رد : ها السالفة شغلت بالي اليوم واحس ان مكانة زوجي بدات تنزل
 

انا رجل سيكلوجي الرجال هذي طبيعه بهم خلقيه يحبون اطالة النظر

حتى الرجال المتدينين نفس الطريقه

رد : ها السالفة شغلت بالي اليوم واحس ان مكانة زوجي بدات تنزل
 

مشكورة يا دانة

ادري ان فيهم الحلوات والجذابات انا بس عطيت لزوجي توضيح ان النظر نظر لوين ما كان

رد : ها السالفة شغلت بالي اليوم واحس ان مكانة زوجي بدات تنزل
 

رد : ها السالفة شغلت بالي اليوم واحس ان مكانة زوجي بدات تنزل
 

الحين اقري تعليقي...

اختي قلوب...

تعرفين وين المشكله.. انج للحين مب مقتنعه بانج غلطتي... ترجعين تعقين اللوم عليه... لو هو ما سوا كنت انا ما سويت., لو هو ما ناظر كنت انا ما قلت.. و لو و لو و لو... هاللو اللي في عقلج يبي لها نفي من العقل و نقول لها اطلعي برع...:29::29::29:

تحيدين يوم قلت لج ركزي في كلام عاشق الجواهر... في امور نعاتب.. في امور نعطي نظره حزن.. و في امور نصعد فيها المواقف...

انتي ما تفرقين بين كل الأمور..

و مثل ما قالت لمني بشوق... هل انتي متأكده من النيه السيئه لزوجج؟ جوابج يقول لا لأنه ما تقدرين تدخلين في نواياه و ما في اي حركه تدل على نيته السيئه... بالنسبه لي على الأقل..

انتي تصعدين الأمور في كل المواقف... و هالشي ما يصير... لازم تتعلمين انج تفرقين..

تعرفين يا قلوب... حل مشكلتج سهل وااايد.. و الله انه سهل... اجاباتج على اسئلتي وضحت شكثر انتي وحيده في هالدوله... و نرجع لنفس الموضوع... المحور اللي مركزه عليه هو زوجج.. ابيج تكون عندج نشاطات... تكونين صداقات... دام انه ما يمانع طلعاتج مع البنات فليش ما تكون لج صداقات تقضين فيها وقتج...
عالمج الحين فيه زوجج و بس.. انا ابي عالمج يكون مقسم لثلاث:
1- عالمج الخاص
2- عالم زوجج
3-عالم الصديقات و الحياه الإجتماعيه

1-عالمج الخاص:
في هالعالم يكون كل شي محوره انتي.. انتي وبس.. تدلعين نفسج.. تشوفين فلم حلو تضحكين عليه لوحدج.. تكشخين لنفسج... الهوايات... السبا في البيت مثل ما علمتج... تقرين كتاب... تسوين اكله انتي تحبينها.. تحطين ماسكات على وجهج و جسمج.. يعني تدليل لذاتج و روحج فقط.... شي لج انتي و بس... شي تستانسين فيه بروحج فقط...

2- عالم الزوج:
هني تقومين بواجباتج مع زوجج و افكار اختي لمني بشوق وااايد حلوه... ابدئيها بالتدريج... علشان إذا زعلتوا يفتقد ذيج الأيام.. (اقول لج على شغله.. اليوم ابيج تعطرين مخدته بشكل خفيييييييييييييييييييييييييييييييييييييييف جدا من العطر اللي هو يحب يشمه عليج... خلينا نلعب في اعصابه شوي... و يا وييييييييييييلج يا سوااااااااااااااااااد ليلج لو طلبج و رفضتيه... عطيه بدلع و لكن شوي تمنع خفيف اونج يعني زعلانه...)

3- عالم الصديقات و الحياه الإجتماعيه:
زيارات لصديقات.. طبعا اول شي تتعرفين عليهم علشان بعدين تتزاورون... تطلعون مع بعض للتسوق... تروحون اماكن ترفيه مع بعض.. يعني عالم تعيشين فيه جو اجتماعي يبعدج عن الوحده اللي تحسينها...


أهم شي يا حلوه... انج توازنين بين العوالم الثلاث... يعني ولا عالم يطغى على عالم ثاني....

يمكن حد يتساءل.... ليش خليت عالمج الخاص قبل عالم الزوج... لأن في الوقت اللي انتي ترتاحين فيه نفسيا و جسديا... بتقدرين تعطين زوجج كل حقوقه و تأدينها و انتي مرتاحه..

اتمنى لج التوفيق اختي..

و سامحيني اذا قسيت عليج في اي شي.. اعتبرج اخت لي ابي لها الخير...

رد : ها السالفة شغلت بالي اليوم واحس ان مكانة زوجي بدات تنزل
 

لا يعلم بالنواااااايا ألا العليم ...
احسني الضن بزوجك فقط لا غير
واعفي عن ماسلف ...
هو غلط وبذل اسباب كثيره لأرضائك
وانتي ألى الآن تدورين حول محور لن يجدي ولن ينفعك بشيء سوا زيادة المشاكل بينك وبينه
وبصراحه اشوف انك عطيتي الموضوع اكبر من حجمه بكثير ...
معليش مو قصدي اغلط عليك ابداً لكن انتبهي لحياتك من تزمتك ...

