تلاقيها مقهوورة اكثر منك و جالسة على اعصابها .. استمر في التطنيش و لا تطلق ياخوي
استمر في التطنيش .. هي مستغربة تطنيشك و بدأت تخاف إنك تبدأ تهملها و تشوف لك شوفة تانية

ياخوي نحن حريم و فاهمين بعض :)
هذا معنى كلامها ، إنها بدأت تخاف من تطنيشك و كانت متصورة إنك راح تلاحقها زي دايما و تترجاها ترجع لك
و تذلك اكثر عند اهلها ،، طنشها كمان لحد ما تتأدب وشوف هي راح تلاحقك

عندي مداخلة سأضعها فيما بعد .

رازان ....الجليله شكرا لكما .


شقول ووش أخلي ..... آه يا قلبي .

البارح كلمني أخوها ( اللي دخل بيصلح بينا مو زوج أختي ) جوال عشان نجلس ونصلح وضعنا في هالويكند عشان هو بيروح العمل ولا بيرجع الا الويكيند الجاي ..........أنا قلت له أجلس وياها في مكان قبل ما تعتذر عن طردتها لي قدام أهلها ما راح يصير ذا الشيء ...قال لي طيب بطول المسألة 5 أيام زيادة لأني بروح العمل ....قلت له أنا ماعندي مشاكل في طول المدة أهم شيء مطالبي أبيها تصير مهما طالت المدة .......قال هو مافي مشكلة .

قلت له أقدر أشوفك شخصيا الأن .....وافق .....وجلست معاه ثلاث ساعات عشان يعرف مطالبي بشكل صحيح .
قال خلاص حتى يكون الكلام أكثر وضوحا سجل مطالبك كتابيا وأرسلها لي ....وأنا بجلس مع زوجتك نفس هذي الجلسة وتسجل مطالبها كتابيا ...وبعد ذلك يصير خير.

أخواني أخواتي :
طبعاً مطالبي هي أن لا يكون بيني وبينها أي تواصل إلا بعد أن تعترف بـ / وتعتذر عن فداحة أخطائها الأخيرة ( طردها لي أمام أهلها ...ورميها بنتي علي ولم تسأل عنها لمدة أسبوع )....بعد ذلك نتفاهم عن أمور علاقتنا الزوجية ومشاكلها.


اليوم الجمعة : اتصل بي أخوها عشان بجيبها الشقة بتأخذ اغراض لها ..قلت مافي مشكلة.

اتوا الى الشقة عند الباب اتصل على أخوها ...وصلنا ...نزلت أنا... لم أكلمها ولم أطالع فيها .. طلعت هي صعدت الى الشقة وأنا تحت مع أخوها نسولف سوالف عادية ..

بعدين نزلت ...ومشوا .

وأنا أصعد على الدرح كنت أحلم بأحلام ورديه أن تترك مثلا رسالة اعتذار أو شيء يليلن القلوووب .

ولكن هالأحلام الورديه صارت حقائق سوداء .

لاحظت أنها شالت صورها لييلة الملكة كلهم .......
.والأدهى من ذلك كله أن في صوره لي أنا وهي مع بعض لليلة الملكة قصت ( مزعت - شقت ) الصورة نصيين وأخذت صورتها ...وصورتي رأيتها مرمية على الأرض .>>>>>>> قلبتها مليون مره في رأسي ما ني عارف وش معناها الحقيقي .



أنا فقط أقول تعبت ولا أستطيع أفكر .....ولم ألجأ إليكم أخواني وأخواتي لمجرد الفضفضة أو سرد حياتي الشخصية و إنما طمعاً في مساعدتكم لي بالنصح والمشوورة .

فرج الله همك وزوجتك تحتاج الى من يوفقها عند حدها واستمر في التطنيش لما بعد العيد لعلها تراجع نغسها

وعند وضع حوار معها شدد على شروطك حتى تعرف قدرك

أخوي

لو إنه قلبها مو محروق من تطنيشك لها ، ما كانت قصت الصور و اخدت صورها
تبغى تلويي ذراعك علشان تروح تترجاها ترجع لك البيت

هي دحين اللي كان في راسها ما صار لها و انقهرت

أنا اقول لك هي في ايش كانت تفكر ؟؟؟؟؟؟؟؟

هي كانت تفكر :
1 - اعمل مشكلة بين اخوي و زوجته و اللي تصير اخت زوجها و اللي هو انت ، علشان تبغى تتفرج عليهم
و تقهر اختك .. حركات حريم
2 - من امن العقوبة اساء الأدب ، فهي أمنت عقوبتك علشان كذا اساءت الأدب عليك قدام اهلها
كانت تبغى تعتذر منها علشان تكسرك و تكسر اختك و اهلك و ما صار اللي في راسها و الحمد لله

المهم ، هي ما صار اللي في بالها و بدأت تدريجيا تحس بالمهانة عند عندها لكنها تكابر
و رسايل الإستعطاف اللي ترسلها لك ، ترى مو علشان سواد عيونك ياخوي .. لا ينضحك عليك تراها مكارة اسمح لي
( هي تبغى تستلين قلبك بالرسايل هذه ) علشان تروح تترجا اهلها إنك رجعتها و تثبت هي قدام اهلها إنها تقدر
تخليك خاتم في اصبعها و تمشيك على كيفها وو ماحد يدري عن اللي بينكم و الكل شايف الظاهر


حركة تقطيعها للصورة ، علشانها انقهرت من تطنيشك لها و توقعت إنك تترجاها تجلس ..


تبغى حياتك تمشي عدل و حياة اهلك و اختك و تنتهي من المشاكل ..
مابقي لك إلا القليل بإذن الله و صدقني إنها راح تتعدل بس يبغى لها تأديب وو قرصتين اذن ..كيف ؟؟؟؟

- خليك مطنشها كمان فترة .. و هي راح تستغرب اهمالك و تطنيشك و راح تخاف ..
- خليك عند موقفك ، اعتذارها منك عن الحركة الأخيرة اللي حصلت ..
- اخر شئ ، بعد ما تعتذر لك ترجعها بشروط ..إنه ما عاد تنقل مشاكلكم عند اهلها و ما عاد تدخل حالها في حياة اخوها
و تحترمك و لا بيكون لك تصرف اشد المرة الجاية

اخوي نحن حريم و نعرف ايش اللي يأدب الحرمة ،، لكن الطلاق مو حل أبدا