|
هلا اختى المتفائله ياحبيلك الله يسعدك على ردك وتفاعلك والله يكتبلك بكل حرف حسنه ويفرج همك ويسخر لك ماتتخلين قد ايش كلامك اسعدنى ودعمنى وبنفس الوقت منطقى والله يرجعلك خطيبك واسمع عنك اخبار حلوة يارب ,,كلامك كله صح وعلى راسى وفكرت فيه لكن الى مضايقنى انه تغير على مرة يعنى تخيلى لى 3 ايام لاحس لاخبر وانا متحمله ماتصل ولا ارسل مع ان بالى منشغل مرة ونفسيتى زفت بسببه واخر مرة قلت اجى على نفسى وارسله مسجات حلوة ويرد باستهزاء وتضايقت من زمان ماسمعت اى كلمه حلوة او تعبير بسيط انه مشتاق بس بالرغم انه مسافر لاهله انا راضيه بس يرسلى يعبرنى يحسسنى انى على باله مدرى الى اطلبه كثير!وصرحت له بالمسجات وقلت تبى علاقتنا تكون كذا ناشفه وتخيلى مارد ولا عبرنى والى ساعتك مانى عارفه وش براسه !الصمت يقتلنى مانى فاهمه هو مل منى اومايبينى او عندة مشاكل الله واعلم والله يستر مرة خايفه وشايله هم ومو حابه ابدا حياتى بتوترات ويمكن انا اسلوبى غلط الرجل مختلف عن المراءة وهذانى جالسه اقرا عشان احاول انى افهمه بس تعبت مرة وكل من شافنى قال انى شاحبه وذبلانه يعنى مابين خوف من كل شى جديد وهم المسؤليه وهو متعبتنى تصرفاته والى يحز بخاطرى انى اتذكر اول الايام كلامه واسلوبه احن مرة انى اسمع كلمه حلوة تطمن قلبى !لكن الحمدالله على كل حال ولعل بالامر خيرة والله يرزقنا الصبروحسن التصرف وتتضح الامور يارب ويتصلح الحال والله يكتب الخيرة _ _اختى اشكرك من قلبى لانك تفاعلتى معى وترجعين لموضوعى لانى بحاجه احد قريب منى هالفترة وانتى مجربه نفس الوضع بشكل عام والله يهنيك ويسعدك ويسهل امرك ويحقق امانيك ويفرجها لى ولك ياااااااااااارب ياكريم _
|
المتفائله_ طمنينى اذ امورك تحسنت يارب وانا بدعيلك ماراح انساك من دعاءى وامانه ادعيلى ان امورى تتعدل وبالتوفيق يارب
|
حبيبتي والله رجعت عشان اعرف احوالك واطمن عليكي عسى ربي يسعد قلبك ويهنيك ومتشوفي شر ابدا .... من الواضح ان الصبر مهو مفتاحك متل ما يقولون وانا والله زيك مااقدر اصبر بس انا هقولك ع شيء اذا دخلتي المنتدى وقريتي مشاركتي هادي ردي علي وقولي اذا ماكنت بالمنتدى يعني وقوليلي متى راح تكوني متواجده ف المنتدى ابغى افهمك ع شيء خاص بعدين لادخلتي انا بحثت كتير ولقيت حل يريحني ويريحك وان شاء الله لما تدخلي بقولك عليه عسى ربي يزيل همك وهمي ويفرج عليا وعليكي وعلى كل بنت مسلمه يارب العالمين .....
اختك شروق ... |
هلا بك اختي الله يسعدك ويوفقك في الدنيا والآخره ياغاليه ,,
اسمعي تغيره عليك شيئ عادي وليس بالضروره انه مايبيك او مايحبك لكن الرجال قلت لك هذا طبعهم ويحبون يستفزون فانتي طنشششششششششششيه ,, انا والله العظيم حاسه فيك وبمعاناتك لكن انتي اثقلي عليه خليه هو في النهايه بيرجع لك صدقيني لاتقولين له شيئ ابدآ خليك عاديه ,, ولاتتعبين نفسك عيشي حياتك اشغلي وقتك باشياء نافعه ولاتخلين سعادتك مرتبطه فيه ,, ولاتخافين من المستقبل تفائلي بالخير وثقي بالله واكثري من ذكره ,, ويااارب تعيشين احلى حياة ويفرج همك حبيبتي ,, واما عني على ماهي عليه لكن بأذن الله لن يحصل الا خيرآ انا اقولك اني بجد تعبت ووالله اني افكر نفس اللي انتي تفكرين فيه,,لكن يمكن تستغربين اني احيان احس الامر فيه خيره مدري ليش ,. فحنا مالنا الا الله سبحانه القلوب بين اصبعين من اصابعه ,, الله يفرجها علينا وييسر امرنا وابشري بالدعاء والله اني دعيت لك البارح ,, الله يسعدك ,, |
هلا اختي
عادي لاتصيرين حساسه في نااس اصلن مايكلم زوجته مايتعرف عليها الا بليله الدخله وانا ملكه ولحد الان ماتكلمنا عادي انتي لاتهتمين وخلاص والي الله كاتبه بيصير بس لاتقولين ماتبيني ومن هالخرابيط اكبري عن هالكلام وخليك ثقيله ماكلمك مو لازم مو شي مهم انتي قوي نفسك وربي يسعدك |
عسوله موت الله يسعدك يارب ويفرح قلبك ويييسر امورك وفعلا انا مو من النوع الصبور ابد ,,ايش الى ودك تقوليه وينفعنا
|
المتفائله _حلو كلامك الله يسمع منك يارب ويستجيب مادعيتى والشهر مبارك مقدما وبدعيلك وادعيلى والحمدالله والشكر لله على كل شى جزيت خير اختى على كل كلامك وتفاعلك
|
اقتباس:
والله يبلغنا واياك صيامه وقيامه ونحن على احسن حال ,, وفقك الله لكل خير وازاح همك وانار دربك .. |
حاولي تثقلي
يمكن مر بحاله ملل حاولي تسحبي عليه فترره هو بيشتاق لك وبيرجع احسن من اول ان شاءالله |
رد : متضايقه من قلة مكالماته وتطنيشه وأهماله
نفسي اعرف ايش صار مع صاحبت هلقصه تعدل الوضع ولا بعده؟؟؟؟
يمنع رفع الموضوعات القديمة يغلق |
| الساعة الآن 03:09 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©