|
كان الله في عونك اسأل الله ان يفرج همومك و ييسر امورك |
أصلح الله حالك |
الله ييسر أمورك ويفرج همك
وتكون الأمور لصالحك ننتظر الأخبارالطيبة بإذن الله الله يقويك ويكون بعونك |
الله يقويك ويفرج كربتك ويعينك بالنسبه لإصراره انك تروحين معاه قوليله اوكي ان شاء الله ولما يجيك استقبليه عادي وقوليله احس بتعب ما اقدر اروح خليني بس هالاسبوع وخلي امك تساعدك شوي وتقول اليوم تعبت شوي وخليها عندنا كم يوم بإسلوب حلو ولا توضحون شي ابد اتصرفوا طبيعي واتأكدي من موقف امك اخاف تتكلم واذا خايفه من موقفها قدامه لا تخلينها تشوفه وبالبدايه اطلبي منه انتِ انك تجلسين واذا ما اقتنع ارسلي لاخوك يجي بسرعه ويطلبها منه يقول خليها عندنا كم يوم وانا اجيبها لما تخف شوي لان الدكتوره تقول لازم راحه علشان صحة الجنين وان شاء يقتنع ومايشك من الاصرار |
اشكركم احبابي عالدعووواات
اختي رحمة .. مشكوووره عالفكره .. انا قررت اذا جاء عند الباب وطلبني اسوي مثل ماقلتي ادخله شوي واسولف معه واذا قال لي اروح معه بحاول اقنعه اني اجلس اكثر باي طريقه .. وامي مابيها تدري اني برفع قضية خلع السبت .. بخليها عالصامت .. يمكن يجيها خبر من الناس بحاول اني اهديها .. وان شاء الله ماتدري الا وانا متطلقه ومخلصه |
الاخوان ما قصروا
يارب يفرج همك ويصلحه |
لا حول ولا قوة الا بالله ان لله وان اليه راجعون هذا شئم المعصية والبعد عن الله اسأل الله لنا وللجميع الثبات وان يصرف عنا الفتن ما ظهر منها وما بطن ويجعل الحياة زيادة لنا فى كل خير والموت راحة لنا من كل شر انه سميع قريب مجيب الدعاء والله يا اختى لا تعلمى قد ايه انا حزين على حالة واشعر به واشعر بوحدة وحرمانه من الزوجة والابن وفى نفس الوقت لا استطيع ان اقول لك سامحية بعد كل ما قلتى ولكن احب اب ان اذكرك بقول الله عز وجل فى كتابة الحكيم {وَلَا يَأْتَلِ أُوْلُوا الْفَضْلِ مِنكُمْ وَالسَّعَةِ أَن يُؤْتُوا أُوْلِي الْقُرْبَى وَالْمَسَاكِينَ وَالْمُهَاجِرِينَ فِي سَبِيلِ اللَّهِ وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ}النور22 من منا لا يحب ان يغفر الله له اقصد لو تهجريه فترة كبيرة وتصرى على الطلاق وبعدها عندما تشعرى صدق نيته وصلاحة ترجعى له ربما يصلح الله حالة ويآجرك خير انك عفوتى عنه لانى متأكد انه فى حال طلاقك سيدخل فى طريق لا خروج منه لا حول ولا قوة الا بالله اسأل الله ان يقدر لكم الخير ويهيدك لما فيه الصلاح |
