منتدى عالم الأسرة والمجتمع
صفحة 6 من 12
1
2
3
4
5
6
7
8
9
10
11
12
عرض 40 مشاركات من هذا الموضوع لكل صفحة

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   كيف أنفصل عن زوجي مادياً مستجدات الرد95 (http://www.66n.com/forums/showthread.php?t=265501)

Zainab123 13-02-2016 08:32 PM
رد: كيف أنفصل عن زوجي مادياً..
 
التزاماته الكثيرة مامنعته من الزواج وبعدين
انتي ساعدتيه سنين
اطلبي بطاقتك بأسلوب صريح وواضح وفلوسك اصرفيها على نفسك واولادك فقط..

حبق 13-02-2016 08:45 PM
رد: كيف أنفصل عن زوجي مادياً..
 
اقتباس:
المشاركة الأصلية كتبت بواسطة مسز داني (المشاركة 3373778)
اسفة عزيزتي
بس التزاماته الكثيرة لم تمنعه من الزواج و مصاريف زايدة
على الاقل خذي صرافتك. و قومي بحاجياتك
حتى لا يكون الضغط عليه كبير
1+
مع مس داني

أم دان 13-02-2016 08:53 PM
رد: كيف أنفصل عن زوجي مادياً..
 
استخرت وقررت أطلبها والله يكتب مافيه الخير.

Lofty 13-02-2016 10:38 PM
رد: كيف أنفصل عن زوجي مادياً..
 
اقتباس:
المشاركة الأصلية كتبت بواسطة أم دان (المشاركة 3373825)
استخرت وقررت أطلبها والله يكتب مافيه الخير.
خيرا فعلتِ ، لا أحسنَ من الحوارِ و التفاهم !!

أم دان 13-02-2016 10:44 PM
رد: كيف أنفصل عن زوجي مادياً..
 
قلته له ياأبو أحمد أبي صرافتي وكل قرش صرفته من راتبي(هذه المرة الأولى أناديه أبو أحمد عادة أناديه بإسمه)

نظر لي نظرة طويلة عريضة قال آخر شي توقعته منك.

قلت زين إنك توقعت آخر شي يصدر مني هالشي لكن أنا ماتوقعت نهائياً يصدر منك اللي صدر.

معناه إنت أنصح مني لأنك حاسب حساب اليوم ذا لكن أنا أهبل منك ماحسبت حساب هاليوم.

حتى الحلال أتحاسب عليه؟،

لاتنرفزني إنت تزوجت وأنا ماناقشتك ولا جادلتك ولا قلت لك شي سويت الحلال..خلاص إنت كمان مالك حق تناقشني في راتبي..راتبي حقي وحلالي..وماشاء الله مدام إنك تتحرّى الحلال خلاص فكر كيف بترجّع لي اللي أخذته..

طلع البطاقة وحطها على الطاولة وقرب عندي سلم على راسي وقال أنا وإنت اللي بيننا أكبر من الفلوس وأنا ماراح أزعل منك لأني مراعي نفسيتك.. كل شي لك ولعيالك ولا تضايقي نفسك..

قلت له هذا كان زمان ومدام صار فيه شركاء كل شي لازم يتغير ..

قال هي وطلقتها وش بقي ماعاد فيه شركاء،،

قلت له اسم الله عليك وعلى حساباتك الدقيقة والمحروس ولدك ماله نصيب؟

هذا الضعيف الصغير حاسدته؟
قلت اي حاسدته شرايك؟
ومهرها اللي دفعته؟وبيتها؟
والأغراض اللي كنت تشتريها لها؟
حليب ولدك وأغراضه؟

فكر زين وعيد حسابات حياتك .
رغم اللي سويته أنا ماغلطت عليك ولا على ولدك ولا على أمه، رجاءاً لاتجبروني أغلط عليكم..

أبي أرضيك وش اللي يرضيك؟
مافي شي يرضيني ولا في شي يداوي جرحي.

صار يضحك ويقول أجل و ش تبين بالبطاقة
قلت أأمن نفسي من غدرك وغدر عيالك وغدر الناس.

أنا بعد هالعمر لو تطلقت منك وين بروح؟
شقا عمري لك ولعيالك وولدها؟
أنا من لي؟
عيالك صفوا جنبك قالوا مانتخلى عن أبونا،
طيب وأنا من لي؟
وين أروح ولاقرش ماعندي،
أطلع من بيتك بلاحمص بعد هالعمر،؟
رجع لي فلوسي أبدأ حياتي من جديد.
بعد اللي سويته الثقة فيك وفي عيالك وفي كل الناس صفر.

شوفي لاتعيدين وتزيدين فلوسي فلوسي تراك زودتيها،
تغطى ونام أو مسوي نفسه نايم مدري عنه.

Lofty 13-02-2016 10:48 PM
رد: كيف أنفصل عن زوجي مادياً..
 
اقتباس:
المشاركة الأصلية كتبت بواسطة أم دان (المشاركة 3373906)
قلته له ياأبو أحمد أبي صرافتي وكل قرش صرفته من راتبي(هذه المرة الأولى أناديه أبو أحمد عادة أناديه بإسمه)

نظر لي نظرة طويلة عريضة قال آخر شي توقعته منك.

