مهما بلغت بها النفسيه المحطمه والتعبانه لا تصل الي تجريح زوجها بكلام لا يليق به فالمراة يجب ان يكون لسانها نظيف جدا وانت كثر الله خيرك يومين وانت تتحمل هالكلام البذيئ انا كامراه كنت بذبحها فمابالك بك وانت زوجها يا اخوان الدين معامله فمابالك بزوجه مع زوجها انا من رايي ان تتعوذ من الشيطان وتمسح دمعك وتتركها لتهدء انت وهي ثم يتم التصالح ويارب تكون استفادت من هاذا الدرس وتتعلم الاحترام

خطيير انا انقهرت موعاد هي
انت تشكل خطر على الزوجات بنصائحك الخطيرة

ياناس ياعالم وشو هالنصايح الغريبة واحد يقول طق والثاني يقول سافر وانساها!!

كل واحد يغلط وهو عالج الغلط بغلط أكبر
حتى الدين ما شرع الضرب بهالطريقة ولا حتى بالأمور الكبار
واذا الشي مو عاجبك اترك الحرمة بيت اهلها ولا حدك تربيها بالتلطيش
حنا في مجتمعنا الحرمة اللي يمد يده على حرمة واعتقد الأخ من نفس المجتمع عيب عندهم الضرب مو عادي مثل بعض المجتمعات ما يتفاهمون الا بالضرب
يا أخي بعط هالتلطيش لازم رضاوة وتأمين نفسي ان هالشي لايمن يتكرر لا منطرفك ولا من طرفها
وياليت ما احد من اهلها يكون دري لأن شكلك بيكون بايخ لو بتروح تاخذها وهم عارفين انك ضربتها
وبعد ما تراضيها يبيلكم جلسة مصارحة وتأمين نفسي تكرر عليها مفاهيم تجعلها تحس بالأمان ومن خلال الجلسة أكد على مفهوم الاحترام وانك ممكن تتنازل عن أشياء كثير الا الاحترام لأن لو زال من الطرفين بتنتهون لنفس النتائج السابقة ( موتهديد بس توضيح ان هذه نهاية فقد الاحترام واحد يشتم والثاني يلطش وهذا مو الشي تتمنون حياتكم تكون عليه) وارجع اكد ان هالشي ماحيصير منك حتى لو هي غلطت لكن مايمنع تطلب منها وعدمقابل بعدم التكرار

والموضوع كله ممكن ينتهي برسالة عتاب منك لها بما معناه " عمري ماتخيلت ان توصل حياتنا لها الدرجة " وارمي الغلط عالشيطان في الرسالة واطلب منها تطلعوا وعطها الرضاوة ولما مررررة تكون راضية عيد وكرر بحزم على موضوع الاحترام


وفي نقطة ثانية انت شكلك من اللي نتقدون تصرقاتها كثير او يمدحون غيرها ولو بطريقة غير مباشرة فتلجأ من باب الدفاع لمهاجمتك ولو بعدها بشهر لأن الموضوع في ذهنها.. ف بليز اذا عندك نقد اطلب العمل بالصورة التي تريدها بشكل مباشر " اريد كذا وكذا" بدلا من " ليش هذا كذا" ولا تقارن
وكن بصفها في المواضي اللي ماتخصك عشان لا تضطرها تدافع زي موضوع مرة عمك.. أنا لو مكانها حثور بس مو بنفس اللحظة.. بعدها بكم يوم اختلق نكد :)
وهذا غلط بس مايمنع تنصحنا وننصحك

وبالله طمنا مررررررررررة ضروروي لأن موضوعك احس انه حياتي وحياة كثير غيري
يااااااااارب يهديكم ويصلح بينكم ويصلح اموركم

فيه بعض النساء إذا صار بينها وبين زوجها مشكله ماتناقشه لكن تعبر عن زعلها بالتصرفات أو يمكن عشان الدوره ترى تختلف الحاله النفسيه من شهر لشهر

مشكوره والله يعطيك العافيه والحمدلله الموضوع وصل للوالد وجزاه الله خير اقنعني بأنكم شباب والكل عنده مشاكل ومهما صار هي ام اولادك والاهم انك انت تحبها وهي تحبك وما دام هذي الشيء موجود فكل شيء غيره قابل للصلح وقالي انت ابدء بالاتصال بها لأجلي انا ثم لأجل اولادكم المهم انا ارسلت لها رساله وكتبت فيها انا مازلت زعلان عليك بس مهما صار انتي زوجتي واجبك ولا ارضى بالي سويتيه وهي الله يعافيها ردت علي وتآسفت لي واتفقنا على على الامور الغير صحيحه والحمدلله الكل ابداء ندمه ورجعت لي والحمدلله واول ليله كانت بالنسبه لنا مثل اول يوم في الزواج والامور الحمدلله طيبه صح هي غلطت بس ابسامحها هالمره ولو تغلط علي مره ثانيه لن انسى لها المره الاولى والثانيه وبالمناسبه هذي الوالد عزمنا على سفره على حسابه:17: الله يجزاه خير وان شاء الله ربي يوفقنا وكل المتزوج وكل مسلم.

ماشاءالله الف مبروك الصلحة


الله يسعدكم ويخليكم لبعض