|
اختي حياتي أليمه
الله يجعل حياتك سعاده وحيات جميع المسلمين امين ... وكلامك صحيح 100% لكن صدقيني يااختي ماقلت هذا الكلا م الا من الحال اللي وصلت له ... وان شاء الله اني بشيل الفكره من راسي .. لأن بصراحه مثل ماقلت اني احب زوجتي وماأتمنى اني اقهرها بأخذي من وحده ثانيه ... اختي روعه باين من كلامك انك مكبوته ... ما اقول الا الله يسعدك وكلامك صحيح بصراحه بعض الاحيان استفزها بأسلوبي .. لكن ان شاء الله بغير بنفسي .. دعواتكم بس يااخوتي |
اقتباس:
اولا المفروض انك توديها للمناسبات وتجيبها من غير شرووط مثلا (لازم تروحين بدري) مافيه احد يروح زواج قبل تسعه لا تطلب شرووط تعجيزيه .. لا تتمنن عليها بانك تركت اصحابك وجيت توديها ... هاذا دورك المفروض على العين والراس .... بعدين قل لي انت لما رجعتها البيت ... رحت لأصحابك؟؟؟؟؟؟؟؟؟؟؟ اذا رحت لهم وقهرتها في البيت بصراحه تستاهل ماجاك ... هذا قمة القهرررررررررررررررر .. لا تتوقع ان القهر يأدب او يغير .. بالعكس القهر يخليها تشيل عليك وما تطيقك .. المفروض انت الي تحميها من اي شخص يحاول قهرها وترفع عنها الا لم والقهر .. مو تقهرها.. غير تصرفاتك معها وسايسها وقدم لها كل ما تستطيع .. لانه واضح انها مقهورة منك .. |
اقتباس:
اختي ياربي لاتحرمني .. الله لايحرمك من زوجك ويوفقكم دنيا واخره قولي امين .... انا بصراحه احب العمل المنظم .. انا قلت لزوجتي تجهزي بدري لأني ادري انها بتتأخر .. ولو حرصت كان خرجت مع بنات خاتها مثل ماتفقنا ... كنت انا وزوجتي الله يحفظها متفقين انها تروح مع بنات خالتها ... وانا واعدت اصحابي وللعلوميه انا مااخرج معهم الا مره كل شهرين تقريبا لظروف العمل |
اخوي وليد انا اختك همـ القلوب ـس مو بأخوك الله يسلمك
ما ألومك العتب على التركيز..الله يهون عليك عندي لك ملاحظه على ردك للإخت يارب لاتحرمني"انا بصراحه احب العمل المنظم .. انا قلت لزوجتي تجهزي بدري لأني ادري انها بتتأخر .. ولو حرصت كان خرجت مع بنات خاتها مثل ماتفقنا ." صحيح ان بطبع الرجال بالمواعيد مع غيرهم دقيقين جدا وخصوصا موظفي ارامكو بالثانيه حتى الزيارات العائليه والمناسبات الخاصه عندهم بوقت محدد معك بهالنقطه لاكن الحرمه صعب تحددلها وقت في شغلتين لازم انت تعمل حسابهم - بمناسبات العزايم .... - والأسواق .... صراحة انا اتنرفز وأحوس ولا اعرف ارتب نفسي عدل اذا احد على راسي او محددلي وقت اسير ابي اخلص ويلا يلا ..انربش آخرتها حتى لو خلصت لاكن مو بالشي الي يرضيني اتنكد وابطل اروح عموما ..الى وضحلي انها الى الحين مافهمتك صح ونت كمان ماحاولت تساعدها انها تفهمك بالعكس على قولتك تنرفزها وتطلب منها تعرف الي تبيه من نظره؟؟ وبعدين ان قلت انك جبتلها كتاب الرجال من المريخ واشرطة جاسم المطوع وهي ماتقبلتها عارف ليش...اكيد قدمتها لها بطريقه او اسلوب طبعا انت مو متقصد بس هي فهمتك انك بكذا كأنك تقولها الغلط منك وفيكي غير الإسلوب ..يعني مثل اقالولك الإخوان اطلع معها لسفره قريبه كذا بالعيد للجبيل او للأحساء وطول الطريق شغل الشريط والكتاب انت اقرى قدامها عشان تحس انك انت تبي تغير من نفسك..ولعلمك كلمتها الي زعلتك بإن خويك اعقل منك بكلامه ان الرجال مايتزينون لحريمهم هذي لازم تعملها حساب يعني هي بعد بخاطرها شي منك مثل مإنتا بخاطرك منها قد يكون هذا سبب عدم تزينها واهتمامها بنفسها لك ماتدري ..ا اطلب منها تطلع معك للسوق بمحلات رجاليه وحاول تخليها تشاركك بذوقها بالملابس يا اخوي انت بعدك 24 سنه يعني صغير كثير على تحمل بيتين ووجع هالراس وبدري عليكم مرررره بدري على هالتفكير... وش رايك من جد تخليها تقرى الموضوع بطريقه ماتفهم انه انت اذا كانت تعرف اسمك بالمنتدى اطبع الموضوع الأساسي على ورق و بعض الردود الي تحس انها ممكن تفيدها وقلها شفت هالقصه لفتت نظري بس بإسلوب ماتحسسها ان الحل عجبك الي هو الزواج الثاني خلها تقراه وتعيد حساباتها مع نفسها وبالتوفيق يارب |
السلام عليكم
اخ وليد اتمنى ان تكون مشكلتك انحلت على خير الرد الأخير كان لي قبل ان اسافر للحج وبعد ما عدت فتحته لقيته مثل ماهو ان شاء الله يكون انتهى ..طمنا |
اقتباس:
ابشرك اختي الحمد لله تصافت القلوب خاصة بعد مارجعنا من الحج ولله وصرنا سمن على عسل زي مايقولون:d .. واسأل الله العلي القدير الحليم العزيز ان يبارك فيكي وان يسعدك بزوجك في الدنيا والاخره وان يرزقكم الذريه الصالحه اللتي تقر عينكم .. واشكر كل من ساعدني ووقف معي لحظة حدوث المشكله .. |
أخي الكريم وليد
من خلال ردودك الأخيرة ، والرد الأخير خصوصا تبين أن الله تعالى امتن عليك بحل مشكلتك فلله الحمد والشكر ، ولتكن هذه تجربة ناجحة استفدت منها في حياتك الزوجية . الأخوة والأخوات الأعضاء لم يقصروا وأسهموا معك في حل مشلتك ، كما أنك كنت رجلا حاذقا فهمت من الردود والمشاركات ما يسعدك واقتنعت بها وهذا دليل رقي تفكيرك وقدرتك على الإستنباط . ولذلك نشكر جميع الأعضاء من أخوان وأخوات ساهموا معك في حل المشكلة وندعو لهم بالتوفيق في حياتهم المستقبلية ، وجزاهم الله كل خير وبارك فيهم. ينسخ الموضوع إلى عالم المشاكل المحلولة مع تهنئة الأخ وليد بهذا الخبر السعيد. |
| الساعة الآن 08:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©