ابو مريم .. انا ماراح احرمه من اطفاله وولدي رح اخليه يشوفه يومياً وينومه معه .. بس البنت راح انتبه لها اكثر لانهم ماينضمنون عليها وانا سبق وعطيته فرص واخر مره شهرين ونص وكنت مصره عالطلاق وبين لنا صلاحه لكنه يخون ويزني من وراي وانا كنت امثل دور الغبيه .. زوجي اتصل واجبرني ارجع ويقول مو بكيفك .. غصبن عنك ترجعين.. قلت له تعال بيتنا وشوفنا .. قال لا ..قلت خذ ولدك معك .. قال انتي تجين ثم ارجعك لهم.. قلت له اني ممنوعه منه .. قال انا بجي المغرب واخذك ..قلت لا .. خلني اسبووع بس ماهو راضي وارسل رساله : اذا ماجيتي مصروف ونفاس مافيه وتولدين بمستشفى حكومي وبسمي بنتي باسم يلوع الكبد يعني اسم شين للعلم انا بولدي ولدت بمستشفى حكومي وهددني يسمي بنتي اسم قديم .. من قبل اتهاوش معه ..بس يحرق دمي بس ابي اسألك ايش قصدك سيدخل طريق لايخرج منه ؟ |
عزيزتي يونا طمنينا عنك...الله يكتبلك الخير يارب ويكون معاك |
لاحول ولاقوة الابالله ,,الله يفرج همك ويعينك على مابتلاك عليك بالدعاء والاستغفار ,,والله متابعة
موضوعك من اول وقلبي معك الله يعينك ويسهل امورك.. |
طمنيني شصار عليك
|
هلا حبيباتي وكل من سأل عني امس اتصل زوجي باستمرار ومارديت لانه رح يهدد كالعاده اذا مارجعت بيوريني الويل وجاء عند الباب وراح له ولدي ركض .. وانا ركضت وراه عالدرج والله نسيت اني حامل من خوفي على ولدي وولدي يفتح الباب وابوه يناديه .. ويدف الباب .. وانا اسكره .. وولدي يقول ماما وخري عن الباب فضحني .. رغم انه ماكان يبي ابوه .. وابوه مايبغاه خلاه فوق الاسبوع ماشافه ولما يكلمني يسكر بسرعه لو قلت له كلم ولدك يقول ماعندي رصيد يخليه حق خوياته .. بس لما شافني مارد على اتصالاته ومابي ارجع قال بيضغط علي بولدي المهم انا قلت له وش تبي؟ ولا رد علي.. وقلت مره ثانيه ومايرد .. بس يحاول يفتح الباب بطريقه جنونيه سحبت ولدي بالقوه لداخل .. وولدي مايقدر على فراقي ..يقول انا بس اسأله وش يبي يقول.. قلت له : بابا بياخذك ومايرجعك .. بعدين مافي ماما.. بس ماهو مصدقني بالموت اقنعته لحد ماراح زوجي من عند الباب ودق .. ورديت عليه وسكر بوجهي يقول انا ادق عليك واجي عند الباب وتتجاهليني بس انا اعرف كيف أأدبك والله لاخليك تندمين وانا كالعاده مارديت عالرساله بس اليوم الصبح ارسل رساله طويله... كاتب فيها : انا تعبان ياقلبي نفسيتي تعبانه شهر مانمت وانتي حارقتني واغلب اوقاتي بالمجلس او عند امي وانتي حتى ماقلتي تفضل عندنا على القهوه والله ان عندي احساس اني بموت اليوم او قريب حني علي واللي تبينه بسويه يا ام جنا .. طبعاً انا اطلب منه اسمي اللي ببطني جنا وهو ناوي يسميها اسم قديم ومصر عليه بس رسالته اليوم .. وش تتوقعون .. يحاول يخدعني ويستعطفني.. انا بصراحه تجاهلته .. لانه يقلب رومنسي لاتركته وسحبت عليه .. بس عيشتنا مع بعض كنا اخوان .. وكل الرومنسيه حق خوياته المهم .. رحت المحكمه وعطونا ورقه للشكوى .. صحيفة الدعوى وكتبت فيها كلام مختصر .. وطلبت فيها خلعي وحاولت ارسم كاريوكي ورى .. عنوان بيتهم.. بس باقي اشتري ملف اخضر + صورة بطاقتي او بطاقة اخوي.. يعني بكره رح ارفع القضيه .. ورح يحددون الجلسه وناويه ابيع الذهب عشان قيمة الخلع .. |
أتابع موضوعك من فترة لأخرى بدون المشاركة.
