|
الحياة الزوجية أكبر من مجرد إتقان الزوجة للطبخ أو معرفة الزوج لقيادة السيارة
أن اعارفة انك تقصد أهمية إن البنت تتسنع وتتعلم تطبخ قبل لا تروح بيت زوجها وهذا شيء طيب يكون في ايجابيات العروس ولا خلاف على ذلك ومو حلو إن الشخص لين يتزوج يكون كل أكله من بره لكن انه يصير شغله الشاغل مشكلة وبعدين هو يجرب ويشترط الشيء هذا قبل زواجة عادي جدا ومن حقه والناس قناعات قبل زواجي خطبوني ناس ومن بين الكلام أم العريس تسأل أمي وأنا جالسه بنتك تعرف تطبخ السؤال هذا كان بالنسبة لي سلبي مع إني كنت أطبخ وما عندي مشكلة ومن حقهم يسألونه ومن حقهم يتشرطون وبالعكس أشكرهم على صراحتهم لكن عندي الأخلاق ما تتعوض أما الطبخ الوحده ممكن تتعلم وتمشي أمورها مع إن التفنن فيه والوصول إلى أعلى درجات الاتقان موهبة فوق كونها مهارة وطبعا الناس يختلفون في تقدير الأمور والحمد لله كنت ومازالت أطبخ لزوجي وأحب أطبخ له لأنه يقدر النعمة قبل كل شيء ولا يزعل ويهاوش ويسب الساعة اللي أخذني فيها لو ماطلع الأكل زين لأن في بعض الرجال توصل عندهم لهذه المواصيل ولين يكون الاهتمام الأكبر منصب على الأكل وكيفيته وكيف طلع وحتى لو الوحده تعرف تطبخ يعقدها في حياتها ويقارن أكلها بغيرها بتكره الطبخ وسنينه وبالمناسبة في رجال ما يحبون طبخ البيت أذكر قريت مشكلة وحده انه زوجها يعشق أكل المطاعم ولا يحب أكل البيت يقول أكل المطهم أريح وأوفر وألذ حتى ما يعطيها مجال تجرب وتتفن يقولها لا تتعبين نفسك وإذا سوت يقول كان قلتي جبنا من مطعم فهي ودها تطبخ وهو لا على كل أقول للبنت تعلمي تطبخين بتفيدين نفسك قبل غيرك |
اقتباس:
الله يوفقك موش مشكله نجيب من المطعم لكن مره بالشهر أو مرتين من باب التغيير وكسر الروتين مو دايم من المطعم ولما نحب نغير تطبخ الزوجه.. اقتباس:
انا نحيف وطويل ولا ابي طباخه عشان اني احب الأكل بالعكس ما احب الاكل كثير ولما آكل اقوم قبل أشبع لكن أحب لما آكل... آكل أكل نظيف من زوجتي أو امي أو اختي اقتباس:
والا كيف شفتي العيب في طريقة كلامي القاسيه على الزوجه اللي ماتطبخ لزوجها ولم تري العيب في الزوجه اللتي تترك زوجها يأكل من الخادمه أو المطعم ولم تقول لها عيبآ.. اقتباس:
اذا مثل ماتقولين يقوم يطبخ لنفسه أجل لما تبي تروحي لأهلك والا للسوق ودي نفسك.. وإذا كان الرجل الغربي يساعد زوجته في عمل القهوه لاتنسي ان الزوجه الغربيه عليها نص مصاريف البيت بينها وبين زوجها مو كل شئ على الزوج مثل هنا فمن الطبيعي انه حتى فالبيت يساعدها.. لأنها ساعدته في مصاريف البيت وفي الغالب إجباري عليها تشتغل حتى تدفع مع زوجها مصاريف الحياه.. مو مثل هنا كل مصاريف الحياه في الغالب على كتوف الرجل طبعا انا اقول في الغالب هذه الحياة هنا وهناك ولكل قاعدة استثناءات انا عشت هناك فتره نظامهم كل واحد يحاسب عن نفسه في المطاعم والاسواق تحملي مني هالكلمه ولا تزعلين يمكن زوجك تغير عليك من الرجل الغربي إلى الرجل الشرقي لأنكي انتي ماكنتي معاه غربيه حسب القاعدة السابقه اقتباس:
ما اشوف ان طبخة غداء والا عشاء لزوجك بتأثر على دراستك والا المسأله تهرب وتملص من المسؤليات ..؟؟ أجل حتى الرجال ما بيصرف عليها ولا بيوديها لأهلها ولا بيوديها للسوق عشان ما تتأثر حياته العمليه ولا تتأثر وظيفته أو دراسته |
