|
السلام عليكم ربنا يصبرك بس نصيحتى انك تستقل ببيت لك لوحدك بعيد عن الاهل لانه الباين ان اهلك ما يريدوا زوجتك وهدا رد فعل طبيعى ان تنفعل المشاكل استقل ببيت لوحدك وزور اهلك دايما ولا تقاطعهم
|
ما اقول غير الله يعينك على هيك بشر
|
اشكر كل من شاركني ومن سيشاركني وابشركم الموضع اوشك على الخلاص.
مســـــــــــــــــــتجدات البارح الساعة 8 ارسالة لي مسج تقول فيه .. ياكثر ماذكرك لاصرت وحدي وياكثر ماتنسى وانا اقول مجبور........................ الخ وبعدين تقول صدقني مو بيدي لوقلت ابي الطلاق.... وانا امسج لك بامر من قلبي اي غصبن عني مو برضايه. طنشت الساعة 11 مسج انا تعبانه إلى درجة مو قادره انام بسببك وانت سعيد ةلاهي عني وعن بنتك ولا حاسس بيه. طبعاً مو حاسسه بيها غير صحيح فهي لا تدري بيني وبينكم انا خلاص قررت اخذها في بيت مستقل قريب من اهلي. بس ودي اخليها تبعد عني وانا ابعد عنها شوي لانه بصراحه من اول ما تزوجنا ولنا سنتين مابتعدنا عن بعض ولويومين. والحين ابي البعد يزيد مالي عندها لانها فرصه بين وبيني جتني واحتريها. ولكن مشكلتي انها بدأت تساورني الشكوك فيها. فهل اسألها عن قضية الرقم او انسى الموضوع والماضي كله ونبدأ من جديد اعجز عن شكركم ... ولا يسعني الا ان اقول جزاكم الله خير الجزاء |
لا حول ولا قوة إلا بالله .. الله يعينك ياخوي و يصلح امورك
والله سالفتك مو هينه .. بس انت الوحيد اللي تقدر توصل فيها لقرار لانك انت ادرى بزوجتك و باخوك و بالناس اللي يتكلمون عنكم .. لكن نصيحتي لك .. انك تهدى شوي و تحاول تفكر بعقلانية عشان توصل لقرار ما تندم عليه بعدين مهما كانت نتايجه .. انت فلت انك عارف ان اخوك هو اللي كانت له نوايا سيئة تجاه زوجتك .. و زوجتك انت ما شفت منها شي يخليك تشك فيها او تكرهها .. شوف .. سكنك مع اهلك شي مو وارد .. لان اخوك في البيت و هالنوعية من البشر ما ينصلح حالهم .. يعني لا تقول برد اسكن عند اهلي و يمكن اخوي ينصلح حاله .. خلك بعيد احن و اشرف و بالنسبة لاهلك .. اكيد ما بيتقبلون شي عن ولدهم (اخوك) حتى لو كانو عارفين بطبعه و نواياه تجاه زوجتك بيحطون اللوم عليها لان دايما الاهل ما يشوفون في عيالهم اي غلط .. فلا تتريا منهم انهم يساعدونك في هالموضوع.. بالعكس بتزيد المشاكل و بيزيد كرههم لزوجتك .. اما بالنسبة للكلام اللي طلع عليك و على زوجتك فصدقني الناس يدورون اي شي عشان يتكلمون عن بعض .. و طبعا كل واحد يزيد شوي .. فانت لو كنت واثق في زوجتك و اخلاقها خلاص ما يهمك من حد و مع الوقن الناس بينسون و يسكتون .. لانك لو طلقتها الحين انت بتاكد انها حرمة مو زينه و بتخرب سمعتها و هذا ظلم كبير .. فانت اصبر و انسى .. بعدين ممكن يكون اخوك هو السبب في هالكلام اللي طلع .. لانه ممكن يكون هو اللي حرض جارتكم انها تطلع هالكلام على زوجتك .. وانت مثل ما قلت هي حرمة مو زينه و لها علاقات فانت فكر بهدوء و شوف الاحسن لك و للي حواليك بدون ما تظلم حد .. و لو قررت تكمل مع زوجتك لازم تسكنون بعيد عن اهلك .. و انت تقدر تزورهم من وقت للثاني لانهم بيتمون اهلك مهما صار وواجبك انك توصلهم الله يهديك و يرشدك للقرار الصح .. طمنا عليك و خبرنا باللي يصير وياك تحياتي اختك بنت الحب |
الحمد لله الصبر زين والله فرحت لكم
براي انك تبعد الوساوس من راسك لانك راح تتعب وتعبها معاك اذا انت واثق فيها فردها لك وقلبك وعقلك كله ثقه فيها ولكن اذاسرتو انت وهي مع بعض وبديتو بحل المشكله بجلسه رومنسيه وهادئه وهي بدات بالكلام راح تحكيك من نفسها السالفه وحتى انت حاورها في الموضوع بكل ثقه فيها لاتحسسها بان في قلبك شويه شك لان المراءه تحس من زوجها وخصوصا اذاكانت تحبه وياريت تتناقشو وتحل الموضوع من اول يوم تجتمعو فيه في بيت واحد وجها لوجه وبعد القبلات وقبل النوم حتى تنتهو وتكون اول ليله لحياه جديده واخر ليله زعل وعتاب ودعواتي الصادقه لكم بالتوقيق ولاتنسوني من الدعاء فانا في امس الحاجه بان يهدي الله زوجي |
اخي العزيز
المشكله بسيطه وكن رجلا في حلولك خذ سكن لحالك واقفل عليك بابك مع زوجتك وابنتك واتقي الله فيهم ولا تظلمهم وعن اخيك لا تعيد علاقتك به لانه لو يراعي الاخوه وحرمه اخيه وزوجه اخيه لفتره علي الاقل وعن اهلك كن شديد مع اخوتك ووكن مع امك الابن البار لان من كلامك اخوتك لا يعطوك حقك من الرعايه فلا تضعف معهم واخيرا حتي لو امكانياتك الماديه قليله عش علي قدها بكرامه ونخوه ولو في شقه صغيره وفرش بسيط السعاده ليست كلها في الامكانيات ولكن في الراحه النفسيه والرضا عن النفس في امكانيات معقوله علي الاقل |
ابدأ معاها صفحة جديدة بيضاء و انسوا اللي فات و عجل بالصلح ،، علشان مش يزيد الجفا ما بينكم و يبقى الجرح بدل ما هو سطحي يكون جرح غائر - الله يكفيكم إن شاء الله -
الله يباركلكم و يملا دنيتكم حب و موده و يبعد عنكم أصحاب نوايا السوء |
أخ بايعها ..