رد : ها السالفة شغلت بالي اليوم واحس ان مكانة زوجي بدات تنزل
 

لكل شي حد كلامك على عيني وراسي وكل شي قلتيه حلو
بس حبيبتي انا ما قلت ان زوجي يوافق على اني اكون صديقات واخرج وياهم لا قلت العكس وهو مو مشجعني
حاولت اتكلم معه ما شجعني وقال لاتفتحين معي الموضوع ثانية وخلاص سكت وتعايشت مع وضعي
هو يطلعني ما يقصر عشان ما تكون عندي عليه حجة في اني ما اطلع وامل بالبيت
بس ناوية ها المرة بعد ما ارجع ادرس اللغة رح كون صداقات وان شاء الله اجد صديقة تستاهل هذا هو المهم

حبيبتي رح اوفيك بمستجدات اليوم تخيلي زوجي بعد ما قالي امس تصبحين على خير راح نام وفي الصبح خلاني نايمة فطر وطلع للشغل بلا ميسلم عليا طلع مع الثماينة صباحا وما رجع الا بالتاسعة ليلا جاب بعض الاغراض للمطبخ صلى وتعشينا بلا كلاام قعد شوي عند النيت قام قالي تصبحين على خير والحين هو في سابع نومة

والله قبل ما اقرا كلامك رحت لغرفتي تعطرت شوي وحطيت شوية عطر على وسادتو بس نام هو من النوع اللي ما يشتاق للفراش كثيرا يعني عادي عندو خصوصا اذا كنا متزاعلين وكان يشتغل كثير اخر همو الفراش

ما ادري ايش اسوي يا اختي طوول اليوم لحالي مع الشغل ومعكم ولما اجا ما تكلمن ولا شي هذا حالنااا عند كل خلاف
احس ان علاقتنا وايد تاثرت بهذه الخلافات المستمرة واللي تستمر اغلب الاحيان اسبوع

اي حياة هذه يا اختي انا ملليت احاول اتغير واشغل حالي بس لما القاه ما يحن عليا وما يتفهمني خلاص بمل من كل محاولاتي واخر شي افكر فيه اني اراضيه

رح ارجع اقرا كلامك واعلق اذا عندي تعليق

رد : ها السالفة شغلت بالي اليوم واحس ان مكانة زوجي بدات تنزل
 

انا احس ان عندو يد في اللي قاعد يصير معنا

لانو انسان ما يحب يتحاااور ماا يحب يوقف عند اي خلاف يتجاوز كثير وما يتوقف عند اي موقف هذا حلو بس انا انثى احتاج نتكلم احتاج نتفق احتاج نوصل لحلول احتاج نعالج كل شي من جذورو وبوقتو هو لاء تصرفو مع الخلاف انو ينعزل ويصمت زي ما يسوي الحين اذا رحت طلبت منو نتكلم بصدني ويقمعني ما يوافق من اول وهلة حتى اترجاه ولما يحكي يكون قاسي عليا وما يتقبل مني اي كلام لا يتقبل مني اي عذر
ابكي ابكي ابكي اقولو ليه تقسو عليا ويعصب يقولي ابكي حتى لو بكيتي دم ما اتحرك يقول اقنعيني بالمنطق انا ماعندي مع العاطفة
المهم يا اختي الحوار معو وايد صعب وبارع جدا في انو يجعلني انا المخطئة ,,,

كثيير من المرات احس اني على حق لكن حين نتكلم اصير انا المخطئة والله مع اني ما اقتنع بكلامو اتنازل عشان ما نستمر زعلانين

اقول اوكي انا عصبية وانفعل واصعد المواقف مثل ما قلتو واتسائل ليه ما يوقف جنبي مثل ما تسوون انتو ليه ما يساعدني ويتكلم معي ويسئلني ايش اللي يزعلك فيني والله هذا السؤال رح يخفف عليا وااايد

اتمناه لما اعصب وانفجر يساعدني ويهديني انا اتذكر من اول زعل لنا هو يتصرف شذي يصمت وينعزل لايام
انا تعبت منو تعبت من نفسي تعبت من كل شي
انا حابة اتغير بس هو مو مساعدني وانا محتاج انو يوقف جنبي بدل ما يزعل ويستناني اروح اترجاه وابكي
وانا تعبت من هذا الاسلوب تعبت من انو ما يفهم عليا وابكي واحس باهانتو عشان شذي ماا ابي اكرر نفس السيناريو
وبعد ما نتصالح اقعد الوم في حالي ليه بكيت عليه ليه ترجيتو ليه وليه وليه انا مافعلت شي يستتاهل كل هذا الترجي والبكاء
ليه خلاني اصير بتلك الحالة


يا اختي انا محتاااجة وااايد اتكلم معو بس صدقيني هو ما عندو الطاقة والصبر على انو يسمعني واهم شي يفهم عليا

ما ادري اذا فهمتي عليا انا ملخبطة وكلامي ملخبط
وما ادري ايش اسوي
اقول اذا استمر شذي زعلان مايكلمني وما يفهمني اترك له البيت لاني تعبت منو وتعبت من نفسي وهو مو مساعدني

رد : ها السالفة شغلت بالي اليوم واحس ان مكانة زوجي بدات تنزل
 

قلوب موجوده الحين؟؟ اذا موجوده ابي اكلمج...

رد : ها السالفة شغلت بالي اليوم واحس ان مكانة زوجي بدات تنزل
 

وينك حبيبتي تكلمي انا طوول اليوم حكون لحالي مثل البارح واللي قبلو

رح احتاج احد اتكلم معو في هذا المشكل
ورح احتاج احد اخذ واعطي معو
في انتظارك

رد : ها السالفة شغلت بالي اليوم واحس ان مكانة زوجي بدات تنزل
 

قلوب دخلت بس علشانج

عطيني عشر دقايق بخلص شغله في يدي و برجع لج

بس ابيج متواجده في هالمكان... في موضوعج... بنتكلم مع بعض شوي... اشوف ردج و تشوفين ردي في نفس اللحظه... عشر دقايق و برجع لج اوكي قلوووب