اقتباس:
الله يوفقك ويسعدك نورتينا |
أروع ما يكون أن الزوجه تتققن فن الطبخ
بس ماهو كل وقتها في المطبخ يعني إذا طبخت رفعت الرأس ويكون هناك تفاهم بين الزوجين ...أذا ملي خلق أو متعبه نطلب من برا ما فيه مشكله والمهم أنها تككون نظيفه طيب فيه حريم ماهرات دايم في الطبخ والنظافه . والبعض العكس بس لو أطبغت الرفلامره المدح كله لها دايم وكل وقت والسنعه ماكو شكر ولا مدح صرااااااااحه يخلي الوحده تموت همتها وتتنتكس |
اقتباس:
الله يسعدك ياشيخه كلامك واقعي واحصل عند البعض هداهم الله من الرجال والنساء |
كلامك صحيح اخوي ثلاثة ارباع اللي اعرفهم وتزوجوا
ما يعرفون يطبخون ... مع ان الطبخ ممتع جدا جدا جدا واذكر قريت موضوع هنا لشخص يشتكي من هالمشكله وكانت نهاية زواجهم طلاق والجوع يقرص وخصوصا اذا جيت تعبان وطفشاان ولا تلقى اللي تبيه تلقى نفسك تعصب على اتفه الاشياء والله يصبر كل مبتلى |
اقتباس:
الله يسعدك.. كلامك صحيح وواقعي يقولون الجوع كافر.. ولما يجي الزوج من الدام اكيد بيكون جيعان ومع الحر و التعب بيكون طفشان ويريد اكل نظيف ينسيه التعب والإرهاق مو تزيد الزوجه الحمل عليه وتقول له روح جيب من المطعم عشان انا حضرتي تعبانه والا ما اعرف اطبخ الزوج مايريد ذبيحه والا مفطح يريد وجبه خفيفه بعد الدوام عشان ينام ويرتاح ولا تنسى الزوجه أنها تؤجر على خدمتها لزوجها فكما تعفه عن الحرام في مسألة الجنس فهي تعفه عن المطاعم والأكل التافه من الخدم شكرآ لك أختي.. نورتينا.. أعجبتني وجهة نظرك.. تدل على تعقلك |
حياتك الجامعيه ودراستك أهم من الطبخ ..؟؟
ما اشوف ان طبخة غداء والا عشاء لزوجك بتأثر على دراستك والا المسأله تهرب وتملص من المسؤليات ..؟؟ أجل حتى الرجال ما بيصرف عليها ولا بيوديها لأهلها ولا بيوديها للسوق عشان ما تتأثر حياته العمليه ولا تتأثر وظيفته أو دراسته اي اهم من الطبخ .. صح ما بتاثر على الدراسه بس والي ماتعرف شتسوي يعني؟؟؟؟ اكيد بعد ما تتخرج بتتعلم .. وثاني شي هذه مو تهرررررررب وهو ليش ما يساعدها بالمطبخ؟؟؟؟؟؟؟ مو الحياه الزوجيه تقاسم؟؟؟ لا لازم يصرف علهيا وويديها عيل هو اشخانته؟؟؟؟ ليش مسمي نفسه زوج؟؟؟؟؟؟ عشان يقول ابهلشيااااء وطبعا وقت الدراسه في حلول وايد في شي اسمه مطاعم وفي شي اسمه طباخييين بكل محل.. وقبل كل شي انا راح اعترف له اني ماعرف عشان مايقول غشيته!! |
يا أختي
اذا مثل ماتقولين يقوم يطبخ لنفسه أجل لما تبي تروحي لأهلك والا للسوق ودي نفسك.. وإذا كان الرجل الغربي يساعد زوجته في عمل القهوه لاتنسي ان الزوجه الغربيه عليها نص مصاريف البيت بينها وبين زوجها مو كل شئ على الزوج مثل هنا فمن الطبيعي انه حتى فالبيت يساعدها.. لأنها ساعدته في مصاريف البيت وفي الغالب إجباري عليها تشتغل حتى تدفع مع زوجها مصاريف الحياه.. مو مثل هنا كل مصاريف الحياه في الغالب على كتوف الرجل طبعا انا اقول في الغالب هذه الحياة هنا وهناك ولكل قاعدة استثناءات انا عشت هناك فتره نظامهم كل واحد يحاسب عن نفسه في المطاعم والاسواق تحملي مني