|
اقتباس:
ولكن تدري وش مخوفني ؟؟ اطيح المره الثالثه على راسي وقول ليتني صبرت على الثانيه يكون كذا تزوجت 3 محاولات فاشله والسبب = الحظ الردي |
اقتباس:
ولكن انا قاعد اضغط علي قلبي بعقلي واقول مهما كان لالالالالا من باعني بعته ولكن ادخل البيت فاتذكر بعض الايام الجميله فتعود الذاكره للحنين |
أخي في الله،
لقد قرأت ما كتبته اصابعك و قرأت ما نصحوك به الاعضاء. نصائح كلها ثمينة و لكني اقتبست الردود اللي عجبتني كثيرا و اللي هي دليلك لحل مشكلتك بإذن الله. أخي انا متفاجئ انها مطلقة و كذا. يعني معناه مثل ما شُرِحَ لك ان كرامتها لا تزيد و لا تنقص (فش كرامة فش تربية). مستحيل تجد امرأة تطلقت و تزوجت ثانيا و لا تبالي للطلاق الا اذا كان بشخصيتها شذوذا معينا. سبحان الله الكثير مما قلته عانيته مع خطيبتي و أنا طبيعتي مثل طبيعتك، حنون و طيب و كل شئ. لكن خطيبتي الآن بعد الضغط و الكبس استسلمت... معناها ان جاؤها جبل يواجهها و جاؤها من هو اعند منها و اقوى منها. فرضخت لأمر الواقع و جبرت نفسها على الخضوع. بالضبط مثل ما يقولونه لك الاعضاء في المقتبس ادناه. كلمة أخيرة، ان استطعت مواجهتها و ضبطها و اجبارها على أداء حقوقك كاملةً و احترامك كاملا فاكمل معها. و ان ترى انك ما زلت تضعف أمامها و امام حبها فاتركها و لا تنظر اليها و لا تنتظرها لأنها ستستولي على قلبك و تدمر ما عمرته يديك. بالتوفيق يا رب ادعو لك من جو قلبي، اقتباس:
اقتباس:
اقتباس:
اقتباس:
اقتباس:
|
بسم الله الرحمن الرحيم
قبل أرد على أخي الفاضل الجنتل أحب أرد ع من قالوا لماذ تتجسس عليها وعلى من قالوا لماذا تهجرها التسجيل لجل يعرف المشكله وأحيان يكون مفيد لمعرفة مايكنه الطرف الآخر لك وهو لن يصارحك به والهجران إسلوب للتأديب وقد ذكر في القرآن بقول موقف عن التجسس وأنا لآ أحث على التجسس بس حتى تعرفون إنه أحيان يجيب لك حقيقة شريك حياتك إسمعوا انا زوجوني اهلي بالغصب زمان وتطلقت وتقدملي واحد متزوج من 2 ووآفقت أبغى الذريه والوناسه ويوم تزوجته إكتشفت إنه يستعمل حبوب إكتئآب قلت معليه حرام أبساعده يخليهن و والله مرت عليه فتره طويله تاركهن لأني عطيته جو وأساعده وأنصحه وطلعته من بعض الأفكار السوداويه مع إني ..... وربي آعاني من إكتئآب بسبب حظي العآثر الله المستعان المهم كنت اشك إنه مايمدحني عند أحد بس يحب يتشكى مني!! فقررت أتجسس عليه وأشوف ظني به صحيح أم سوء ظن ولآكن ظني صار بمحله كنت نآيمه الصباح وهو صاحي قبلي وماصحاني وجالس بالصاله يتقهوى دق ع خويه وإستلم سيرتي يابو فلان ماتقوم معي وبس نايمه ولاقامت قالت يلا طلعنا وبس تبيني أفرفر بها وماتطبخ لي ومدري إيش أول شي إحنا كنا مسافرين وكنا بفندق والمطعم تحتنا ومامعنا عزبه ومافي مطبخ ولاقام مايصحيني!! طيب غصب عني المنبه مايصحيني لازم احد يصحيني وصدقوني هو يقول خل نطلع ويناديني بحبيبتي وبظهري يتكلم بي ويقول لصديقه بس ماني بمعطيها آكثر من حجمها !! يعني مستحقرني عشان أبوي فقير وهو معليه ماديآ !!؟ شفتوا آحيانا" إحساسك يكون صادق وتنصدم بمن تحبه.. مع إني بس آفكر بـ ولآتجسسوا !! بس الشكوى لله ودكم الرفيق مايجيب طاري رفيقه إلا بخير أو يقوله بوجهه..!! ردي عليك أخوي الجنتل زووووجتك ماتحبك لو تحبك كان بس تتصل عليك بس زوجتك عندها حاله نفسيه تحب العزله تحب تعاااااند لا تتعب نفسك معها نصيحه نصيحه انت توك شاب بتلقى إللي تحبك وتعزك وتعرف قدرك هذي دلوعه وماعرفت قدرك يا تزوج عليها يا طلقها إن ماتعدلت .. عسى ربي يعوضك ياخيي ويوفقك بأطيب منها الشكوى لله لآصرت طيب تلقى من يجرحك الله المستعان ... |
