![]() |
غموض السنين
اختي الغاليه الحمد لله على رجعتك للمنتدى ووالله انا افتقدناك وكنا نفكر فيك انا واختي لانا قريناموضوع لك برمضان الي عدى الحمد لله اني دعيت لك في مكه الله يرزقك بالزوج الصالح عاجلا غير اجل انتي ونايت وهمه عاليه وفي الانتظار وجميع بنات المسليمن يارب ونعم بالله ونعم بالله ونعم بالله ومن لي غير الله عزوجل الهي يثبتني وينصرني بحوله وقوته يارب العاليمن اشكر لك مرورك العطر وكلماتك الطيبه الله يجزاك الف خير يارب |
اقتباس:
|
اقتباس:
الدعاء سلاح المومن وهو اقوى سلاح والحمد لله اني متمسكه به دوما صحيح تغير الوضع في القوانين بس المحاكم مازالت فيها نوع من المماطله وبالنسبه لسوالك فا ابوهم انامتاكده انه يحبهم ويهمه مستقبلهم وايضا جدانهم يحبونهم ويهتمون فيهم لكن بالله كيف استامن ام تحرم ام من اولادها حسبي الله ونعم الوكيل ماكنت اتمنى توصل الامور لكذا بس الظاهر في ناس ماتجي بالذوق الله يسعدك وحابه اقولك على شي بعد اولادي عني خلاني اعرف اسرار الدعاء للابناء علشان كذا اتمنى من الله انهم يكونو كما دعوته سبحانه الله يجمعنا في الفردوس الاعلى ووالدينا وجميع المسلمين يارب اشكر لك ردك واعذروني على اللخبطه لاني والله هلايام ملخبطه شوي واملي بالله ونصره سبحانه |
وإن عدتم عدنا .. !
أم السوسه
أنا مررت بنفس ظروفك بسبب مشكله بسيطه حصلت بين العائلتين طبعا كالعاده ومثل كل مره .. حرمني من زيارة أطفالي .. سكتت وتغاضيت عن الموضوع في البدايه ........... لاحظت ان كل مره يزيد تمرد هذا الأخ ... رفعت قضيه عليه عن طريق المحكمة .. قلبت الطاوله عليه هو واهله .. ولقنته درس ما ينساه !! خليته يعرف ان الله حق ههههههههه يستاهل ازيدك من الشعر بيت بعد حضانتي لأطفالي بعد الطلاق طلبت بمصاريف لهم جلسوا عندي سنتين ....... طبعا اخونا في الله ما كان يرسل مصاريفهم سكتت لأن المبلغ اصلا كان مسجل في الصك .. يعني ممكن اطالب فيه في اي وقت ثم بعد زواجي الثاني سحبهم مني المهم بعد المشكله الأخيره طالبت بهذا المبلغ دفعه واحده رفضت انه يقسطه... إما يدفع أو يسجن واهله يسددوا عنه المهم كان هذا المبلغ كبير جدا بالنسبه له وفوق طاقته لأن راتبه كان بسيط وهو متزوج ويصرف على بيته وبيت اهله الحمد لله ماشاء الله كل الأمور الحين ماشيه تمام ومثل ما طلبت بالضبط بعض الناس فيهم لؤم عجيب و ما ينفع الطيب معهم |
بعد إذنك غاليتي (أم السوسة )..
