|
مثل ما كتبت
البنت سامعة شئ عنك |
يعني فعلا طلعت البنت مضغوطه منك بشكل او بآخر
يعني فعلا طلعت البنت مسكينه ومالها ذنب يعني الحمد لله لا لثمتها ولا شغلها ولا ماسنجرها ولا ولا ولا ... له خص في اللي صار بينكم استوعبتوا ياللي مسووين لي فيها اني ألمع البنت واني واقفه معها وماخليتوا بلوه الا ولزقتوها فيني وفيها ما اقول الا الله ينتقم لي من كل اللي غلطوا علي عارفين انفسهم .. قادر كريم عموما اخوي فيه كذا غلطه انت ( ناوي ) تطيح نفسك فيها وعن سبق اصرار وترصد ... ليه ما بتتصل عليها؟ مين قال لك انت البنت هي اللي بتتصل وتفهم منك وش صار معك اول؟ بدليل انها فضلت الطلاق ... يعني مستحيل مستحيل هي تبادرك .. نجوم السما اقرب لك في هالحاله ... ولسا حتنتظر؟ مين المفروض يفهم الثاني ويبادر؟ هي والا انت ؟ مين اللي لازم يشرح ويبين ويفهم ؟ وانت عارف انها خجوله ومع ذلك تقول لن اتصل في حياتي اذا ما اتصلت !!!!!!!!!!!! انت تقول ان فيه اشياء خطأ حصلت ما توصل للطلاق... مقياسك غير عن مقياسها .. في امور الحياه خذها قاعده .. مو كل شي تشوفه عادي عندها عادي والعكس... وعند الناس مو بس هي... تقول ان فيه لغوصه في الكلام .. وش دراها هي؟ اذا انت مابينت!!!!! تقول ان فيه اشياء مغلوطه واشياء لها مبررات ... ارجع واقول وهي وش دراها ومو شرط مبرراتك تكون مرضيه لها... القصد والخلاصه ... كلمها وياليت تروح لها يكون افضل وبين لها كل اللي صار .. واذا على كلام الناس فبما انك مطلق فشي اكيد انه بيطلع كلام خلها تحط هالشي في بالها وانت اعمل حسابك ان جميع تصرفاتك تكون مدروسه وتكون في الخير ... عشان لا تتعب ويحتار عدوك فيك |
نسيت حاجه ثانيه
لما جيت طرحت الموضوع انت استبعدت اي سبب لنفورها انه يكون منك لدرجة ان البعض تخيل انك كاااااااااااامل وهي !!!!!!!!!!!!!!!!!!!!!!!!! فخذها قاعده لما تحب تحل مشكله .. حط 50% عليك و 50% لك وسلامتك |
أخي الكريم إتصل عليها أو أرسل لها رسالة على جوالها مختصرة تذكر فيها أنه قد بلغك كلام عن سبب رفضها للزواج منك ،و أخبرها أن من حقك عليها مناقشة الموضوع معك ليتضح اللبس الحاصل ، و أخبرها أنه بعد النقاش هي بالخيار إما الإتمام أو الإنفصال صدقني بعد هالكلام راح تقتنع فيك وتبادر هي بالنقاش معك |
السلام عليكم .....
اخي الكريم ....اولا لماذا تجعل حياتك ومصيرك مع شريكة حياتك استطلاع هل النسبه سوف تغير شئ في حياتك ؟؟؟ احسست انك مرتبك وفعلا رايح جاي ..... اجلس جلسه صريحه مع نفسك واسألها هل انا تسرعت في الاختيار؟ هل تصرفاتي معها صحيحه يعني كثرة الاتصالات ....الدخول عليها بالماسن اتركها على راحتها .... يمكن ماتبي تدخل معك على قولتهم في العميق ..... اذا بديت حياتك في شك صدقني راح تنهار حياتك الزوجيه المفروض تقطع الاتصالات واذا حبيت دق بالشهر مرهـ الحمدلله ماكلمنا غير الشوفه الشرعيه وعايشين.... لاترتبك في حياتك ....الزوجه شريكه ....أم ...أخت لاتكن برج مرقابه تنظر لهاوتتابع ....انظر للجانب الايجابي فيها اتمنى ان افدتك ولو بقليل ..... تقبل مروري ....... |
بسم الله
اوافق مشكلتي اصدق في كل حرف قالته راي سليم وفي محله.. وانا بعد اقولك هي مستحيل تبادرك وتبدي بالخطوه الاولى انت روح لها وفهمها كل شي ووضح لها الخطأ من الصح فاللي انقال وبرر اذا كان عندك مبررات اذا هي فتنه فهمها هالشي ومن بعدها خلها تفكر وتقرر الله يكتب لكم الله فيه الخير |
أرسل رسالة تقول بها المعنى التالي : أيش رأيك تكتبي ماسمعتي عني من كلام (قبل يوم الملكة وبعده) وأنا سوف أرد على كل نقطة تذكريها بما يرضي الله سبحانه وتعالى.
