|
عفوا يااختي سيدة الموقف ..
لايعني بالضروره دفع الاخرين لجمع الشمل الاستهانه بالاعراض والشرف .. حقيقة تحسست من سطورك الاخيره ‘ .. / وعذرا على المداخله ياام حمودي |
زوجك مهتم فيك وخايف على بيته ومايبيه ينهدم وحتى حريص عليك مايبيك تتعبين أكثر وينتظرك تهدين
صحيح بأنه طريقته ماتعجبك وماتعجب أغلب البنات لأنه يجيك ويقولك كم كلمة ويهرب خايف يواجهك ويعتذر بشكل مباشر ويستصعبها على نفسه ، فيه رجال كذا ربي خلقهم بالطبع هذا لكن أفعالهم تدل العكس زوجك متخبط حاسس بغلطه وزعلان على نفسه وخلى نفسه بموقف محرج وبنفس الوقت مو عارف التصرف الصحيح ولو عرفتي إنه ماقال لأهله أي شي تأكدي بأنه دليل إنه حاسس بغلطه ومايبي مشكلتكم تكبر إن شاء الله ربي يهديه ويحنن قلبه أكثر ويكلمك ويرضيك ويرجع كل شي طبيعي لا تنسين الإستغفار وادعي ربك يجعل زوجك قرة عين لك ويكفيكم كل شر قلبي معك وانتظر الاخبار الحلوة بإذن الله |
الله يهدي سركم ويرجعكم لبعض
|
صبااح الخير
أول يوم يمر علي ونومي مقطع و ملخبططط و كاني خائفه من شيء ي رب يستررر مشكورين كلكم على تفاعلكم طبعا استمر حال زوجي ماكلمني الين المغرب بعدين اتصل وقالي شخبارك شخبارك شخبارك » أتوقع عادها 5 مرات واتوقع من سبب إعادته للكلمه أن بابا قاله أنها شرهانه عليك حتى كلمه شخبارك ماقلتها بعدين سألني عن حال حمود بعدين قالي الدكتور قال أجيبه اليوم جهزيه كنت انتظره يقولي ؤانتي تجهزي بس ماقالها بعدين قلت أنا ب اطلع أجيب فستاني تمنيته قال محتاجه فلؤس بس ماقالها قال يلاا شوي و أجي أخذ حمود قفلت منه ؤانا وربي دموعي تنزل مني لا شعوري ولبست حمود ونزلت ب أعطيه حمود وقالي أخوي الصغير أنه جالس ب السياره » يعني ينتظر أخوي يجيبه أخذه أخوي وقالي أن أمه معااه وقتها حسيت ب الراحه قلت يمكن مستحي لأن أمه معاه ومائبيها تحس وراح ولدي بعد ماستودعته ربه لما حت الساعه 9 ؤانا ب البيت كلمني قال وينك قلت ب البيت قال ب أجيب حمود وجابه وعطاه الشغاله وهو يسألها يقول أنا ب البيت و إلا لا على باله أكذب شوي رجع يكلمني و مبين من الأصوات اللي جنبه أنؤ فيه أحد » طبعا أمه ؤكان يقولي هأه متى ب ترجعين متى ب ترجعين كاني أنا اللي طالعه و قائله له ب أرجع مؤ المفروض يقولي هأه متى تبين أجي أخذك قلت له أنا ممكن تقوم من الأزعاج اللي عندك شوي سمعته بدأ يبعد عن المكان اللي هو فيه و تسكر باب وصار ينافخ ويقول هأه ؤش عندك قلت إذا على رجعتي للبيت مفروض انت اللي تجي تأخدني مؤ أنا اللي أجي قال طيب متى تبيني أجيك قلت ومافي خاطرك شيء تقوله لي قال لا زي ايش » وهو يستغبي قال ليه يعني قصدك ماتبين ترجعين للبيت مبسوطه ب العيشه في بيت أهلك قلت بيت أهلي بيتي مارحت بيت غريب وجلستي ترا مؤ نزهه وألا تغيرر جو قال أجل معحبتك العيشه ببيت أهلك طيب شرائك تسيرين علي لأنك مؤ عايشه معاي عايشه معهم قلت لا. مكاني ببيت أهلي مؤقت بس انت شكلك تبيها من الله قال إذا ماتبين ترجعين الله يهنيك فيهم قلت صراحه كلفت على نفسك » قصدي أنا انتطرر ب الأخير اطلع بهالحكي قام قال ؤش تبيني أقول أنا ماقلت لك شيء ؤانتي فسرتي كلامي على