قلت زين إنك توقعت آخر شي يصدر مني هالشي لكن أنا ماتوقعت نهائياً يصدر منك اللي صدر.

معناه إنت أنصح مني لأنك حاسب حساب اليوم ذا لكن أنا أهبل منك ماحسبت حساب هاليوم.

حتى الحلال أتحاسب عليه؟،

لاتنرفزني إنت تزوجت وأنا ماناقشتك ولا جادلتك ولا قلت لك شي سويت الحلال..خلاص إنت كمان مالك حق تناقشني في راتبي..راتبي حقي وحلالي..وماشاء الله مدام إنك تتحرّى الحلال خلاص فكر كيف بترجّع لي اللي أخذته..

طلع البطاقة وحطها على الطاولة وقرب عندي سلم على راسي وقال أنا وإنت اللي بيننا أكبر من الفلوس وأنا ماراح أزعل منك لأني مراعي نفسيتك.. كل شي لك ولعيالك ولا تضايقي نفسك..

قلت له هذا كان زمان ومدام صار فيه شركاء كل شي لازم يتغير ..

قال هي وطلقتها وش بقي ماعاد فيه شركاء،،

قلت له اسم الله عليك وعلى حساباتك الدقيقة والمحروس ولدك ماله نصيب؟

هذا الضعيف الصغير حاسدته؟
قلت اي حاسدته شرايك؟
ومهرها اللي دفعته؟وبيتها؟
والأغراض اللي كنت تشتريها لها؟
حليب ولدك وأغراضه؟

فكر زين وعيد حسابات حياتك .
رغم اللي سويته أنا ماغلطت عليك ولا على ولدك ولا على أمه، رجاءاً لاتجبروني أغلط عليكم..

أبي أرضيك وش اللي يرضيك؟
مافي شي يرضيني ولا في شي يداوي جرحي.

صار يضحك ويقول أجل و ش تبين بالبطاقة
قلت أأمن نفسي من غدرك وغدر عيالك وغدر الناس.

أنا بعد هالعمر لو تطلقت منك وين بروح؟
شقا عمري لك ولعيالك وولدها؟
أنا من لي؟
عيالك صفوا جنبك قالوا مانتخلى عن أبونا،
طيب وأنا من لي؟
وين أروح ولاقرش ماعندي،
أطلع من بيتك بلاحمص بعد هالعمر،؟
رجع لي فلوسي أبدأ حياتي من جديد.
بعد اللي سويته الثقة فيك وفي عيالك وفي كل الناس صفر.

شوفي لاتعيدين وتزيدين فلوسي فلوسي تراك زودتيها،
تغطى ونام أو مسوي نفسه نايم مدري عنه.

هل فعلا طلق زوجته الثانية يا أم دان ؟؟!!!!!!!!!

أم دان 13-02-2016 10:53 PM
رد: كيف أنفصل عن زوجي مادياً..
 
والله ماهمني شي الحين غير صحتي
والله ياناس صار يجيني صداع غريب غريب مايفكني ولا بأي دوا

Lofty 13-02-2016 10:57 PM
رد: كيف أنفصل عن زوجي مادياً..
 
اقتباس:
المشاركة الأصلية كتبت بواسطة أم دان (المشاركة 3373918)
والله ماهمني شي الحين غير صحتي
والله ياناس صار يجيني صداع غريب غريب مايفكني ولا بأي دوا

الله يشفيكِ و يرفع عنك ...

ما هو شعوركِ بعدَ الحوار ؟
و هل تحسنت نفسيتكِ بعد استلام البطاقة ؟

أم دان 13-02-2016 11:02 PM
رد: كيف أنفصل عن زوجي مادياً..
 
الصراحة ماتحسنت نفسبتي ولا شي
لأني ماكنت أحب نوصل لها المواصيل
بالعكس جالسة أبكي
ماكنت أحب نوصل لطريق مسدود.

حاسة إني اتصرفت تصرف عكس أخلاقي
عزائي هو من أجبرني

Lofty 13-02-2016 11:09 PM
رد: كيف أنفصل عن زوجي مادياً..
 
اقتباس:
المشاركة الأصلية كتبت بواسطة أم دان (المشاركة 3373930)
الصراحة ماتحسنت نفسبتي ولا شي
لأني ماكنت أحب نوصل لها المواصيل
بالعكس جالسة أبكي
ماكنت أحب نوصل لطريق مسدود.

حاسة إني اتصرفت تصرف عكس أخلاقي
عزائي هو من أجبرني
لا حول و لا قوة إلا بالله ...
لا تبكي يا أم أحمد ...
اللي دار بينكم حوار و تفريغ ضيقة فصدرك بطريقة جدا صريحة و محترمة ..
فلا تحزني ابدا ...
اما الكلام فأفضل من السكوت و الضغط اللي يعقبه انفجار ..


الساعة الآن 04:52 PM.
صفحة 6 من 12
1
2
3
4
5
6
7
8
9
10
11
12
عرض 40 مشاركات من هذا الموضوع لكل صفحة

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©