حبيبتي ...( فرح) ... ياليت تكتبين لنا بالتفصيل قصتك مع المحكمة حتى نستفيد...أنا ناوية أرفع قضية... ما أدري إذا طلبي يضايقك..عادي ... أسعدك الله وجعل أيامك كلها فرح وسعادة.. |
السلام عليكم ورحمة الله وبركاتة اختي او السوسة والله والله اقرا كلامك وقلبي قبل دموعي بكاء وربي اكتبلك وابكي ودموعي غرقت الكيبورد حاسة فيك تعرفي ليه لان بنتي حنون لي 9 اشهر ماشفتها وربي بس اتحلم فيها واصحى من النوم ابكي من شوقي استخرت ربي بالمحكمة والقضية وسمعت انها تطول فوكلت امري لربي اه ياقلبي وربي والله العظيم ادعيلك من قلبي لان تعبنا وحيرتنا وحده بس ياوخيتي لانا الله بنتي اخذها وعمرها 6 شهور بس كان يجيبها يوم بالاسبوع ذحين قطع راحوله جاهه وكبار رجال قبيلتي يقول مالها بنت اهلي وصاحباتي يقوالو بتكبر وتجيك بس ويش يصبرني لحد ماتكبر عمرها ذحين 4سنوات
|
زينه الغنادير
الهي يسعدك يارب ويوفقك ويسر لك كل خير ويرزقك بالزوج الصالح عاجلا غير اجل مشكوره على دعواتك الصادقه ومساله رجال يا كثر من تتدخل ولكن بدون فاده الكل يقول ماعاد بنتدخل لان محد حشمهم حسبنا الله ونعم الوكيل مغروره بامي الله يسعدك مساله رجال ماعاد فيها امل ولكن الامل بالله عزوجل سبحانه واحتمال المحكمه كبير بس هالحين رمضان احسها صعبه اشكرك ياعسل والله يرزقك بالزوج الصالح يارب ودائما تفائلي بالحياه ويالخير في حياتك |
كان الله في عونك يا غاليه .. تأثرت كثيرا لحالك .. ولكن لكِ ياغالية حق علينا بأن لاننساك من دعائنا .. من ناحية أن أفيدك برأي .. فأنا لا أتوقع أنه بإمكاني أن افيدك .. ففاقد الشيء لايعطيه .. لم أجرب الأمومة ولا أستطيع أن أتخيل مساحة الحب والحنين والشوق التي تعشينها الآن تجاه أطفالك .. ولكن أعرف ومتيقنه بأنك تتألمييين كثيييرا .. لهذا لن أنساك من دعائي .. فهذا أقل ما أقدمه لأخت غالية على قلبي أسأل الله المنان الكريم الرحمن الرحيم أن يقر عينيك عاجلا غير آجلا برؤية أبنائك في أحسن حال وأن يلم شملكم ويصلح أحوالكم .. وأسأل الله أن يرزقك بر أولادك ويجعلهم صالحين مصلحين هداة مهتدين .. اللهم آميييييييين يا أرحم الراحمين |
اقتباس:
قرار النفقه سمعت عنه بس بالله كم 300 ريال وش تسوي هاليومين في عالاغلاء الحمد لله هي خير بس احس انها مره ماتكفي لهم هذا وبدون دراسه اجل مع الدراسه ومو مهم يصرف اولا لانها ان دلت على شي فهي تدل على دنائه الاب الي يمرمي اولاده ولايسال فيهم واذا بدت الدراسه اجلس ادور للاوراق والناس بدت بتجي لاكن بيحاول ياخذهم من المدرسه ويسوي افلام الي متاثر فيها واجلس كل يوم في قلق متى بيجو ؟؟؟ ولو صار لهم لاسمح الله شي بالمدرسه او في البيت على طول بيروح يسوي اي شي علشان يثبت عدم اهليتي لتربيتهم مافيه شي اسمه قضاء وقدر عنده لو انجرح الولد على طول انتي السبب اهملتيه وضربتوه اقولك مو عدم رغبتي في ان الاولاد يجون بالعكس امنيتي يعيشوا معاي العمر كله بس ماعندي استعداد احمل اهلي شي فوق طاقتهم الحمد لله ابوي وامي حولي ومومقصرين ويتمنونهم اليوم قبل بكره والوالد يقول يبغى دعوه حضانه بس انا متخوفه منها ومن المشاكل ال يبتنجر بعدها والوالد من اي شي يتاثر ويرتفع عنده السكر مو ناقصني يجيه شي بسبه تهور ابو الاولاد ليتهم يفهمون لن كل هذا راح ياثر على اولادهم بس وين الي يفهم حسبي الله ونعم الوكيل |
ولما يوزع الورق لازم يحتفظ مع الورقه الرابحه بالورق الأحتياط عشان ماتنكشف أوراقه بسرعه ويحكم على قضيته بالفشل قبل ماتبدأ
اعزمي وتوكلي على الله وتذكري بأن التردد أول سلالم الفشل واليأس يجب أن لاتكوني انهزاميه حاربي حتى الرمق الأخير لأجل أبنائك ولاتستسلمي للظروف أنت من يجب أن يقهر الظروف وليست الظروف التي تقهرك ونعم بالله كلامات قويه وكانك عشتي معانتي انا لست انهزاميه ولكن مسالمه ودائما اريد السلم واحاول ان احققه ولكن الظروف تجبرنا الى اشياء لانريدها باذن الله النصر جاي واشكر لك مداخلاتك المتكرره الي افادتنا جميعا الله ير لك الخير يارب ويرزقك التوفيق |
الساعة الآن 11:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©