جرّب الرسالة هذه أولاً كي تبعد عنها الإحراج المباشر وإذا مانفع هذا الحل (أنتظر يوم أو يومين) أطلب انك تقابلها وحتى لو كان موجود أحد أقاربها ويفضل أمها ووضح الامور كاملة والله يوفق بينكما |
اخي رايح جاي لالاتركها كلهما لأنو لو أنا مكانها بفسر انقطاعك عن الاتصالات شي اخر اما انو الكلام صدق ولاتبي تنحرج مره ثانيه وتكلمها لانك عارف ان هالشي فعلا فيك <<من وجهه نظري كبنت
والا لو انه مافيك هالكلام واكيد مغلوط فيه فاكيد راح تحاول اقل شي تبرر <<صح والا لا هي اللي محتاجه انك تبرر لها مو انت اللي محتاج تسأولاتها ووحاول انك تقابلها وتشرح لها الوضع واذا مافيه مجال للمقابله ارسل لها كل اللي يدور في بالك وقل لها انو ماينفع تسمع كلام من طرف واحد لازم تسمع منك اخوي مادامك شاريها شاريها فحاول انو تكون صورتك حلوه امامها والبنت ماعليها قاصر ماشالله يعني حاول انت اللي تبيها لانك شفت فيها كل خير ونصيحه خل نفسك كانك مشاركها بمشكلتها مو متهم <<كيف اشرحلك يعني مثلا تقولها شرايك نصلي انا وانتي صلاة استخاره واللي كاتبه ربي بيصير لنا وان شالله ربي ماكتب الا الخير واذا حسيت انها ررررررررافضه الموضع قلها حنى تملكنا وخلاص فلو نعطني انفسنا فرصه ماراح نخسر شي وحاول انك تشرح لها وضعك و اسئلها عن الكلام اللي جاها وبين لها سبب فعلك لبعض الامور اللتي مايبان المقصد منها الا بمعرفه السبب واذا شافت انك واضح وصريح وتبغاها صدقني راح يتغير تفكيرها والله يوفقك لللي فيه الخير |
بسم الله .. الحمدلله والصلاة والسلام على رسول الله ..
اخواني واخواتي في الله .. بعد تغيب وانقطاع عن هذا المنتدى الغالي بسبب ظروف خارجة عن ارادتي .. أحببت أن آتي اليكم برد أخير ونهائي حول موضوعي الذي لطالما حرمني لذة النوم وكدر عليا حياتي ولو لفترة بسيطة لا تعد شيئاً في حساب الأعمار والسنين .. خلال فترة الاسبوعين الاخيرة حصلت احداث كثيرة .. زيارات ,, هداايا ,, اتصالات ,, رسائل ,,, عتاب ,, تدخل من الاهل بغرض التقريب .. كانت جميع الاحداث تصطدم برغبة غير واضحة (متشتتة) من طرف البنت بعدم الرغبة في استمرار العلاقة الزوجية معي وذلك لعدم إحساسها بالراحة مع انها تصر وتؤكد انه لايوجد أي سبب تجاهي أنا شخصياً ... خاصة بعد أن وضحت لها كل النقاط المبهمة والتي قيلت عني زورا وبهتانا وأصبحت رايتي بيضاء تماما حسب ما تقول وحسب ما يقول أهلها أيضا .. وأنا متأكد من برائتي من قبل أن أسمع ماهو مضمون الكلام لأنني نظيف والحمدلله وبشهادة الكل .. الغريب أيضا انها تقول لن تجد أفضل مني وتتوفر بي جميع الصفات التي تتمناها أي فتاة ... طيب وش تبي ثاني !! مثل ما قلت سايقا بأن الرغبة غير واضحة لدى البنت والسبب انها ساعة تقول ايه وساعه تقول مدري وساعة تقول خايفة وساعة تقول مترددة .. على العموم ... احمد الله اولا وآخرا على كل شئ .. وانا استخرت واستشرت ,,, وان شاء الله سوف أذهب الى المحكمة خلال اليومين المقبلين لأخذ موعد مع القاضي وأملي ان تتم مراسم الطلاق سريعا جدا جدا .. شكرا لكل الاخوة والاخوات الذين تفاعلوا في الرد على الموضوع |
اقتباس:
لاتحزن ياأخي فلعل في ذلك خيرا لك .. عن نفسي كنت اؤيد طلاقك لها منذ البداية .. لأن تصرفاتها كانت تبدو لي أنها بدافع الرفض وعدم الاقتناع .. وليس بدافع الخجل والخوف كما فسرها البعض هنا !!!!!! والحمدلله أن الله أراك الحق حقا .. اسأل الله أن يعوضك بمن هي خيرا منها .. امرأة صالحة كما تحب وترضى .. تطلب رضاك ليلا ونهارا .. وتقدر عطائك سرا وجهارا .. وتراك دائما وابدا أخير الرجال أجمعين .. |
| الساعة الآن 01:08 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©