بما أن الموضوع قد تم اتخذا قرار فيه من ناحيتك فأسأل الله أن ييسر لك ما فيه خير. ::: قولي (اللهم اكفنيه بما شئت). |
أنا متابعه قصتك من البداية بس اول مره ارد عليك
اولا الله يكون بعونك ويفكك من شر هالمجرم وثانيا انا اشوف من رسالته انه يحاول يستعطفك لا اكثر واذا رجعتي له رجع هو لخوياته والا كيف تغير في ليله في الليل يقول والله لاخليك تندمين وفي الصباح بيموت من فراقك بس يمكن مايبغاك تفضحينه عشان كذا يبغى يخليك رهينه عنده الله يتمم لك حملك ويصلح لك ذريتك |
اشكرك اخوي البليغ على مشاركتك ..
ورح اسمع بنضيحتك.. امي اغلى ناسي.. فعلاً كلامك صحيح .. لاني تزاعلت معه كثير عشان يصير رومنسي معي وطلبت الرومنسيه قدام اهلي واحرجت نفسي .. لكنه مايبي يقولها .. يقول انتي ماتنعطين وجه اذا دلعتك وبينت حبي دستي علي .. رغم اني ماسوي مثل مايقول.. كل مره اتزاعل معه يوعدني يتصلح ولا يتصلح والكلام الحلو كله لاصحابه واهله وخوياته بعدين اخر سنتين معه كرهته ولا صرت ابي منه اي كلام حلوو .. وحتى لو حاولت اتقرب منه يبعدني انا عارفه انها رح تكون ضربة قاضية لو درى اني رفعت عليه قضية خلع اذا درى بالموضوع .. لازم اعلمه اني امي واهلي واقفين جنبي حتى مايحاول يستعطفهم ويخربون علي وماروح الجلسات .. لاني اليوم رحت بدون علمهم .. سويت نفسي رايحه موعد للمستشفى .. الله يسهلها ويعجل طلاقي .. مرات اقول ببيع الذهب واخلعه اسرع .. لكن ولدي والبنت اللي بالطريق رح يحتاجون الفلوس.. يارب تتسهل |
الله يكون بعونك
========== ========== بخاطري كلام ودي أقوله بس عارف ومتأكد ما راح يعجب أحد رغم أنه واقعي ومؤيد بمواقف وتصرفات من رسولنا صلى الله عليه وسلم.. |
انا كذا ..
قول اللي بخاطرك .. بس بكل الحالات انا ماراح اتنازل عن قراري .. اني رح اخلع منه باي طريقه |
ربنا يجعلك مخرج ويفرج همك وينصرك على من ظلمك اللهم امين
|
اقتباس:
أنا بسألك يا اختي وبسأل جميع من يشجعك على الخلع أو يتمنى ان زوجك يطلقك السؤال : هل إذا تم الخلع...أو الطلاق...انحلت المشكله ؟؟؟؟؟؟ ============== بـ غض النظر عن كونك تتحملين مسؤولية الاطفال او لا هل تنحل المشكله بالخلع او الطلاق |
يا اختي والله مووو عارف شو احكيلك بسو ين اخوانك عنك؟؟؟
|
اتمنى تأجيل موضوع الخلع لحين اشعار اخر ..لعله يصلح حاله عندما تهجرينه ..
والاستخاره قبل القدوم الى الشي.. |
السلام علكيم اختى الكريمة اهلا اختى الصابرة التقية وفقك الله عز وجل اما عن سؤالك عن الطريق المظلم الذى سيدخله زوجك اقصد انه فى حال طلاقك لن يكون امامه الا طريق الحرام لكى ينسى فراقك ووقتها ربما يصاب بالايدز او تنتهى حياته على يد اهل مرأة ممن تعرف عليم وفى النهاية لن ينسى ابناءك انكى احد اسباب ضياع ابيهم اسأل الله ان يقدر لك الخير |
ضآق صدري , وإنقهرت , وربي حسيتك مثل أختي !
