|
noora - سحابة الصحراء - رزان - روح لا يمسها عابر - الجليله .
أنار الله دروبكم وشكر سعيكم . مستجدات .........ولا أعلم أأضحك لذلك أم أبكي : أرسلت لي مسج على الجوال نصها : " يا حلوها حياة العزوبية بس لو مكمل جميلك وماخذ فلانه ( تقصد بنتنا ) كان عال العال " والحمد لله رب العالمين . |
خذ بنتك منها مدام هذا ردها لانها ماتعرف من الامومة غير اسمها
ولاتخليها تشوفها لانها ماتستاهل ورسالتها احتفظ فيها لاتمسحها نهائيا خليها شاهد عليها مااقول غير الله يعوضك ويخلف عليك انت وبنتك |
أنت رجـال حُـر كيـف ترضى على نـفسك كل ها الذل و الإهـانه الإنسان يتـزوج عشان يعف نفسـه و يستقر نفسياً و جسديـاً مو عشان يـنذل و يـنهان بها الشكـل ..!! أنا ماني شايفـه في قصتك أي إستقرار و لا فيه حتى مـوده و رحمه مدري كيف ساكت على نـفسك إلى الآن ..!! الله يـفرج همك |
اقتباس:
اخي ما هذه الرسالة الا نيتجة ان قلبها محروق وتبغي تستفزك خلك على ما انت عليه يا اخي ولا تقول تعبت و مللت الحياة الزوجية يبغي لها طولة بال وسعة صدر وتروي اعرف انك بعد هذه الازمة واذا تصرفت بطريقة صحيحة ...راح يكون درس لطول العمل لزوجتك نعرف انك تعبان ولكن ما بعد التعب الا الراحة ان شاء الله قوي قلبك اخي ...وخلها الى ان تعتذر ...واذا اعتذرت اجلس جلسة مصارحة معها ومع امها واخوانها و تفاهموا على كل شي عشان يكون فيه شهود عليكم وربي يعينكم ويجمع شملكم |
لايهمك المسج الاخير استفزاز
وبنتك خذها عندك ..واحقرها ولاترد عليها خل تفاهمك مع أخوهااااا قالت لك ياحلو العزوبيه معاناة انك مبسوط بعيد عنها وهذا الي قاهرها تبي تمسكك من يدك الي توجعك (بنتك)بس خلك اقوى منها وخذ البنت ولاتسأل واذا طلبت منك تشوفها ماطل فيها ولاتوديها بسرعه ...لانها تبيها بينك وبينها وووصل وماتبي تقطع فيها الله يهديها شايفه الزواج تكبر وتعالي وماعرفت شئ اسمه موده ورحمه بين الزوجين |
اقتباس:
شكراً أختي الجليلة ... ولكن اسمحي لي واضح من سياق الرسالة أنها تقصد نفسها بأنها مرتاحة بحياة العزوبية ...مو قصدها أني أنا اللي مرتاح . |
ولااااااااااااااااا يهمك من قصدها ولو ماتهمها ماقالت لك هالكلام
تبي منك ترجع لها وتحسسها بقيمتها زي قبل ومعنى المسج انها مبسووطه بعيده عنك لا والف لاااا تلاقيها تعض اصابعها ندم من الي سوته بس كبريائها يمنعها من الاعتذار زي ماانت وياجبل لايهزك ريح والأيام راح تثبتك من الصح ومين الغلط المهم الحين تكلم اخوها وتاخذ بنتك ولاتنسى تقوله ان اخته هي الي طلبت منك تاخذها حتى تطيح من عين اهلها مررره وحده |
بصراحه رسالتها تدل على مدى وقاحتها و استهتارها بالحياه الزوجيه و عدم احترامك ..
|
نصيحتي
خلي الرسالة عندك .. احتياط لا تمسحه .. و لا تاخد البنت و طنشها أكثررررررر من قبل .. بقي القليل و بإذن الله يطيح الحطب اللي في راسها ،، هي قالت كذا علشان تبغاك تتصل عليها و تبغى تستفزك أكثرررررر .. هي محروقة من حياة العزوبية تبعها .. لا تحسبها مبسوطة .. - هي تبغاك تنقهر من رسالتها و تنحرق و تروح تاخدها من عند اهلها تبغى تبين لك إنها مبسوطة من حياة العزوبية ،، و صدقني إنها محروقة و مقهورة لكن ( تكابر ) و غرورها مانعها من انها تتصل أو تعتذر .. و لو انك اتصلت و رجعتها دحين ما راح تستفيد شئ و هي راح تزيد اكثر من قبل لكن لو إنك طنشتها كمان ،، راح تندم بعد فترة و راح تعتذر .. انت لا تطلع اشاعة و لا يحزنون حاليا ،، خليك على ما انت عليه .. و لو تقدر تاخد امك و ابوك و تسافرواا يومين و ترجعوا .. صدقني راح تفكر مع نفسها و تاكل في نفسها و تعرف إنك مبسووط و إنها ما همتك ابداااااااااااااااااااااااااااااااا .. و انه غيابها ما يأثر فيك نصيحتي لك : - لا تاخد البنت و اعتبر نفسك ما شفت الرسالة .. هي بتلوي ذراعك .. و تستفزك و تعرف كيف تلعب بأعصابك لإنك زوجها - خذ لك اجازة يومين ، او يوم الخميس و الجمعة سافر مع أي أحد من اهلك و لو تكون وحدة من اخواتك أفضللللللل علشان النقطتين هذولا راح تخليهم تندم و تتوب ما تكسر كلمتك قدام اهلها و تحترمك .. إذا انك رجعتها دحين فراح تسبك بكرة النهار قدام امك و ابوك إذا دحين طردتك من عند بيت اهلها و قدام امها و اهلها عارفين انها غلطانة صدقني |
اقتباس:
أخي العزيز احنا حريم ونعرف بعض زيييين ..... ما دزتلك هذا المسج الا من الحرة ...حرة الحقران ...ليش انك حاقرها ومطنشها ومو معبرها .... صدك وحقرانك راح يذبحها ..... يبيلها وقت وراح اتعرف الدرس عدل خلك صابر آخرتها ان شاء الله انت الربحان .... اخي الكريم ما يحر الزوجة ويقهرها الا الصد والحقران والتطنش ..... الحين فكر برضا امك وابوك خلك على علاقة مستمرة معاهم ... لان الوالدين دائما قلوبهم طيبة ماراح يتركونك بين نارين .... زورهم واجلس معاهم من غير ما تفتح اي موضوع عن زوجتك .... حتى زوجتك اذا درت ان العلاقة شبة مقطوعة بينك وبين والديك راح تفرح وتنبسط لانها تشعر انك باقي عليها والدليل زعل امك وابوك عليك .... خلها تستوعب ان امك وابوك ابدى منها وان رضاهم اهم منها .... اتمنى من الله ان يجمعكم ويلم شملكم ويجعل زوجتك لك كما تريد ان شاء الله اللهم الف بين قلوبهم واجمع شملهم .... |
| الساعة الآن 09:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©