|
ابني الكريم أحمد:
وزجاكم الله والمتبعين خير الجزاء لعلي أسمع هنا ( من غير قصور فيك ) وجهة نظر فجر لتقييم الموقف وما الذي يمنعها من التطبيق ( من عقلها خوف أو خجل ) مع رؤيتك لموفقها وبالامكان تغيير التمرين بأخف بإذن الله أو معالجة سلبيات التطبيق. |
فجوره ننتظر ردك حبوبه
انتي قويه ورائعه ولكن الحمل يتعب ولكنه جميل وممتع تمتعي بحملك ولو انه متعب تمتعي بكل لحظه وضعي يدك على بطنك وكلمي البيبي فهو يسمعك وان قرأت القرآن الكريم يسمع ووقت يشد بطنك داعبيه وقولي له : حرام ماما نتعبها لا تكبي كثيرا بالعكس اضحكي وشاهدي اي برنامج يضحك واضحكي من قلبك لاجل البيبي ينزل عم يضحك ننتظرك حببوبه الله يحفط لك احمد ويحفظك له انتي والبيبي هو الحمل يجعلك شويه تتحسسي معذوره عشان يطلع شبه بابا وياخذ من طباعو الحلوه نو نو نو ما تخافي رح يطلع لك لماما كمان هم هيك الاطفال يجو شبه ماما وبابا ياخذو من كل واحد شويه |
بابا أنا كنت حاسبة التمرين سهل بس ما قدرت صعب جدا
اكره الصوت العالي جدا جدا جدا ما اقدر ارد عليه مهما صار يشعرني بالظلم و الضعف و العجز .. ممكن لأني مسالمه كثير ، او لانه ارتبط عندي بالغلط و العقاب و غيره و بشخصية اقوي مني اللي هي أمي . أنا اصلا ما عرف أدافع عن نفسي مهما كانت المضايقات اتحملها و اسكت او بالكثير ابكي .. ماما ما كنت تسمح ليه أتكلم أبدا او ارد على اي اساءة بالعكس كانت تضربني اذا حد اشتكي مني بدون تسألني هل كلامه صح او لا و بدون لا تعرف اصلا الموضوع .. حتي إخواني الاكبر كلهم لهم حق بالإساءه ولهم حق الاحترام مهما غلطوا عليه .. اخاف من كل مشكلة لأني احس أني أنا اللي راح أتحمل الجزء الاكبر فيها و أني راح اكون خسرانة .. افضل طريقة عندي كانت السكوت او الاعتذار عشان تنتهي .. ادري انه غلط لكن لا إراديا أتصرف كذا ... احمد مو فأهمني و ضغط عليه بالكلام و الفعل .. و يقول انتي ما عندك الفاظ تصلح للخصام و صوتك واطي ما ينفع للرد و صار يتعمد يضايقني عشان ارد ، أنا ما أتحمل أسلوبه .. ... خاله قرين شكرًا لك البيبي فعلا تعبني كثيير . و ابو البيبي كمان .. * |
ابنتي الكريمة فجر :
هدي من أعصابك ونتعامل بآلية الترتيب وحده وحده نجرب اليوم وبكرى ترفعي الصوت بنقاش مع أحمد ثم تفاعل مع أهله وتوضيح وجهة نظرك بأي شي يصير بهدوء ثم نشوف النتيجة هذا تمرين خفيف. وطلعي حرتك من البيبي في أبوه. |
اقتباس:
فجوره افهمك وفهم شعورك عندي سكر مثلك حتى يومي هذا ما اعرف اطلب من اولادي شي ولااي شي ولاحتى الحفيده ما اعرف اصرخ فيها بالنادر جداااااا تافقد اعصابي ولكن وقت افقدها مثل ما قلت لك : الشرطه :30::30::30: ولكن اهمس لك وللجميع والمستشار ايضا فجوره بعد الولاده رح تكون اقوى ان شاء نفسيا وتقدر تطبق اكثرر وخصوصا بعد فترة النفااس وفجورة افضل فترة تتبدي التمرين في الشهر السابع من الحمل يتبعه الشهر الثامن رح تكوني اقوى وااقوى وفي الشهر التاسع وعند اقتراب الولاده وتعب البيبي ااااااااااااااااااااقوى واخاف وقتها احمد يهرب :24: اعرف السكر والحمل وقت يجتمعو مع بعض |
ما شاء الله عليك يا فجر ..