بكرة بحاول أعطيك بعض النصائح المهمة المتعلقة بالمحكمة وكيف تكسبين القضية لأن الآن بروح أرتاح لأن القولون ضرب عندي , وطولت وأنا أقرى الموضوع ومصدوم هل لازال في "آدمي" هكذا < مابي أقول رجل أو إنسان لأنها حرام عليه .. بإختصار : بالحجج القوية والصحيحة , وبالكلام اللبق والجرئ أمام القاضي ستستطيعين أن تكسبي القضية والحضانة بدون إسترجاع المهر .. أسأل الله العلي القدير أن يكون بعونك ويفرج أزمتك وكبرتك |
على فكرة هيئة الشرقية ماعندك أحد ,
آآآخ لو إنك في بريدة , وربي ينتهي الموضوع خلال نصف ساعة من مكالمتك وما يطلع من السجن إلا وأنت خلصتي العدة ويمكن متزوجة |
على فكرة :
وربي كرهت الزواج , ماعاد أبي أتزوج يومين بس سجلت بالمنتدى وشفت مصايب العالم يمكن لأني كنت في مجتمع قليلة المشاكل اللهم لك الحمد أو إنه في مشاكل داخل الأسوار لا أعلم بها .. ! |
الله يحققق لك مبتغاك
|
اشكرك اخي عزوبي على كلامك .. ولاتتعقد ولاشي .. لكن استخير الله دايم وابحث بدقه عن بنت الحلال ..
اياني واياك تستعجل .. وعسى ربي يوفقك ويسعدك والامور شكلها رح تنحل بدون خلع اخوي ابو مريم .. الحمدلله .. انا مارح اكون سبب ضياع زوجي لانه يقابل ويعمل حرام وانا على ذمته فما راح تفرق معه .. لما نتطلق .. مجرد انه اذا فلس مايلقى له زوجه يفرغ فيها..مع العلم ان صديقته المتزوجه تعطيه بلاش ودام هو مايقدر يستغني عن الحرام ولا عن التنويع ولا عن البنات .. خلهم ينفعونه وخله يصرف فلوسه عليهم الله لا يحيجني له والضمان والحكومه ماراح يقصرون وباذن الله شهادتي الجامعيه توظفني .. |
حبيت ابشركم جميعاً ....
زوجي رسل واتصل اليوم وكلمته .. قال متى ترجعين؟ قلت له : ماني راجعه قال : اذا مارجعتي اشتكيتكم بالشرطه .. قلت له : روح اشتكي والمحاكم طويله مواعيدها بالشهور .. قال : علمي نفسك وبعدها قال .. انا بشتكي بالشرطه مو بالمحكمه .. قلت له : انت قلت اي شي اطلبه تنفذه .. وانا بصراحه ابي طلاقي .. قال هو : يعني انتي من جدك تبين الطلاق؟ قلت له : انا صابره عليك عشان امسك عليه ادله والحين معي ادله وشهود وناس منك وفيك بس كنت اخدعه ابي اخوفه.. قلت له : انا ماودي اشتكيك واكبر السالفه بس انت اللي مو راضي تطلق قال : وليش ماعلمتيني من اول ..؟ اي شي تشوفينه علي علميني.. قلت له : انا مابي انبهك اني دريت عشان اجمع ادله عليك تنفعني في حالة انك رفضت تطلق قال خلاص انا عزيتك وماقصرت معك وقلت لك انك عزيزه وغاليه بس انتي ماتسمعين الكلام وكل شوي طايره بيت اهلك زعلانه واذا انتي ماتبغيني خلاص بطلقك بس بشرط انك تتنازلين عن المؤخر.. وابكلم امك واخوك .. قلت له امي واخوي مالهم دخل بطلاقي .. الموضوع ناقشه معي ومع ابوي واخوي وبس.. بالاخير اقتنع وصار مثل المجنون يبي ينهي الموضوع بنفس الليله