر حسبي الله عليه |
رد : كيف ازيل هذه الجروح الاخ ابوحكيم/اخي في
لا بد أن تستجمعي قواك وشجاعتك لتقدمي وتفعلي شيئا من أجل نفسك وذاتك
يكفيك ترددا وخوفا من مجهول قد لا يكون له وجود حقيقي ها أنت ترددت سابقا ولم تستفيدي شيء بل زادت ظروفك تعقيدا مما جعل الشيطان يجد مداخل ليوسوس لك بالانتحار أو الهروب أو .... الخ ولو افترضنا أنك لن تستفيدي من إدخال والدته في الموضوع إلا مجرد نشر الغسيل , ولكنك لن تعلمي هذا إلا بعد حدوثه وستبقى بنفسك .. ليتني حاولت وطرقت بابها . يسر الله أمرك . |
رد : كيف ازيل هذه الجروح الاخ ابوحكيم/اخي في
يااخوي معليش مررره ماقدرت اسوي اللي قلته لي احسها مابتنصفني وبتوقف مع ولدها سامحني اذا فيه حل ثاني اعتذر منك حااااولت أجبر نفسي ماقدرت
رجع لغرفة النوم له يومين ينام فيها بعد اسبوع كامل نامه في المجلس وانا ماني طايقه اشوف وجهه ولااعرف كيف اتصرف ؟؟ وش تنصحني ؟؟ انا مررره ساكته مااتكلم معه ولا بكلمه الا في اغراض العيال والبيت يبيني اكون لااسمع لاارى لااتكلم عشان مايزعل مني في شي استغفر الله العظيم لاحول ولاقوه الا بالله احس اني استكثرتها في نفسي لما رماني على الكنبه على غفله الكنب بغى ينقلب بس رده الكنب اللي وراه جالسه اتخيل لو ماكان وراه كنبه كيف بيكون شكلي |
| الساعة الآن 07:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©