كيفك و اتهمتيني قلت لو الجمله مؤ صريحه أو حاولت تلف و تدور فيها ممكن أقول أني فهمتك غلط بس جملتك كانت صريحه مافيها تشكيك ولو انت مؤ واثق فيها مارجعت تعيدها مره و مرتين قال أووكي ع العموم اخليك و الله يهنيك ب أهلك » يعني أجلسي عندهم :) ^ أسلوبه كان منفررررررر ؤانا وربي كنت ب قد مااقدر ماسكه أعصابي أحس أسلوب النقاش و أسلوب الأخذ و العطاء ب يعطي الموضوع منحنى ثاني فكرت أسكت و لا عاد أرد عليه سيده المواقف كلامك وربي طبقته ب الحرف وقلت له أنؤ غلط علي واني أنا ماتوقعتها منه و أن لو له اخت ؤالله مايرضاها لها حاولت أجدبه ب كل طريقه بس حسيته جالس يستقوي كأنه مؤ هامه اللي صار بعد الكلمه أرسلت له بي سي. _ اكثر مَ يؤلمني فعلاً تفائُلي بِ شخص يفاجئني دائماً بِ خيبات مُتتالية ، والمؤلم اكثر اني ; لا اتوقف عن التفائل بةهَ ؛)) توقعت أقل شيء ب يقرأه لكن أنا و الجدار واحد للحين ماانفتح البي سي المعنى أنؤ. كبر المخده وناام ولا اهتم ؤبسس علموني كيف اتصرف أحس مافي بالي إلا أنؤ إاجل الموضوع كم يوم الين أقل شيء أخلص من حوسه زواج أختي وبعدين إشوف ؤش ب يصير بيني و بينه ؤالله جلستي ببيت أهلي كنت أتمنى يشوفها تأديب أو أني طلعت لااني زعلانه بس شكله مبسوط تدرون ليه لأن أمه تجلس في بيتها لحالها وكل ماقالها تعالي عندي قالت الواحد مايرتاح إلا ببيته قصدها أن زوجتك تتضائق مني ومن صارت السالفه لليوم وهي عنده ب البيت وهو شكله مرتاح لأني لو رجعت للبيت ب تقول ب أروح ل بيتي عشان كيذا مؤ جالس يجبرني ولو يبيني أرجع فقط عشان أمه مؤ عشان نفسه عشان أغير عليها جو البيت لأنها تطفش بسررعه قسما ب الله جالسه أحسه مائبيني عشان نفسه أو عشان أنا زوجته حبيبته لا بس عشان تسلك أموره و يرتاح من ناحيه أمه. ي رب اللهم أني أسألك رضاك و الفردوس الإعلى من الجنه لي و لكل من مر موضوعي برب |
لا يوجدُ رجل يهدي "السعادة" بلا مُقابل سوى الأب ♡”
تذكرتها وأنا أقرأ ردك الأخير سبحان الله أنانية الرجل فطرة فيهم ما أدري أنا أسلوب زوجك عادةً كذا ؟ من ناحية البرود واللامبالاة ! أو في هالمشكلة صاير كذا بأسلوبه اللي يرفع الضغط :( شوفي لو كنت مكانك بسأله سؤال مباشر إنت راضي علي ؟ لو قال إيه قولي الحمد لله وقفلي واجلسي عند أهلك لييين يجي زي ويتكلم زي الناس ولو قال لا ! قولي وش السبب ؟ غلطت بحقك بإيش ؟ وقولي له أنا ماجيت بيتهم إلا لأني سمعت منك شي جرحني وماترضاه لنفسك ورغم كل هذا ماسمحّت خاطري ولا بكلمة وحدة وكأني مااهمك وقولي له برجع للبيت مو علشانك .. علشان نفسي ماأبي أنحرم من الجنة لأنها متعلقة برضاك الله يهدي سررركم ويسخركم لبعض |
حتى وانا متملكه زعلانه من زوجي
ليه كذا الرجال حسبتهم سهلين لينين مثل الابو والاخو الله يبدل لك ولي الحال |
للاسف بعض الازواج يظن بكبريائه الطاغي انه ينفع معه ، مادري انه بيرضي الشيطان قبل كل شي
