|
اختي الكريمة .. انتي فاهمة كلمة رجل غلـــــــــــــــــــــط.. والاكيد انك فاهمه كلمة زوج غلــــــــــــــــــــــــــــــــــــــــــــط.. لان هذا الذي تعيشي معه لا تنطبق عليه هاتين الكلمتين .. يااختي اعطي لنفسك قيمتها وحقها .. اعانك المولى ,, |
Beta2 تسلمين غناتي أنتي خليتيني أعرف أني مو مقصره خليتيني أشوف أن الي صلحته معاه هو الصح عطيتيني ثقه في النفس من جديد بعد محطمها هو وجالسه أبين له أني مازلت واثقه من نفسي لو أكتب لك كل شي با التفصيل كان أنتي أول وحده تقولين لي ((تطلقي )) أنا الحين زوجته وصعبه أنشر الغسيل عشان كذا مخليه الموضوع ((مشكلتي بأختصار يعطيك الف الف الف عافيه اختي Beta2 على جهدك المبذول و أهتمامك الملحوظ والله ماقصرتي الله يكثر من امثالك يا بنت الاكارم على كلماتك وحروفك المشجعة كلامك جدا مقنع وواقعي وجربته لكن للأسف مافيه نتائج تختلف الطرق لكن المضمون واحد الخاينه الي معاه مسويه نفسي ما اعرف شي عنها يعني ما أجيب سيرتها لا في خير ولا شر حبيبتي لو(( مايعرف أني أحبه )) وسويت كل شي لا أجله كان ماسوى فيني كذا مثل ما قال الأخ سديد الرأي خضعتي له وصفه صحيح وحتى وأنا مريضه أخدمه وأقوم بوجباته هو أكثر واحد يدري أني أحبه و من ناحيه الكلام مو مقصره أبد حتى وانا زعلانه أقوله أحبك عمري روحي حبيبي ولمايكون سهران أول مايدخل أول كلمه أقوله له أشتقت لك حتى عند خواته وانا أستحي أتجراء وتغزل فيه لدرجه أنه يقول عني ((كذابه)) ومن ناحيه الا فعال أي حركه حلوه أشوفه أو أسمع عنها او أقراء عنها لازم أطبقها تدرين شنو يقول تصلحين تكونين ((ممثـــــــــله )) وراح تكون صدمه له لما أقول أبغى الطلاق لا أني أتهرب من الطلاق أربع سنوات وفجأه أطلبه وهو يشوف أني ما أستغني عنه وما أرفض له طلب ومبسوطه معاه الله يعطيك الف صحة وعافية وشكري لك واصل |
اقتباس:
شخصيته هي الي خلتني أخضع له ومافي مجال أني أعاند وأقول (لا ) صح أنا السبب أني رجعت معاه من غير ماعطيه درس رجعت خايفه والمفروض هو الي يخاف ولا ني مسحت شخصيتي الاصليه وجالسه استخدم أكثر من شخصيه عشان حضرته يرضى ومايعصب وينتقد ولا ني أعطيه من غير مقابل بس سويت كل هذا عشان لما أطلع من بيته أكون مو مقصره أبغى أطلع و أكون مرتاحه ولما أطلع من بيته مستحيل أرجع لاني ماقصرت ألف شكر على المداخله |
اقتباس:
راح أكتب لكم شي بسيط من شخصيته وهذا الي أكتشفته 1)ذكي يفهمها وهي طايره يسمع كلمه ويفهمهاثنتين 2)عنيد جدابس مايحب الي يعانده 3)غامض فيه أشياء هو يسويها أنا مو لا قيه جواب لها الى الحين بعض الاحيان يضحك وكلامي مو عاجبه وبعض الاحيان العكس يكون عاجبه وينتقد ويسوي نفسه زعلان 4) عصبي تهتز البيت أذا عصب 5 )صريــــــح ما يحب يجامل أبد ولما تمدحينه مجامله وتتغزلين فيه أنتي هنا كذابه لازم تمدحينه في شي فيه و لا يحب المبالغه في المدح 6) راعي أنتقاد لمما ينتقد بعض الاحيان تنزل دموعي أحس انه من عرفني ماشاف مني شي حلو 7 )قاسي يجيني وقت وصنفه أنه مو من البشر متى يكون الاحترام عنده لما أكون أنا وهو برى البيت وفيه ناس نعرفهم هنا يكون مؤدب وكل الناس تمدح أخلاقه يعني أشوفه مع أخواته غير مع أهله غير مع أصدقائه غييييررلييييش أنا با الذات مادري 8) ماينسى الاساءه أبد لو مهما سويتي يعني فكري مليووون مررره قبل لا تكلمين عشان ماتندمين 9)تكلمي معاه في أي شي أي موضوع في العالم يتكلم عادي وعنده ثقافه واسعه كل شي يعرفه بس لا تقولين ليش انت تسوي كذا؟؟ ليش انت غير؟؟ ليش حياتنا غير ؟؟؟؟ هنا أنتي لازم تحملين الي يجيك وغالبا يستخدم الهجر لين ما أعتذر وتفنن في طريقه الاعتذار ويكون الاعتذار مره وحده عشان مايعصب و طبعا أنا ما أحب أطول السالفه أنتظره اذا شفت أنه الموضوع طول أعتذر 10)الحــــــــــــريه مهمه عنده وأنا مخليته على راحته من الناحيه مو مقصره أبد 11 )عنده الجرأه عاليه مايخاف من أحد وذا بينتقم من أحد الله يعين الي بينتقم منه 12 )ما يحب النكد يعني لازم أبين له أني راضيه ومبسوطه وكل شي تمام 13 ) كريم جدا مع كل الناس الا معاي اصلح الله امركم أمييييييييييين تحياتي اسعدني مروركِ وفقكِ ربي |
|
اصبري واحتسبي اخيتي ... هذه الدنيا دار فنـاء والاخرة خير وابقى
وادعي ربك يسخر لك زوجك ويحنن قلبه عليك |
اقتباس:
لا تنسي الاستخارة ... ظلي استخيري كل يوم وبكل خطواتك تجاه الطلاق .. واذا صار الطلاق يكون الخير فيه واذا ما صار يكون الخير برضه لانك استخرتي ... يعني اتركي القرار بيد رب العالمين وتطمني انه القرار الصح لانك توكلت على علام الغيوب . لا تندمي على أي لحظة صبر أو جهد بذلتيه في سبيل إنجاح زواجك .. هذا كله باذن الله بميزان حسناتك وما خسرتي شي بمعايير رب العالمين . ربي يعوضك وييسر أمرك للخير . كل الخير دنيا واخره |
نظراً لكمّ السلبيات التي في أغلبها هدر حقوق ومساس بكرامة، ثم النظر إلى عمرك وسنّك ورغبتك في الحياة أجد أن التسريح باحسان هو خير الحلول لكما فأمامك سنين لا يمكن ان تعيشيها بهذه الكيفية.. على الإطلاق.
أخوك. |
: |
سبحان الله ,سبحان الله, واكررها لماذا هذا الاسلوب ,لماذا هذا العناد ومن زوج يصلي ويعرف ربه قال الرسول صلى الله عليه وسلم اتقوا الله في النساء ,اخيتي اهنئك على صبرك والله لن يخذلك ابدا فاجتهدي في ارضائه
اليك عزيزتي بنصائح سيدة الموقف فانا اشاطرها الراي واسال الله ان يفرج عنك كربك ويهدي زوجك عليك ولا ينظر الا لسواك وكما تحبين |
| الساعة الآن 08:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
