رد : (مميز) عالم العطور وأسرارة
اقتباس:
مشاركتك جداً حلوة وفيها اسألة جميلة - اللي يقولكم ان بخورة كمبودي حطوا في بالكم انه كذاب بنسبة 95% لأن الكمبودي شحيح حيل بالسوق ونادر جداً كون دولتة مسوية عليه إحتكار ومايطلعون منة إلا الكميات البسيطة جداً واللي تكون غالباً للإستخدام الشخصي فقط + انه غالي جداً ومو اي احد يشترية!! وربعنا الله يهديهم من يدخلون على البياع يقولون له عندك كمبودي وهو اصلاً ماعندة خبرة بكل انواع العود بس يسمع ان الكمبودي زين ويبي منة!! ف البياعين غالباً ينصبون على الناس الغشيمة ويقولة عندي ويشممة نوعيات ثانية ويمكن تكون مغشوشة بعد والمسكين يشتري ويطير بالعجة بعد. - الفحم اسمة "فحم الخليج الفاخر" كرتونتة حمراء موجود عندنا بالسوبر ماركت (حالياً خارج البيت بس ارجع اصورة لج) - البخور الغش فيه يجي على طريقتين 1-عود ردئ ومايحمل في جوفة كمية وافرة من الزبت الطبيعي ف يضطرون انهم يصبغونة بزيت كيميائي(مصنع) على اساس يكسبونة رائحة زيادة (يصير حالة حال المعمول) وهالشي سهل كشفة اما تلقينة يلمع او يتبارق واذا شكيتي فيه اكسري الكسرة وشوفي لون جوفها اذا اختلف عن لون سطحها فهي مصبوغة 2- يحقنون الكسرات الكبيرة بالرصاص والبوتكس عشان يكسبونة وزن ويعود لهم بالربح الكبير بالبيع كونة يباع بالوزن وطبعاً الناس اللي ماعندهم خبرة يشيلون منة!! وكشف هالشي يتم عن طريق تعريض الدخان للعين فإذا حصل اي نوع من انواع الحرقان للعين ولو كان بنسبة خفيفة فهو محقون + ان الكسرات الكبيرة تكون فيها فتحات الحقن واضحة. -الخبير اللي من النظرة الاولى يعرف جودتة فهذا مو صحيح لازم يختبرة والجودة تتم عن طريق الشم وافضل البخور في سوقنا الخليجي هو الهندي. ملاحظة!! فيه بعض الباعة يخافون من خبرة بعض الزباين ف الكسر الكبيرة المغشوشة يكسرونها لين تصغر ف دائماً خلي المعيار هو إختبار العين وهذا لايعني اننا نستغني عن باقي الخطوات. |
رد : (مميز) عالم العطور وأسرارة
اوافقك الراي الفحم الهولندي احسن شي يشب بسرعه
ويطول مايطفي بسرعه!!! وهل صحيح مايقال ان دهن العود له اماكن معينه ينحط فيها حتى تثبت ريحته معاك مثل رسغ اليد او خلف الاذن |
رد : (مميز) عالم العطور وأسرارة
اقتباس:
طيب ماتوزع عطور يعني على ابن العم شي ههههه حبيبي انــــت .. الله يوفقك حبيبي مشكور .. |
رد : (مميز) عالم العطور وأسرارة
السلام عليكم ،،
موضوع جميييل جدًا اخ متفائل يعطيك العافية ،، عندي سؤال صغير ،، بالنسبة لعطر ديور بويزن، احترت اي لون اخذ كلها روائحها جميلة ، الأبيض الكحلي الاحمر...؟؟ وبالنسبة لعطورات توم فورد وين الاقيها واش احسن الأنواع الرجالية منها؟؟ يعطيك الف عافية اخوي والله يعينك علينا،، |
رد : (مميز) عالم العطور وأسرارة
اقتباس:
هذا صحيح ولكن مع دهن العود الأصلي فقط |
رد : (مميز) عالم العطور وأسرارة
اقتباس:
تعال الكويت وخذ اكثر من اللي تبي مع حشمة وتقدير. |
رد : (مميز) عالم العطور وأسرارة
اقتباس:
الغامج مركز اكثر من الفاتح ويبقى الباقي على ذوقك. توم فورد افضل عطر رجالي عندهم هو "بلاك اوركيد" وفيه عطر نسائي توة نازل وحيل حلو اسمة "كافيه روز" نورتي يامعالي واي اسألة ثانية انا بالخدمة |
رد : (مميز) عالم العطور وأسرارة
عطوراتي المفضله سينما وستيلا وجادور وكوكو شانيل ومدغشقر من بودي شوب تقريباً اغلب عطوراتهم تعجبني كمان مكياجي يجي منهم وزهرة البنفسج بس ستيلا الفتره الاخيره صاير م يثبت ابداً مع اني قبل كنت ابخ بختين ثلاث تثبت معي فتررره مدري حاسة الشم انضربت عندي ولا قاعدين يلعبون علي موضوع متميز واستفدت منه مررررررررره ، شكراً |
رد : (مميز) عالم العطور وأسرارة
اقتباس:
عطوراتك حلوة وأنثوية جداً وخصوصاً (كوكو مدموزيل) من شانيل وهذا يدل على روحك الأنثوية العالية .. بالنسبة لعطر ستيلا يمكن اللي تشترينة تعبأة إماراتية!! وهذا مغشوش أحرصي أنك تشترين عطرك من المحلات المعروفة وبتشوفين الفرق!! شرفني وجودك. |
رد : (مميز) عالم العطور وأسرارة
ماشاء الله موضوع جميل ومعلومات اجمل بارك الله فيك..طيب انا من النوع اللي مااحب اكرر العطر واحرص اشتري عبوات صغيرة الحجم عشان اخلصها واشتري غيره ...واتضايق جدا من هذي الطبع مثلا قبل اربع سنين اشتريت عطر فلور بومب وقبل اشهر جاني هدية عطر فالنتينو
[img]http://im33.***********/JQsh2.jpg[/img] كنت متحمسة له في البداية من كثر المدح طبعا العطر جاني هدية ولمن شميته ماطلع قد الحماس لان ريحته مقاربة لعطر فلور بومب اللي سبق جربته .. من العطور اللي جربتها مس ديور الاخضر اذا مو ناسيه ..فلور بومب.. سينما.. الين ..قوتشي الذهبي ..فلورا..فالنتينو..شانص.. ..ذكرتلك العطور اللي فوق لاني ماابغى عطور نفس ريحتهم ابغى شيء جديد...آسفة اذا اثقلت عليك بالطلب..ملاحظة عطور شانيل ماتستهويني مااعرف ليه بالذات كوكو شانيل ماحبيته ليه مااعرف مع انه كثيييير جدا يمدحونه بس اذكر مره شميت شانص اظن كان لون وردي كانت ريحته جميلة. اتمنى تدلني على عطور ناعمة وحلوة وجذابة ..مع جزيل الشكر |
الساعة الآن 03:27 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©