شكل البيبي تحرك عشان كذا تعبك ^__* الله يتمم لك بخير و يهون عليك .. اسمعي نصايح الخالة قرين عندها خبره ما شاء الله .. و كلنا صراحة نستفيد من توجيهاتها و روحها الطيبة .. جزاك الله خير يام حسن .. و كلنا ننتظر البيبي يا فجر الله يجيبه بالسلامة .. و ننتظر تكوني ام ، و تشيلي ابنك .. و يصير كل اللي مر عليك مجرد ذكري ، و تدعي لأحمد و المستشار .. و امك تعرف وقتها انك كبرتي .. و أكيد هي بعد بتشوف حفيدها ابن بنتها الصغيرة .. فشدي حيلك و الله يكون بعونك .. |
مشكورة خاله قرين ، و ام سفيان ...
بابا المستشار / السلام عليكم .. انا حاولت اطبق التمرين و مرة مع مرة صار عندي شوية شجاعة و طلعت كم كلمة لكن احمد راح خربها و كالعادة يزود من عنده ، و سوا اختبار قااااسي جدا بدون ما يقولي يبغاني ارد عليه ، لكن أنا ما قدرت لان خفت منه صراحة اول مرة اشوفه كذا .. نفس مشاعري وقت أمي تعصب عليه حسيتها مع احمد وقت عصب .. ماما لما تعصب لازم اعتذر لها مهما كان عشان اشعر أني أنا الاضعف وعشان ما تزعل مني وانا احتاجها ، فاعتذر لها عشان ترضي و تخليني أنام عندها و مع احمد نفس الشي ، اعتذرت له وراضيته .. احمد بعدين سوي التمرين بطريقة ثانية علي انه هو أمي و أنا ارد عليها طلبت منه انه يشيل الورقة اللي كاتب عليها اسم ماما لانها قوية جدا و تربكني بس رفض ، و طبقنا التمرين و قالي قولي الكلام نفسه لامك .. قلت أني ما اقدر فكان مسجل كلامي وقت التمرين و خلاني اسمعه وقال شفتي انك تقدري تتكلمي ، سمعته اكثر من مرة ... لما رحت لماما امل قالت لي روحي جيبي كاسات مع أني جابية لها من قبل رفضت و صارخت عليه و رديت عليها و قالت لماما شوفي فجر ما تحترمني و لا تسمع كلامي ، قلت لامي الموضوع و اللي صار .. و قالت اعتذري لاختك ، قلت لها انها هي المفروض تعتذر مو أنا زعلت ماما و قالت لي روحي بيتك ... ما دري حسيت ماما بتبعدني عشان لا تعصب عليه و لانها ما تقدر تسيطر على نفسها رحت و احمد ما كان موجود ، و لما وصلت اتذكرت أني ناسية مفتاح البيت ... و احمد مسافر .. اتورطت و ما فيه الا أني اطلب من خاله ام احمد مفتاح ، بس ما قدرت خجلت اروح لها وخاصة ان عمي ابو احمد موجود ... تمنيت لو سمعت كلام أمي و لا تكلمت افضل ..! جلست على الدرج افكر ... ادري بتقول غبية ! بس ايش اسوي أبدا ما اقدر اروح عندهم .. وهذا الموقف كمان نفس المواقف اللي مرت وانا طفلة لما ماما تطردني من البيت ...! بس شعوري كان ارحم من قبل و اخف بكثييير .. طلع ابو احمد و قالي ايش فيك انتي تعبانة ، يا دوب تكلمت و قلت أني ناسية المفتاح و قلت أني أستني احمد ، تخربطت بالكلام ... أصر اروح معاه تحت عند خاله ، طبعا ما اقدر اقول لا .. و خالة و بناتها استغربوا أني جيت .. ما عرفوا ان ماما طردتني و استغربوا اكثر أني نازلة مع عمي عندهم ، و يقولوا لإبوهم يا بطل كيف جبتها ؟! راح قالهم أنا عزمها علي العشاء .. أنا تعبت والله و شوي وأنهار انضغطت كثيييير ، لاول مرة اكون وحدي بدون ماما او امل او احمد تصدق يا بابا أني ما تكلمت نهائيا .. و انه أسوء و قت مر عليه ... و لمت نفسي كثير علي اللي سويت و حسيت أني غلطت وان تصرفاتي كانت صح و كلام أمي صح ... و امل صح و كل الناس صح وانا غلط ...! ولما أعطتني خاله المفتاح و دخلت البيت انهرت وبكيت و فرغت كل مشاعري و أمي دقت عليه بس ما رديت عليها ... بابا و الله دفعت ثمن التمرين غاااالي جدا .. |
ابنتي الكريمة فجر:
أرجو قراءة ردودك وردود احمد وردودي (إرجعي كم صفحه )الأخيرة بصوت مسموع ثم أكتبي لي هنا مشاعرك بعدها وتقييمك للتطور فيها ثم سأعود لأقيم نتئج أداءك للتمارين وفيه تقدم كبير ولله الحمد وليس المأمول ولكن درجة في التقدم تحسب لك. |
