اهنيك اخوي عزوبي على الموضوع


افتكرت حاجه :)
في رمضان في ليله القدر

ماما كانت تقولنا ادعوا بكل الاشياء اللي في بالكم ولمن تصحوا من النوم تلاقوها تحققت

طبعا اختكم بالله متاثره بفوازير .....................


كنت اقول طبعا من ضكن الادعيه استغفرالله بس


يارب يصير شكلي حلو زي .........................

وياقلبي اول ما اصحى من النوم على المرايا

:( :( :( وانواع الاكتئاب

تنبيه : يمنع ذكر اسماء ممثلين وممثلات ومطربين يرجى الالتزام بتعليمات وقوانين الكتابة في المنتدى

وجعتني بطني من الضحك .. الله يسعدكم دنيا و اخره ...

الحين تذكرت كم من شي :) >>> شكلي كل شوي بنط عليكم :) مو بيدي الذاكرة ترجع بالتقسيط الممل :)

من معتقداتي انه اللي فيه عمى الوان يشوف الدنيا ابيض و اسود بس :) وظل عندي هذا المعتقد لغاية ما كبرت و صرت بالثانوي :)
كنت احسب انه اللي عيونه خضرا يشوف الدنيا خضرا و الي عيونو زرقاء يشوفو كل شي ازرق و كدا :)

كنت اسمع عن الاصبع الزايدة .. و احسب انها اصبع تطلع باليد ...
وبعد فترة اتعورت بظهر ايدي وصارت علامة .. فا انتهزتها فرصة و كنت اقول لزميلاتي بالمدرسة
شوفوا هذه العلامة .. طانت اصبع زايدة .. كان عندي اصبع زايدة طالعة من ظهر كفي و بعدين اخذوني وسوو لي عمليه
و البنات مساكين كانو يتعاطفوا معي و يقعدوا يسألوني اووو يوجع .. و انا انواع القصص الخيالية

كنا مفكرين البيبي يطلع من السرة ... كانت امي تقول لنا لما تحمل الحرمة و يصير بطنها كبير و يصير وقت طلوع البيبي
ربي ينزل ضوء من عنده للسرة تقوم تنفتح و يطلع درج و ينزل البيبي >>>> صار مسافر نازل من طيارة مو بيبي :)


لما كانت تطيح الاسنان .. كنا نستنى لما تطلع الشمس اليوم الثاني و نرمي السن للشمس و نقول يا شمس
يا شمس خذي سنتي و اعطيني سنة ذهب :) على بالنا بتطلع لنا اسنان ذهبية زي اللي عند جدتي :)
الله يسامحها جدتي زرعت فينا هذا المعتقد :)

الله يهديه خالي كان مسافر لفترة و بعدين رجع لارض الوطن و جاب لنا هدايا كثثير ... بعد فترة قعد يقول لنا لسه في هدايا كثيييييرة لكم ... و لما نسأل وينها يقول بتوصل بالشحن ... ووين الشحن طول سنييييين و احنا نستناه
سنيين وهو يكذب علينا .... لا وكان يقول انا اتزوجت و عندي ولد شعره ذهبي و عيونو زرق .. ان شاء الله بيجي بالشحن :)
ومن سنة لسنة .. لغاية مافهمتنا امي ...


كان عندنا اعتقاد انه اللي فيه قمل يصير مجنون لانه القمل يمص دمه :) .. و لما يصير فينا قمل و ياكثر المرات اللي كان يصير فينا :) كنا ننجن من البكاء على اعتبار انه خلاص ايام عقولنا معدودة :)

اعتقاد ثاني انه لو اي شي طاح للارض معناه انه الجني لحسه :) فا ما ناخذه لو ايش ما كان >> ماعدا الفلوس :)

مرة جدتي رحمها الله ارسلت خالي يشتري لها حبة البركة .. احنا نسميها 00 حبة سودا00
راح خالي و قال لصاحب المحل اعطيني حبة سودا ... فالبائع اعطاه كيس مليان ..
قام خالي يقول لا لا مابي كيس كامل امي قالت لي جيب حبة وحدة :) بس اعطيني وحدة :)
طبعا البائع قعد ضحك .. و خالي رجع البيت خالي الوفاض :) ما اقتنع بكلام البائع

جيتكم مع مواقف ثانية الله المستعان والله قعدت أفكر البارحه طلعت بلاوي متلتلة


في مرة أيام الصحة المدرسية لما كانوا ياخذونا العيادة ويعملولنا فحوصات وتحاليل...الممرضه اللي معانا قالت لازم تعملنا تحليلين انتوا عارفين أي تحليل بول وبراز وانتوا بكرامة (سااااامحنوني بليز اذا حامت كبودكم) ولازم نجيب العينات ثاني يوم....وجينا ثاني يوم ولا الصف مهرجااااااااان عينات وكل بنت تفرجي صاحبتها عينتها هههههههههههههههههه في وحدة من البنات قالت ليه مو معبين العلبة للآخر راح تضربكم الممرضة لازم تكون العلبة فووووووول ولا بتكوني مريضة ومو شاطرة وراح يرسبونكم في الشهادة (ايش دخل هذا في هذا:() وكملت بمصيبة كمان راح يعطونكم ابره كبيرة مثل اللي يعطونها البقر:24: وقالت شوفوا كيف انا شاطرة:18:........ وهاتك كل الصف من الخرعه في الحمام عند الماي كلنا عبينا مويه فوق العينة وسلمنا العينات للممرضة.......وبعد اسبوع جاتنا الممرضة:20: تصارخ ليه معبين ماي هههههههههههههههههه والبنات ميتين من الخوف وانا معاهم والسؤال اللي كان يطرح نفسه كيف عرفت الممرضة ان معبين ماي:(؟؟!!!!...جواب اشطر وحدة في الصف لان اللون لازم يكون اصفر مو ابيض يا هبلات:25:......ههههههههههههههههههههههههه والله في خاطري اقول انتي اللي هبله ناس شغالين على اجهزة هههههههههههههههههه

