|
اختي انا ما اكذب عليك ادمعت عيوني من كلامك وقسوته في بعض الكلمات لكن والله مازعلت منك هاذي وجهت نظرك على عيني وعلى راسي
يا عمري أنا أعتذرت مسبقاً قبل ما أكتب لك ردي ، وأكرر إعتذاري منك وأسفي إذا جرحتك بكلامي وصدقيني قسوتي عليك كانت متعمده .. بالمناسبه أنا بمثل وضعك عندي ولدين الكبير خمس سنوات والصغير سنة ونصف ، ووالله ما قسيت إلا لسبب الأطفال ولا شيء غير الأطفال ، ويعلم الله أني قاسييييت كثييير أكثر مما تتصورين ولن أفصل أو أكتب المصائب التي مرت علي لأني أرتجي الأجر فقط من الله سبحانه وتعالى على ما قاسيت وعلى ما رأيت ( الله لا يحرمني ولا يحرمك الأجر ) ، ما أبغى أي تعويض على عدم التقدير اللي لاقيت ولا على أي شي قدمت عوضي على الله سبحانه وتعالى .. ولدي الكبير تخيلي يسألني بين فترة والثانية بتتركينا مثل ما تركنا بابا ؟؟ وأحياناً يشتاق أنه يقول بابا ويناديني هو وأخوه الصغير بها ، ويعلم الله ان تعلقه فيني زاد بدرجة ما تتصورينها مكان ما أروح يروح ولا يصبر أتركه ربع ساعه الا يجي ويطل في المكان اللي أنا فيه ، وسألته لييييش ؟؟ يقول أخاف تروحين وتخليني ما عاد ترجعين مثل ما سوى بابا وخلانا .. ما أفكر أبداً أتركهم إلا بحكم من الله سبحانه وتعالى وما يفرقنا ان شاء الله الا الموت .. ولا أتخيل بيوم من الأيام أني أتخلى عنهم عشان نفسي بزواج أو بغيره .. الله يحفظهم ويخليهم ويحفظ لك عيالك ويخليهم لك .. ما تدرين وش يخبي المستقبل ، وما تضمنين حياتك الجايه ـ أنتي أصلاً متأكده أن أبوهم بياخذهم إذا تزوجتي صح ولا لا ؟؟ تضمنين بعد ما ياخذهم يخليك تشوفينهم مره ثانيه ؟؟ تضمنين يلاقون حنان وحب وعطف من زوجة أبوهم أو حتى من اللي بيعيشون معهم بدالك مثل عطفك وحنانك ؟؟ الأم حتى لو تقسى تظل أم قسوتها ما توصل لقسوة غيرها لأنها أم وقلبها يعورها على أولادها وقسوتها لمصلحتهم .. ياعمري على اولادك صغار صغار صغار ـ ( ويعلم الله أنا انحرق قلبي عليهم ) . 900 كيلو!!! فاهمه اش يعني 900 كيلو ؟؟ مسيرة يوم ، تخيلي يوم يمر بدون ما يكونون بحضنك ؟ يا عند أهلك وأنا عارفه ( عند أهلك بأيدي أمينه ) أو عند أبوهم وما تدرين وش مصيرهم ؟؟ إذا أنتي مقتنعه بقرار زواجك انا ماكان هدفي أبداً أبداً يعلم الله اني أخرب عليك الله يوفقك ويسخر لك اللي يخاف الله فيهم وفيك لكن المستقبل ما تدرين وش مخبي لك ، وقلت اللي قلت عشان تفكرين مليوووون مره وتحسبين لقرارك مليون حساب ،، أعتذر مره أخرى ووفقك الله في أي قرار تتخذين .. |
أختي غربة الروح لاتعتذرين انتي اخت وغاليه والله ما ازعل منك
ومشكوره اختي على الدعوه الله يخليلنا ضنانا وكل مسلم يارب الله يوفقك ويسعدك دنيا واخره ماقصرتي يالغاليه |
يا اختي بما انو قال بدو يسعدك في حياتك ويحط ولادك في عنية
ويحفضهم وافقي عادي يا اختي ما فيها شي الله يفرجها عليكي ويكون بعونك |
اختي الفقيرة الى الله التردد في أمر الزواج معناته لازواج من خطيبك الحالي أفضل والعيش في بيت أهلك معززة مكرمة
لأنه سبق لي أن تقدمت لواحدة وكانت مترددة فانتهت بعدم الاتفاق لأني أنا وضعتها بالصورة فتراجعت قد تختلف الحالات عن الأخرى والصدق هو أساس الزواج الناجح وماتملكونه من معلومات دقيقة عن المتقدم لخطبتك ومامدى تقبله لأولادك وفي النهاية ضعي شروطك يكتبها المأذون لأنها تجربة جديدة لك ومن حقك المحافظة على حقوقك والله يوفقك ويرزقك الزوج الصالح |
اقتباس:
الله يوفقك ويسعدك دنيا وآخره مرورك صفحتي شرفني |
اقتباس:
مرورك صفحتي اكبر شرف لي أخوي ونصيحتك تاج على الراس لكن من جد انا محتاره |
اقتباس:
بالنسبة للرجل لايجب ان يتردد لأنه لايعيبه شي وهو المقدم على خطوة الزواج ويبحث عن زوجة بالنسبة للمرأة هي التي تفكر وتتردد فمن حقها ان تضع الف حساب لخطوتها اقتباس:
فلا اقول لهم اني سألتزم بالمبيت والزيارة يوميا وانا لا أفعل ذلك ومن ثم يفشل الزواج لاقدر الله لأني ظهرت لهم بصورة أخرى... وبالنسبة لحالتي لاأقيس على حالة خطيبك لأنه تختلف من رجل الى آخر ولكن المهم ان يكون كل شي واضح بالنسبة له والله يوفقك اختي |
اقتباس:
مرورك صفحتي للمره الثانيه شرف لي وماقصرت على النصائح والدعوات من جد انا محتاجه نصائح اخواني واخواتي |
أخواني خواتي تكفون انصحوني قولو تجاربكم
الي تزوج من زوجه ثانيه كيف شعور الاولى وكيف تعاملك مع الثانيه هل انت عادل بينهم هل الزوجتين يشوفون بعض خواتي تكفون الي جربت من زواج عنده زوجه كيف تعامل الزوج معاها هل هو مسعدها او ظالمها هل تشوفين زوجته الثانيه او انتي رافضه وربي خايفه لأن الاجازه قربت والخطبه ان شاء الله بتكون رسمي وانا متردده كل يوم استخير ومدري طالبتكم بالله شورو علي مثل اختكم وما راح ازعل لو كان اسلوب حاد لأني عارفه من معزتكم لي كأخت تنصحوني الله يوفقكم ويسعدكم دنيا وآخره والله لدعيلكم شورو علي والي مجربين ومجربات ابغى تجاربكم انا اختكم وعارفه ماراح اتقصرون |
يا أختي قبل كل هذه الاسئله..
ما هو وضع الأطفال؟ وكيف ستعتنين بزوج جديد وطفلين بعمر السنه والسنتين؟ |
| الساعة الآن 02:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©