فجورة
وربي تغيرتي للاحسن والافضل واصلي حبيبتي هنا المستشار بيعطيك تمارين وبعد الحياة تعطيك تمارين وتجارب لازم تستغلين الفرصة وتطبقين اللي تعلمتيه تحــــــــــدي نفسك وقولي انا اقــدر <<الضربة اللي ماتكسرك تقـــــــــويك >> منتي مجبورة ترضينهم كلهم ارضي ربك ونفسك واهل احمد هــم اهل زوجك واهل اولادك يعني اهـــلك ماعاد صاروا اغراب انتي وحــدة مـنهم ويمكن يعطونك اللي ما عطوك اهلك ماتدرين ربك ماينسى عبادة وتقولين ليييييييه ماجلست معهم من زماان فجوره بيجي اليوم الي يجلسون تحت رجولك ويطلبونك تسامحينهم وحتى لو سامحتيهم لانهم اهلك ربي ما بيخليهم وربك ع الظالم الحين ولا بعد حين ننتظرك تواصلين اللي بدئتي به |
فجر حبوبه بسم الله وما شاء الله
تقدم راااااااائع انما الخطأ اللي وقع فيه احمد من غير ما يحس انو انتظر بروحي تعتذري منه وتراضيه كما تفعلين مع اختك وامك وامك بكل اسف لم تستطع ان تفصل بين بناتها وبين تلاميذها في الجامعه وهذا سبب طردهااا لك كما تطرد احدى تلميذاتها من الفصل اختك بجد زي اختي نسخه طبق الاصل انو ما عارفتك حامل والمفروض هي تهتم فيكي وتحضر طللباتك لا كل شويه اوامر وانتي عندك سكر الحمل لا تعتذري فجر هم اللي يجو يعتذرو منك هم الغلط مش انتي انما اعرف طبعك مثلي ياما اعتذر عن مصايب لم اقترفها لاجل فقط يتوقف اي خلاف بين زوجي والاولاد هو يعرف ويقول تحطي التهمه فيكي او زوجي واخوته او اي سوء فهم لاحد ما المقربين لي وابتسمت وقت اضعتي المفتاح ذكرتيني بنفسي وتذكرت جلوسي على الارض او في الحديقه لا انا اداق باب الجيران اطلب مساعده ولا اجلس انتظر وايضا ادوخ لان وقتها معي السكر ولا احد يعلم انما هي نفس العوارض اذكر مره وجدت شباك المطبخ مفتوح وانا اخاااااااااااااااف خفت يومها من زوجي يعصب وقت يرجع من العمل ويجدني خارج البيت والاكل غير حاضر مع انو عمرو ما يدقق على الاكل ولا يهتم وخفت يعرف انو نسيت المفتاح تخيلته ابي وقت كان يعصب وقت امي تنسى شي مع انو اول زواااااجي كان عسل ولا يزعلني ولو اقترفت مصيبه ياخذها بصدر رحب ولا يعاتب او يكشر في وجهي اواواواواوا يومها اخضرت كرسي وفتحت شباك المطبخ ودخلت انما ما تسأـليني كيف عملتها او تطلبي مني اعيدهااااااااااااااااااااا واجمل ما كتبتي عمك ابو احمد ووقت ادخلك الببيت والله هالناس طيبه وتحبك وفرحو اول مره تدخلي بيتهم لوحدك وعزمك على الغذااااااااااا هالمره ما تكلمتي المره الثانيه رح تتكلمي ان شاء الله اقول تقددددددددددددددددددددددم رااااااااااااااااااااااائع واكثر مما توقعنا والحمد لله رب العالمين وهمسه في اذن احمد المره الجايه مشي الامور عادي ولا كأن حصل شي ومن غير اعتذار تتعود فجر على ذلك مع اختها ووالدتها وارجع اضحك وامزح ولا كأن حصل شي او اخفض صوتك تتحس انو قدرت توقفك عن استفزازها هذا مهم بالنسبة لي يعادل رفع الصوت والرد اعتقد ان المستشار يوافقني على هالشي ومن ثم همسه ثانيه باذن احمد ارجو ان تفصل تماما بين الدروس اللي تطبقها وبين حياتك مع فجر بحيث انتهيت من التطبيق ترجع احمد الحبوب اللطيف الطيب او اكثر من ذلك وقت تجاوبك فجر وتقدر تخرج منها الصوت العالي والجواب فورا ترجع احمد الزوج اعتقد له اثر ومفعول كبير من انو تفضل زعلان وتدخل غرفة النوم وتنتظر فجوره تراضيك نحن نعلم كيف يرضى الزوج ووين ........... اها انت هيك قصدك ههههههههه |
| الساعة الآن 07:17 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©