تقول تسعى للإصلاح .. وإنت مطنش لها ..؟؟ ودك تبتعدون شوي عشان تتجدد المحبة .. مافي مانع .. تبتعدون جسديا .. كل واحد بمكان .. لكن .. لازم تكون بينكم إتصالات .. هي اللي تشعل لهب الشوق بقلوبكم .. خصوصا وإنتوا زعلانين .. أنا ماقلت لك إذا إنت تطنش راح تخليها تفكر بجد أكثر بالطلاق .. ولو ( كانت ) جايبة سيرته في السابق محاولة منها إنك تحس بالمسؤولية .. فـ ( الآن ) .. بتكون جاااااااااااادة .. والسبب إنها ماشافت إنك متمسك فيها .. أو حاس بها .. أو مشتاق لها .. بتقول إنك حاس ..؟؟ زين .. وين الدليل ..؟؟ لازم تثبت لها هالشي .. وإلا .. كيف تبغيها تصدقك .. وتتأكد من مشاعرك ..؟؟ الخطوة الحالية اللي أنصحك بها .. تتصل بها حااااااااااااااااااااااااااالا .. وأقول حالا .. وتعطيها من كلام الحب والشوق والوله عليها .. وتحسسها إنك متضايق من بعدها عنك وإنك محتاج لها .. وتسأل عن بنوتك .. اللي هي قطعة منك .. وين إحساس الأبوة فيك ..؟؟ ومن بكرة تشوف لك مسكن مستقل .. سواء قريب من هلك .. أو قريب من أهلها .. أو قريب من شغلك .. أو حتى بأقصى الدنيا .. أما بالنسبة للرقم .. إذا تبغي تهدم بيتك .. وتفقد حبيبة قلبك .. وتعيش بنتك بدون أب .. أفتح معها الموضوع .. وأنا حذرتك .. بالتوفيق .. |
يأخي رد زوجتك ولا تخلي الشيطان يدخل بينكم خاصة في طفل يجمع بينكم واذا كنت مقتدر ماديا خذ شقة وقعدوا برحكم بعيد عن أهلك وفتح صفحة جديدة وماعليك من كلام الناس الانهم مب ساكتين ؟؟؟ظ
|
اتقي الله في نفسك تبي تطلقها علشان كلام الناس اي ناس؟
اهلك واخوانك انت بنفسك تقول ان اخوانك فيهم خبث وذكرت المرأة التي تحقد عليها وتريد تفريقكم عن بعض وتتوعدها بالحسرة يا أخي الكريم أي شكوك ؟ شفت عليها شي مجرد رقم طاايح ,, سمعتها تكلم احد شفتها مجرد كلام ناس يكرهونها وبعدين تقول انها طلبت الطلاق ,, أنا اسألك هل هذا الكلام عنك صحيح ؟ اقتباس:
اذا كان صحيح بصراحة شي غريب فيك اشلون ماتبيها تزعل انت بهالطريقة قاعد تحطم نفسيتها .. يا أخي لا تشك فالشك سلاح الشيطان صدقني زوجتك تحبك وما تخش عنك شي واكبر دليل انها ذكرتك باليوم اللي اتصلت عليك فيه لتخبرك عن الرقم لكن امها نصحتها خوف عليها وما قدرت الامور صدقني هذه خطة وكيد ملعوب ,, اسأل نفسك اللذين يريدون التفريق بينك وبين كيف عرفوا عن الرقم؟ وهل يوجد أطراف يريدون التفريق بينك وبين زوجتك؟ ما الومك الرجل في هذه الاحوال حساس صدقني انا رجل وحاس مثل احساسك لكن انت لم تذكر شيء يدعو للشك على زوجتك ومع ذلك تقول انا بدأت اشك لو كنت قاضي في هذه المسألة ومن خلال ردودك وموضوعك الذي طرحته ولو احاسب عند الله عليه لأعطيت لزوجتك البراءة الكاملة مع رد الإعتبار بعد رد الإعتبار منك لأنك بصراحة تخليت عنها مع ضعفها وقوة حيلتها توكل على اللله ورجع زوجتك مع ارضائها الارضاء الكامل ,, وبلا كلان ناس بلا بطيخ والناس هم اهلك ليسوا غريبين واتقي الله في نفسك واذا شئت اسأل فيها شيخ دين علشان ترحاح نفسيا فقط وأسأل الله أن ترجعوا سعداء كما كنتم ... اللهم آمين |
| الساعة الآن 12:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©