|
الله يكون بعونك أختي روعه
بجد شي يقهر بس لاتنسي الدعاء ان الله يشغلها بنفسها ويصرف كيدها عنكم يارب |
أنا لو مكانك والله ثم والله ما سكت عنها لو ايش ما صار ايش اللي أكلم زوجي و هو يكلم أخوه و بعدين أخوه يروح يهاوشها كنت مت قهر على ما استنى.. روعه إنتي ثقي بزوجك تماماً أول شي،، و واضح إنه زوجك صادق بكلامه و حريص على بيته بس الوسخه هذي إتعدت حدودها ولا أحد يكلمها؟؟ أساساً ما خلاها كدا غير لما شافت إنه كل واحد ساكت عنها احتراماً لزوجها لو أنا مكانك كنت صدقت زوجي و كنت قلت له أنا واثقه فيك 100% و إنت أخلاقك و تربيتك أكبر من إنه تعبر امثلها بس لين هنا و كافي إنت اطلع منها و خليني أنا اتصرف و اوقفها عند حدها ما يسكت الحرمه الا حرمه زيها :16: و هذي تعدت خصوصيتي و ممتلكاتي و لا إحترمتني و حطت بكرامتي الأرض والله كنت دقيت عليها و طلعت إللي بقلبي عليها إلين ارتاح و كنت هددتها لو دقت على زوجي أو ارسلت مسج انك بتفضحيها عند أهلها و إنه عندك كل مسجاتها استغربت كل البرود منك يا روعه،،، صحيح انتي فاهمه و عاقله بس هذا مو كافي مع امثلها لأنها وثقه انك ما راح تسوي شي، هي عرفت طبعك و انتي لو واجهتيها مين قال إنه بينهدم بيتك؟ بالعكس انتي قاعده تحمي بيتك و فهمي زوجك و قولي له أبداً لا ترد عليها حتى لو إن شاء الله دعستها سياره، و مالك أي شغل فيها و قولي له لا يتدخل باللي راح يصير،، هذه شغلات حريم و نحنا نتصرف لوحدنا والله العظيم إنقهرت منها،،، لا و المشكله إنه كل العيله عارفين عنها اللبس و الكلام الميايع و ترك الصلاه و إتصالات وسخه و تدخن و و و و الكل ساكت؟ من جد ساكتين عنها الله يحمي لك بيتك و زوجك و عيالك يا روعه والله حزنت على بناتها،، الله يهدي لهم أمهم إللي مفروض تكون قدوه صالحه لهم |
الله يكفيك شرها والمفروض زوجك ينبه اخيه في عدم تواصل زوجته بالرسائل وغيرها
وانتي اسفيهيها وخاصة انك واثقة من زوجك الصراحة غريبة تتجرأ وترسل ويمكن تبغى تشيل الكلفة بينها وبين زوجك هداها الله |
و بعدين موقف أخو زوجك غريب،، فعلاً غريب ايش إللي خايف على بناتي انهم يضيعوا،، ايش باقي من ضياع مع أم مثل هذي؟ ما تصلي و تدخن و تعاكس الرجال،، و مو أي رجال لا اخوان زوجها ما الوم اللي طلقها بالثلاث و الله يرحمه أفهم بس ايش معنى ضياع؟؟ أطفال من دون أم ولا أطفال من دون تربيه و أخلاق؟ انتي قلتي إنه ما يصلي و مش بعيد إنه يدخن كمان صح؟ مستحيل أي رجال طبيعي يصبر على أشياء مثل هذه.. صعبة والله هذه ما تستاهل تكون زوجه عوضاً على انها تكون أم صدق الله تعالى (الطيبون للطيبات و الخبيثون للخبيثات) و صدق رسول الله صلى الله عليه و سلم (فظفر بذات ألدين تربت يداك) والله كاسرين خاطري بناتهم،، الله يهديهم و يهدينا جميعا ان شاء الله |
اقتباس:
ناحيتها ولما أقول لزوجي هالكلام إني أخاف عليه منها وإنها تجره عليها يعصب ويقولي قفلي على السيره المعفنه دي وأنسي ومالك غيرالدعاء يقولي أشتغليها دعاء عسى ربنا يأخذها ياااارب اللهم إحفظ لي زوجي وإحفظنا من كل شرومن كل سوء يااارب مشكوره نورحياتي على مرورك |
اقتباس:
بإذن الله أصلاً أنا بأدعي عليها إللي ماتخاف الله حسبي الله ونعم الوكيل مشكوره عيوني |
اقتباس:
قالت هادي محد يبغاها ومحد يطيقها والكل طردها وقليلة أدب لاتحترم أحد ولسانها طويل وتمشي بدون حشمه وأدب قلت لها والحل ..أنا في حاله كام يوم من عرفت عن رسايلها قالت دي وسخه وقذره وقالت انتبهي تراها تبغى تخرب بيتك من يوم حرمتي دخولها للبيت تراها خبيثه وعنيده وحتى لو كلمتيها ولآأرسلتي لها ماراح تسكت وراح تستمررفي الرسايل قلت لها والحل قالت مافي غير تكلمي زوجها قلت لها أخوكي إللي هو زوجي كلم زوجها وكإنو زاد حالها حسبي الله عليها قالت لاتخافي كلنا نعرفها ونعرف تصرفاتها ولمعلوماتك أخواني كلهم يشتكوا من أفعالها وإتصالاتها عليهم وكلهم قالوا لها لاعاد تتصلي علينا ومن ضمنهم زوجك مايبغى وجهها ولاأحد يبغى سيرتها لأنها أذيه وقالت لي مسكين اخويا أتلبش فيها وجاب هالبنتين الله يسترمايطلعوا زيها وقالت تتذكري أبويا كان مايطيقها ولايحبها وخففت علي وقالت ياروعه أمسكي على بيتك وزوجك تراه طيب ويحبك وربنا يبعد شرهالحرمه عنكم يارب |
اقتباس:
والبعض مايعزمها لمناسباتهم قليلة أدب وماتصلي وماتخاف الله وكاسيه عاريه وسافره إيش تتوقعوا منها الله يكافيها يااارب |
الحمو الموت
انتبهي يا اختي على زوجك وحياتك الله يفرجها عليك |
الله يكفيك شرها ...
بس ذحين زوجها على الاقل ما يقدر يمنعها من هذا اللبس العاري ؟؟؟ يعني مو للدرجه هذي ... وصورها اللي في تايلند ماكان معاها ... ؟؟؟ ليه يخليها كذا بغض النظر عن تصرفاتها الثانيه بس فيه اشياء ممكن يجبرها عليها زي الحشمه .. واشياء يحرمها منها زي الجوال ... لا يوفرها لها ... يعني زوجها اش دوره ... واش يستنى يعني تخونه مثلا عشان يفارق وجهها .. اتوقع كمان حيتحجج بالبنات .. والله البنات ينخاف عليهم منها مو من بعدهاااا .. |
| الساعة الآن 01:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©