خليته يكلم ابوي وانكر كل كلامه وسبه ولعنه فينا .. وقال اذا انتو تبون الطلاق تعالو بكره المحكمه وتنازلو عن المؤخر وانا اطلقها وجلس يسب ويلعن ثم سكر بوجيهنا وباذن الله بكره رح اروح المحكمه مع اثنين من اخواني رح اكتب تنازل عن المؤخر .. بشرط الحصول على ورقة طلاقي وعدم تعرضهم لي ولاهلي بعد الطلاق ويعطيني جواز السفر الخاص فيني + النفقه على الاطفال .. اذا مارضى بالنفقه بتنازل عنها .. اهم شي يفكني منه طبعاً اخوي الكبير وصل له الكلام .. هو اخوي من جهة امي ورفض الطلاق بكل الطرق .. قلت له : انا كلمت ابوي وانا وياه نحلها بدونك ..قال براحتك تحلونها بدوني بس بنعاملك مثل المطلقات .. ومافي روحات وجيات ومشاوير .. وبعمم الكلام على اخوانك كلهم قلت انا موافقه .. انا اعيش بالنار ولا اعيش معه .. وعلمت ابوي بكلام اخوي وعصب .. ووصى اخوي الثاني وقال له ينتبه لي ويوقف معي واي واحد مايوقف معي اعلم عليه وهو يتصرف .. الحمدلله .. والله فرحاااااااااانه كثثثثييييير ماتوقعتها تتسهل بهالسهوله وياااارب انه مايغير كلامه يااااااااااااارب اني اتطلق بسهوووله يااااااااارب الحمدلله يااارب اول مايصير شي بكره باذن الله راح اطمنكم بموضوع جديد.. |
الله يرزقك الراحة و الطمانينه مع اطفالك
|
الله يفكك منه الوسخ
|
الله يريح بالك ويكتب لك الخير حبيبتي ويحفظ لك أولادك من كل شر
|
الله يفرج همك وييسر أمرك طمنينا على مستجداتك وانتبهي تجيبي معك أدلة للمحكمة تخافي يشلحهم منك بالقووة ولاشي وخليك على موقفك القوي خليه كذا خايف إنك تفضحيه ولو انا منك ماأتنازل عن المؤخر لإنه من حقك والسبب الضرر اللي عليك عاد كله ولاتتنازلي عن نفقة الأطفال لإنها واجبة عليه مو بكيفه عاد اخوك من أمك مدري أبوك الله يهديه ليه هالكلام وخير يعني وإذا مطلقة يعني فضيحة مثلا ولاناقصة شي الحمدلله بس على نعمة العقل |
احب زوجي
امييين ..ومشكوووره حبيبتي عالدعوات الحلوووه روح المساء.. ان شاء الله .. رح اطمنكم بموضوع جديد وياريت تسكرون هذا الموضوع راح اكلمه بعد شوي عشان نتفق متى نروح المحكمه انا بتنازل عن المؤخر فقط .. وماراح اتنازل عن النفقه .. عشان كلامك اقنعني وبالنسبه لاخوي .. هو من جهة امي .. بس الحمدلله .. ابوي قال لاخوي اللي يوقف معي لاتطيعون احد ولاتقهرون اختكم والطلاق مو نهاية العالم ولا هو عيب ولاحرام ولاتقصرون معها واي شخص يوقف ضدها علموني ., ماحد له حكم عليكم الحمدلله دام ابوي واقف معي وانا بحاول نروح المحكمه بعد ماتروح امي للدوام حتى ماتمنعنا اشكر كل من وقف معي ودعاء لي واتمنى اغلاق الموضوع .. الجديد راح يكون بموضوع آخر باذن الله اشوفكم على خير |
^
^ ^ ^ يغلق الله يوفقك ويكتب لك الخير |
| الساعة الآن 11:59 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©