(سامحوني جد الموقف مقرف بس اعتقد الكل عنده مواقف أيام الصحة المدرسية)

كان عندنا في المدرسة حمام في نهاية المدرسة عند موقف الباصات تبع المدرسة......وهاتك يا قصص ان في بنت ماتت هنا في هالحمام وجاها جني وأكلها:23: ومن هالخراريف وأخذوني البنات وقت الفرصه عند عمود خلف المدرسة كان في دهان باللون الاحمر على الجدار وقالولي ان هذا دم البنت اللي ماتت:24:.....يوم من الايام مع نهاية اليوم الدراسي واحنا متجهين لموقف الباصات سمعنا صوت وحدة تصارخ واتصيح في نفس الحمام ههههههههههههههههههههههههههههههه:d (ماقدر امسك نفسي) وهاتك شوف الرعب اللي صار في البنات اللي اغمى عليها واللي جاتها حاله هستيرية وفي بنات اللي قالوا الجني قعد من النوم (هاذي حلوة الجنون تنام وتصحى) اهربوا يا بنات والله صارت ضجة مالها أول ولا تالي....وصاحبتي تقولي بسرعه اركضي قبل لا يمسكنا وانا اقول حرام البنت قاعد ياكلها جوا واتشوفون البنات كل وحدة فوق الثانية لين ما جتنا الناظرة والمشرفة ومستغربين نص البنات مغمى عليهم واللي ما تقدر تهرب واول ما شافوا الناظرة تمسكوا فيها ههههههههههههههههههههههههههههه وقالولها الجني يا أبله الجني قعد

وبعدها كل السالفه ان البنت اللي في الحمام تسكر عليها الباب ومن الخرعه قامت تصرخ:23: وتدق الباب هههههههههههههههههههههههههههههههههههههههه

والله ذاك اليوم رجعت البيت وارتفعت حرارتي ومرضت من هالقصة وصرت كل اتخيل اذا البنات نسوني وخلوني بهالمدرسة ايش بيصير فيني واقعد اصيح لحالي وانا اتخيل وصار كل ما اسمع الجرس نهاية اليوم أكون اول وحدة عند الباب من الخرعه......


كمان في يوم كان عندي عرايس العب فيهم ومع اللعب والخيالات الواسعه انتي اعاقب عروستي واضرربها فكنت كل ما اضرب عروستي:16: يجيني واحد من اخواني يقولي هاذي بكرة راح تشتكي عند الله عليكي وراح يدخلك الله النار زي الفرن (اكرررررررررررهه:19:) وكملت ععليه اختي قالت شوفي هاذي ماتت وخلاص راح تدخلين النار راحت تشتكي عليج.....فصرت اعمل لعروستي حليب (حليب رينبو ههههههههههههه المركز) واغسل وجها بالماي والصابون وما اخلي احد يلمسها عشان ما ادخل النار.......ههههههههههههههه


وكمان كانوا اخواني واخواتي يقولون اذا ايدك اليمين حكتك راح يعطونك فلوس واذا اليسار راح تسرقين ويقطعونها لك.....فصار عندي اذا رجلي حكتني كمان اقول اذا حكتني اليمين راح اروح مشوار حلو واذا حكتني اليسار راح اروح مكان حرام:( (تفكير منطقي ههههههههههههههههههههه:d)


كمان لما كانت امي تتكلم عن الجنه والنار كنت اتخيل الجنه مثل حديقة من حدايقنا العامة ولما كانوا يقولون كمان تلقي فيها كل ما تتمنين قلت انا راح اطلب بيت من الايس كريم والشوكلاته واتخيل اني آكل الدرج ههههههههههههههه:d (اشمعنى الدرج مادري:26:) أما النار زي الفرن في فرن كبييييييييير ويرموا كل الكفار فيه هههههههههههههههههههههه:d


والله في جعبتي كثير كثير لكن لنترك للباقيين يسمعونا ...حبيت الموضوع صار كل يوم لازم امر على هالموضوع عشان اضحك

هههههههههههههههههههه

تذكرت موقف


مره كنا طالعين والجو بارد وفيها ريح

ابني الصغير قلت له تعال البسك الجكيت ،، راح تموت من البرد:24:

الولد فرح و قال لي وكم حياه تبقى لي :23:


متاثر بالالعاب(( الي ما عدنا نعرف اساميها من كثرتها))
الي يلعبها:29:

حرم فلان موتيني من الضحك ومو قادرة اضحك بصوت عالي لاني بالدوام الله يسامحك

ام اثير مت ضحك على ابنك ههههههههه تخيلت يصير معي هيك مع ابني والله كنت تركت الجاكيت وفقعت من الضحك عليه