هالكلمه ولا تزعلين يمكن زوجك تغير عليك من الرجل الغربي إلى الرجل الشرقي لأنكي انتي ماكنتي معاه غربيه حسب القاعدة السابقه اولا عن زوجي الله لا يبليك دخل المشفى وذهب بغيبوبه ووقت صحي رجع لي رجل شرقي تعود على الدلال اطعمه بيدي وانا للحقيقه سعيده بذلك احسه تقارب ولكن لن ننسى كم موضوع هنا في المنتدى ونااااس كثر يستولي الزوج على مدخول زوجته ولا يعطيها الا بالقطااره الحياة الغربيه لها سلبيات وايجابيااات ليتنا نستفيد جميعا في حياتنا ونأخذ من ديننا العظيم ونعدل العدل بكل شيء بالحب والطبخ والعمل والمال والغسيل لان نعلم حتى الانجاااب لازم تعاون زوج وزوجه الحياة الزوجيه ابدااااااااع وانا معروووووف عني اذا جعت آكل اللي امامي واصاب بآلام فظيعه بالرأس ويمكن يغمى عليا والنتيجه طلع سكر بعيد عنك من الحياة الزوجيه السعيده الله يهني الجميع الحياة الزوجيه مش اكل فقط انه تقارب وحب |
:25::25: جبتها ع الجررررررررح وجنك مادريت :25::25:
عند الله أجررررررك يا ريلي آآنه صار لي سنة من تزوجت ولله الحمد توني اعرف بعض الاشياء :22::22: وبسبب الهوشات والضغط قررت اتعلم ... و ب الفعل بديت في دروس الطبخ بس قبل لا اتزوج المحروس ماكنت افكر إن الأمر يسبب مشكلة أو عائق بس عشان ألغي عن نفسي التهمه ف باقولكم شنو اعرف اسوي - معكرونه < وايد عليج :17::15: - دياي مقلي مشوي وفي الفرن بعد - شوربات - هههه اندووومي - أنواع البيض - قيمة - جبده :30: خلال سنة اعتبره انجاز ب النسبة لي .. / اقولكم سر ؟ ؟ ؟ آآنه اكتشفت إن البنت اللي ما اتعرف تطبخ تتباهى ب هالشي ! ! :25: يعني فيه بنات يعتبرون هَـ الشي ك برستيج ومن باب الرقة والنعووومة =) عن نفسي في بيت اهلي ، كانت امي تبي اتعلمني الطبخ بس كنت اقول آآنه وين اصلا والزواج وين ؟ خلني اكمل جامعتي وبدرس ماستر ودكتوراه و و و إلخ كنت ناوية اكمل مسيرتي الدراسية للنهاية لحد الدكتوراه واشغل عمري ب تخصصي :30::30: < قبل كان هذا طموحي والحين اقول بس خلني اكمل البكالوريوس وافتتتتك واتفرغ للطبخ < اتدهور طموحي =( :17: لحد ماتعرفت على المحروس ريلي وعرسنا =) ووايد نتهاوش على سالفة الطبخ مؤخراً ... وآخر هوشه قبل شوي ! مع إن بديت آخذ دروس في الطبخ !! ف من واااااااااااااااااااااااااااااااقع التجربة اي بنت في عمر الزواج ضروري تتعلم الطبخ وأي ريال بيجدم على خطوة الزواج لازم لازم لازم ياخذله وحده تعرف تطبخ ترى والله من صجي ومن واقع التجربة والله يعييييييييييييييييييييين | واصلاً الحياة مشاركة المفروض الريال يساعدها بشغل البيت ! لأن شغل البيت يتعب اكثر من الشغل بره !!! آآنه من الحين احاتي .. ريلي مو من النوع اللي يساعدني وباجي لي سنة وبتخرج ! معناته بيكون وراي + الشغل + تنظيف وتعديل البيت + تربية العيال < اذا يبتهم + اتزين واتعطر للمحروس ! اقتباس:
من خذت الليسن والمحروس صاير يعتمد علي بأشياء وااايد ! صرت اطق الدرب من بيتنا ل بيت اهلي مع إن في منطقه بعيده ! يعني يبيلي نص ساعه من منطقتنا ل بيت اهلي ف الحياة مشاركه مو كل هالمسؤليات علينا بس ! |
| الساعة الآن 08:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©