نصيحه لك طنشيه وعزي نفسك ولاتلتفتين له الين يجي لك ناااااادم
كل شي فالبدايه صعب وبعدين يصير سهل

انتي كل كلامك مابيه يتزوج ومابيه ياخذ غيري
انتي الان فكري باللي صار لك
طيب افرضي ذليتي نفسك زياده ورجعك لبيته وبعد كم يوم تزوج وحده من بنات عمه وش بيكون شعورك

نصيحه لك حبي نفسك وعزيها وانسيه تمااااما الين يندم على كل شي سواه
واطلبي من ابوك تحاكمينه على اتهامه لك اذا صار الطلاق لاقدر الله


الدعاء يصنع المعجزات
اسأل الله العلي القدير ان يرد لك زوجك ردا جميلا

موقفك صعب والله

وزوجك اهانك و اذلك بما فيه الكفاية عذبك والله
ومع احترامي لك ماهو رجال و شخصيته ضعيفه جدا جدا و راح يخترع لك الف مشكلة و مشكلة بعدين

و مشكلة زي هذي اشوف ان حلها الوحيد هو الانفصال صراحه و ماادري كيف تبغينه بعد الاهانة اللي جاتك
و مااتوقع انه فيه بنت ترضى على نفسها تبقى مع زوجها و هو يتهمها بانها لديها عشيق !!

الله يوفقك وييسر لك امرك

سوي مثل ما طلبوا منك الأعضاء والعضوات ولا ترخصي بنفسك وخلي ابوكي هو اللي يتصرف والحب اللي فيه مذلة والله ينعاف وزوجك هو اللي راح ينفر منك بسبب رخصك لنفسك خلي عندك عزة نفس وكرامة ولا تتصلين أو تسألي عنه فتصرفه يدل على صغر تفكيره فمن غير المعقول يحكم عليك بدون دليل مجرد كلام سمعه الله يظهر الحقيقة وترتاحين أكثري من الاستغفار وقول لا حول ولا قوة الا بالله *

انا مع هذا الرد

لاحول ولاقوة الا بالله ...

اسمعي يابنت الأنسان بدون كرامه يصبح بلا قيمه !

يعنى انتى مالك قيمه اذا ماعزيتي نفسك ورفعتيها عن هالأذلال الى معيشه نفسك فيه

شهالحب لعنه على الحب الى بيوطي راسك وراس ابوك الشخص الوحيد الي انتفض لك ودافع عنك ولاشك فيك و
لامد ايده عليك وجرحك جرحه قبلك واهانتك مسته وألمته أكثر من ألمك

خلاص فهمي يابنت الناس
مهما كان الحب ومهما كانت العشره في خطوط حمراااااااااااااااااااااا لازم مايتجاوزها وهو تجاوزها وداسها دوس وداسك معاها انتى وعياله

الزوج أمان وذخر وسكن ورحمه وزوجك مافيه من هالمواصفات شعره !

اى امان بتعيشينه مع هالبني ادم ؟ اى كرامه بيحفظها لك وهو الى ساهم بتلطيخ سمعتك ونشر السالفه ؟

اذا بترجعين ارجعي بشرط واحد مواجهه ورد اعتباااااااااااااااااااااااااااااااااااااااااااار غيره الطلاق ارحم

ولاتقوليلي اختى تتجهز لبيته والثانيه لفرحها الله يهنيهم بس ازواجهم رجال مو ذكور ماعندهم ذره خجل وادب واحترام مثل زوجك :@

عندك اب جوهره الله يحفظه ياأختي اذا انتى ماعندك كرامه عالأقل كرامه لوالدك المجروح الى أنطعن بعرضه لاتذلين نفسك وكافي اتصالات ورسايل !

اعذريني على قسوه ردي بس مقهوره منك وعليك

اولن ماله حق في عتابك عن الماضي*
كلنا فتحنا نت وكلنا دخلنا شات وكلنا سولفنا مع بنات وشباب *يعني بعد الزواج بنتعاقب !!!!!!!

ليش انتي ماعاقبتيه قبل لا تتزوجون شاف بنت او او لخ شنو هذا ابد ماله حق ومدام انتس واثقه من نفسك ليش تترجينه اتركيه واعرفي دعوة المظلوم مجابه ارفعي يداك وربك ينصرك*
وانبهك ابد لا تحكين عن الماضي وتقولي ل *اهلك كنت ادخل شات لالالا هاذ شي عادي وطبيعي *ومو يعني منحرفه وساقطه ولخ ابد لا تتذكرين هالشي ووقفي بوجهه وقولي شفتني خنتك سمعتني حكيت مع غيرك وخليه يجاوبك وعل فكره الشرع راح يعاقبه ويقولوا هذا اتهام بلشرف وغصبن عنه يجيب شاهد عليك او يسجن سنين مثل واحد نعرفه وتاب وعرف ان ربه حق*
زوجك يتابع محرمات ولخ وصار يشك فيك والعيب فيه*
وبرضوا زوجك يحبك بس من تصرفاته وتقلبات مزاجه اقص يدي اذا ما وراه حرمه تعبيه عليك وعاد انتي وشطارتك راح تكتشفينها وترا كل هذا لان شافوه يدلعك والحريم مضهرات الموت غارن منك وبلشن يولعن النار. الله يساعدك ورجع اوصيك عليك بلجوء لربنا الجبار بياخذ حقك منهم*
ربي لا يفرقكم*

وأستخيري في قرارك بارسال الرسائل ومحاولة الوصول اليه لان الله يعلم نفس زوجك ويعلم الاصلح لك بما انك ضعيفة أمام حبه فاستعيني بالله ليقويك ويرشدك لما فيه صلاحك وصلاح اابنائك

أسأل الله العلي العظيم أن ينير بصيرتك ويرشدك لما فيه صلاح دينك ودنياك