إسمع أخوي بزيد ع ردي الأول بشي وأحس كل النساء يحبون الصفه إللي كذا
إكشخ وخلك رسمي معها وحسسها إنك تقدر تستغني عنها وإنك شخص مرغوب فيه ولاتدعلها بزياده خلها تجي يمك تطلب المطعم والطلعه لاتجلس تراضيها ع شي ما أخطيت أنت فيه ترى الحرمه تحب الرجال قوي الشخصيه يزين بعينها تموت فيه بس لاصارت حاكمته وهو ضعيف شخصيه عندها وربي لو إنه ملك جمال إن تمل منه وماتحبه بس لآصار هيبه تمسكت فيه الرجل بشخصيته لاتضحك معها كثير خلك رسسسسسمي ياخي انت تحبها فكر وش اكثر شي شدك لها مو شخصيتها وغرورها صح لو كانت تبادلك الحب وتتصل بك بس بها قوة شخصيه وغرور كان تنجن فيها آكثر صح؟! طيب خلك رسمي حسسها إنك مليت منها بس لاتصرح لها يعني تلميح وليس تصريح وإذا قالت انت مليت مني قول لا بالعكس وحسسها إنك مال بس ماتبي تقول عشان تعرف قيمتك وتخاف تطير منها إسمع أشكال زوجتك يحبون مايلي وجرب وبتدعيلي: 1-خلك رسمي جدآ جدآ 2-لاتتدخل بخصوصياتها مادامت ولله الحمدعفيفه 3-لاتضحك كثير خلك إنسان عملي خل لك هيبه مو بالصراخ لااا بقل الكلام معها 4-((لاتعطيها وجه)) خلها تبدا بالكلام هي 5-إهتم بعطرك المرآءه يسحرها العطر 6-خلك مغروووور معها لاتصير طيب بزياده 7-حاول تهتم بشعرك لاتربيه بس خله مرتب عشان تأسرها لك 8-أشغل وقتك بالقرآءه إقراء قرآن قصص كتب مفيده 9-لاتراضيها دآيم بعد الزعل لاتراضيها كلمها برسميه وإطلب منها شاهي وآكل وكأن الزعل ماهمك وماتتنازل تعتذر خلها تحس بشخصيتك وإنها إذا ماقدرت طيبتك فهذا وجهك الثاني وهذي حقيقتك بس تنازلك اول عشان تداري خاطرها وبس هذا كل إللي عندي ..أدري طولت مررره بس أحزنني حالك .. إتبع نصآيحي منآسبه للمدام إللي عندك |
أخي جنتلل
ما شاء الله عليكم مرة سنه زواج عليكم حلوه وعشره شهور هي فترة المشاكل بينكم وأكثرها هجر 00 طيب زوجتك أنسانه عنيده وفي نفس الوقت جاهله في الحياة الزوجيه وماعرفت تتعامل معك00 وأسمح لي يأخي الكريم 00 أنت بعد عنيد وأسلوبك معها في النصح أسلوب أمر 00 فهمتها00 علمتها 00 نصحتها00 هددتها00انذرتها00كلمت أمها00 وكلمت أختها00 و كأن زوجتك طفله لاتعرف شيء00 الأجازه ،، تاركها شهر ونصف عند أهلها وأنت تعرف أمها وتصرفاتها وفي نفس الوقت المده الطويله والبعد تسبب فجوه بين الازواج على الأقل اسبوع كفايه تشوف أهلها وتطمن عليهم ومن كلامك وطرح مشكلتك أكثر مشاكلكم جات بعد الاجازه هاذي !!! عدم ردها على مكالماتك وتصريفها لك 00 بأسلوب منك وهي في بيتك تنصحها وبحب وغزل وتبين انك تبي تطمن عليها أو محتاجه لشي عند أهلها 00 عدم طبخها عند أهلك وسبب كثير من المشاكل لك 00 قلها أنا أحب طبخك ومشتاقله ياليت تخصصين لك يوم علشان خاطري أكل من طبخ يدك 00 أنت غلطت بتسميعك الشريط المسجل لوالدها 00 كان سمعته زوجتك وقتها وكذا بتخجل منك وتمسك عليها وتفاتحها وش انت مقصر فيه عليها علشان تقول كل هاذا الكلا م الجارح00 أخي الكريم 00 زوجتك غلطت وأنت غلطت 00مافيه بينكم كلام مصارحه كله عناد في عناد 00 صدقني زوجتك طيبه وحساسه