مادري وش يضره لو قال اسف حبيبتي مع بوسه وضمه وخلاص تنتهي المشكله زي ماطلع من لسانه كلمه صاروخ علي قلب الزوجه ، يطلع كلمة تطييب علي قلب الزوجه راس ماله كلام ، تحريك لسان فقط ... بس برايي عاجبه الوضع ، جت من الله ولا جت منه اعطيه جوه وبسلامته ، متي مابغي جا ياخذك ومعه رد اعتبار وعندي لك حل مجرب وفعاااال وانتي ساجده قولي ( ربنا هب لنا من ازواجنا وذرياتنا قرة اهين واجعل لنا للمتقين اماما) وقول ( اللهم اصلح فيما بيني وبين زوجي وجنبنا الشيطان ) وخليك علي هالموال مع كل سجده تسجدينها وادعي بقلب خاشع صادق صدقيني مايمر الا يومين الا وحالك مع زوجك راجع علي احسن مايكون ان شاء الله* |
شوفي ياعزيزتي . انت ِ ادرى منا بتصرفات زوجك اي :
قد يكون تصرفه لامبالاه فعلا .. وقد يكون لايحسن التعبير او الكلام فلما يتصرف معك كما يجب او كما تحبين .. وبعض الكلام يكون منبعه حب بس ينقال بطريقه نفهمها بشكل عكسي .. انا مره انقالت لي الله يهنيك باهلك ههههه لانه غار كوني جلست عندهم ولا طرالي اسافر .. فهمتها بالاول غيره .. وبعدين فهمت ان منبعها حب وغيره .. وقد يكون من رجل اخر لامبالاه .. وكلمة والدته انها ماترتاح الا في بيتها ترى الاغلب يقولها مو تقصير ببيوت الاخرين لكن هكذا هي الطبائع ولاتهتم كثير بالامر انتي طيبه وان بقيت بالبيت ياهلا وان ارادت الذهاب ففي حفظ الرحمن .. الحديث يطول .. فالان استهدي بالله .. وفكري بهدوء .. جربي تعاتبينه بمسج عتاب محب .. وواضح وصريح بس يبقى احتفاظك لكرامتك واحساسك بغلطه .. وبعدين لما قالك متى ترجعين ورديتي كان قلتي الوقت ايش حنقص منك .. مااقصد انك ع غلط لا والله بس الحياه مسايسه .. والماما ماشاء الله فاهمه اجلسي معاها وقولي لها هل تشوفي زوجي اعتذر بما فيه الكفايه..؟ هل تشوفيه حس بخطاءه الكبير اتجاهي ..؟ ووقتها ممكن دخلي والدتك بالموضوع بدون مايعرف وتناقشه في الموضوع .. دعواتي لك ِ .. |
اقتباس:
ودعائك رائع .. جزاك الله خير ..‘ |
زوجك يتمنى انك ترجعي بيتك بس يبغاها تجي بطريقة مايحس ان فيها خنوع وتتطبيق لكلامك لان بعض الرجال يفسرها بضعف الشخصية اوتقليل من مكانته كرجل
والله كل كلامة يدل على انه يبغاك ترجعين حتى لمن يتصل ويسال عن حمودي هو قصدة يطمن عليكي بس مايقدر يقولها لاحظي انه لمن يتصل يبغاك انت اللي تتكلمي وتفتحي الموضوع ويبغاها تجي منك وهو حاسي بالغلط اللي سواه في حقك بس صععععععبة عليه انه يعتذر وهو عاااااااااارف ومتاكد انك مو غلطانه بس يحاول يجرك في الكلام في التلفون عشان يحسسك انه انتي غلطانة والعيشة عند اهلك عاجبتك وما تبغي تخلصي الموضوع ... عشان تحسي بانك غلطانه وترجعي بسرعة زوجك يكااابر بس اكيد في النهايه راح يعتذر لاتتصلي عليه اصبري شوية وهو راح يتصل هو عارف ومتاكد انك مستنية اعتذاره وهو متردد عشان بنظرة زوجك انتي اللي حتنتصري عليه بأعتذاره للاسف تفكير خاطئ جدا واغلب الرجال ولا اعمم على شاكلة زوجك بس من تصرفات زوجك متاكدة انه راح يعتذر بس انت لا تاخدي وتدي معاه في التلفون خلي كلامك رسمي ابتعدي عن الانفعال في كلامك معاه ولاتذكريه بانه لازم يعتذر عشلن ترجعين هو يعرف كيف يتصرف وانه المفروض يعتذر اقل شئ .. لاترسلي له اي رسالة...اللي عليكي سويتيه ماعليكي غير الاستغفار والدعاء |
| الساعة الآن 10:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©