|
اخوي انتبه ترجعها او تكلمها .... ترى هي بتحس بقيمتك .. تعرف ليش؟ لان مستحيل اخوانها بيطلعونها كل يوم السوق وهي متعوده معك تطلع علطول .. ولانك منت موجود عشان تعطيها راتبك ... وراح تفتقد حياتها معك واتصالاتها وازعاجها .. وبتحاتي ليش ماتصل علي؟ معقوله بيطلقني؟ وخصوصا لو وصل لها كلام انك رح تتزوج بتمووووت وبتحاول توصل لك باي طريقه . بس اخوي .. حاول تصبر عالاقل شهر واحد او شهرين .. انتبه تصير ضعيف .. خلها تفقدك عدل وتعرف قيمتك.. وبالنسبه للولد عادي .. اتصل على اخوها وقول بجي اخذ الولد امشيه وارجعه ... وتقدر كل يوم كذا .. واذا تبي تنومه معك قول لاخوها بنومه معي اليوم وبكره برجعه قبل اروح الدوام .. والله يوفقك انا متابعتك :22: |
اقتباس:
الأن هي تركت البيت من 7 ايام,, ولاأحد كلمني وبالنسبه لولدي ان شاء الله بخير وانا مطمن عليه ,, وكل يوم اشاهد الصور والالبومات خاصته.. لكن اتصال عليهم مستحيل.. هي خرجت بكيفها ,,, ترجع بكيفها انا لو قمت مثلاً بعمل شي غلط اخاف انها تكشفه او تخبر اهلها به ويستحق انها تتركني لأجله أوعاملتها معامله سيئه لاسمح الله.. كان حاولت معها ومع اهلها اني ارجعها واعتذر وابوس راس ابوها وامها بعد... لكن الحمدلله واثق من نفسي ولو كلموني عارف ايش اقول,,,, وانا ماخرجت من البيت بالعكس جالس اعمل بعض التعديلات واغير بعض الأثاث والكماليات (يمكن لها ولا لزوجه غيرها الله اعلم) وحتى اهلي ماعندهم خبر عن الموضوع للأن,,, |
خلاص انتظر اكثر لان 7 ايام ماهي كثــير ..
ترى يمكن زعلة زوجتك تطول شهرين .. بس انت تجاهلها .. ولو تقفل جوالك يكون افضل او تغير الرقم وتشيك على رقمك الاول بين فتره وفتره يمكن ترسل رسايل او شي .. بس لما تدق وتلقى جوالك مقفل رح تنقهر .. ورح يغلي قلبها .... ولو تطلع اشاعة انك خاطب .. ورح تملك .. رح تكون النتيجه اسرع .. الله يوفقك وحنا معك .. ويارب يصبرك وماتتهور وتكلمها .. |
اقتباس:
جربت واخذت بنصيحة الأعضاء وطنشتها ماجاب نتيجه بالعكس ذهبت عند اهلها ولاسألت عني ومصره على الطلاق الأن اخبروني ماهي النصيحه الثانيه ؟؟؟؟ لأن التنطيش حرق اعصابي انا مو اعصابها... وانا كل يوم افكر جدياً بالطلاق يعني لاتستغرب بكره اجي واقول طلقتهاااااااااا |
طلبها للطلاق منك إنما هي وسيلة ضغط نفسية عليك، وطريقة لتركيعك.
::: -إن طلبت الطلاق منك مرة أخرى سواءً بالهاتف أو عن طريق رسالة عبر الجوال...فقل لها: هل أنت مصممة على الطلاق؟ إن قالت لك: نعم...قل لها بكل هدوء: إن كنت تريدين الطلاق فعلاً فاذهبي واطلبيه من المحكمة. -إن أتاك طلب الطلاق عن طريق أي أحد من أهلها..فقل لهم: إن كنتم تريدون الطلاق فاطلبوه من المحكمة. ::: أو بإمكانك أن تتخذ الأسلوب الثاني وتقول لها أو لهم: الله سيكتب الخير لي ولها..ولاتزيد على هذه الجملة. ::: عليك بالصبر والدعاء وإشغال وقتك. كن رجلاً فهذا وقتك. بما أنك بدأت الطريق فأكمله بشجاعة ورجولة، واحذر من التراجع. |
اقتباس:
جزاك الله كل خير وفعلاً مالي الا الصبر والدعاء والله يقدرني واكمل الطريق للأخر تحياتي لك اخي البليغ |
اذا الصبر .. منت قادر عليه
روح طلقها طلقه واحده وشوف وش يصير .. لاتنسى تصلي استخاره اولاً |
اقتباس:
اخي الملاك يونا السلام عليكم واحب اقولك انا ولله الحمد طول عمري المشاكل في وادي وانا في وادي ولا في حياتي جيت باب المحكمه لافي خير ولاشر لكن الأن بعد ماتزوجت تجيني المصايب ومن مين اللي المفروض انها تكون رفيقة دربي(حلوه هذي الجمله صح:22:) ومحكمه وطلاق وعندي ولد اسبوع ماشفته... لكن الله يعين بس صدقني عايش مبسوط ومرتاح واصبحت منتج في عملي بعد ماكنت اتأخر بسبب السهر وانام بدري واصحى لصلاة الفجر يومياً وازور اهلي بكثره واشوف اصحابي واروح واجي على كيفي بدووووون تحقيق واستجواب وشك ,,, صدقني بعد الوضع اللي عشته على مدى سنتين ونصف الأن اشعر اني عايش ملك,,, وجالس اخطط للمستقبل وافكر اخطب بعد:14: ولكن ليس الأن لما اوقف على رجلي ثاني والله يعين الجميع |
حـلووو .. سبحان الله انت تفكر مثلي .. انا زوجي مطلع قروووني ولما نتزاعل واروح بيت اهلي احس بالحياه والحريه.. مانحرم من اهلي ولا اقاربي .. وحياتي وحياة ولدي تتغير للافضل .. اذا انت مستانس الآن خلك كذا .. واذا تقدر على زوجتين .. اخطب لك وحده رزينه وعاقله ولازم تسأل عنها وعن أهلها.. بس فيه احتمال كبير ان زوجتك تطلب الخلع عشانك تزوجت او انها تقط ولدها عليك عشان تخرب عليك .. وفيه احتمال ترجع لك عشان تبتلش بالثنتين ومايصير عندك سكن .. فـ أنت قرر اولاً وش بتسوي وهل انت قادر على الزواج قبل ماتطلقها ولالا,, والله يوفقك وحنا معك ^_^ |
اقتباس:
اسف قصدي اختي وليس اخي انا بصراحه مااقدر اتزوج الأن اقل شي بعد سنتين اجمع فيها والحمدلله دخلي الشهري ممتاز,,, تحياتي لك اختي ولكل من تفاعل مع موضوعي |
| الساعة الآن 01:14 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©