بس مغلوب على أمرها 00 وأنت ماعرفت مفتاحها ولا نقطت ضعفها 00 ومهما كانت المرأه عنيده بكلام الحب والرمانسيه والمسايس تنسى كل العناد الي فيها00 مثل مأنت تقول عنها عنيده وماترسل لك0000 تلقاها مثلك تقول عنك عنيد وما يتفاهم معه00 لاتطلقها 00 حاول معها مره ثانيه وعطها فرصه 00 ولاتقول ضعف في الشخصيه بل كرم منك حاول تغيرها للافضل وأن شاء الله تتعدل وتصير لك الزوجه المطيعه المحبه00 انت مطلق وهي مطلقه 00 حاولو تعدلون أخطاءكم 00 وتستمرون في حياتكم 00 توكم في بداية زواجكم والمشاكل تصير بين الازواج أكثر من كذا 00 أعتذر على الاطاله 00وتقبل مروري00 تمنياتي لكم بالتوفيق00 |
اقتباس:
نعم لقد كانت كلاماتها كالصعق الكهربائي والله لم اكن اتخيل اني مع انسانه تسمى زوجه لم اذكرها مع أهلي الا بكل خير او ببعض الامور التي لاحضتها وقد رفعت ضغطي اقول لاهلي كلام عادي اما اني اتفوه بكلام لا يرضي الله ولا الناس والله كنت ادافع هنا امام اهلي والتمس لها العذر امام اهلي وانا اعلم انها جابت العيد اكثر من مره بس حباً فيها ولكن لا حياة لمن تنادي شاكر مرورك واطراءك عسى الله يوفقك |
اقتباس:
سلمت اناملك لقد كتبتي كل ما هو مفيد واحياناً غير مفيد لبعض الحالات انا اعترف بأني كنت مخطئ في بعض الامور التي جعلتني اوصل للنهايه بسرعه ومن بعض الامور الي كنت غلطان في فيها : - كنت دائم من يبداء بالاعتذار -كنت طيب مره معها والبي لها كل شي تبيه - كنت اسولف واضحك معها على اني ابقربها ونسير انا وهي اثنان بلا حدود - كنت ابدي اهتمامي لها والله وكنت احاول اني ما زعلها - حصل الي حصل وكنت ابي اعدلها بعد ان شفتها ماسكه طريق سريع مظلم ولكن لا حياة لمن تنادي |
اقتباس:
أختي الفاضله احترم نصحك وتوجيهك ولكن دون الحكم على ولم تعرفي ادق التفاصيل تركتها عند اهلها تلبيه لرغبتها لانها تعشق شي اسمه تجلس عند اهلها تركتها لان الفتره هذي بدايتها نهايتها زواجات لاخواتها اعرف حريم يجلسون بالسنين عند اهليهم ولم يتغيرو يا اختي الفاضله والله ثم والله أني قلت لها اكثر من مره اطبخي عند اهلي شاركيهم ابيهم يحبونك يعزونك يقلون ما فيه بالدنيا مثل زوجتك مدحتها قلت والله ما فيه زي طبخك في هذه اللحظه دخلت مرحلة الغرور والعناد فترد برد يسود الوجه او تطنيش او تصريفه او او او اذا كان هذا بدايه زواجنا وهي انسانه(مطلقه) اجل بعد العيال وش راح يصير؟؟ بعد مرور10سنوات وش بيصير؟؟ كلمتها بالبيت وبغاير البيت بحب وغزل وعاطفه والله حتى وانا وهي في الفراش ومروقين نصحتها وقلت لها وقتها تجي هي تقلب الامور وتضعني انا الغلطان وهي الصح تعبت انسانه بالعربي احبها بس اقدر اقول انها (انسانه مدري وش تبي في الحياة) |
عموما اخر المستجدات بعثت لي برساله موبايل بعد مرور شهر من الان ولم اسمع صوتها او ترسل حتى رسااله وهي عند اهلها وتذكر لي بعض الامور التي عاشتها معي والذكريات التي قضتها معي وانها هي التي صبرت علي وعلى بعض تصرفاتي وووووو كلام كثير وتقول الامر لك يا استمرار يا طلاق ((الي رفع ضغطي لم تعتذر ولم تقول انها اخطائت او انها سوف تفتح صفحه جديده )) يالله يا جماعه يعني فيه نساء هكذا كبريا وعرور وعزة نفس حتى لو على حساب مستقبلها؟؟؟؟؟؟ أمر عجيب |
| الساعة الآن 11:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©