|
اقتباس:
فعلا اختي فلها حكيمة وردها جميل وانتي اختي الغاليه ربي يوفقك على ردك ويسعدك ويرزقك الوظيفه اللي تسعدك وتغنيك والزوج الصالح اللي يخاف الله فيك |
اقتباس:
يالله شكثر ردك أثر فيني لدرجة ماتتصورينها ربي يكتبلك بكل حرف رزق واجر وفرج ويبعد عنك الشر ويرزقك من حيث لاتحتسبين اختي الغاليه ردك علمني شكثر انا صغيره وضعيفه وماصبرت وبالنسبه للامور اللي تشوفينها نقص فيك انا ماوافقك فيها العلم تقدرين تاخذينه ماله عمر محدد اختي تزوجت وتركت الدراسه والحين بعد ماجابت عيال كملت ودخلت الجامعه وربي ييسر لها امورها والجمال كل خلق الله جميل واكيد فيك مواطن جمال ماقدرتي تبرزينها صح وانا مستعده اوقف معاك واساعدك مع اني واثقه انك جميله لكن ماقدرتي نفسك حق التقدير والوظيفه والله هي رزق من الله لكن مو بكل الاحوال تسعد ياما بنات شقو بسببها لطمع الاهل بالرراتب او الزوج او غيرها فاتركي الامر لله وامك صدقيني حاسه فيك بس في ناس طبايعها صعبه وماتبين حنانها انا اختي الكبيره ماعرفت تواسيني لو بكلمة مع ان قلبها طيب بس اسلوبها جاف طوري نفسك غاليتي ولاتيأسين صرت بدل لاتنصحيني انصحك هههه ربي يوفقك ويسعدك الله اعلم انك دخلتي قلبي اتمنى تقبليني صديقه نتعاون على طاعه الله وندعي لبعض دايم انتي وجميع بنات المنتدى |
اقتباس:
|
اقتباس:
|
اخواتي واخواني ربي يوفقكم جميعا تعجز الكلمات عن شكركم يعلم الله اثرتو فيني وعلمتوني امور كثيره اسفه تاخرت بالرد على الجميع بس كان دخولي النت متقطع وموضوعي اسحبه واعتذر عليه واستغفر ربي على جزعي فعلا الانسان ضعيف حسيت اني كبرت الموضوع ولكن قررت اصبر واحتسب الاجر والهي نفسي بنفسي بالخير والصلاح وتطوير الذات وبقوي ارادتي ربي يوفقكم ويسعدكم وجزاكم الله كل خير جميعا كل من مر بموضوعي ودعا لي او رد او حتى قراه ربي يكتبلكم اجره ويبعد عنكم كل شر |
يحياتي انتي,, كثير مثلك واردى,, انتي شوفي الاشياء الحلوه اللي عندك صح باقي ماتزوجتي بس راح تتزوجي وتفائلي ان زواج اختك باب خير لك وماتدرين الله كتب لها تاخذ هالرجال وتتزوج ويشوفونك الناس وتاخذين ااحسن منه قولي الحمدالله عندك وظيفه غيرك يتمنى قولي الحمدالله جامعيه غيرك ظروفهم منعتهم قولي الحمدالله تمشين وتتحركين غيرك بعربيات ولا مستشفيات,, كنت مثلك اشعر بالضجر وانا حياتي مش سعيده وانا كل مابغيت اعمل حاجه تتسكر بوجهي الابواب وانا وانا وانا بس عرضو علي صاحباتي مره زياره لاطفال مرضى منومين بالمستشفى مايتحركون من الغرفه وممنوع احد يزورهم اكثر من شخصين وتلبسين لبس وحاله عشان تدخلين وتشوفين جثث هامده الله يشفيهم ياااااااااااااااارب وشفت ناس مرضى بغرفهم قلت الحمدالله يارب على النعمه وشفت اطفال وكبار مجهولي النسب وكانو يشكون لي عن الوضع وحده كانت تقول لي مابي شي من الدنيا مابي اكل واشرب والبس واطلع واتزوج وامي وابوي عندي ابي اعرف من انا كيف جيت بس الحمدالله على نعمة النسب صدقيني الله سبحانه كاتب لك كل خير الله ارحم بك من امك اضعااااااااف مضاعفه لذا تأكدي انه كاتب لك خير خير خيررررررر كثير بس اصبري ولا تسعجلين على رزقك ولاتعاقبين نفسك بالذنوب نصيحتي لك اشغلي نفسك الفراغ يذبح اشتركي بدور تحفيظ ولا مركز اشغال يدويه وتنمية مهارات او نوادي رياضيه تعرفي على صديقات كثير |
بنت ناس جزاك الله كل خير على مرورك وفعلا اللهم لك الحمد على كل حال
اللهم لك الحمد حتى ترضى ولك الحمد اذا رضيت ولك الحمد بعد الرضا لك الحمد على كل حال |
| الساعة الآن 05:57 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©